ارجوكم ردوا علي....زوجي طيب لكنه يحب النكد

ن

ندى حبيبي

عضوة مخالفة لقوانين المنتدى
إنضم
2010/07/07
المشاركات
7
مساء الخير يا أخواتي
هذي اول مشاركة لي في هذا المنتدى المبارك وارجو المساعدة من الجميع

زوجي متدين نسبيا وناجح في عمله عصبي متقلب المزاج بيتوتي لأبعد حد. من بداية زواجنا منذ 18 عام وحتى الآن هو دائما يحب الجلوس في البيت. فقط من البيت الى العمل الى المسجد.

يريدني دائما معه بجانبه رغم ان عندنا اطفال في مختلف المراحل ثانوي ومتوسط وابتدائي وروضة وطفل رضيع !! الأبناء يحتاجون متابعة لدروسهم ...ماذا افعل معه؟

لايحب المشاركة في الانشطة والاحتفالات والكشتات مع اصحابه الا اذا كانت الزيارات والكشتات عائلية حيث يضمن وجودي معه رغم ان الرجال في مكان والنساء في مكان آخر !!

أنا ربةمنزل وطفشت من جلسته في البيت لانه حرمني ايضا من الخروج لزياراة الأهل والجيران

زوجي يحب الوناسة والرومانسية والرقصصصصص (أنا ما أعرف أرقص له) وهو ايضا قليل الكلام والتعبير عن الحب والاعجاب ونادر ما يعلق على الأكل واللبس صااااااااااااااامت
حساس جدا ويزعل من اي خطأ لفظي أو عملي حتى لو بدون ما أقصد

حاليا أنا وعيالي عند اهلي وهو وحده في البيت زعلان مني وهاجرني بدون سبب وجيه لأنه يريدني افكرفيه واهتم بأموره واتصل فيه واتفقده وأغازله حتى عندما اروح عند اهلي مع العلم أني أزور أهلي مرة كل شهر

ساعدوني في تحليل شخصيته وكيفية التعامل معاه لأني سئمت من تقلب مزاجه ودلعه الزائد رغم بلوغه سن الاربعين وعياله اصبحوا كبار

ارجوكم ردوا عليا لأني أفكر في الطلاق

​
 
مافي أحد يحب النكد
لأ أكيد فيه شيء مضايقه ومزعله بس إنتي ماشفتيه أو شفتيه
لأنك ماواجهتي اللي واجهه هو ماراح يقولك
فتشي ورى نكده بتلقين أسباب كثييييييييييييييره
وأكيد إنك عارفه جزء كبير منها بحكم إحتكاكك بمملكتكم اللي هي البيت تسوين نفسك عمياء وطرشاء ماشفتي شيء
زوجك يكره هالأسلوب لأنك تحاولين تضحكين عليه وهو عارف بالضبط قصدك

ماأدري وش تالية هالمتزوجات يستعبطون كل يوم طالعين لنا بسوالف من عالم آخر!!
 
اشفيج علحرمه يا بنوتة ملاك
هو معروف عن هامنتدى ان يعطي حلول مو هزول
وبعدييين توقيعج أرف
 
زوجك بيتوتي و رومانسي و يحب جو العائلة و هالنوع من رياييل اسهل نوع الوحدة ممكن تتعامل وياه لانه سهل و شكله طيب و غالبا هو شرقي
فاحمدي ربج عليه و اهتمي فيه و لا تييب نكد حق عمرج من ولا شيئ
لان اكثر البنات يشتكون من الزواج الي ما يجلسون بالبيت فربنا عطاج واحد اوكي احمدي ربج قبل ما يطلع و يتعرف على شباب و يعرفونه على بنات و يشجعونه على الزواج

احسن شي اهتمي فيه لان نوعه نادر في هالزمان ماشاءالله الله يسعدكم
 
عزيزتي من الواضح انك تعانين جدا من زوجك..
وهو ايضا يعاني..
هويريد منك اشياء معينه ولايجدها عندك..
وانت تريدين وهو لايعطيك,,

و لكن المشكلة في الأساس ليست بالمستحيل حلها لو عولجت من البداية..
و18 سنه زواج مده طويلة سببت تراكمات كثيرة يصعب معها الوصول لحل سليم بالنسبة للاشخاص عاديين

فالحل ياعزيزتي
بالجوء الى الله,, ثم مستشار في العلاقات الزوجية
استخيري وسارعي بالإستشارة فانت بوضع لايؤهلك لاتخاذ قرار سليم..

فالحل السليم هو الذي يكون في مصلحتك انت واولادك..
وليس لمصلحتك فقط او مصلحة اولادك..

شرح الله صدرك لمافيه خيري الدنيا والأخرة..ورزقك سعادة الدارين.
 
عزيزتي لا أرى مشكلة في زوجك بل أرى المشكلة فيك أنت
أنت التي يجب عليك التغيير لأن زوجك من الواضح عليه انه مخلص ومحب لك
لكنك لاتبادلينه اهتماماته ولاتنسي حبيبتي هو جنتك وهو نارك
(من طلبت الطلاق في غير بأس لن تجد رائحة الجنة )

الله يهديك طوري نفسك وشوفي ايش يحب واعمليه
وشفيها اذا كلمتيه وغازلتيه وشفيها اذا بينتي له حبك وحنانك
الله يهديك اختي راجعي نفسك اكثر ....​
 
خليك معاه وين ماكان مافي احلى من الجلوس مع الزوج والعيال

والي زوجك بيطلبه مو عيب ولا حرام مواحسن مايجيك واحد يخليك بروحك ويخرج

ارجعي بيتك وقولي لزوجك ماني قادره انام اليل الا وانت جبمبي نايم

اختي هذي مو مشكله
 
ندى حبيبي قال:
مساء الخير يا أخواتي

هذي اول مشاركة لي في هذا المنتدى المبارك وارجو المساعدة من الجميع​

زوجي متدين نسبيا وناجح في عمله عصبي متقلب المزاج بيتوتي لأبعد حد. من بداية زواجنا منذ 18 عام وحتى الآن هو دائما يحب الجلوس في البيت. فقط من البيت الى العمل الى المسجد.​

يريدني دائما معه بجانبه رغم ان عندنا اطفال في مختلف المراحل ثانوي ومتوسط وابتدائي وروضة وطفل رضيع !! الأبناء يحتاجون متابعة لدروسهم ...ماذا افعل معه؟​

لايحب المشاركة في الانشطة والاحتفالات والكشتات مع اصحابه الا اذا كانت الزيارات والكشتات عائلية حيث يضمن وجودي معه رغم ان الرجال في مكان والنساء في مكان آخر !!​

أنا ربةمنزل وطفشت من جلسته في البيت لانه حرمني ايضا من الخروج لزياراة الأهل والجيران ​

زوجي يحب الوناسة والرومانسية والرقصصصصص (أنا ما أعرف أرقص له) وهو ايضا قليل الكلام والتعبير عن الحب والاعجاب ونادر ما يعلق على الأكل واللبس صااااااااااااااامت
حساس جدا ويزعل من اي خطأ لفظي أو عملي حتى لو بدون ما أقصد​

حاليا أنا وعيالي عند اهلي وهو وحده في البيت زعلان مني وهاجرني بدون سبب وجيه لأنه يريدني افكرفيه واهتم بأموره واتصل فيه واتفقده وأغازله حتى عندما اروح عند اهلي مع العلم أني أزور أهلي مرة كل شهر ​

ساعدوني في تحليل شخصيته وكيفية التعامل معاه لأني سئمت من تقلب مزاجه ودلعه الزائد رغم بلوغه سن الاربعين وعياله اصبحوا كبار​

ارجوكم ردوا عليا لأني أفكر في الطلاق​
أنقر للتوسيع...







ياعيوني انا عكسك تماما انا الاحق فيه ودي بس يوم واحد يجلس معايه في البيت وما يطلع بس يوم واحد طلعاته كثير احمدي ربي يااختي الغاليه بالعكس هاذا نعمه من الله هوجالس معاك في البيت يعني عارفه انه موراعي حركات ولا مكالمات ولاقهاوي ولا شراب ولاولاولا احسن لك قدام عينك الدنيا برىصارت تخوف وحاجه ثانيه يبغى الدلع دلعيه ياخيتو دلعيييييه
انا اقرى في المنتدى عن الانماط شوفي نمط زوجك وبتعرفين تتعاملين معه لكن يااختي انتبهي الا الطلاق هذا ابغض الحلال عند الله وبعدين المشكله جدا بسيطه بس خليك حكيمه انشاءالله البنات قصدي الملكات ينفعونك هم اعرف مني بكثير هذا بس راءي الله يصلح احوالك ياعسوله ولا تضايقين حالك الدنيا ماتسوى
 
مو شايفه مشكله حقيقيه تستدعي الطلاق ..

زوجك بحاجه ان تفهميه فقط..


زوجك يحبك ومتعلق بك..

غيرك من النساء تبحث عن مثل هذا الزوج..

فكري في الموضوع بإيجابيه..


واطردي الشيطان اللعين ووساوسه التي يوسوس عليك بها..


أعانك الباري..
 
احمدي ربك
ماشوف في زوجك شي شين
ليش تبغين الطلاق
غيرك تتمنى تشوف زوجها لحظه وحدهـ
احلى شي بيتوتي ورومنسي
والمفروض الحين ترجعين بيتك
مو خسارنه شي كلميه اذا طلع ارسلي له رسايل له حق يزعل اذا انتي مقصره في اهتمامك
بعدين حرام عشرهـ 18 سنه تضيع بسبب صغير مايسوى
موفقه يالغلا
تقبلي مروري غلو
 
عزيزتي .. يبدو أن زوجك من النمط الشرقي .. هم طبعهم كذا .. مو بس زوجك ..
لكن أيضاً هذي الصفات ممكن تكون ايجابية اذا فكرتي فيها بطريقة ايجابية ..
نصيحتي لك .. اقرأي موضوع انماط الشخصية .. و اعملي بحث على شخصية النمط الشرقي في المنتدى و بتلاقين عدة مواضيع مفيدة... والله ييسر أمورك ..
 
تنازلي كثير وسامحي كثير وكشخي كثير ولاتتكلمين كثير ويمشي الوضع
 
حبيبتي الله يفرج همك زوجك صراحه من كلامك انه طيب وما اشوفه غلط بشئ ابدا الا اذا فيه شئ ما قلتيه طوري نفسك وغيري حياتك

وكمان بالمقابل قولي له عن كل شئ نفسك فيه وان كل تصرفاته هاذي تجيب لك الملل وصراحه هاذي مشكله بسيطه بالنسبه لمشاكل كثيرات

تفاهمو وكل واحد يوعد يغير من نفسه عشان الثاني
 
أو حماده :thumbdown:
واللي مايطول العنب >>
حامض عنه يقول
 
؟؟؟؟؟؟؟؟؟؟؟؟؟
ممكن جلسته الطويله بالبيت ممله
لكن واذا افترضنا ان كل اللي قلتيه عيوب فيه طيب
خذي عيوبه وقارنيها بعيوب من هم بسنه وقول استخفو وماقعدو واللي مايردهم خوف من الله ولا مجتمع ولا مرض حتى؟؟؟؟؟؟؟
انتي كتبتي عيوب مليتي منها رغم ان بامكانك تشوفينها ايجابية بسبب الوضع والزمن اللي احنا عايشين فيه
والله حتى الملتزمين ماسلمو
حطي عيوبه ومميزاته بورقه
ولاتنسي انه لك عيوب وعلى كذا اهو مازال يبيك يمه
ان كنت في نعمة فدرها فان المعاصي تزيل النعم
غاليتي طوري نفسك وغيريها
والله لو انفصلتي عنه ماراح تربحين وبيلاقي اللي تخليه امير زمانه
احمدي الله كثير انك مستقره وتحسي بالامان اللي اكثر النساء فاقدته
وفكري بشمول مو بانانيه بعد هذا العمر شو بيسير لاطفالكم ؟؟؟؟؟؟؟؟
تقدري تجددي في بيتك شوفي تطريقة التعامل مع نمط زوجك
تقدري تسعدي نفسك واهل بيتك لان بيتك من غيرك مايسوى شي
سوي دروس دينيه ولمي العائله حول الاب
شوفي شو يحب وحاولي تشاركينه انتي والاطفال
اشياء كثيره تقدري تغيري بها نمط حياتك

اسال الله ان يديم نعمه عليكم​
 
ياحليييييييييييييلك ياأختي (ندى حبيبي )..
افهميه كويس ..وشوفي خاطره..وتنحل المشكلة..<<< هذا إذا كان فيه مشكلة أصلا!!!!!!!!!!!
هو مايبغى إلا اهتمااااااااااااامك فقط لاغير..
الله يهدي القلوب!!!
 
لا يخيتي تعوذي من بليس دلعيه وخليه جنبك واحمدي الله في بنات كثير يبون ازواجهم مايطلعون من البيت هذا حطيه فوق راسك الله يسخركم لبعض وارجعي لبيتك
 
هلا حبيبتي

يسعدني ثقتك بي و اختياري لاعطيك رأي في مشكلتك

عزيزتي

من الواضح لي انك انسانه واقعيه في الحياة وهو مازال يريد وكأنكم حديثي الزواج متفرغين تماما لبعضكم

هذا جميل لكن ليس بهذه الطريقه التي يريدها كما وضحتي

المشكله من وجهة نظري لا ستحق الطلاق وانظري الى الجانب الايجابي من الموضوع>>انه يريدك

حتى لوكان بخارج نطاق السيطره فأخريات يشتكين من نفور ازواجهن وخانتهم لهن

عزيزتي ولا يستحق ان تذهبي لبيت اهلك صدقيني قد يحسدك البعض على ذلك

كل ما في الامر ان تعيدي ترتيب حياتك وروتينك

وبما انك ربة منزل قد يسهل ذلك عليك كثيرا

لماذا لا تتغزلين به وترسلي له مسجات الحب وان لم يكن يبادرك علميه ذلك

ارسلي له كذا مره ثم توقفي واذا سألك عن سبب توقفك وقولي هل بدلع اللي يرسلي ارسله

وابتمي وعطيه بوسه واذهبي ودعيه يفكر يكلامك >>>وعيدي الموقف بنفس الطريقه بدلع دون عتاب

رتبي يومك بحيث ان تكوني معه واذا كان ينام في العصر هذه الوقت خصصيه لاولادك وامور المنزل وغيره من الاهتمام

ارقصي له تعلمي>>>وصدقيني ليس هناك ما يدعوك للتعلم بمجرد ما تتحركي اي حركتين عواشوائتين

سيثار وصديقيني الرجل لن يرقى هل رقصك جميل او لا فهو ليس بأمرأة ليعرف فنون الرقص

كل ما يهمه ان يرا جسمك يتمايل يمينا ويسارا فقط

ويجب ان تتحدثي معه وتفهميه ان يوم بالاسبوع هو يوم للعائله لنخرج ونرفه عن انفسنا في اي مكان

ويوم اخر بالاسبوع يكون لك تذهبي اين ما تريدن عزيمه / عند اختك/ عند جارتك >>>لا يهم المهم هو لك

ويوم بالاسبوع اخر لزيارة عائلته اذا حب ذلك

وكل شئ عزيزتي يأخذ من الرجل بصبر ولسان معسول

وصدقيني >>>>( كوني له أمة يكن لك عبدا)>>>>>من تجربه شخصيه

قومي بالتسوق من الجمعيه معه فقط دون الاطفال

قومي بالتسوق لملابسك الخاصه معه ايضا واذا كان للاطفال اصطحبيهم معكم

اجعليه يساعدك في البيت دون ضغط منك عليه

مثلا تشتكين انت من ان اولادك قد يشغلونك ولا يمكنك الجلوس معه طوال الوقت

اذا اجلسي عنده وتكلمي معه واضحكي وجهزي القهوه والحلا واجتمعي انت واولاد معه مثلا المغرب

وبعد ذلك ليذهب الاطفال الى اعمالهم او عند التلفاز وابقي معه ومعكم الرضيع

واذا احتجتي القيام من عنده قولي>>>حبيبي امسك الصغنطوط شوي ابروح وابرجع واغمزي بعينك له

واذا رجعتي اعطيه بوسه جميله مع نظره وقولي شكرا حبيبي

جهزي غرفتك بين فترة واخرى بمفرش سرير وشموع وعصير وفواكه او شكولاته ولتكن ليله جميله لكسر الروتين وارقصي له

وهناك مواضيع كثبرة بالمنتدى لطرق الجماع واوضاعه وحركات جميله جدا لكسر روتين الجماع

وبالنسبه للخروج مع العائله بالرحلات لابأس اذا خرجت معه حتى دون التقائكم فهي فرصه لترفهي عن نفسك ونفسك اولادك


عزيزتي دامك استموتي بالعيش معه 18 سنه ماشاءالله

فلا بد ان هناك شئ جميل جدا تعيشينه معه جعلك تبيقين كل هذه المده وصبرك

لا تنظري الجزء الخالي من كوب الماء بل انظري الى الجزء الممتلئ بالماء

والخالي املئيه انت بهائك >>> ان كيدهن عظيم

وانصحك بمشاهده مواضيع المراقبه رين فدليها مواضيع جميله جدا قد تساعدك في تخطي محنتك


.............تحياتي​
 
فعلا كلام الاخوات صحيح المشكله فيك مو بزوجك ياختى الحين يشتكي ويتحسس وبعدين يروح يزوج لا سمح الله ويقول ماتدلعني وماتسوي لي رومنسيات دلعيه ودلليه وبعدين بيسمح لك بالطلعه وزيارة اهلك والله الرجال بالاربعين يصير مراهق ياتحتويه او يطير وبعدين انتى بتدوريه عشان يلصق وهو مايبي وعندك عيال بمتوسط وثانوي يعنى خلاص الرجال بلغ اشده مثل مالله ذكر في القران وليه ماتتصلي عليه وترسلي له وتدلعينه لا وبعد تبين تطلقين اشلون يعني بتتقاعدين من الزواج يعني بجلسين بيت اهلك بدون زوج واذا بتتزوجن كل الرجال يبون اهتمام زايد بها السن اذا ماتقدري تدلعيه وتجاريه زوجيه وافتكي منه وابشرك بعدها ماراح تشوفي وجهه السموحه يختى اغتضت
 
ماقدر ازيد على كلام البنات بشي بس انا مثلك لي 16 سنه زواج وكنت حاطه عيوب زوجي دائما قدام عيني وبعديت صرت اقرا في قسم الاستشاارات الزوجيه لقيت اني في نعمه كببببيره قدام مشاكل البنات وهمومهم الله يفرجها عليهم يارب وصرت اشوف زوجي طيب وحنون وانه في صفات احسن من غيره بكثيررررررررررررررر وكل مارجع لي الاحساس السابق اقنع نفسي انةهذا من وسوسه الشيطان يبي يخرب علي وعلى بيتي
اتمنى تفهمي كلامي والله يسخركم لبعض
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل