كيف أقنع زوجي؟؟؟ الله يخليكم عطوني الأسلوب المناسب

ح

حفيدة نور الدين

New member
إنضم
2009/01/31
المشاركات
58
السلام عليكم ورحمة الله وبركاته

أخواتي في الله هذي أول مشاركه لي في هذا المنتدى الرائع وفقكم الله وسدد خطاكم ... أخواتي عندي مشكله مع زوجي ما مقتنع بالمباعدة بين الولادات ... عمري 28 وعندي 4 أطفال الفرق ما بين كل طفل والثاني تقريبا سنتين ... أصغرهم عمرها 9 أشهر ... بغيت أقنع زوجي بأن نوقف الإنجاب خمس أو سبع سنين بس أبدا ما رضى ... كل ما أكلمه في الموضوع يطنشني أو يتمسخر علي :tears: ... يقول أبغاك تمليلي البيت عيال أولاد وبنات ... في يوم كنت معصبة وناقشته في الموضوع وقال خلاص بوديك عند الطبيبة تعملك الازم :shiny: ... خدعني بدل ما يوديني العيادة وداني مطعم عشاني ورجعنا البيت :essen:

على فكره سبب عدم موافقته هو خوفه من وسائل المباعده لأنه في اعتقاده انها خطيرة وتسبب عقم لا قدر الله

المشكلة يا أخواتي إني موظفه وما ملحقه على طلبات العيال من مذاكره ورعايه واهتمام ... أحس صحتي بدأت تتدهور ... عندي خدامة بس يا دوب ملحقة على شغل البيت ... أتمنى بس لو زوجي يوافق نوقف خمس سنين لحد ما ياخذوا العيال حقهم الكافي من الرعاية وآخذ أنا قسط من الراحه أسترجع فيه عافيتي ... بس كيف أقنعه كيف

​
 
خليه يتحمل جزء كبير من الأعمال في البيت وخاصة تدريس العيال علشان يحس بتعبهم ودوخي بطلبات العيال يمكن يحس شوي ولا تضغطين على نفسج ترى أهم شي صحتج وخلي يحس بهالشي
والله يوفقج
 
الله يعينج أنا عندي نفس المشكلة بس ما لحقت على عمري وحملت
بس من يوم ما عرقت اني حامل نكدت عليه وما خليت شي في خاطري إلا وخذته وخليته يدفع اللي قدامه واللي وراه يترياني أرضى بس نفسيا مش قادرة!!!
إذا حلال تركبين اللولب من دون علمه سويها ولا تخبريه موووووووول
 
في حالتج هذي بصراحة أنصح تستخدمين مانع ممن غير ما يدري
لأن إذا هو مش هامة صحتج لازم انت تهتمين لها
استعملي مانع اللولب أو الحبوب
والله معاج لا تخافين صحتج أهم
ولو كان الحمل والولادة على الرجل يمكن ما كان حمل أبداً يخافون على نفسهم وايد هههه
 
غدير الكويت قال:
خليه يتحمل جزء كبير من الأعمال في البيت وخاصة تدريس العيال علشان يحس بتعبهم ودوخي بطلبات العيال يمكن يحس شوي ولا تضغطين على نفسج ترى أهم شي صحتج وخلي يحس بهالشي
والله يوفقج
أنقر للتوسيع...

أشكرك أختي غدير الكويت ... أختي تعبت من كثر ما أوضح له إن مسؤلية الأولاد مسؤلية مشتركة ... زوجي من النوع إللي ما يحب يتحمل مسؤليتهم ... بحاول قدر الإمكان ... بارك الله فيك
 
غرام قال:
الله يعينج أنا عندي نفس المشكلة بس ما لحقت على عمري وحملت
بس من يوم ما عرقت اني حامل نكدت عليه وما خليت شي في خاطري إلا وخذته وخليته يدفع اللي قدامه واللي وراه يترياني أرضى بس نفسيا مش قادرة!!!
إذا حلال تركبين اللولب من دون علمه سويها ولا تخبريه موووووووول
أنقر للتوسيع...

الله يعينك ... إذا حملت ما أدري ويش بيصيرلي أخاف أعجز قبل أواني ... وما أقدر أركب لولب بدون علمه

مشكورة أختي غرام
 
أميرة2009 قال:
في حالتج هذي بصراحة أنصح تستخدمين مانع ممن غير ما يدري
لأن إذا هو مش هامة صحتج لازم انت تهتمين لها
استعملي مانع اللولب أو الحبوب
والله معاج لا تخافين صحتج أهم
ولو كان الحمل والولادة على الرجل يمكن ما كان حمل أبداً يخافون على نفسهم وايد هههه
أنقر للتوسيع...

أختي صعبة أستخدم موانع بدون موافقته ... في هذي صدقتي لو الحمل والولادة عليهم ما كان فكروا بالحمل :shiny:
 
أميرة2009 قال:
في حالتج هذي بصراحة أنصح تستخدمين مانع ممن غير ما يدري
لأن إذا هو مش هامة صحتج لازم انت تهتمين لها
استعملي مانع اللولب أو الحبوب
والله معاج لا تخافين صحتج أهم
ولو كان الحمل والولادة على الرجل يمكن ما كان حمل أبداً يخافون على نفسهم وايد هههه
أنقر للتوسيع...
اي والله صاجه
والله يكون بعونج
 
كيف يعني ما تقدرين تركبين لولب من غير علمه؟ والله لوانتي صج تريدين حل كان شفتيلج طريقة تركبين الولب من غير ما يعرف. انتي شكلج راضية و مرتاحة و تريديدين تدلعين و تتشكين بس كذا..لله فالله.
 
الله يعينك ولكن وجهة نظري ان اتي بهم الان وانا مازلت صغيرة ونشيطة ولا للتأجيل طالما في نيتي الخلفة فاالحمل بعد الخامسة والثلاثين له متاعبه انصحك من تجربة
:questionmark:​
 
المعلمة الراقية قال:
الله يعينك ولكن وجهة نظري ان اتي بهم الان وانا مازلت صغيرة ونشيطة ولا للتأجيل طالما في نيتي الخلفة فاالحمل بعد الخامسة والثلاثين له متاعبه انصحك من تجربة




:questionmark:​
أنقر للتوسيع...
اختي تقول عندها أربعة ماشاء الله
الله يحفظهم
وفي هذا الزمن العيشة صعبة
تربية الأولاد والعمل مع بعض والزوج والاهتمام فيه بروحها قصة

يعني زمن هاتي سبعة وثمانية وتسعة بعدج صغيرة يكبرون معاج
خلاص انتهى اتربينهم وعمرج كلة في تربيهم وصحتج تروح

الله يخليلكم عيالنا إذا ما قادرين نربيهم وانفرهم المساكين عند الخدامة وانروح الدوام وقلبنا عندهم نحاتيهم لين نرجع الله يعلم شو اتسوي الخدامة فيهم بسنا ثلاثة واربعة كفاية
 
طالما اهواا حاب ينجب المزيد من الاطفال حمليه مسؤولية اكثر بعدها صدقيني ما يبي يجيب او يباعد

عالاقل وهم فهميه بانه الانجاب من الافضل انه يكون متباعد لانه بالحمال جسم المرأة يفقد الكثير من

الفيتامينات والكالسيوم فعلى الاقل يعطيج فرصه نقاهه وانه جسمج يستعيد عافيه بالكامل والله يوفقج
 
magnolia قال:
كيف يعني ما تقدرين تركبين لولب من غير علمه؟ والله لوانتي صج تريدين حل كان شفتيلج طريقة تركبين الولب من غير ما يعرف. انتي شكلج راضية و مرتاحة و تريديدين تدلعين و تتشكين بس كذا..لله فالله.
أنقر للتوسيع...

ما اقدر بدون علمه لأنه ما راضي وأخاف أعصيه ... لا دلع ولا شي بغيت نصائحكن في الأسلوب الأفضل لإقناعه
 
المعلمة الراقية قال:
الله يعينك ولكن وجهة نظري ان اتي بهم الان وانا مازلت صغيرة ونشيطة ولا للتأجيل طالما في نيتي الخلفة فاالحمل بعد الخامسة والثلاثين له متاعبه انصحك من تجربة


:questionmark:​
أنقر للتوسيع...

أحترم وجهة نظرك عزيزتي شكرا جزيلا
 
girls rock قال:
طالما اهواا حاب ينجب المزيد من الاطفال حمليه مسؤولية اكثر بعدها صدقيني ما يبي يجيب او يباعد

عالاقل وهم فهميه بانه الانجاب من الافضل انه يكون متباعد لانه بالحمال جسم المرأة يفقد الكثير من

الفيتامينات والكالسيوم فعلى الاقل يعطيج فرصه نقاهه وانه جسمج يستعيد عافيه بالكامل والله يوفقج
أنقر للتوسيع...

تمام أختي ولا يهمك راح أحمله الكثير من المسؤليات لعل وعسى يقتنع
 
لاتخلين البيت هدوء خلي يندوش بي صجة العيال عشان يعرف التعب بعدين انتي لي سبع سنين اقنعي اول اربع سنين ولا تنزلين اللولب الا بعد ست سنين يعني اسلوب مراوغة وربي يساعدك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل