ليلة عرسي يقول لي مغصوب عليج ش اسوي !

ا

انتصر لي يارب

New member
إنضم
2010/02/04
المشاركات
15
ساعدوني يا بنات ..انا بنت شيخ .. ابوي له مكانته بالمجتمع السعودي .. وجميله جداً .. ومخلصه تعليمي ومتدينه ولله الحمد ولا ازكي نفسي ..
انا خطبني شاب محترم .. ووسألنا عنه وقالوا عنه اوكى ,, وافقت
ومر على ملكتي 1سنه وخمس شهور .. يا بنات مطنش ولا يهتم ولا حتى احس بولع .. زياراته كانت الواجب مثل مريض .. او بالعيد ..ولاعقب السفر ولما كنت اساله يقول خليها عقب الزواج احسن ما نبي نتعود على بعض .. وردوده رسمية قلت يمكن انا ماعرف يمكن انا خخجوله ..!
وتوكلت .. ما كنت مرتاحه من داخل بس كملت .. ويوم العرس . . تناقشنا قال لي : اصلا انا تزوجت عشان خاطر امي .. والا انا مابي اتزوج .. صح انتي احب اخلاقج وانتي محترمه بس مش الزوجه اللي في بالي .. ولا الشخصية اللي ابيها ! وانا من داخل احسه في وادي وانا في وادي ..

بكيت من دم قلبي .. انسكر فيني شي .. وحسيت بألم .. حفظت سمعة هلي وعلاقاتي مع ربي .. واخرتها انصدم كذا !! بدون ذنب ,, وانا قررت اتطلق عقب يومين باروح بيت هلي .. صار لي شهر بس من تزوجت !
وتم يتعذر انه ظلمني معاه .. ويقول مو بيدي حاولت اتكيف بس ماقدرت ,, انا صرخت في وجهه قلت له انتم انانيين مافكرتوا فيني .. علقتني سنه بدون ذنب وخذيتني من بيت ابوي والحين بتردين له بدون ذنب .. ! ماعرف ش اسوي ...انا متسكره الارض بوجهي !!
 
الله يكون بعونك اختي

اول شي واهم شي ...انتبهي لا تحملين منه ..خذي احتياطك

بعدين اعطي نفسك مهلمة ..وعطية مهله..

تعرفوا على بعض ...وان شاء الله ترتاحون لبعض ومن ثم يأتي الحب ..

لكن لا تذهبي بيت اهلك وتطلبي الطلاق

اقرائي سورة البقرة يوميا بنية ان ربي يحنن قلبة عليك

وتصدقي بما تيسر لك بنفس النية

وربي يقدم اللي فيه الخير
 
يعني كيف ش اسوي .. ابوي مريض اخاف يصير له شي لأنه متعشم في الولد كثير .. والكل يمدحه وحاسب له حساب ! ..
وهلي مستانسين .. مدري كيف باصعقهم ..مدري اقول اني اللي رفضته والاايش .. كرامتي مجروووووووحه
 
والله مدري ايش اقولك لكن استخيري
واللي فيه الخير بيكتبه ربي لكي ان شاء الله
 
اقول انه ما يبيني ؟؟
هو طيب معايا كثيييييييير .. وحنووون جداً .. بس يقول ماقدر اكمل معاك .. احنا مش لبعض .. وانتي كويسه وخلوقه ودينه وجملج باهر ونسبج ما مثله وكل شي .. ويحب اهلي وحتى خوالي علاقته معاهم طيبه .. ويقول .. وبحياتي ماراح القى مثلك .. وساعات تدمع عينه ..بس ماادري بالضبط وش اللي قاعد يصير !
 
قووولي الحقيقه لأهلج .. بس قبل لا تقولين لهم أنصحج تصلين استخآره .. ان مارتحتيله خلاص ،، وان سيتي لازم تعطينه فرصه .. امهلي نفسج شووي .. وادعي ربج وبدعيلج عسى ربي يهونها علينج :(
 
الله يعنيك ويهون عليك واسال الله ان كان لك خير في البقاء معه او الخير في الانفصال عنه اما اهلك وكل امرك لله وقولى(افوض امرى الى الله ان الله بصير بالعباد)
 
اذا انت تبغيه اتحملي شوي واقري البقرة واستغفري و تصدقي
واذا انت ماتبغيه حاولي انك ما تحملي وقولي لااهلك
 

الله يفرجها عليك يارب
استخيري هل تطلبين الطلاق ام لا ولا يضيق صدرك ولا شي لعلها خيرة والحمد الله مافي اولاد
وأكثري من الاستغفااااار وقراي سورة البقرة...
والله يوفقك يارب
​
 
شوفي اختي اقعدي معاه مره ثانيه واتناقشي .. قوليله نجرب شهر او شهرين نطلع ونسولف ونضحك ونفضفض لبعض وبعدين اذا ما ارتحنا كل واحد يروح لحاله وانقول لاهلنا ما تفاهمنا ونسكت على الموضوع .. بس حاسبي اذا ما دخل فيج لايدخل فيج نامي بغرفه وهو بغرفه .وفي هالاثناء انتي عليج بالدعاء وقراءة البقره والاستغفار
 
ايه يااختي اول شي قولي له انك بتعلمين اهلك بالحقيقه
وشوفي ردة فعله
واذا شفتي انه عادي عنده تعلمينهم توكلي على الله وقولي
 
الله يعينك انا حاسه بوضعك صحبتي مرت فيه يوم دخلتها تخيلي قلها كذا *_*
انا وقتها نصحتها قلت لها تقربي منه اخرتها عندها منه طفل وهو بعده بعالم ثاني يعني لاترضين بعد مرور 4 سنين اتطلقت *_* لاتحوجين عمرك لهالمنوال اطلقي وتمسكي برأيك يبيك يجيك ثاني هذا قالها لك عشان خاطر امي وانتي مو قاصرك شئ حتى لما تتزوجين واحد عشان خاطر امه وهو مو في باله ربي يسخر لك احسن منه بس والله اسمعيها من مجرب اتطلقي واصري قولي مابغاه ولا قولي لهم قالي مابيك شوفي اهلك شو يجي معاهم عذر بس لاتجلسين معاه يوم زياده وربي يعينك ويفرج همك يارب
 
صلي استخارة .
انا اعرف وحدة نفس قصتج ........البنت شو سوت دوووووم تدعي لين ونهار وتصلي قيام الليل .وكانت ابد ماتضايجة ف اي شي ودوم مهتمة ف عمرها وتتكشخ وتخلي عمرها ملاك حتى زوجها مايعاشرها ولا يحضنها ومرات مايرقد معاها كلة سهرات كانت ابد ماتقول له اي شي مخلتنة ع راااااحتة ..........وتبتسم لة وتنفذ كل طلباتة .
وسبحااااااااان الله الله غير حالها وحبها زوجها بجنون ويقول لها انا لفيت العالم كلة ماحصلت وحدة نفسج واللحينة عايشين حياة حلوة .
انتي اصبري وستخيري ...
 
الله يخليكم لي .. انا حاولت ما احمل وسكرت على الموضوع المشله انا كرهته من قلبي احس انه جرح كياني خلاص ماعاد ابيه الحين انا ماابيه ,, وانا يوم عرض على الانفصال وافقن وكررت و طلبت الطلاق .. كذب علي فتره طويله ,, ليش عشان اهله والا عشان هلي ,, ! يقول من يوم النظره الشرعيه ما دخلتي قلبي .. بس تحملت وقلت معليه باحبها مع الوقت !!!!!!
 
استخيري الله
وسيبه مو هو اللي مايبغاكي انتي ارميه ولا تفكري فيلو مره
بلاش منو وانتي الف واحد يتمناكي ماوقفت الحياه عليه بكيفو الله لايردو وانتي حتاخدي نصيبك ومره لازم تقولي لي اهلك كل اللي قالو ايش بك وايش يعني مطلقه طلاق مو عيب ليه ربنا حاطه عشان يعيش الواحد براحتو وربنا عارف مين الظالم ومين المظلوم اتوكلي ع الله استغفري كتير وادعي الله يختارلك اللي فيلو الخير
اختك :)
 
حبيبتي عطي حالكم فرصة تعارف ماهي حلوه بعد شهر تنفصلون المجتمع راح يركب البنت العيب وان كانت كامله وعيب الرجل واضح ... في قصص كثير لو قراتينها كانها زي قصتك بنت تزوج رجل غصب عنها لان ببالها غيره او شخصية ثانية وتصارح الرجل وهو يوكل امره لربه ويقول فترة وارجعك لاهلك لما تشوف تعامله واحسانه لها هي تنجذب له وترضا وتقبل به وتحبه لدرجة الجنون عليك بالدعاء والاستغفار وقراءة القران وكوني كامله بكل امورك اللبس الستر العفاف الدله الانثوي التفنن بالطبخ وترتيب البيت خلي منظرك دايم عشرة ع عشرة منسقه مرتبه قومي باتجاهه واجب كل زوجة اهتمام رعاية اذا عن الحب بيجي يالشيخة بالطريق لا تستعجلين كسب قلب الرجل ماهو بالامر السهل لزوم الصبر وطولة البال صدقيني اليوم قال ما يحبك ولا يبيك لا احسنتي له واحسنتي التعامل معه وربي لا يصير خاتم باصبعك يتمنى رضاك وراحتك ع راحته بيعرف ان اختيار امه اختيار الصواب لا تربطينه بالاطفال اربطي قلبه وعقله فيك خليه يتجنن عليك ويعرف انك زوجة صالحة وتقيه تخافين ربك وانتي الا ينشد بك الظهر وتكوني ام لعياله بالمستقبل ........... وعليك بصلاة الاستخاره استخيري الله بامرك كثيييييير لا تستعجلين اي خطوة ارجعي ورتبي افكارك والخطوات الا راح تخطينها وتبتدين بتنفيذها من يوم السبت 22/ 2 / 1431 هـ خليه يشوف ايجابياتك ويعرفك اكثر من حقك تحافظين عليه وتملكينه لا تنسين فترة الملكة الا بينكم سنة وخمسة شهور مدة ماهي سهلة بتاتا لازم تملكينه ويكون لك لجل ما تحسينان عمرك وصبرك ضاع .... فكري واقراي كلامي كثير وراح تجدين ضالتك وثقي ربي معك في كل خطوة تخطينها ودعواتنا معك​
 
يعني احس مو ناقصني شي جمال ودلال ووظيفه وثقافه ونسب الف غيره ماتوا يوم وافقت عليه ,, وانا انصدمت انه جاملني وكذب علي هالفتره كلها .. غير اني حلفت امه عن صلاته وهل هو مدخن او لأ .. وحلفت لي واخرتها طلع يشيش !! ولما واجهته قال هلي يدرون بس ماقالوا خبوا عليك .. انقهررررررت .. حسيت اني مغفله وان هلي مغفلين ,, بس قلت معليه باساعده .. لكن .. يوم فاجأني بهالشي .. انهرت مادري ش اسوي .. وهو ماعطاني فرصه احبه ,, ولا مره كلمني يسال عني ولا ارسل لي هديه ولا شي اللهم الواجبات اللي غصب يجي مع هله فيهم ..! وبالاخير ,, يقول لي كذا !
 
الله ييسر امورك والله مدري ايش اقولك هذي حياتك مهي حياة اهلك لازم تفتحينهم بالموضوع لانك انتي الي عايشة معاة
والله يرزقك بزوج الي يسعدك يارب يا كريم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل