هذي اول مشاركة لي وأول مرة اتكلم عن شيء يخص حياتي مع زوجي بس تعالوا وشوفوا وش سوى؟؟

م

مغلوبةعلى أمرها

New member
إنضم
2010/04/01
المشاركات
5
السلام عليكم
أنا اول مرة اكتب عن حياتي وابي مشورتكم ويارب مايقرأ اللي أنا كاتبتها لا يموتني....
انا تشاكلت مع زوجي على سالفه صغيرة شوي وانا ذي المرة اتلقفت في شيء يخصه والله انه خطأ بسيط والانسان مو معصوم من الخطأ بعدها يابنات ضربني يومين وراء بعض ضرب مبرررررررررررح لحد الآن آثار الضرب فيني ويضربني وانا حامل ويسب ويلعن ويعايرني ويدعي علي بالموت ويسحب بشعري وبناتي يبكون ويقولوا بابا خلالالالالاص وانا خفت عليهم وصرت امثل عليهم اني طيبه ومافيني شيء لأن بناتي صغااار واليوم يقول انا مااحبك وانتي اصلاً فيك عيوب وانا الحمدلله متوسطه الجمال وفوق المتوسط بس هو شايف اني اللحين ولاشيء ويقول والله لاتزوج عليك ويسب حتى في أهلي خلالالالالالاص احسي اني تعبت ماادري كيف اعامله وكيف اتعامل مع هذا العصبي اللي صبرت وساعدته في دوامه في الشركه حتى ارتفع في منصبه ولحد الآن يطلب مني المساعدة وفي الأخير يسب ويلعن ويشوف التلفزيون ويقول ياليت من يتزوجها بس احنا ابتلينا بالشينات تعببببببببببببت كثييييييييييير والله ماكان كذا بس تغير مع الضغوط واي شيء يضايقه يحط الضيقه ويفرغ الهم فيني وينكد علي عيشته حسبي الله عليه ونعم الوكيل
لاتقولون الطلاق اهلي مستحيييييييييييييييييييييييييييييييييييل يخلوني عندهم امي و ابويه كل واحد يقول روحي لبيتك قعدت عندهم يومين جلسوا يضربوا ببناتي وينفخوا عليهم؟؟
يااااااااااااااااارب ترحمني برحمته مع انه يعرف اني تعبانه وحامل وشايله البيت كله علي ودوام ولاشغاله ومع ذلك ما راعاني بس يضرب ويشتم اعطوووووووووووووووووووووووووووووني حل ؟؟؟
ودعواتكم......
 
الله يكون بعونك ...... عليك بكثرة الاستغفار ... واكثري من قول لا حول ولا قوة الا بالله ......
 
يا الله فعلا الواحد حتى مايعرف يعبر بهالمواقف
اكثري من الاستغفار وصلاة الليل والدعاء
بأن الله يلطف بحالك ويسخرلك زوجك يارب
بس حبيت انبهك لشي لايحس زوجك ان روحتك لاهلك صعبه
لانه للاسف بيستغل الشي هذا ويتمادى اكثر
اذا عندك اخوان كباراو حتى عم او خال اشرحي له مشكلتك
ويتدخلوا يوقفوا زوجك عند حده..اذا الوالد رفض يكلمه وياخذ حقك منه
قولي اجل انا مقدر اتحمل اهانات وضرب اكثر لاجيتكم انا وبناتي تحملونا..
 
لاحول ولاقوة الابالله الله يهدية ويسخرة لك عليك بالاستغفار0000
 
الله معاكي ويصبرك ويغيره لكي للاحسن
حاولي تقراي كل يوم سورة البقرة وتستمري عليها يوميا وراح تشوفي
ان شالله التغيير والزمي الاستغفار وربي راح يغير حياتك للاحسن
والله معاكي
 
هلا حبيبتي
ممكن اسالك سوال؟
كيف انتي في مملكه بلقيس وتسالي عن الحل اتمنى تقراي مقالات ناعمه الهاشمي ومشكلات ام الوليد ام بسمه وكيف غيرو حياتهم مع ناعمه بعد الله .......
انا احس انك لو كملتي ببيت زوجك اكبر ذنب بحق بناتك وجنينك اللي ماشاف الدنيا لان نفسياتهم مهما كبرو ماراح ينسو الظلم اللي شافوه
واامان اللي فقدوه والرعب اللي بالبيت
وانتي قلتي انك موظفه ابعدي فتره عنو وعيدي حساباتك
وراجعي نفسك وكيف نفسك هانت عليكي وقبلتي الضرب اتمنى تقراي عن الاستاذه ناعمه لان مجرد كلامها يبرمج عقلك لاني مجربه هذا الشي واستعدت ثقتي وحبي لنفسي
صدقيني لو حس ان عندك كرامه ما كان سوى كذا وانا اتمنى اسمع عنك اخبار حلوه وانتبهي تبيني ان اهلك رافضينك بس اعتمدي على نفسك ووظيفتك وهذا الانسان مؤقتا ابعدي عنه باي طريقه وهيرجع لك بس غيري نفسك حبيها وحرام بناتك يشوفو الاهانات والعنف ابعديهم عن الجو ذاالدنيا بخير واهلك ماهيرفضوكي اذا عرفو انه مد يده عليكي اذا ماهمهم الدنيا بخير دوري اي حل بس وقفي هذي المهزله اللي صايره بحياتك لاترضي على نفسك الهوان والعذاب وربنا حلل الطلاق واللي تحسيه صح نفذيه بدون تردد
انا لاحظت كل الردود اللي جاتك بس مواساه لان ماراح احد يحس فيكي غير نفسك اما الباقي يجامل اتمنى توقفي مع نفسك مره وحده عشانك وعشان بناتكلان لو استعدتي نفسك راح يرجع يدور عليكي اكيييد


احبك في الله واتمنى القى طريقه اتواصل معاكي او اساعدك اذا كنتي بجده
 
لاتتركي قيام الليل ولوركعه واحده وعليك بالاستغفار وقراه سوره البقره تطرد الشياطين وفيها بركه لقارئها سبحان الله وعليك بالعاء وسوال الله صلاح الحال وتراني كنت زيك بس لمااستمريت على القيام والاستغفار ومسكت نفسي عن بعض التدخلات اللي ماتجيب غير عوار الراس واي شي اشوفه واراقبه من بعيد ادعي ربي يفرجها انحلت اغلب مشاعلي وهدا بالي ولله الحمد اتمنى انك تطبقين ماقلت لك وشكرا
 
معليش لو تزعلي علي يوم او يومين وتتحملي انزعاج اهلك يمكن هم مايبوك تتطلقي يقومو يعملو معاك كدى
بس لو عرفو مشكلتك راح يتعاطفو معك
وبعدين لاتنفعلي معاه مايسوى الانفعال مع شخص مثله مايتفاهم ولايقدر وعصبي
انتي انتبهي لنفسك لاتجيك ضربة مؤدية وانتبهي لجنينك
وخليك رايقة معاه وعلميه كيف يروق
يعني لو قالك احنا ابتلينا بالشينات قولي له بكل هدوء وانا الله رزقني بك وانا راضية واحبك
وماراح اقول عنك شين او اللي بهالتلفزيونات ازين منك لاني مااشوف بهالدنيا غيرك
يعني جربي تمتصي غضبه وبنفس الوقت يخجل من حكيه
واذا انفعل انتي ابتعدي شوي وخدي نفس واشغلي نفسك باي شي
ولاتجاكريه لانه ممكن يضربك وانتي غافلة ماتتوقعي منه خليك حليمة معاه
وربي ينصرك عليه ويهديه عليك
جربي تعيشيه في اجواء رومانسية وتدلعيه يعني شموع ورد بعد ماتنيمي الاولاد وتدلكيه وتسوي له مساج تتطيبي ملابسه صح الوضع متعب عليك حمل ووضيفة واولاد بس حاولي تركزي اهتمامك عليه قربي اولادك منه ولو ضربك قدامهم بيني له بعد ماتزول نوبه غضبه انك شفتي الاولاد متأثيرن ويبكو كثير ومن هالحكي
ربي يهديك ويسدد خطاك​
 
عليك بركعتين آخر الليل فهي السهام التي لاتخطيء الهدف تذللي لله وأسأليه ان يسخره لك ويدفع شره عنك -حاولي الابتعاد عنه لأن بعض الرجال حينما يعصب ويرى تأثر زوجته من صراخه وأسلوبه يفرح أنه متأثره ومتنكده -يعني يربيها بهذه الطريقة -فاحمي نفسك وجنينك من المتاعب النفسية -
 
اختي نار اهلك ولا جنت زوجك دامه مد يده عليكي اعرفي ان الي بعدها ممكن يكون اصعب وممكن يكون كسر يد ولا تسقيط ولا قلع عين ولا اي شي لا سمح الله دامك تنازلتي عن كرامتك انسي ان هو يعزها لك
ولا تقولي جمالي متوسط في بنات شينات لدرجه البشاعه وبعين زوجها اميره الجمال موب كل شي الروح هي الاهم
روحي بيت اهلك واجلسي بغرفتك انتي وبناتك افضل لك من حياة الاذلال والتنازلات الي انتي عيشتيها ولا تحسبي انه بكذا رح يعرف قدرك لا مارح يقدرك لان انتي ما قدرتي نفسك
كفايه اذلال واهانه ولا تسببي لبناتك التعقيد والبهذله في المستقبل
روحي وتحملي اهلك واصبري وانتي موظفه موب محتاجه منهم شي لكن صدقيني رح يعرف قدرك ويعرف انك ام عياله ورح يجي يعتذر كذا الرجال يوم يكون الشي بيدهم يرفسوه وان طار من يدهم يجروا وراه الين ما يموتوا
تحملي في بيت اهلك ولا تتنازلي له بسبب ظغوط اهلك
خلك قويه وتحمليهم ولو زاد عليكي اذيتهم اجلسي معهم وتكلمي قولي لهم الحين ظربني يومين وهو يظربني بكرا لو مت بين يدينه وربي ما اسامحكم ولا الحللكم بكذا رح يخافوا
ولو ما خافوا في اماكن كثيره تقدري تلجائين لها غير بيتك لكن لا ترجعي بيتك خلك قويه ولا تهيني نفسك

ربي يسخر لك الخير ويفرج همك ويسخر زوجك لك ويهديه ويصلح امره
 
شوفي احتمال زوجك مقهور..منك..او من شي ثاني..وشايل..فما حسب بالمشكله وصار يضربك...
واحتمال غيران منك..ربي قاااااااااااااااادر يفرج همك..ويصلح زوجك يارب..
 
حطيله حد ... خذي ابوك وابوه وامك وامه ... انتي تجلسين مع ابوه وابوك وهو... وامك وامه يوقفون عند الباب يسمعون ويتكلمون اذا ماكنتم تتكاشفون ... وتفتحين الموضوع كل الكلام اللي قلتيه قوليه لهم والحين مو بعدييييييييييين ... فيه مواضيع تتأجل وفيه مواضيع ماتتأجل ووالله لو ماقلتي انه عيالك يشوفونه يضربك قدامهم كان ماقلتلك كبري المشكله يعني دخلي فيها اطراف ... بس الموضوع مرررررررررررره رايح فيها البرينس... اول شي انتي لك كرامه ياحبيبتي وانت منتي جايه من الشارع عشان يفكر اصلا يمد يده وقدام العيال حسبي الله ونعم الوكيل ...


نصيحه (( اسأل مجرب ولاتسأل طبيب ))


وحده من صحباتي عروووسه في بدايه زواجها بس كان يضربها وتحلف انه حتى في السياره يسحبها بالطرحه قدام الخلق ويضربها في راسها بقوه ويسحبها في البيت ويجي عليها بالمساحه يضربها وقطع ملابسها وراها الويل وهي عروووس هذا كله صار مو في مره... لاأأ.. اول مره رفع العقال بس ماضربها ... وبعدين اشوي اشوي وبدأ الضرب الين ماصار يضربها في الشارع وهذا كله لييييييييييييييييه لانها ساااااااااااااااااااااكته محد يدري .................
جا يوم عزمت امها وابوها وامه وابوه قالتلهم تعالوا عندي للقهوه ... وزي ماقلتلك راحت جلست عند ابوه وابوها ... والامهات عند الباب ... المهم في النهايه الولد تااااااااب وعاهد ابوه بأنه مايمد يده عليها والولد ندمـــــــــــــان ... ودايم يقلها سامحيني .. لانها دايم تذكره وتقله ماحسامحك وربي ماحيوفقك وكل ماصار شي في عمله او تجارته او اي شي في شغله تقله هذا نصري .....ومن جد اخذها بالعقل الين ماهجد ومشت الحياه معاهم والحين مستانسين ويحبووووون بعض ...

اتمنى انك تفتحين الموضوع مع الاطراف الاساسيه اللي لها دور فعال مو غيرهم في حل المشكله ...الله يوفقك وينصرك انتي وبناتك عليه ...معليش سامحيني بس حرام اللي قاعد يسويه...​
 
الحل انك تصبرين دام عنده ضغوط وخصوصا صعبه جلستك ببيت اهلك
روحي فلي سجادتك وادعي ربك وكثري استغفار وتصدقي
عسى ربي يفرجها لك
 
اطلق على الرجل اللي يضرب زوجته اشباة رجال لان الرجل كامل الرجولة

يكـــــــــون عنده مرؤه ويحترم الزوجة لكن مثل هذا الشكل لابد انك توريه العين الحمراء مو اذا تراضيتوا

تحسسيه انو ماصار ولاشي لا لابد من انك تبني انو لك كرامة وانك قادرة على الحياة فيه وبدونه،،
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل