سلة فواكه
New member
- إنضم
- 2007/04/05
- المشاركات
- 4,025
مساء الفل
شلونكم حبيباتي قلبي
بدون اي مقدمات اول امس اختي ولدت ويابت ولد مثل القمر والله يرزق كل محرووومه يااارب , عاد اختي عندنا بنت عمرها 4 سنوات تعرفون لازم نوديها المستشفى تشوف امها والبيبي ..
قمت خذيتها معاي وقلت خلني اشتري لها بدله يديده واكشخها عشان اوديها لامها المستشفى في اجمل صوره ونفرح امها ورحت معاها احد المجمعات التجاريه ..
كانت البنت لابسه بنطلون جينز وتوب كمه قصير ... المهم وانا اتمشى معاها من محل الى محل وهي تهذر وتسولف لفت نظري وحده يمكن عمرها بالثلاثينات شكلها من جنسيه عربيه لابسه عبايه وشيله تطالع بالبنت قلت يمكن عجبها شكل البنت ,, واحنا نتنتقل من محل لمحل والانسانه نفسها ورانا واطالعها تناظر بالبنت وتحديدا في مؤخرتها , شكيت قلت يمكن مشبهه او شي,, بعدين زاد الوضع وقامت تلاحقنا من محل لمحل وصارت تطلع لنا من بين الملابس وهي تسوي روحها تتسوق لكن عينها على البنت قمت حطيت عيني بعينها خافت وراحت بعيد وبعد شوي رجعت, بصراحه خفت على بنت اختي منها وقلت خلني اكلمها سالتها خير شفيج تلاحقينا من مكان لمكان واطالعين البنت جذي؟؟؟ قامت ارتبكت وتلعثمت وقالت لااا مافي شي بس الجينز الي عليها عاجبني( مع ان الجينز عادي جدا ) بصراحه انقهرت قلت خلني ائدبها لان هالمواقف يبي لها قوه وجرأه قلت لها الجينز عاجبج ولا شي ثاني ذلفي لاتخليني اسويج عبره واخلي الي مايدري يدري , والله يابنات خافت وماتت من الخوف وراحت شردت وهي تركض ..
يعني تبيني اغفل عن البنت شوي او تعجبني قطعه وادخل اقيسها او الهى عنها وتخطفها لا سمح الله ,, هذي وهي حرمه وجذي , يعني حتى الحريم صار ينخاف منهم قبل تخافين على البنت من الرجال والحين رجال ولا حرمه نفس الشي , وسواء كان عندج ولد ولا بنت خافي عليهم نفس الخوف لاننا في زمان مافيه فرق بين البنت والولد والاثنين معرضين للخطر لو غفلتي عنهم لا سمح الله ..
وايد تالمت من هالشي يعني هذي حرمه وتلاحق الاطفال في المجمعات جذي بدون خوف من الله , عيل شنو نقول عن الرجال بالاخص ان بلدانا الحين صارت مفتوحه للكل للرجال الاسيوين والجنسيات المختلفه الي تخافين منهم ولا تأمنينهم ...
هذي والبنت لابسه ملابس عاديه يعني مو ضيقه او قصيره انا اتسائل يعني لو كانت لابسه مثل بعض البنات الي امهاتهم يلبسونهم ملابس عاريه على الرغم من انهم صغار وهالشي حلال بس يخلي المريض يطمع فيهم , اجسام طفوليه حلوه وطريه ونقيه يعرضونها بعض الامهات للنفوس الضعيفه يعني نشوف الام من كثر ماهي فرحانه ببنتها تلبسها العاري والقصير ويكون جسم البنت ماشاء الله حلو وملفت وابيض وما تخاف عليها من الناس ولا من العين ...
يعني يابنات المغزى من موضوعي نقطتين , حاسبو على عيالكم من النساء والرجال لما تطلعين معاهم مسكي ايدهم زين ولا تغفلين ولا دقيقه اعوذ بالله من ساعه الغفله تصير فيها بلاوي وهالفساد المنتشر برهان على قرب الساعه وصارو حتى الحريم ينخاف منهم ,, والشي الثاني اذا الله عطاج بنت سواء كانت ممتلئه او ضعيفه او سمينه حاسبي على ملابسها ولا تظهرين بدنها اذا طلعتيها عوديها على الملابس المحتشمه حتى لوكنت بتلبسينها قصير احسن يكون تحت الركبه وياريت ما تلبسينها كت وتسترين على جسمها من عيون الذئاب البشريه الجائعه ..
يستر الله على بناتنا واولادنا وجميع المسلمين وعسانا ما نشوف في طفل من اطفالنا شر ولا تنسون ان اي شي يتعرض له الطفل سببه الرئيسي اولا واخيرا الوالدين ..
شلونكم حبيباتي قلبي
بدون اي مقدمات اول امس اختي ولدت ويابت ولد مثل القمر والله يرزق كل محرووومه يااارب , عاد اختي عندنا بنت عمرها 4 سنوات تعرفون لازم نوديها المستشفى تشوف امها والبيبي ..
قمت خذيتها معاي وقلت خلني اشتري لها بدله يديده واكشخها عشان اوديها لامها المستشفى في اجمل صوره ونفرح امها ورحت معاها احد المجمعات التجاريه ..
كانت البنت لابسه بنطلون جينز وتوب كمه قصير ... المهم وانا اتمشى معاها من محل الى محل وهي تهذر وتسولف لفت نظري وحده يمكن عمرها بالثلاثينات شكلها من جنسيه عربيه لابسه عبايه وشيله تطالع بالبنت قلت يمكن عجبها شكل البنت ,, واحنا نتنتقل من محل لمحل والانسانه نفسها ورانا واطالعها تناظر بالبنت وتحديدا في مؤخرتها , شكيت قلت يمكن مشبهه او شي,, بعدين زاد الوضع وقامت تلاحقنا من محل لمحل وصارت تطلع لنا من بين الملابس وهي تسوي روحها تتسوق لكن عينها على البنت قمت حطيت عيني بعينها خافت وراحت بعيد وبعد شوي رجعت, بصراحه خفت على بنت اختي منها وقلت خلني اكلمها سالتها خير شفيج تلاحقينا من مكان لمكان واطالعين البنت جذي؟؟؟ قامت ارتبكت وتلعثمت وقالت لااا مافي شي بس الجينز الي عليها عاجبني( مع ان الجينز عادي جدا ) بصراحه انقهرت قلت خلني ائدبها لان هالمواقف يبي لها قوه وجرأه قلت لها الجينز عاجبج ولا شي ثاني ذلفي لاتخليني اسويج عبره واخلي الي مايدري يدري , والله يابنات خافت وماتت من الخوف وراحت شردت وهي تركض ..
يعني تبيني اغفل عن البنت شوي او تعجبني قطعه وادخل اقيسها او الهى عنها وتخطفها لا سمح الله ,, هذي وهي حرمه وجذي , يعني حتى الحريم صار ينخاف منهم قبل تخافين على البنت من الرجال والحين رجال ولا حرمه نفس الشي , وسواء كان عندج ولد ولا بنت خافي عليهم نفس الخوف لاننا في زمان مافيه فرق بين البنت والولد والاثنين معرضين للخطر لو غفلتي عنهم لا سمح الله ..
وايد تالمت من هالشي يعني هذي حرمه وتلاحق الاطفال في المجمعات جذي بدون خوف من الله , عيل شنو نقول عن الرجال بالاخص ان بلدانا الحين صارت مفتوحه للكل للرجال الاسيوين والجنسيات المختلفه الي تخافين منهم ولا تأمنينهم ...
هذي والبنت لابسه ملابس عاديه يعني مو ضيقه او قصيره انا اتسائل يعني لو كانت لابسه مثل بعض البنات الي امهاتهم يلبسونهم ملابس عاريه على الرغم من انهم صغار وهالشي حلال بس يخلي المريض يطمع فيهم , اجسام طفوليه حلوه وطريه ونقيه يعرضونها بعض الامهات للنفوس الضعيفه يعني نشوف الام من كثر ماهي فرحانه ببنتها تلبسها العاري والقصير ويكون جسم البنت ماشاء الله حلو وملفت وابيض وما تخاف عليها من الناس ولا من العين ...
يعني يابنات المغزى من موضوعي نقطتين , حاسبو على عيالكم من النساء والرجال لما تطلعين معاهم مسكي ايدهم زين ولا تغفلين ولا دقيقه اعوذ بالله من ساعه الغفله تصير فيها بلاوي وهالفساد المنتشر برهان على قرب الساعه وصارو حتى الحريم ينخاف منهم ,, والشي الثاني اذا الله عطاج بنت سواء كانت ممتلئه او ضعيفه او سمينه حاسبي على ملابسها ولا تظهرين بدنها اذا طلعتيها عوديها على الملابس المحتشمه حتى لوكنت بتلبسينها قصير احسن يكون تحت الركبه وياريت ما تلبسينها كت وتسترين على جسمها من عيون الذئاب البشريه الجائعه ..
يستر الله على بناتنا واولادنا وجميع المسلمين وعسانا ما نشوف في طفل من اطفالنا شر ولا تنسون ان اي شي يتعرض له الطفل سببه الرئيسي اولا واخيرا الوالدين ..
