زوجك طول بالقعده على النت وانتي ولهانه عليه ولاتبين تزعجينه تجربتي شوفوها

الورده الشرقيه

الورده الشرقيه

New member
إنضم
2007/08/31
المشاركات
3,817
مرحبا بأغلى بنات على قلبي
بنات مملكتي الغاليه بلقيس:icon26:
ابقول لكم تجربتي مع زوجي امس لما ضايقني بقعدته على النت:sadwalk:
رجعت لبيتي الساعه 10 بالليل ومن دخلنا
جاء زوجي وفتح النت مباشره
وجلس عليه قالي زيني لي عشاء:essen:
ورحت وزينت لنا عشاء
وجبت العشاء
وابو الشباب جالس على النت:santa_1:
وصار ياكل وهو على النت
ولاكلمه كلمني
واجي اغير بالتلفزيون بهالقنوات:smoke1:
واذا اعجبه برنامج ولاشي
قال خليه وهو متابع النت
معصي اخليه وهو سافهني وجالس على النت:icon28:
وصارت الساعه 12 الا ربع
شبيت حريقه بس ماقلت له
شمالي ماينفع اقوله:santa_1:
افضل شي مع الشمال الافعال وخاصه الحيله:e130:
جيت وشغلت مخي:c028:
ورحت للغرفه اللي فيها المودم والويرلس
وفصلت سلك المودم عن الويرلس
بس خليته بمكانه يعني ماكاني فصلته:a144:
واطلع للصاله عنده
واشوف التلفزيون
واشوف الرجال تخربط ويحوس باللاب توب
ويقفله ويشغله
وراح للغرفه اللي فيها المودم
وناظره الاشاره كامله
والسلك بمكانه
رجع للجهاز وصار يحوس فيه
بس من غير فايده:eek:
جاء وقفل اللاب توب
وهو مو زعلان
ومروق
ولاتهاوشنا ولاشي:c045:
يله الحين كل وحده تعلمنا وش تسوي بزوجها بهذي الحاله:e094:
ياليت كل وحده تدلي بدلوها:c007:
ولكم مني جزيل الشكر:a200:
 
اذا اكتشف بتنقلب ليلتك نيلي بعدين كحلي وبعدين ليلة سودا بعيد عنك وبعدين مو كل الأزواج يترك محاولة ايصاله وتشغيله
 
فكره حلوه بس اذا صار الويرلس مو عندي تحت عند اهله ههههههههههههههه وش اسوي؟
 
لو فصلت المودم راح تطفي الاشاره ويرجع يشيك عليه
ع العموم مشكوره ع الفكره
 
يابنات مو افصل المودم افصل السلك اللي زي سلك التلفون اللي على الويرلس
اما الكهرباء مااقرب له
 
حلاوة المدينة قال:
اذا اكتشف بتنقلب ليلتك نيلي بعدين كحلي وبعدين ليلة سودا بعيد عنك وبعدين مو كل الأزواج يترك محاولة ايصاله وتشغيله
أنقر للتوسيع...
هلاحبيبتي اسعدني مرورك
مافهمتي الفكره صح
يعني سلك المودم والويرلس اللي على الكهرباء ماقربت له
واقولك انه شاف الاشاره موجوده
انا فصلت السلك اللي زي سلك التلفون اللي موصول بالويرلس
وخليته بمكانه فصلته بس فصل خفيف حق انه يقطع الاتصال بس
 
طيب واذا كان اللي يقعد عالنت انا وهو يطالع التلفزيون وش السواه منتداكم
مدوخني
 
برااااااااااااااااااااااااااااااااااافو يابطله ومنكم نستفيد
 
شمالي ونفس المعاناة
ولا ردوا على التلفزيون وش السواااااه
بس مو كل شوي نفصلها بننكشف

 نبي بديل عن الشاشات
شئ معنوي شئ مشترك امبينا
جهزي له سوالف تروق
من اللي فيها انا كنت وكنت زمان اول" الايام الخوالي"
" ايام الطفولة"
يسلموووووو

 
التعديل الأخير:
ههههههههههههه متت من الضحك
انا اموت لما زوجي يقعد عالنت لاني عارفه انو يشوف بلاوي
بس زوجي شمالي داهيه يعني لو فصلته راح يروح ويكتشف يعني ماراح يقتنع بس انه الاشاره موجوده راح يناظر على سلك التليفون
بس فكره حلوه مره
يسلمو
 
انا واعوذ بالله من كلمه انا مرتاحه ريلي ما يله شغل في الابتوب ابدا نادر ثم نادر اذا شغله يلعب ورقة
اما انا مندمنت موقع مملكه بلقيس
 
طيب

أنا توي عروسه وماعندي بالبيت نت أصلا

ولكن الأخ يشبك على اتصال اللي حولنا لا ومن لاب توبي بعد لأن هو ماعنده جهاز

وزي ماقلتي بالضبط إذا قلبت بالتلفزيون قال خليه وهو أصلا ماراح يتابعه مشغول بالنت

لا ويزعل لو ماأخليه ويعتبرها قلة ذوق

بس هو يلطعني ولا كأني جنبه عااااااااااااااااااادي من حقه

الله يعين بس
 
فكرة ذكية ولا من شاف ولا من درى
 
السحر الحلال قال:
شمالي ونفس المعاناة
ولا ردوا على التلفزيون وش السواااااه
بس مو كل شوي نفصلها بننكشف

نبي بديل عن الشاشات
شئ معنوي شئ مشترك امبينا
جهزي له سوالف تروق
من اللي فيها انا كنت وكنت زمان اول" الايام الخوالي"
" ايام الطفولة"
يسلموووووو
أنقر للتوسيع...
الله يعافيك سحوره بعدينا عن الايام الخوالي
لانه يذكر بطولاته ولافيه احد مثله
وانه عايلتهم ياسلام ومافيه مثلهم
قسم بالله يبط كبدي بسوالفه
الاسهم والسياسه اهون عندي هع
مشكوره يالغاليه على مرورك
فرحت لما شفتك رديتي على موضوعي
الله يسعدك​
 
مرام84 قال:
ههههههههههههه متت من الضحك
انا اموت لما زوجي يقعد عالنت لاني عارفه انو يشوف بلاوي
بس زوجي شمالي داهيه يعني لو فصلته راح يروح ويكتشف يعني ماراح يقتنع بس انه الاشاره موجوده راح يناظر على سلك التليفون
بس فكره حلوه مره
يسلمو
أنقر للتوسيع...
زوجك مثلي تماما اتأكد من الاسلاك كلها كاني توني بركبه جديد
حتى مايزين
مشكوره يالغلا على مرورك​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل