هند بنت عتبة
New member
- إنضم
- 2008/05/03
- المشاركات
- 7,275
السلام عليكم حبيت اكتب لكم قصة ولدي عشان تستفيدون وبنفس الوقت افض فض لكم عن ما بداخلي واتمنى انكم تسمعوني .. :sad_1:
في تاريخ 14 / 8 / 2006 ولدت بطفلي الاول وكان اية من الجمال وكان بشوش يدخل القلب وطبعا شعوري كان شعور اي ام كنت احبه بشكل جنوني وكنت فرحانه فيه انا وابوه .. بعد ما كمل شهرين قرب العيد فقررت اني اسويله شي غريب فقمت وفصلتله كندورة وبشت اسود ويوم العيد لبسته اياه وكان معرس تبارك الله .. كنت فرحانه فيه وايد وعيدنا فبيت اهل زوجي والكل هناك فز قلبه عليه وهو ماشاء الله عليه ضحكته ما تفارق ويه .. بعد اسبوع من العيد وفجاه بدا الولد يصيح بشكل هستيري لدرجه انه ويه صار لونه ازرق وماعرفت كيف اتصرف وديته كذا مستشفى عندنا بس للاس يا الدكتورة مو موجودة او ما رضوا يستقبلونه لانه الوقت كان ليل بس نصيبه انه المستشفى الي وافق ياخذه كان من اردى المستشفيات عندنا .. اول ما استلموا من غير فحصوات اخذوا من يدي وحسيت انه روحي طلعت معاه .. وقاموا يتراكضون ويقولون انه في جرثومة فالمخ مع العلم انه ما كان في حرارة ابدا .. ودخلوه العناية ومنها بداو يعطونه فاليوم كمخدر كل 3 ساعات هل تتخيلون الوضع وطول الوقت ياحبيبي نايم ومخدر وتمينا على هالوضع 3 اسابيع .. وخلال هالاسابيع شفنا الويل لا نظافه والجراثيم حدث ولا حرج من الاهمال وغير كذا ذبحوه من التحاليل تصوروا كل يوم الصبح ياخذون منه تحاليل دم وبول ومرة بالاسبوع ياخذون اشعة مقطعية وتحليل من الحبل الشوكي فالظهر .. وهالشي خطر المفروض هالاشعة ما تنعمل الا مرة كل 6 شهور عالاقل وابره الظهر كذلك >> لكنهم ذبحوه حسبنا الله ونعم الوكيل .. وبعد هالالم الي عانينا وشفناه قررت اطلعه بس نسيت اقولكم انه فيوم من الايام جاء الدكتور الساعة 3 الفجر وقرر يعطيه دم وبدون سبب مقنع ومن عطاه الدم والولد صابه صرع .. ويات له دكتورة تصرفله ادوية للصرع وللمخ على اساس انها دكتورة مخ واطفال وبعد فتره عرفنا انها دكتورة سكري >> شفتوا الظلم الى وين وصل ..
طبعا بعد ما طلعته قررت اني اوقف كل الادوية .. والولد رجع فتح عيونه وكل شي طبيعي بس كان يصيبه صرع وكنت اناظره بس ما فكرت اني اوديه لدكتور لاني خفت من الي شفته .. وتميت على هالحالة لحد ما كمل سنه وبعدها قررت اني اوديه لدكتور عندنا في مستشفى خاص يعالجه .. طبعا اول ما شافنا قال انه الولد في صرع وصرف لنا ادوية توقف الصرع وفعلا خلال اسبوع وقف الصرع لكن المشكلة انه الولد من يوم عمره شهرين لحد الحين وهو عاجز حركيا >> يعني لا يمسك ولا يجلس ولا يمشي << بس كان واعي ويتحرك مكانه .. عرضته على نفس الدكتور الي عالج الصرع لجل يعالج حركته واشوفه يمشي لكن كان يقولي اصبري وانه مخه متاثلا وياخذ وقت .. وانا مغفلة كنت موافقته على هالكلام .. لحد ما كمل ولدي 3 سنوات وهو ياخذ بس ادوية الصرع وكنت اعمله علاج طبيعي >> بس ما كانت تتحسن حالته
صحيح نسيت اقولكم اني عرضته على شيخ دين خلال هالفترة وقالي انه جاته عين قوية من محب له والاغلب من اهله >> وانا عرفت منو وخذيت من الاثر ويالله طلع من بطنه شي لايمكن انساه كا يطلع مثل الحنه في برقان القصدير ومافي ريحه ابدا استغربت .. وبعدها الولد شوي تحسن عن قبل ..
بس الي مضايقني انه بعد قصته هاذي واقتناهي انه خلاص ما بيمشي وان هربي بيعوضني خير عنه >> صار الي ما كان فالحسبان سبحانك ياربي كل خير وبركة
طبعا هالكلام قبل 3شهور وكان ولدي كمل 3 سنوات وانا حامل بالشهر السادس >> فجاة بدا يصيح ولاعرف السبب وديته لنفس الدكتور وقال انه الدواء مال الصرع خفيف فجسمه وراح اغيره له قلت له انزين ارفع نسبته لاتغيره هو مرتاح عليه .. قال لا هذا دواء جديد وراح يستفيد منه اكثر من القديم .. وبما انه دكتور انا وافقت .. وغير الدوا ومن خذه الدوا الجيديد خلا 3 ايام فقط الولد نام ولا راضي يفتح عيونه ابد استمر على هالحال شهر وهو عندي فالبيت اوديه للدكتور يقول لا عادي لحد ما يتعود جسمه والولد حتى الاكل ما يدخل بطنه طول الوقت نايم .. بعد اسبوعين من الدواء الجديد قلت للدكتور الولد ما يصحى واذا فتح عينه ما يشوف حد مغيب رجع له الدوا القديم او نيمه عندك حطله مغذي لانه ما ياكل ابد والله يا بنات كنت اعطيه الحليب والادوية بابره وامسك بوزه لحد ما ادخل الاكل غصب وتميت على هالطريقة ورجع له الدوا القديم ولكن بعد ما كمل شهر من تغيير الادوية في 12 رمضان عطيته الحليب بالغصب والا يزوع لطريقة غريبة ويرزق جسمه كله وعيونه تبيض قلت فخاطري انا وزوجي وهو فايدي انه خلاص بيموت .. واتلاحق ليه واودية لمستشفى خاص قريب بيتي
ومن ياخذونه قالوا انه القلب توقف عنده ويعملون له انعاش وبعدها يركبون له تنفس صناعي واتيله الحاله مرة ثانية عندهم ويزرق ويحاولون ينقذونه وربي شفته يموت مرتين بس ربي رجع له روحه .. والي صار هذاك اليوم انه الدوا ال يعطاه دخله في غيبوبة وانه الحليب يوم كنت اغصبه عليه ما كان يدخل فالمعده كان يدخل فالرئة فسكر التنفس عنده ووقف القلب .. اخ ياقلبي على ولدي
والحين من 3/9 .. 12 رمضان وهو نايم فالطبيب ما وعى ابدا .. وبعد دخوله المستشفى بشهر فتحو له فتحه تنفس في رقبته .. والله انها عذاب صحيح انه حالته احسن من اول ما دخلنا المسنشفى بحيث انه استغنى عن التنفس الصناعي بس بعده ما وعى .. ودي يابنات اسمع صوت صياحه او ضحكته .. من انولد وهو في مرض كل شي تجمع عليه عين ماصلت عالنبي واخطاء الدكاترة قضوا على طفل وردة ..
انا كتبت هالكلام عشان تحافظظون على اولادكم ولا تقلون فيهم الى التهلكة مثل ماسويت انا فيه ولبسته البشت وانه العين حق ..
وودي افض فض لكم الي بخاطري انا تعبانة والحين ولدي شهرين فالمستشفى و فالبيت شهر نايم ولا وعى اتمنى اسمع صوته مو لازم يمشي انا قابله فيه معاق بس يوعى اسمع صوته
كل يوم اتعذب مليوون مرة اشتاقله موووت
وانا الحين حامل وبشهري ادعولي ربي يعوضني خير
انا بحاجة للدعاء فعلا تعبانة نفسيتي ..
السموحة اذا طولت عليكم
