شرايكم بمستشفى المبارك بالمربع بالرياض

السلام عليكم بنات
كيفكم تمام ان شاء الله
الله يهون علي وعليكم وييسر طلقه ويحسن خلقته يارب العالمين



طرى موضوع ماخطر على بالي ..اللي هو وين بولد ..لان دكتورتي مره شاطره ومجربه معها ولاده بنتي من قبل..ومراجعه معها من بدايه حملي..بس المفاجآه ان المستشفى اللي ابيه انهوا تعاقدهم معاة نفس المستوصف اللي اراجع عندة..

وفيه غيرها مستشفيات
الحمادي
المملكه
السعودي البريطاني
التخصصي الاهلي

و

و

و

المبارك والجافل..................

كلمت زوجي عنها قال اختاري اقلها ميزانيه وحاطة ببالي صراحة السعودي البرطاني ..
بس قال اني اتنازل عن السفره بعد النفاس..والله زعلت ..بس فكرت انه ميزانيه ومرتبط فيها راح تنقص مع طلبي هذا

وقلت يابنت الله يسهل طلقه ويجي بالسلامه وكلها يوم ان شاء الله ومتيسره..

بس سالت عنها ...مرررره شينه ..والكل يسبها ..(المبارك ))
وضقت وش اسوي ..
اتنازل عن كل شئ عشان مستشفى اقامه يوم واحد
ورعايه ودلال

ولا لا ..


حبيت استشيركم تكفووووووووون ردوا


ولوكم بمكاني وش بتسوون

مع العالم انه محد يزورني بالمستشفى..الا اهلي وخالتي ام زوجي يعني مااشيل هم احد
لان الكل زارني ببنتي ..فالمرة هذي راح تكون بالبيت وبس

وموقف زوجي مصر ان اهم شئ الدكتوره كويسه ..ومجربتها فمالك شغل بالامور الثانيه ..وكله يوم وبيعدي على خير بإذن الله

والله محتتاره

شرايكم بمستشفى المبارك بالمربع
والجافل بالسويدي

اسوأ الخياااارااات وانحطيت عليها ..؟؟؟؟

انتظر ردكم

هلابك اختي الله يهون عليك ويسهل ولادتك ويكتب لك الي فيه خير وصالح يارب
اعرف وحده من قرايبي ماتولد الا بمبارك تقول ارتاح فيه والاهم دكتورتي تقدر تجيني فيه
هو المستشفى قديييييييم لكن تقول حلوه عنايتهم
وانتي اذا مااحد بيزورك غير اهلك فانصحك فيه عشان بعد الاربعين تغيري جوووو
استخيري

انا من جده لكن اب لعيونك

والله يسهل لك ولادتك ياعسل

آميييين يارب
ومشكوره عالرد

ماقصرتي ....المشكله انه فيه ناس زي كلامك
وناااس خوفوني منه...


الله يعين يارب

ومشكوره ياقلبي ..ماقصرتي عالرديالحلم الودري

وردة ..مشكوره عردك..ومو هي لحالها والله بحثت الكل يتكلم عنه..
والله انه مشغول بالي وبنصرع من التفكير..

الله يسهل امري ويفرج كربي..

وياكم وجميع المسلمين

الله يفرج همك الولاده تيسير من رب العالمين احيان قابله تجلس معك وتولدك
اهم شي الخياط ويعطونك مسكن وقت الولاده الباقي تهون

من جد ..ربي يعطيك العافيه عالرد

الله يهون عليك ويقومك بسلامه

أستخيري والله يكتب للك الي فيه الخير