البيت السعيد**
New member
- إنضم
- 2009/01/03
- المشاركات
- 603
بسم الله الرحمن الرحيم
والسلام عليكم ورحمة الله وبركاته،
اليوم يايبة لكم طبق لذيذ وسهل كلش ما أخذ وقت معاي، وفي نفس الوقت خفيف على القلب للعشا،
الطبخة محشي كوسا، الطريقة سهلة وأكيد المقادير عندكم إياها، والطعم لا يعلى عليه،
يالله معانا،
محشي خضار
المقادير:
كوسة ويكون حجمها متوسط (إستخدمت 6 حبات)
فلفل بارد أخضر وتقدرين بعد تستخدمين ألوان ثانية (استخدمت 4 حبات)
ثلاثة أرباع كوب رز، (يصير تستخدمين العيش العادي مو شرط المصري) آنا حطيت العادي،
بصلة متوسطة مفرومة
جزرة متوسطة مبشورة
طماطم مقطعة صغار كلش
فصين ثوم مدقوقين
عصير ثلاث ليمونات تقريباً
حبتين ماجي
صلصة طماطم
بهارات وملح
الطريقة:
أول شي إخذي الكوسة وغسليهم وبعدين حفريهم أو بالأداة الخاصة أو بملعقة صغيرة، ولا تقطين اللب لأن بنستخمه بعدين والفلفل قصي الراس وشيلي البذور من الوسط،
والعيش غسليه وخليه على صوب،
بعدين في الجدر، حمسي البصل والثوم مع شوية زيت، وبعدين ضيفي الجزر والطماط ولب الكوسة، وحطي الملح والبهارات وحركي فيهم إشوي، ما يحتاجون وايد طباخ، بس دقايق وخلاص،
أحين ضيفي نص كمية الليمون على الخلطة وحطي العيش معاه،
وإبتدي إحشي الكوسة والفلفل، لا تسوينه فل كلش، خلي في النهاية جذي تقريبا سم واحد،
وحطيهم في الجدر،
وأحين نشتغل على الصلصة،
في الجدر حطي باقي الليمون والماجي وعلبة صلصة الطماطم وإشوية ماي مو وايد،
وأطبخيهم ثلاث دقايق،
وبعدين صبي الصلصة في الجدر بالعدال، وآنا حطيت من فوق رشة أوريغانو، تقدرين تستغنين عنه وتحطين تابل،
وخطي الجدر بالألمنيوم، وحطيه على نار هادية ورجعي له عقب 45 دقيقة، أو ساعة، يكون إستوى،
بعدين حطي في الصحن مع إشوية من الصلصة، وزيني الطبق،
وشوفي الطعم، حاااامض ولذيذ،
الكل بيعجبه، وفي نفس الوقت إحنا سويناه بالخضرة، مو باللحم فما يطلع معاج ثقيل،
هذا الصحن إلى أول رد،
وعليكم بالعااااااااااافية مقدماً
والسلام عليكم ورحمة الله وبركاته،
اليوم يايبة لكم طبق لذيذ وسهل كلش ما أخذ وقت معاي، وفي نفس الوقت خفيف على القلب للعشا،
الطبخة محشي كوسا، الطريقة سهلة وأكيد المقادير عندكم إياها، والطعم لا يعلى عليه،
يالله معانا،
المقادير:
كوسة ويكون حجمها متوسط (إستخدمت 6 حبات)
فلفل بارد أخضر وتقدرين بعد تستخدمين ألوان ثانية (استخدمت 4 حبات)
ثلاثة أرباع كوب رز، (يصير تستخدمين العيش العادي مو شرط المصري) آنا حطيت العادي،
بصلة متوسطة مفرومة
جزرة متوسطة مبشورة
طماطم مقطعة صغار كلش
فصين ثوم مدقوقين
عصير ثلاث ليمونات تقريباً
حبتين ماجي
صلصة طماطم
بهارات وملح
الطريقة:
أول شي إخذي الكوسة وغسليهم وبعدين حفريهم أو بالأداة الخاصة أو بملعقة صغيرة، ولا تقطين اللب لأن بنستخمه بعدين والفلفل قصي الراس وشيلي البذور من الوسط،
والعيش غسليه وخليه على صوب،
بعدين في الجدر، حمسي البصل والثوم مع شوية زيت، وبعدين ضيفي الجزر والطماط ولب الكوسة، وحطي الملح والبهارات وحركي فيهم إشوي، ما يحتاجون وايد طباخ، بس دقايق وخلاص،
أحين ضيفي نص كمية الليمون على الخلطة وحطي العيش معاه،
وإبتدي إحشي الكوسة والفلفل، لا تسوينه فل كلش، خلي في النهاية جذي تقريبا سم واحد،
وحطيهم في الجدر،
وأحين نشتغل على الصلصة،
في الجدر حطي باقي الليمون والماجي وعلبة صلصة الطماطم وإشوية ماي مو وايد،
وأطبخيهم ثلاث دقايق،
وبعدين صبي الصلصة في الجدر بالعدال، وآنا حطيت من فوق رشة أوريغانو، تقدرين تستغنين عنه وتحطين تابل،
وخطي الجدر بالألمنيوم، وحطيه على نار هادية ورجعي له عقب 45 دقيقة، أو ساعة، يكون إستوى،
بعدين حطي في الصحن مع إشوية من الصلصة، وزيني الطبق،
وشوفي الطعم، حاااامض ولذيذ،
الكل بيعجبه، وفي نفس الوقت إحنا سويناه بالخضرة، مو باللحم فما يطلع معاج ثقيل،
هذا الصحن إلى أول رد،
وعليكم بالعااااااااااافية مقدماً
