$. الكيكة الفلبينية .$

البيت السعيد**

البيت السعيد**

New member
إنضم
2009/01/03
المشاركات
603
1343_01258807956.png





بسم الله الرحمن الرحيم،​


السلام عليكم ورحمة الله وبركاته،​


اليوم يايبة لكم كيكة غريبة وعجيبة، وإسمها غريب بعد،​

شفتها الصراحة في المنتديات، ومب عارفة بالضبط لمن الكيكة،
EEK3256.gif
​

المهم إني طبقتها، وما أدري ليش يسمونها فلبينية، يمكن وحدة شغالتها سوتها وهي فلبينية ما يندرى الصراحة، اللي يعرف لا يبخل علينا،​


الكيكة الفلبينية ​


IMG_2286.jpg
​


المقادير:​

كأس طحين بالخميرة
ثلاثة أرباع كأس سكر
نص كوب حليب سائل
ربع كوب زيت
3 حبات جبن كيري أو جبن مثلثات
3 بيضات
ملعقة كبيرة بينكنغ باودر
ملعقة فانيلا​


IMG_2257.jpg
​



ولخلطة الويه:​

ملعقة كبيرة زبدة (شوفوا الكمية في الصورة)
ثلاثة أرباع علبة حليب محلى
علبة جبن مبشورة​

IMG_2270.jpg
​

الطريقة:​


أول شي نخفق البيض مع الفانيلا عدل، لين ما يصير شكله كريمي،​


IMG_2260.jpg
​

بعدين إنضيف السكر + الزيت ونخفق لين نحس السكر ذاب،​


بعدين ضيفي الحليب + الجبن ونخفق لين يذوب الجبن​

IMG_2261.jpg
​


أحين ناخذ الطحين وننخله هو والبيكنغ بودر ونحركه أول شي بالملعقة وبعدين بالخلاط السلك،​

IMG_2262.jpg
​


صبي الخليط في قالب كيك مدهون بالزبدة،​

آنا تعمدت وإستخدمت قالب التشيز كيك، بس هو يصير أي قالب،
s%20(82).gif
​


IMG_2268.jpg
​


وتخلينه في الفرن تقريباً نص ساعة إلى ساعة إلا ربع،​

وعلى ما تستوي الكيكة،​

إخذي الزبدة وخليها في طاسة، وصبي فوقها الحليب المحلى، ودخليهم الميكرويف دقيقة، ​

وطلعي الطاسة وخلطي بالملعقة، ودخليها المايكرويف بعد مرة دقيقة ثانية،​

وخليها على صوب، وأول ما تطلعين الكيكة، سسسسسسسسسيده وبسسسرعة وهي حااارة،​


IMG_2271.jpg
​



صبي الخليط على الكيكة ولا تخافين إنه وايد، ترى كله بيتشرب، ووزعي فوقه الجبن المبشور، وغطي الطبق بالألمنيوم وخليه على صوب، آنا خشيته عن اليهال في المايكرويف هههههههههههههه،​


IMG_2272.jpg
​


وهذا شكلها عقب ربع ساعة، شلت الألمنيوم، وشوفوا شلون كله تشرب، والجبن ذااااب، ​


IMG_2279.jpg
​


صورة عن قرب للإغراء،​


IMG_2281.jpg
​


وهذه عقب ما قصيتها، ​


IMG_2285.jpg
​


وأكيد هذه القطعة لأول رد،​

ما شاء الله الكيكة روووعة قليلة عليها، أتمنى إنكم تجربونها، صج صج مميزة وهشة ولذييييييييذة ​


IMG_2283.jpg
​
 
التعديل الأخير بواسطة المشرف:
البيت السعيد

شاكرة لك والله يعطيكي العافية
وشكلها فعلا رائع ويشهي
جاري التنفيذ
لكي ودي ومحبتي
 
وااااااااااااااااااااااااااو

شكلها رووووعه

والله يعطيك الف عافيه

طيب والي ترد الثانيه مالها نصيب من الكيكه هههههههههههههههههههههههاااي
 
الله يعطيك العافيه والله روعه بس مافكرت أسويهاعشان أسمها إن شاءالله أطبقها
 
اول شي يسلمووووووووووو
وبعدين عندي استفسار ايش دقيق بالخميره
والله يعطيك العافيه
 
ماشاء الله دايما مميزه يسلمووو الايادي
 
والله مو روعة فوق الروعة جربتها قبل فترة تاخذ العقل بس يسلمو على
الطريقة
 
تسلم الايادي حبيبتي
الله يعطيك العافيه
17365_1242639143.gif
 
الله يسلمكم ويعااااااااااااافيكم يا ربي،

مشكوووورات وااايد على مروركم العطر في صفحتي المتواضعة،

وأهم شي عجبتكم الكيكة،

وحياكم الله خواتي
 
الله يسلم هالايدين من مده وانا ادور عليها مشكوووووووووووووووووووووووووووووووووووووورة
 
البيت السعيد يعطيك العافية وبصراحة رووووووووووووووووووووعة ودايم اسويها زوجي بيموت فيها
 
أحب أشكرك على تميزك يالبيت السعيد وجزاك الله ألف خير وسلمت أنا ملك المبدعه
 
انا سويتها وطلعت مره رووووووووووعه بس عندي حركه احلى تخلي الجبنه مره ما تبان ولا احد يعرف انتى اش حاطه من فوق
حطي الزبده والنستله على النار وتكون الكيكه على وشك بطفي من فووووووق طلعي الكيكه وحطي الخليط وهو حار والكيكه حاره وقدك باشره الجبنه ومجهزتها على طووووووووول تحطيها على الوجه وقصدير عليها وفي الفرن ترجعيها بس مو يكون مولع لا بس على الحرااااااااااااره وبتذووووووووووووووووووب ميه ميه وبالعافيه:icon30:
 
انا كلتها عند ناس
مب وايد بس يمكن ربع الكيكه من حلاتها
واخذت الطريقه وطبقتها
بس للاسف ماضبطت
يومين ورابعض اسويها ولا تنجح
الي تسويها اتطرش لي قطيعه
تسلمي الغاليه عالكيكه بس ذكرتيني بخيبتي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل