قناة جيانة النسائية للحوار....تعود بقالب جديد!!!

  • بادئ الموضوع بادئ الموضوع جيانة
  • تاريخ البدء تاريخ البدء
عزيزاتي نحن مقبلات على وضع خطير إن تمادينا في تلبية نداء الطبيعة ودفسنا في بطوننا ما ندفس!!
انتشرت أمراض المعدة والقولون والسبب هو الشبع ومافوق الشبع!!
لاتنسون إنه الشرع لم يغفل عن ذلك ووضع لنا أحاديث تصف لنا النظام الصحيح..
قال المصطفى(حسب ابن آدم لقيمات يُقِمن أوده)
(ثلث لطعامك وثلث لشرابك وثلث لنفسك)
لكن إحنا وللأسف نملأ الثلاث أثلاث بالطعام وبعدها نبحث عن خُرق نتنفس منه!!
استمعوا لقصتي هذي واحذروا لايوم تصير في بيت وحدة منكم!!!
حوار بين زوجين!!!!ولكن..(ترى من خيالي لاتظنون فيه ناس كذا الله لايبلانا!!)
سهام:عادل اترك الجريدة من يدك وناظرني!
عادل:وليش أناظرك؟وش بأشوف من جديد؟؟انتي انتي بنفس الكرش والشحوم المتطايرة من كل صوب!
سهام:الله يسامحك..وهو يعني أنا تغير جسمي غير من الحمل والولادة؟؟
عادل:يازينك انتي وأعذارك الجاهزة..يايمه اصحي كل الحريم يحملون ويولدون بس تتعب الوحدة على نفسها من برة ومن جوة!!لكن انتي مرابطة عند الثلاجة تخترعين أطباق وتحشين!
سهام:وش أسوي أجوع؟!!!!!
عادل:أقول ياخوفي لايجي اليوم اللي تاكليني فيه!
سهام:بسم الله علي..مو لذي الدرجة!وبعدين متضايق مني ودني نادي رياضي!
عادل:الله أكبر ناقص خساير أنا؟؟مايكفي كل منتجات التخسيس جبتهم ورزيتهم عندك؟؟أقول لو شمس ..كانت أمس!!
سهام:طيب اش أسوي لك؟انتي تزعلني وتجيب لي توتر وأحط حرتي بالأكل!حاول ترضيني دايم وشوف شلون بأصير؟؟
عادل:يالطيف..أخبر الواحد لازعل انصدت نفسه عن الأكل..وانتي تطبين فيه؟؟صدق إنك عكس الناس!!
سهام:لذي الدرجة أنا مضايقتك؟
عادل:باقي لك وجه تسألين؟؟انتي حتى في النوم تشاخرين بصوت تقولون دبابة؟؟؟؟
سهام:مالت عليها من جلسة معاك..بأروح أشتغل في المطبخ أحسن لي!!!!!
عادل:واش بتشتغلين في المطبخ؟
سهام:مشتهية صينية تشيزكيك..وحلى التوفي بأروح أسويهم وأرجع لك..تاكل معاي؟؟
صاح عادل من القهر وغطى وجهه بالجريدة!!!!!
اش رايكم؟؟ ناقشوا معي مرض السمنة واجتماعات النسوان وتنافسهم على مد السُفر!



​
 
كان فيه عضوة اسمها فرابيت شينو ومدري وين اختفت..في القناة السابقة اقترحت علي أكتب قصة عن خطَّابة اسمها(أم السعف والليف) وتبي تخطب لواحد كريه اسمه(أبو شَرِين) !!!شرير!
فقمت بخيالي الخصب ألفت لها هالقصة!!!

هلا فرابيت شينو!!
دخت وأنا أدوج من بيت لبيت ومن حارة لحارة!
أتصيد بنات خلق الله..
ويازين الناس لاطبيتي عليهم فجأة من غير اتصال!!تلاقين العجب العجاب!
اللي تارسة شعرها حنة ولابسة روب قديم وفوق الحنة حاطة شيلة مقطعة والحنة تقوطر حول أذانيها وفوق جبهتها!!
واللي تدخلين بيتهم وتلاقين صالتهم مقلوبة فوق تحت تقولين ضاربها اعصار!!
واللي ريحة بيتهم كشنة مخنزة تحسين انهم طابخين شوربة ضفادع بالسحالي!!وشي يجيب الهم والغم!
وأخيراً تطيح عيني على ذاك البيت النظيف اللي يهبل ويوم أدخل وأضرب على صدري وأقول أنا (أم السعف والليف) ردت علي صاحبة البيت وهي رافعة خشمها:شكراً مانبي شغالة عندي شغالتين من الفلبين!!!!
قلت:أقول تراني موب شغالة!
صاحبة البيت:أوووه فهمت!انتي أكيد الشحاتة؟!
روحي المسجد اللي قدامنا وهم بيعطونك المقسوم!
أنا:أقول عاد تراك مصختيها!أنا الخطابة!
صاحبة البيت:ياهلا وغلا..تفضلي حبيبتي البيت بيتك!ايريـــــــــــن جيبي العصير!
سينيثيا زهبي القهوة والعلوم الطيبة!
قلت:ههههه اعقبي يالخسيسة عندك بنات في محقة الزواج؟!!
صاحبة البيت:هي وحدة بس!وناشبتن بحلقي كل خواتها تزوجوا إلا هي..أكيد انك بتجيبين لها العريس المناسب؟!!!
قلت:أفا وأنا أختك لي 20 سنة وأنا أشتغل خطابة وتم على يدي 77 زواجة كلها انتهت بوفاة العروس أو طلاقها!!على بالك أنا شوي؟؟
صاحبة البيت:وياترى زوجك انتي اخترتيه ولا هو اللي خطبك؟؟
قلت:أفا!!ومين قال لك اني متزوجة؟على بالك لو اني متزوجة كان قدرت أدوج ليل ونهار وأفتش عن معاريس لبناتكم؟؟؟؟؟؟
صاحبة البيت:صدقتي...و
قامت تنادي بنتها يارهف يارهف..
عاد أنا سمعت ان اسمها رهف استبشرت خير!
وتدخل علينا وحدة ينقال برميل نفط!! وغصب تمشي ويدينها كل اصبع منها ينقال يد بزر!حتى لو جت بتدخل اصبعها بخشمها مايدخل من كبره!!
وشعرها خفيــــــــف ومنتف..والصدر لحاله حكاية! تقولون بالونات مليانة ماء!!
وقعدت على الكنبة بثقلها وانكسرت رجل من الكنبة!!
صاحبة البيت:هذي بنتي رهف..ربيبة الترف..والعفة والشرف..
قلت:شوفتك صابتني بقرف..وحالة هذيان وخرف..من جمال فيك ماانوصف!!
وقامت تضحك رهف الجنية تقولون ضحكة بقرة مجنونة!
صاحبة البيت:شوفي ان لقيتي لها عريس فلك كل ماتتمنينه بهالحياة يمين لأرش عليك الفلوس رش!بس انتي فكيني منها اليوم قبل بكرة!!!
قلت:موافقة!بشرط لازوجتها للعريس وتوفى ليلة الدخلة فلي نصف ورثته!!!
صاحبة البيت:تم!
وزوجناها أبوشرين...ومدري ليش كل ماشافني مارة من الحي يتفل علي ويرمي حذيانه!!
صَدَق اللي قال(جزا المعروف سبعة كفوف!!)
0000000
على ضوء القصة السابقة..
هل تقتنعون بالزواج عن طريق خطَّابة؟؟
هل الصحيح إن الشينة العفشة حظها يكون واقف؟؟
هل بعض الأمهات يجيها شعور كبير بأنها ودها تفتك من بناتها في أقرب فرصة؟؟؟
تفضلوا الميكرفون..خل نشوف مين بتغرد لنا من الصبايا؟؟؟؟
 
لالا لا..ماهقيتها منكم.الله يسامحكم
يظهر انه الغالبية العظمى تبرمجوا على النكد والزعل!!
شاركوني في كل ماطرحت بالأعلى من مواضيع وينكم؟
ترى لي هدف خفي في اصطياد خفيفات الظِل!
 
جيانة قال:
صُنْقَعْ بُنْقَعْ..صُنْقَعْ بُنْقَعْ..
قلبي قاعد يخبط يرقع
وعيني من شوفتكم تدمع
ياهلا فيكم وصدري يوسع
أنا معاكم أقرأ ...وأسمع
ياعسانا دايم..... نتجمع
هذي كشخة وهذي تفجع
وهذي عصلة ومن العود أرفع
وذيك الدبة تمشي وتصقع
وذيك بنقــــاب وذيك ببرقع
وذيك على الكميرا ودها تطلع
أهواكم وإن كنتوا قرنبع!!!!​

أنقر للتوسيع...

مرررررحــــــــــبــــــــــــا ,, حيا الله الجميع
انا المغنيه الشهيره صاحبة اكبر قوام رشيق .. ام صلبوخ .. جيتك اليوم وانا متاكده انك راح تعرضين علي اغني ابياتك الحلوه - ماشاء الله تبارك الله - الحين يجيك شي تقولين ام صلبوخ صكتني عين
مع اني بسم الله علي عيني بااااااارده ..
حتى مره رحنا عند حرمه مريضه .. ويوم دخلت عليها قلت هذي اللي يقولون مريضه
وصارت ذيك اللحظه اخر لحظه بحياتها ..
ماادري ليش .. مع اني ماشاء الله علي عيني بارده << واضح
مالك بالطويله

ترى انا اغني بعيداً عن المحرمات ..
اغني بدون موسيقى .. الله لا يخسف بنا ..
والشي الثاني اسوي فديو كليب وانا محتشمه كل الاحتشام ..
عشان ما اظهر مفاتني عند الرجال .. الله لا يعاقبنا

يعني لاتخافين .. قصديتك في ايدي امينه ..

وترى اهم شي كم تدفعين عشان اوفق اغني لك ابياتك .. وتعرضينها بقناتك ..؟


..
 
مرحبتن .. يسعدني اني اكون اول من يرد على اسئلتك
اما سوالك الاول :
هل تقتنعون بالزواج عن طريق خطَّابة؟؟
انا لا اقتنع لاني احس انها تبي تمشي البضاعه اللي عندها وبس ..
هل الصحيح إن الشينة العفشة حظها يكون واقف؟؟
بالعكس الرسول دعى للشينات .. وربي مايخيب احد
وياكثر الزينات اللي تارسات البيوت من دون زواج
الله يرزقهم كلهم
هل بعض الأمهات يجيها شعور كبير بأنها ودها تفتك من بناتها في أقرب فرصة؟؟؟
كثير من الامهات تبي تزوج بنتها .. تحسب انها بترتاح وتستر عليها ..

وشكرا لـ اتاحة الفرصه لي بالمشاركه ..
بس لاتنسين العرض اللي قلت لك عنه ..
 
i can do قال:
مرررررحــــــــــبــــــــــــا ,, حيا الله الجميع
انا المغنيه الشهيره صاحبة اكبر قوام رشيق .. ام صلبوخ .. جيتك اليوم وانا متاكده انك راح تعرضين علي اغني ابياتك الحلوه - ماشاء الله تبارك الله - الحين يجيك شي تقولين ام صلبوخ صكتني عين
مع اني بسم الله علي عيني بااااااارده ..
حتى مره رحنا عند حرمه مريضه .. ويوم دخلت عليها قلت هذي اللي يقولون مريضه
وصارت ذيك اللحظه اخر لحظه بحياتها ..
ماادري ليش .. مع اني ماشاء الله علي عيني بارده << واضح
مالك بالطويله

ترى انا اغني بعيداً عن المحرمات ..
اغني بدون موسيقى .. الله لا يخسف بنا ..
والشي الثاني اسوي فديو كليب وانا محتشمه كل الاحتشام ..
عشان ما اظهر مفاتني عند الرجال .. الله لا يعاقبنا

يعني لاتخافين .. قصديتك في ايدي امينه ..

وترى اهم شي كم تدفعين عشان اوفق اغني لك ابياتك .. وتعرضينها بقناتك ..؟


..
أنقر للتوسيع...
ماني دافعة شي..!
أنا اقترح إنك تبتعدين عن القناة يومين مو عشان شي بس خذي لك راحة!!
أخاف تصك القناة والسِبة عينك الباردة!!
 
على ضوء القصة السابقة..
هل تقتنعون بالزواج عن طريق خطَّابة؟؟
انا عن نفسي لا أحب ذلك
هل الصحيح إن الشينة العفشة حظها يكون واقف؟؟
لا سبحان الله لاحظت شي
دايما الجميلات هم من يتأخر نصيبهم وان تزوجوا يكون الحظ مو تمام التمام ,, مجرد شي حسيته وطبعا الامر كله توفيق من ربي سبحااانه ..
هل بعض الأمهات يجيها شعور كبير بأنها ودها تفتك من بناتها في أقرب فرصة؟؟؟
يمكن البعض
اناا باقي ما جربت توني ربي يرزقني واشوف كيف
بس امي هذاك اليوم تعبت وبس يطري هالطاري تبكي وحالتهاا حالة ,,,

يسلمو جيونآآ
 
قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة:
 
عيالي الغالين قال:
قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة:
أنقر للتوسيع...
ههههههههه
الله يسعدك...خوش تهنئة!!
عساه بس يعرف يقرأ؟!
 
حلاوقطن قال:
السلام عليكم انا في حلم والا علم انتو رجعتو مره ثانيه لا اكيييييييد احلم:29:
أنقر للتوسيع...
لا في علم..تعالي اقرصك يمكن تصدقين..
طيب قولي مبروك على الأقل!!!
 
انا بعلق في موضوعك الاول
الصراحة الوحدة فينا يوم تكون طفشانة و ما في سالفة و ابو الشباب مسوي فيلم هندي و عصابات
على طوووووووووول عالمطبخ الواحد يتفشى الغيظ و القهر وبعدين التنافس لازم لزوم الفشخرة اني شاطرة في الطبخ والحلويات و النتيجة المتان تارسين المكان ولا مجال للحوار يلا حال الدنيا
 
الله يعافيك اللي ريحتيني
لكن لي عوده

<< بيحذف الموضوع من عيونها ههههههههه
 
nanaa قال:
انا بعلق في موضوعك الاول
الصراحة الوحدة فينا يوم تكون طفشانة و ما في سالفة و ابو الشباب مسوي فيلم هندي و عصابات
على طوووووووووول عالمطبخ الواحد يتفشى الغيظ و القهر وبعدين التنافس لازم لزوم الفشخرة اني شاطرة في الطبخ والحلويات و النتيجة المتان تارسين المكان ولا مجال للحوار يلا حال الدنيا
أنقر للتوسيع...
يا نحط حرتنا في أزواجنا يا في الأكل؟!
وجهة نظر!
 
سلام سلام سلام تحية الاسلام
الو الو الو شراب البرتقال

هلا والللللللللللللللللللللله بجيونه كيفك وحشتينا ياحبي لقصة اسمهان وعبد الرحمن ههههههه ماترروح من بالي
 
صراحه اهم شي الاخلاق وبعدين خلي الخطابه تترزق مسكينه وان كان انتهت بالطلاق والوفاة اجل وش بتنتهي به فكري ما فيه غير هالاثنين خخخخخخخ
وبالنسبة للمتن الرابح الاكبر ما اخترعوه من فراغ وبعدين انتي شكلك تبغين بنده والعثيم يخسر هههههههه
بعدين المتن يجيب خفة الدم صح والا ؟؟ <<< خخخخخخخ اما هذي مدري من وين انا اخترعتها
عالعموم انا اشوف اولا واخرا اهم شي الاخلاق وترى انا متابعه البرامج اللي فيها مشاكل اسريه والحلول لها عشان نبتعد عن المتن واسبابه وانتي برنامجك مره روعه يجنن يهبل اتمنى ان البرنامج ما يخلص ههههه
بس شرايك اذا كان الزوج متين والزوجه عود كبريت هههه حلو التشبيه او العكس اذا كان الزوج عمود كهرباء وكانت الزوجه دبة غاز وش الحل ... انا اقترح انهم يبدلون مع بعض هههههه
ويصيرون الدببه سوا والمساويك سوا خخخخخخ
من اول ودي اقول شي بس لا تقفلون في وجهي وتقولون طلعت عن موضوع الحلقه


عفوا ممكن خلطة تبييض المناطق الحساسه وتصغير الادراف وخلطة الرجيم ؟؟




طوط طوط طوط
 
السلام عليكم
كيف الحال جيانه وأخواتها؟؟ على فكرة ليش بالنحو ما عرفرنا إلا على إن وأخواتها وكان وأخواتها ؟ طيب وباقي قرايبهم ياحرام ما جابوا لهم سيرة ،، وبعدين الأولاد هالدرس بيعجبهم لأن بناتي ؛) ليه ما حطوا لنا حرف وأخوانه نتعرف عليهم إحنا كمان، ولا إحنا البنات دايم مظلومات ,,, أمزح معاكم ترا ،، ييي لو وحدة تصدق تقول أستغفر الله العظيم هل تريدين أن تدخلي الشباب إخوان حرف علينا في الصف وننكشف عليهم ؛)

عموماً حبيت أفرفش معاكم على قناتكم لأن هالليلة مدري شفيني ما قدرت أنام وهذا آذان الفجر الأول يأذن ،، مع إني أعز النوم والله بس مدري ليه مخاصمني الليلة ؟؟ تعالى لي يانوم وماتزعلش مني أصلي مش حأدر على بعدك أبداً ....

شكرًا جيانه نشوفك على خير مع دردشات أخرى
 
مرحبا..مافي تفاعل ليش؟؟​
بنات؟هل سبق وسمعتوا عن الفراسة؟؟
الفراسة كلمة مأخوذة من قولنا(تفرست فيه الخير) بمعنى تثبتت ونظرت..
وفيه فرق بين كلمة الفراسة بالكسر والفتح..
بالكسر معناها إدراك الأشياء بذكاء وفطنة..
وبالفتح معناها الفروسية وركوب الخيل بمهارة..
ولها 3 أنواع:
فراسة إيمانية:وهي نور يقذفه الله في قلب عبده الصالح فيصبح عنده قدرة على التفريق بين الحق والباطل وكان عمر بن الخطاب مشهور بالفراسة...
الفراسة الثانية:فراسة يشترك فيها الكافر والمسلم ولاتدل على إيمان أو ولاية إنما هي مجرد تخمينات واستكشاف للشيء عن طريق التجربة..وقد يغتر بها الجهال ويحسبونها علامة للصلاح!!
الثالثة:فراسة خِلقية..وهي الاستدلال بـ خلقة الشخص على أخلاقه..مثل اللي يستخدمونها دكاترة علم النفس..
مثل الاستدلال بصغر رأس الشخص على صغر عقله!
أو خمود العين على بلادة صاحبها!والوحشة التي تظهر على العين على سوء الشخص وفساده!!
وطبعاً هذي تخمينات قد تصدق وقد تكذب..
لكن الفراسة الإيمانية هي الفراسة الذكية العجيبة وهذي بعض القصص عنها..
وكان من أشهر المتفرسين إياس بن معاوية..
ومرة كان جالس مع أصحابه ويتأمل في الذاهب والآتي .. ونظر إلى رجل ..وفجأة قال لأصحابه:هذا غريب وهو من أهل واسط وهو معلم ويبحث عن عبدٍ له هارب!
فقاموا أصحابه يتأكدون من الموضوع ووجدوا كلامه صحيح وسألوه:كيف عرفت؟؟
رد إياس:رأيته يمشي ويتلفت فعلمت إنه غريب!
وعلى ثيابه تراب أحمر فعلمت إنه من أهل واسط لأن ترابهم أحمر!!ورأيته يمر على الصبيان ويسلم عليهم ولايسلم على الرجال فعلمت إنه معلم!
ورأيته لايلتفت لمن هم ذوي هيئة ولايلتفت إلا لمن يلبسون الثياب الباليه فعلمت إنه يبحث عن شخص فقير وخمَّنت إنه عبداً يعمل عنده وقد هرب منه!!!!​
 
فن تعبير الرؤى مو أي شخص يجيده!
مو كل من فتحت كتاب وقرأت لها كلمتين راحت ركض تفسر رؤى!!
اقرأوا معي قصص لمحمد بن سيرين أشهر المفسرين المسلمين...
جاء إليه رَجل وقال:إني خطبت إمرأة فرأيتها في المنام سوداء قصيرة!!
تفسير ابن سيرين:سوادها :مالها..وقصرها: قصر عمرها..
وبالفعل لم يعش معها الرجل سوى فترة قصيرة فماتت وورثها!!
وبيوم أتى إليه رجل وقال:إني رأيت كأني على رأسي تاجاً من ذهب...
فقال ابن سيرين:اتقي الله..فإن أباك في أرض غربة وقد ذهب بصره وهو يريد أن تأتيه..
فأدخل الرجل يده في جيبه وأخرج منه رسالة وردته من أبيه يذكر فيها ذهاب بصره وأنه يأمره بالإتيان إليه!!!!
وسأل رجل ابن سيرين قال:رأيت في المنام كأني أؤذن
فقال له ابن سيرين:ستحج ان شاء الله..
وقال له رجل آخر:رأيت في المنام إني أؤذن
فقال له ابن سيرين:ستسرق وسَتُقطع يدك!!
فقالوا الناس كيف عبرت الرؤيا لكل شخص بكلام مختلف؟؟
قال ابن سيرين:رأيت الأول على سيماء حسنة فأولت الرؤيا له كما قال تعالى(وأذِّن في الناس بالحج)..
ولم أرضى هيئة الثاني فأولتها بقوله تعالى(ثم أذن مؤذن أيتها العير إنكم لسارقون)!!
فسبحان الله...علم تعبير الرؤى لايتأتى لأي شخص وإنما لمن يجيد حفظ كتاب الله وربط التعبير بها..
 
حرم سوووسووو قال:
سلام سلام سلام تحية الاسلام
الو الو الو شراب البرتقال

هلا والللللللللللللللللللللله بجيونه كيفك وحشتينا ياحبي لقصة اسمهان وعبد الرحمن ههههههه ماترروح من بالي
أنقر للتوسيع...
هلا فيك..
بعد اسمهان وعبدالرحمن غيرت اللون وكتبت(ثرثرات تغريد)..أجزاء كثيرة بس متفرقة..يعني تشبه المقالات مو قصة متصلة
أتمنى تنورينها بزيارتك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل