جلسة صراحه ....وعبري عن رأيك

السلام عليكم ورحمة الله وبركاته



اليوم في موضوع حابه اناقشه معاكم يابلقيسيات


ودي اعرف وجهة نظراتكم لهذا الموضوع وياليت لو كل وحده تذكر لنا موقف صار معاها

وكيف اتصرفت بحنكتها وذكاءها او العكس؟؟؟؟؟؟


مثلا انتي في دوامك او في الكليه او في اي مكان فيه نساء مجتمعين به واغلب المتواجدات هن زملاء عمل او صداقات وثيقه

شخص منهم بادر وطرح موضوع مثلا يطلب منكم تشاركون به وتبدون اراءكم

بتكونين منفتحه وصريحه وجريئه في التحدث والافصاح عن ما بداخلك وبذلك ستكونين عرضه لهم فالمرات القادمه انهم يتدخلون في امورك وخصوصياتك والاطلاع عليها

او انك بتتسترين وبتكونين غامضه ولن تعطي مجال لاحد ان يقتحم لحياتك ومعرفة ما بها من اسرار ومن حقك ان لا تطلعين احد على اسرارك ....


وان انجريتي معاهم فالكلام وافصحتي عن مابداخلج وندمتي ّّ!!!!!!!!!!!!كيف بتتصرفين



مثلا انا من النوع اللي تحب تلبس وتكشخ فالدوام وتسعى للكمال لاني احب نفسي اعتقد وبرأيي الشخصي واجب على كل وحده تحب نفسها

والا بتعيش مع صراع بينها وبين ذاتها وتناقضات والخ...

علىالعكس الانسان اذا ماحب نفسه

ماراح يقدر يحب الغير او يعطي حب لاي شخص كان

فاقد الشي لا يعطيه


ومع هذا اخشى الله




فالدوام

حبينا نعرف نظرة كل وحده عن الثانيه وقلبناها جلسة صراحه

اكتشفت ان كل وحده تقولي بنقولك بس بدون حساسيه وزعل انتي فيك وفيك وفيك ولا زم ولازم ولازم
طبعا يتكلمون عن موضوع كشختي

فوضحت الهم الامور ونفس الوقت حسيت اني عطيتهم مجال

يقتحمون خصوصياتي ومع ذلك قدموا اعتذارات عن ذلك


بينت لهم ان كل وحده تسوي شي نابع من قناعاتها

انا اسوي هالشي لاني احب نفسي واحب ارضيها وهذي مش انانيه

احب اهتم احب احس اني انثى بس بحدود لاتغضب الله ومدامني ما اغضب ربي


ومش من ناحية اللبس وبس

من كل ناحيه
تميز الانثى عن الذكر

وفي امور كثيره كلنا عارفها

ومافي شي مني ظاهر لا باينت لي رجل ولا ايد ولا شي غير اللي حلله ربي

مدام كذا مالاحد عندي شي..........صح ولا غلط يابنات

انا غلطانه فالرد

والنصيحه بنقبلها من اي كان ومهم بعد صاحب النصيحه يكون انسان وقوور
وذو حنكه وحكمه

يعني الحين شرط البنت اللي تكشخ وتلبس اخلاقها سيئه
؟؟؟؟طبعا الناس عقليات !!!!!!!
واللي يحكم من الظاهر الله يعينه

وشرط البنت اللي تتنقب ومافي شي منها باين اخلاقها زينه؟؟؟؟
الله العالم شو بقلبها من حقد وغل وحسد

بنشوف الكثير

الناس لم يخلقوا عل عقل وقلب واحد

لكلن عقله وتفكيره
وقلبه وايمانه

يعني ليش نحكم من المظهر
الله العالم بما في الصدور

اهم شي النيه


والله يابنات اعرف حريم وبنات متنقبات وحالتهن لله بس ينمن ويغتابن وفالدوام مافي حدود وحواجز

يتعاملون مع الموظفين بوقاحه
ورفع الاصوات
والسب>>> نظرا لاختلاف الجنسيات يقولون مايفتهم

ولمن يسولفن يضحكن بأصوات عاليه
تهد المبنى باللي فيه

يوصل الصوت لسابع جار

وين الحشمه ؟وين الوقار

لاني انثى اقوم ارفع صوتي
واهز الدنيا بضحكاتي


تركنا الاهم والاشياء الكبيره اللي تدخل فالحرام والحلال

ومسكنا الاشياء الصغيره

هذا حال العرب

انتي تقولين انا متنقبه وانا وانا

ودوشتي العالم دوشه

واخرتها يطلع منك كل

هذا !!!!!!!

انا ما اقصد الجميع ولا اعمم يابنات انا عن اللي صار لي

اتكلم وبكل شفافيه وياريت بدون تجريح للي بترد
وخلكم منطقيات
وعن موضوع الحرام والحلال احنا هالشي خالصين منه

وعارفين الحلال من الحرام وكلام ماخوذ خيره

انا اتكلم من ناحية قيم اخلاق مبادئ اسلوب رُقي


اللي ستر عيبه عن الناس بهدوم وش يستره لا صار عيبه كلامه!!!!!

فالنهايه تحبيت تخوضين هالتجربه
وتشاركين في جلسات الصراحه

او انك تبتعدين عن مثل هالامور
وتخلين الخافي مستور

بدل ماتنصدمين باللي ينقال عنك ؟؟؟؟؟؟؟؟؟؟؟؟




بعد هالتجربه مش حابه اكوون صريحه الا مع اشخاص اثق بهم جدا وفي امور اكبر عن اللي هم اذكروها

ما اعتبر انها امور المفروض انه نذكرها

نحن دائما نسعى الى مواضيع ترتقى بنا

وصراحات تطور منا


لو حبيتي موضوعي شاركيني بأراءك
ربما احصل منك على فائده

ومنها تعم الفائده عالجميع


وان ما عجبك

ارفعيه بدعوه حلوه منك :icon26::icon26:​

السلام عليكم ورحمه الله وبركاته
موضوع نقاشي هام.......​

موضوع الخصوصية و اعطاء الاخرين فرصة لتقيمك....​

انتي من يحدد ذلك؟؟؟ لماذا تسألي انسانة لم تعرفك إلى ساعات أو لم تعاشرك حق المعاشرة عن شخصيتك ... هكذا تظلمين نفسك!!! ​

انا شخصيا لا افتح المجال لاي شخص في تقيمي ليس تكبرا ولكن لاني اريد تقييم حقيقي و مفيد لي لا تقييم لمجرد التقييم​

انا اضع لائحة التقييم الخاص به لاشخاص يحبونني و يعرفونني حق المعرفة مثل اخت، صديقة مقربة، استاذة فاضله....​

تقييم الاخرين لك... إذا كان سلبيا قد يؤثر عليك ولكن انتي تريدين تقييم ايجابي يعزز تطورك لا غير.​

أما وضع نفسك لكل من هب ودب فهذا يعرضك لخطر التدمير النفسي ​

ولكن قد ياتي تقييم من غير سابق انذار ... اسمعي التقييم، ويمكنك التزام الصمت أو الرد بكل حكمه وقد يكون التقييم في محله فلا تتجاهليه فهذا خطأ ايضا​

في النهاية...... احب ان اقول قيمي نفسك اولا بكل مصداقية وتقبلي فقط التقييم الايجابي وإن لم تحبيه فنحن بحاجه إليه وتجنبي التقييم العشوائي. ​

ولي عوده لاستكمال هذا النقاش^^ ​

المصارحه حلوه احب اعرف كيف شخصيتي بالنسبه للناس بس مب اي حد افضل اسأل هل السؤال لاقرب الناس لي واكيد بالنسبه للخصوصيات اختارلي الشخص المناسب واصارحه

انا من النوع المتررد لان غالبا افكر بقلبي ويمكن اتسرع فقراري واطيح فمشكله بس واخيرا لقيت الشخص المناسب ...احب اعرف وجهة نظهرها قبل كل شي ...(يعني مشاوره)


وبالنسبه للمظهر وحب النفس فانا وياج 100% اذا انا ماحبيت نفسي واهتميت منوه بيهتم :bigsmile:
حبي نفسج ودلعيها لانه احس بشعوووور راحه واسترخاء اذا اهتميت بنفسي وبالعكس ثقتي بنفسي تزيد

ويسلمووووووو خيتو ع الموضوع​

الوان ربيعيعيه اعجبني ردك ماشاء الله عليك

غاليتي انفاس الامل بل والله حبيبتي << خخخ لانك بتشترين لي مثل ماوصيتك << ههههه مانسيت

بكل صراحه موضوعك رااائع ومن الاعماق خاارج

انا بالنسبه لي كنت انا من يفتح دائما هذا الموضوع بيني وبين بعض قريباتي بل في كل فتره نجتمع لهذا الشي تقريبا كان قبل خمس او ست سنوات يوم كنا صغار بس بجد ماكان فيه احد غيرنا حنا السته وكانت علاقتنا روووعه بل اروع من الروعه الكل يشهد بذلك لاننا كنا قلب واحد وروح واحده عندما تخطي احدانا نتبادر الي هذه الجلسه ووالله انها من اللحظات الجميله التي عشتها


لكن الان حصلت لنا ظروف خلتنا نبعد عن بعض من زواج واولاد وشغل وماصرنا نجتمع ربي يجمعنا جميع في جناااااااته واياااكن

طبعا ياانفاس الامل هداك الله جيتي ع الجرح لانك ذكرتيني بايااااام كم كانت رااائعه ولذيذهـ


وكم كان موضوعكـ
راائع وكان طرحك له اروع
​