ارجوكم اريد المساعده

عيون ملائكية

عيون ملائكية

New member
إنضم
2009/01/19
المشاركات
52
السلام عليكم ورحمه الله وبركاته
اخواتي العضوات .. ابي منكم المشوره قبل مااهدم حياتي ..
انا متزوجه من 6 شهور والحمد لله حامل لي 5 شهور ..
في بدايه حياتي كنت مبسوطه ومرتاحه ..
مره كنت جالسه مع زوجي وفاتح اميله .. ولقيت انه ضايف بنات وبصراحه انا زعلت وقمت من عنده .. قالي هالاميل قديم من زمان وانتي عارفه انا شاب واكيد مريت بهالمرحله ..
المهم رديت عليه .. فلت شوف انا مارح احاسبك على اي شي قبل الزواج ..
بس دامي الان بيبتك ابيك تافظ عليه وتصونه .. ووعدني انه كل شي يتغير ..
المهم ..
كان عنده لاب توب بس باعه من شهر شوال .
طبعاانا قلت له حبيبي ابشر اللاب حقي عند اهلي اجيبه علشان تتسلى عليه ...
وجبت كمبيوتري .. ومره من المرات فتحت الكميوتر وهو مو موجود .. لقيت انه مشارك في موقع النت لوق والفيس بوك .. طبعا هالمواقع للتعارف ..
والاسف حاط صورته .. وكاتب معلومات من جد تفشل ..
المهم تمالكت اعصابي .. وجلست افكر كم يوم اقوله ولا لا ..وبعدها بيومين كنت ابي اروح معه علشان ندور شقه لان بنقل من شقتنا ..
قالي سيارتي مافيها بنزين يكفي واحنا على نهايه الشهر وووو
المهم قلت طيب مو مشكله انتظر ..
وفجأه وحنا نتغدا بالمغرب .. اتصل عليه واحد . وقام لبس وتشيك وطلع مسنعجل ..
بعدها بساعه اتصل5 مرات طبعا انا مارديت مصدومه من حركته ..
وببعدين رديت قالي انا بتاخر لساعه 1 بالليل وجوالي ترى مافيه شحن ..
طبعا بوقتها انا ماقدرت اتحمل اتصلت عليه قلت وش عندك قال شغل قلت اي شغل يجلس بالليل وانا اعرف دوامك عسكري 24 ساعه دوام ويومين اوووف .. ومو عارفه ان عندك دوام خااص
المهم عصبت وقلت لو ماجيت ترى والله اتصل على اهلي واخليهم يجوني .. وقفلت
وجلست ابكي بعدها بشوي الا جاء .. وشافني ابكي ..
قالي ليش تهدديني وليش ترفعين صوتك علي .. قلت انا اللحين متضايقه ممكن تخليني لوحدي .. وقمت اتعوذ من الشيطان .. اصر انه يتكلم .. طبعا انا كنت شايله بقلبي على موضوع اللي شفته بالنت ..
وقلت الله قال اذا بليتوا فااستتروا وانت اذا الله باليك ليش تشهر بنفسك وتشوه صورتك قدام اصحابك وولد خالي كان بعد معه بالموقع بس هو عزوبي ماعليه شرهه ..
قام انكر وقلب الموضوع .. وقالي لاترفعين صوتك ترى والله اضربك .. طبعا انا قلت ماغلطت .. ومو من حقك ترفع يدك علي ومانولد اللي يرفعها علي ..
المهم كلمه مني وكلمه منه .. وانكر الموضوع ... قلت طيب تعال اثبت لك .. قام يجرجر فيني علشان ماافتح النت ..وللاسف انا حامل وماهمه هالشي ..
رحت غرفه النوووم ولحقني .. قلت له تذكر يوم سالتك اللي يخون وهو متزوج وش رايك فيه ..
قالي مريض ..
يعنني انت اللحين مريض جالس تخوني ..
المهم قلت بروح عند اهلي وجهزت اغراضي .. واخذت الكمبيوتر حقي ..
قال ماراح اوديك الا اذا تركتي الكمبيوتر بالبيت .. قلت هذا حقي ومو من حقك تمنعني اخذه ..
قال اجل نروح اللحين نبيعه .. قلت انا مو محتاجه فلوس علشان ابيعه .. وهذا شي خاص فيني
المهم قال ماراح اخليك تطلعي الا اذا خليتيه
قلت مو لازم اروح.. المهم قام الفجر وراح الدوام ودوامه 24 ساعه .. قالي هابتروحين عند اهلك .. قلت ايه قال بدون كمبيوتر .. قلت الكمبيوتر قبلي ..
المهم طلع وتركني ..
وكلمت امي وكلمته وقال طيب بجيبه وطنش امي ..
ورجع لي الساعه 8 ص ونفس الموال تروحين بدون الجهاز .. واصريت على رائي ..
المهم الساعه 12 ظ اتصلت على امه وقلت لها السالفه بس بدون اللي شفته على النت ..
قامت قالت معليك منه وجهازك ماله دخل فيه .. وانا بكلمه واتفاهم معه ..
وبعد ساعتين اتصلت امه وقالت انها جايه هي وابوه من مدينه ثانيه ..
المهم جوا وطلع هو من الدوام ,, وتكلموا مع ولدهم وتاسف لي قدامهم .. ومشيت الموضوع وطبعا الوالد امي قالت له بس قالت ماكانا عارفين بالسالفه ...
على اساس السالفعه بيني وبينه وبين اهله ..
وطبعا وداني عند اهلي واخذت كمبيوتري معي ..
وفتحنا صفحه جديده ووعدني انه يتغير .. وبعد كم يوم طلب مني اللاب بحجه انه يدخل مواقع اراضي .. وقلت يمكن صادق وجبت اللاب ..
وكذا مره لما يشغله يقولي تعالي اجلسي معي ...
لكن للاسف .. اكتشفت انه مازال بهالمواقع ويضيف بنات ..
وكاتب بملف تعريفه حق المسن اللي انا عارفته ... انه شخص مطلق وعايش بشقه لوحده وعنوان شقه غير ..

انا طبعا جاني شك انه عنده شقه .. لانه كرت العائله كل مره اقوله هاته احبيه عندي يقولي لا انا ابيه بالسياره ..
والفتره اللي فاتت احس انه صاير يكذب علي كثير .. وللاسف كذباته باينه ..
دلوني وش اسوي ...
انا قريت كثير للاستاذه ناعمه وللاخت شغف وكنت مقرره اني مااقوله شي واغير بنفسي ...
لكن للاسف هو يحط الشغلات قدامي .. واكشفها ..
وش تدلوني ..





 
السلام
اختي انا من رأي ان تسيبيه فتره خليه يعمل الي بده اياه وضلك بين الفتره والاخرى تذكريه بطريقه غير مباشره انك لسه شاكه بشي وهاي المره خبرتي اهله والمره الجاي بتخبري اهلك وبتكبر القصه واذا كرت ممكن بيتنا يخترب مشان لعبه بيلعبه او تسلايه بيعملها وانه مشاعرك ممكن تموت اتجاهه اذا ضل بهاد الحال .
وضلي ادعي وسبحي وبشدد عالتسبيح اختي واحتسبيه لله تعالى والله ما حيضيعلك حق لا تخافي ان الله مع الصابرين اذا صبروا
 
ياغاليتي لا تشيلي هم والله نفس الحاله بس انا اسكت واجمعها له وبعدين اقوله بدلع ليه ومن هالحركات والله فتره وتعدي وانتي اهم شئ لاتحرمينه من اي شئ واهتمي بنفسك وببيتك وبزوجك وان شاءالله حيتغير :icon31::icon31::icon31:
 
<<<<<<<<<<<<<اذا جاء البيت <<<خلي يشووف شنطتك بالصاله ,,


قولي بكل ديمقراطيه ,,, حبيبي لا خلصت خياناتك ,,, بتلاقيني عند اهلي ,,,

لاني ببعد عن جو البيت اللي مافيه ذره وفــــــا ولا أمان ,,,
 
اختى عيون ملائكية
كان الله فى عونك
عندكم موضوع الخيانة والالجرى وراء البنات
والنت منتشر جدا
لا ادري لماذا
نحن فى غزة لا يو جد عندنا هيكك امور الا القليل
كان الله فى عونك وانتبهى لزوجك واغريه على قدر ماتستطيعى حتى يكون
لك لا نك حامل وما ينفع هالمشاكل وانتوا بينكم اولاد
 
لات طلعين من بيتك عزيزتي..ادعي الله ان الله يهديه..واذا كنتي مو محتاجه الكمبيوتر بيعيه غلاتي وارتاحي..

كل مره تفتشي وراه وتنصدمين..مااستفدتي شي..وحاولي تتقربين منه اكثر..

استغفري كثير..

كيف صلاته؟؟

الله يسخره لك
 
حبيبتي لازم تاخذين موقف حازم وتوقفينه عند حده بس بطريقة صح بدون تجريح وصراخ كلميه بهدوء وواجهيه ولا خلي احد عاقل وكلمته مسموعة من اهله او اهلك يكلمه الله يعينك
 
الله يهديه ويصلحه انتم لسه في بدايه حياتكم ليه كده
حبيبتي حاولي تشوفي لو انتي مقصرة معاه في شيء صلحيه
وتكلمي معاه بهدوء وبصراحه عن كل اللي جواكي عشان متتعبيش بعد كده
وحطي حدود للافعال اللي بتدايقك عشان ترتاحي وربنا يفرجها عليك يا قلبي
 
لا تخرجين من بيتك والله الوحدة من يوم تتزوج مالها الا بيتها وحياتها دفعي عن حياتك بس بدون اهلك واهلة والله انت توك جديدة لا تندمين لو خرجتي حاولي بطيب بلحب بلغصب كل الطرق سويها واعيد لالالالالالالالالالالالالالالاتدخلين اهلك في المشاكل ولا اهلة نصيحة من اخت محبة ونصحتكي لوجة الله حلي مشاكلكي بنفسك
 
اخواتي اشكركم على ردودكم ..
انا صحيح لما ازعل اول ماافكر فيه اني اروح عند بيت اهلي ..
بس احيانا اقول ماراح اخلي بنات الحرام يأخذونه مني .. احاول اطنشه واعيش حياتي واتوكل على الله ..
بس احيانا انقهر يوم يقولي كلام حلو او يجي عندي ...افتكر خياناته وانه مستغفلني ..
بس لو واجهته ..وبزعل وبرجع اذذا راضاني .. وانقهر اكثر اذا رجع لسوالفه مره ثانيه ..
راح يهين كرامتي ..
بس مالي غير رب العالمين اللي يصلح لي حاله ..
 
حبيبتي دوبكم فبداية الطريق مره
اتغاضي ولاتفتشي وراه وادعي له كثييييييييييييييييير
الله يسخره لك يارب ويصرف قلبه عن كل حرام
 
مدري وش اقولك عن الخيانه لأن هالمشكله عندي ... بس نصيييييييييييييييييييييييحه لا تقولين لأهلك ابد .. انا قد دخلت اخوي وندمت ندم كبيييييييييييييييييييييييييييييييييييييييييييييييييييييييير ...

نصيحه نصيحه لالا تدخلين احد
 
لانه متعود يبغالك فتــــــــــــــــــــــــــره طويــــــــــــــــــــــــــــــــــله تصبيريــــــــن وتعودينه

وترضخينه ......
 
ادعيله حبيبتي ... والله رب العالمين قادر يغير حاله ويهديه .. واصبري واحتسبي ولاتدخلي احد بمشاكلك .. الله يسخره لك يارب ..
 
مشكورين حبايبي على ردودكم .
بصراحه هو حس اني بديت اتجاهله احيانا ..
وكل مايسالني وش فيك اقول ولا شي ..
بس انامن وراه ادعي رب العالمين يغير احواله ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل