البيت السعيد**
New member
- إنضم
- 2009/01/03
- المشاركات
- 603
السلام عليكم ورحمة الله وبركاته،
سويت الطبخة الإيرانية الشهيييرة
جلو كباب
ما في أحد ما ذاقها ولا يدري عنها، لذيذة وسهلة وايد،
نبتدي بالمقادير،
رز أبيض + سبنت (حشيش) مفروم + لوبا (بس شغالتي مضيعة الجيس وما أدري في وين فما حطيت)
مكسرات + فنجان ماي ورد منقوع فيه زعفران
كباب لحم وعندج أكثر من خيار:
- تشترينه جاهز من محل مشويات
- تاخذين المجمد (نفس ما سويت وأحسن ماركة الكبير أو أمريكانا)
- تسوينه بروحج (لحم مفروم + برغل + بصل مفروم + تابل + بهارات)
آلو مقطع
وطبق جانبي مهم (الدقوس الأحمر وبقول المقادير في الخطوات الياية)
الطريقة:
- أول شي سلقي العيش مع ملح ولما يستوي بنسبة 90% حطي معاه السبنت المفروم عدل ويا الزيت،
شوفي الصورة أحين قبل لا أشخل العيش بشوي
- عقب ما شخلت العيش ورجعته للجدر، حطيت فوق نتفتين زبدة،
(ماي السلق لا تجبينه، سويه فيه شوربة لأن فيه حشيش ومفيد في نفس الوقت)،
خذيت المكسرات (ضرس الغزال) وخليته في طاسة فيها ماي وخليتهم في الميكرويف مدة دقيقتين، وطلعته وشخلته وخليت فوق العيش ورشيت ماي الورد المنقوع فيه الزعفران،
في المقلى أو شي قليت الآلو على نار هادية لين ما صار لونه ذهبي،
شلت الآلو وقليت اللحم فيه، وتقدرين تسوينه مشوي في الفرن أو الشواية الكهربائية، على راحتج،
- وبعدين إشتغلت على الدقوس الأحمر،
حطيت في جدر صغير (طماطتين مفرومتين + ملعقتين صلصة طماط + حبتين فلفل حار + بهارات + ثوم مطحون + ملح + إشوي حبة البركة + كوب من ماي السلق مال العيش)،
وخلي الجدر على النار، بيستوي بسرعة،
بعدين تفنني في التقديم،
هذا الطبق جهزته مع صلصة الدقوس والسلطة
صورة جوية حق إغراء ههههههه
وهذه صورة الطبق بروحه،
وتقدرون بعد تقلون معاه باذنجان، وجزر على راحتكم،
بس الوقت ما سمح لي، وكنت أبي أسوي الطبخة بسرعة وأخلص منها،
وعليكم بألف عافية،
وترى ناطرة تطبيق من عندكم
سويت الطبخة الإيرانية الشهيييرة
جلو كباب
ما في أحد ما ذاقها ولا يدري عنها، لذيذة وسهلة وايد،
نبتدي بالمقادير،
رز أبيض + سبنت (حشيش) مفروم + لوبا (بس شغالتي مضيعة الجيس وما أدري في وين فما حطيت)
مكسرات + فنجان ماي ورد منقوع فيه زعفران
كباب لحم وعندج أكثر من خيار:
- تشترينه جاهز من محل مشويات
- تاخذين المجمد (نفس ما سويت وأحسن ماركة الكبير أو أمريكانا)
- تسوينه بروحج (لحم مفروم + برغل + بصل مفروم + تابل + بهارات)
آلو مقطع
وطبق جانبي مهم (الدقوس الأحمر وبقول المقادير في الخطوات الياية)
الطريقة:
- أول شي سلقي العيش مع ملح ولما يستوي بنسبة 90% حطي معاه السبنت المفروم عدل ويا الزيت،
شوفي الصورة أحين قبل لا أشخل العيش بشوي
- عقب ما شخلت العيش ورجعته للجدر، حطيت فوق نتفتين زبدة،
(ماي السلق لا تجبينه، سويه فيه شوربة لأن فيه حشيش ومفيد في نفس الوقت)،
خذيت المكسرات (ضرس الغزال) وخليته في طاسة فيها ماي وخليتهم في الميكرويف مدة دقيقتين، وطلعته وشخلته وخليت فوق العيش ورشيت ماي الورد المنقوع فيه الزعفران،
في المقلى أو شي قليت الآلو على نار هادية لين ما صار لونه ذهبي،
شلت الآلو وقليت اللحم فيه، وتقدرين تسوينه مشوي في الفرن أو الشواية الكهربائية، على راحتج،
- وبعدين إشتغلت على الدقوس الأحمر،
حطيت في جدر صغير (طماطتين مفرومتين + ملعقتين صلصة طماط + حبتين فلفل حار + بهارات + ثوم مطحون + ملح + إشوي حبة البركة + كوب من ماي السلق مال العيش)،
وخلي الجدر على النار، بيستوي بسرعة،
بعدين تفنني في التقديم،
هذا الطبق جهزته مع صلصة الدقوس والسلطة
صورة جوية حق إغراء ههههههه
وهذه صورة الطبق بروحه،
وتقدرون بعد تقلون معاه باذنجان، وجزر على راحتكم،
بس الوقت ما سمح لي، وكنت أبي أسوي الطبخة بسرعة وأخلص منها،
وعليكم بألف عافية،
وترى ناطرة تطبيق من عندكم
![][ابتسامة صبا][](/forums/data/avatars/m/149/149369.jpg?1582897023){kind=avatar}
