البيت السعيد**
New member
- إنضم
- 2009/01/03
- المشاركات
- 603
بسم الله الرحمن الرحيم،
السلام عليكم ورحمة الله وبركاته،
أدري مستغربين من الإسم،
إي نعم هالكيكة على بوبر، ويا ربي شكثر حلوة وبشهادة كل اللي أكلوا، وأطالع ويوهم وهم ياكلون، بعدين أفز وأقول لهم ترى هالكيكة على بوبر، يبطلون عيونهم وبوزهم، أمممم بس حلوة وايد ويرجعون ياكلونها مرة ثانية هههههههههههه،
شفتها في النت وطبقتها،
كيكــــــة البوبــــــــــــــــر
المقادير:
كوبين بوبر مقشرين ومقطعين مكعبات
كوبين دقيق بالخميرة
كوب ونص سكر بودرة ناعم (يطلع أحلى وتقدرون تستخدمون العادي مثلي)
4 بيضات
نص كوب زيت نباتي
ملعقة فانيلا
ملعقة كبيرة بيكنغ بودر
كوبين دقيق بالخميرة
كوب ونص سكر بودرة ناعم (يطلع أحلى وتقدرون تستخدمون العادي مثلي)
4 بيضات
نص كوب زيت نباتي
ملعقة فانيلا
ملعقة كبيرة بيكنغ بودر
الطريقة:
- أول شي فوحي البوبر في ماي لين ما تحسينه صار لين،
- هرسيه مثل ما في الصورة بالشوكة أو بالخلاط على كيفج،
- بعدين في طاسة كبيرة، خلطي أول شي البيض + الفانيلا عدل،
وبعدين ضيفي السكر + الزيت، وخلطي لين ما تحسينه صار كريمي نوعاً ما،
وبعدين ضيفي السكر + الزيت، وخلطي لين ما تحسينه صار كريمي نوعاً ما،
- أحين ضيفي البوبر المهروس، وخلطي زين، إحتمال تشوفين شي نفس الشعر أصفر، هذا إذا قدرتي شيله، (آنا عبالي شعر طايح ، ولا قط مرة شفت شعر في أكلي ، بس بعدين لما شفته أصفر، عرفت إنه مال البوبر، عاد عقب شنو، عقب ما طاحت دموعي في المطبخ )،
- بعدين إنخلي الطحين مع البيكنغ بودر، وضيفيه فوق الخليط السابق،
- هذا شكله عقب ما خلطته، تميت فترة أخلط، علشان اتأكد إنه ما في كتل،
- صبيته في قالب مدهون من قبل،
- دخلت القالب في فرن مشغل على حرارة متوسطة، لازم الفرن يكون حار، وعقب ما جهزت وتأكدت إن الكيكة إستوت بالكامل،
طلعتها، شوفوها ما شاء الله شلون إنتفخت، فرق بين الصورة القبلية وذي،
طلعتها، شوفوها ما شاء الله شلون إنتفخت، فرق بين الصورة القبلية وذي،
- بعدين خليتها تبرد إشوي، وقلبتها ورشيت عليها سكر بودرة ودارسين،
- وهذا شكلها عقب ما قصيتها،
- وهذه القطعة إلى أول رد،
وعليكم بالعافية مقدماً،
