[YOU] صديقتي الغاليه وخطيبها يهمني اعرف رآيكم !!!!

[شيخـ الزينات ـة]

لكل البنات والحريم لكل امراءه لديها بنت اسمعوا قصه صديقتي واعطوني حل رجاااااااء لاتهملوا الموضوع < انا في جميع موضوعاتي ماطلب الرد لكن هنا باقول لاي وحده تدخل رجاء ردي لانه يهمني القى حل لموضوع صديقتي الغاليه:sadwalk:




انا عندي صديقه تعز علي جدا هي اتقدم لها ولد خالتها ووافقت عليه طبعا قالوا لها ان الزواج بعد 4 او 3 سنين << الكلام هذا من سنه

والحين صديقتي تكلمه وهي مو ملكه<< :thumbdown:
وحست ان اللي تسويه غلط وهي ودها تكلمه لانها تحبه ويحبها لكن تبغى تخلي خطيبها يملك عليها وتبغى كل شيء بالنور مو بدسدسه من تحت لتحت فكيف ياااااابنات توضوح له هالشيء بدون ماتجرحه :schmoll:والا يزعل!!!!

والا بدون ماحد يدري:schmoll:


مع العلم ان اخوها اللي اكبر منها يدري انهم يكلمون بعض( ويمكن هو اللي فتح لهم المجال وشجعهم) بس من باب انه خاطبين والناس تدري واخته طلبت انها تكلمه لو بالرسايل عشان تفهمه ويفهمها ووافق اخوها واعطى ولد خالته الرقم لانه صديقه وقريب له ويفهمه:sad_1:

يمكن صديقتي استعجلت وهي ندمانه ومعترفه وخايفه احد يدري وتصير مشاكل فكيف تحل موضوع خطيبها وتخليه يملك عليها وياخذون راحتهم بالكلام بدون خوف وقلق!!!!!!!!!!!!!!!!!!!!!!!!!!!!!!!!!!!!!!


:sadwalk: ساعدوني بآرئكم ومقترحاتكم جزاكم الله خير .


انا فكرت بكم حل بس ابغى اعرف اكبر عدد من الردود والاآارء وبعدين اقولها لان مابي انصحها بطريقه ثم بعدين تضرها وتنقلب ضدها
لاني اعزها وابي لها السعاده الدائمه انشاء الله

!!!!!
انتظر الردود

 

[شيخـ الزينات ـة]

:busted_red::busted_red:16 مشاااااااااااااااهده ولا رد انا اقولكم ردوا ماقلت لكم مروا ولاسكتوا <<< بديت اعصب والله كاني اشحد <<:busted_red::busted_red:

 

[جوهرة الشمال]

(اتقي الله يجعل لك مخرجا ويرزقك من حيث لا تحتسب) أختي يجب على هذه البنت ترك الكلام مع ولد خالتها فورا فهو لن يقرر أن يملك بهذه الحالة وهذا الوضع أسهل له من وضع الملكة والمسؤوليات الي فيها وإذا كانت خايفة على زعله فذكريها أن لا طاعة لمخلوق في معصية الخالق .

 

[شيخـ الزينات ـة]

طيب ولو اهلها دروا بعدين ؟!!!!!! والا قال مابيها كيف؟!!!!!! الحل؟!!

 

[شيخـ الزينات ـة]

انا اشوف ناااااااس تدخل وتطلع ولا فيه رد ولا شيء ؟!!!!!!!!!!!!






سبحان الله ؟!!<<

 

[هالةالقمر]

يا حبيبتى هى عارفه انه غلط
والفتره طويله 3 او 4 سنين كتير
وبالطريقه دى ممكن تكتر المشاكل بينهم
وتنتهى الخطوبه بالفشل
كمان بعد الزواج ايه الجديد اللى حيكون بينهم وهما يكلموا بعض من سنين
قوليلها لا تتصلي انتى عليه
واذا حس انها قطعته وبعدت عنه
تقوله انها بتحبه وشاريه مش بايعه
علشان كده لازم تتقى الله في علاقتهم علشان يدوم الحب بينهم وربنا يرضى عنهم ويبارك لهم في حياتهم
لان الحين الكلام بينا غلط وانت مازلت اجنبى عنى
وتوصل نفس الكلام لاخوها بما انهم اصحاب

 

[شموخ المدينه]

لازم توقف اول شي مايجوز
وتستخير وش تسوي والله ماتندم

 

[عواطف الليل]

السلام عليكم
انا ضيفه جديده رحيوووا فيني بالاول


وثاني شئ
ياعمري غلط واكبر غلط تسوي كذا
اول شئ هي محاسبه عند الله عزوجل
وثاني شئ يمكن ربي يعاقبها ويقلب حياتهم جحيم لانهم يعصون الله عزوجل

ان من رائ
عزيزتي
انها تصارحه بالعربي
وتقول انا احبك ومابي اخسرك
ونبي نملك حتى يكون ربي راضي عنا ونحنا راضين بالي نسويه
مو بكره نحاسب انفسنا
شوووف حبيتبي
في فترة الملكه نمل من بعض اذا كانت اكثر من سنه
فما بالك 4 سنوات وعلاقه محرمه
وانصحه بالاستخاره قبل كل شئ
الخيره فيما اختاره الله
هو اعلم وين الخير فيه منك ومني ومنه


تقبلي مروري عزيزتي

 

[sammorey]

المشكله إنها مو مملكه......
حبيبتي والله أني بعدي محتارة طيب ليش ما تكلم أخوها يستعجله في الملكه مو أحسن؟

أنا ودي والله أقدم لك شيء بس أنا خبرتي في الحياة قليله..​

 

[شيخـ الزينات ـة]

:dunno::dunno::dunno:

 

[أم سكر]

الحل بإيد أخوها خليه يستعجله في الملكة أو إنه يكلم الوالد والوالدة هم يتصرفوا موعايلة وحدة خلاص

 

[شيخـ الزينات ـة]

انا فكرت كذا كمان انه اخوه يكلمه ويقوله تبي تكلم البنت استعجل بالمكله بس ابغى اعرف ردودكم جزاكم الله خير

 

[سر قلبه]

مثل ما قالو الخوات ،، تنهي المكالمات فورا و ما تتمادى أكثر

و ما تفكر بمشارعهم ،، و اذا زعل تقوله علشان أحبك و أغليك لازم ننهي هالعلاقة

و أنا مابا انه الله يعاقبنا عاللي سويناه و لازم نتوب و ننتظر لين ما نملك و تصير حلالي و أصير حلالك

نحن ما نعرف شو الزمن مخبيلنا حتى لو كنا مخطوبين ،، و اذا ما تصبر عني استعجل فالملكة

اتوقع الحين عرفو كل شي عن بعض و ما خلو شي حق بعد الملكة ....

 

[أميرة بيتي]

عفوا بنات...
مين قال ان المكالمات بين المخطوبين حرام؟؟؟؟؟؟؟

بنات رجاء لا تفتون بدون علم ,, فيه فتوى قد سمعتها عن هذا الموضوع انها تجوز بشروط والله اعلم

البنت صاحبة المشكله مفروض تسأل شيخ عن هذا الحكم

ورأيي الشخصي ان المكالمات 3-4 سنوات حتكون جدا ممله

الافضل انها تقول لخطيبها ان تواصلهم من خلال المكالمات ما يكفيها عشان تفهمه وانها تحتاج تجلس معاه وتطلع معاه عشان يتفاعلون مع بعض, وهذا ما يتم الا من خلال الملكه طبعا

 

[شيخـ الزينات ـة]

عفوا بنات..الافضل انها تقول لخطيبها ان تواصلهم من خلال المكالمات ما يكفيها عشان تفهمه وانها تحتاج تجلس معاه وتطلع معاه عشان يتفاعلون مع بعض, وهذا ما يتم الا من خلال الملكه طبعا

نفس كلامي بس بدايه كلامك مادري عنها لكن اتوقع مايصير بالعرف وهذا كفايه يعني حتى لو عرفوا انه بالدين يجوز وبشروووووط الشياب عندنا مايفهموووووووون الدين زين والعرف سايد عندنا وهذي حقيقه :dunno::sly:

 

[بوشار]

بما إنه كلامها معه غير مقبول بالعرف والعادات حتى لو كان مقبول بالدين فالأفضل إنها تبعد عن الكلام معه وأنا شايفة فترة الخطوبة طويلة جدا حتى لو كان في ملكة والآن هم مندمجين لإنهم يتكلموا بالسر والشيطان يزين لهم ذلك عليها إتخاذ قرار حاسم وإللي أوله شرط آخره نور والله يوفقها ويدلها على الصواب

 

[الحب الكبير]

حبــيـــبــتـــي
الفترة جدا طويله وخطوبه أحسن لها انها تبتعد عنه احنا خطوبه وملجه وشوفي شو يصير ومدتها بالشهور فما بالج بالسنين وكل ماطالت المده زادت مشاكلها والملل يزيد وبيزهقووون من بعض بسرعه وبعدين مع الايام الكلام الحلو الي في اول الايام الواحد يسمعه من غزل وحب وبيطور الكلام وندخل في الحرام ليش؟؟؟؟؟ أجيبه حق نفسي احترم نفسي واصونها وبالعكس حرارة الاشواق تزيد مع البعد ودوووووم يكووون مشتاق لها ويحن لها ويفز قلبه لو شافها بالصدفه او سمع صوتها وصدقيني كل ما ابتعدت عنه احسن لها نار الشوق اللي في قلبه ما ينطفي ماتدرين يمكن طبعه مللولي ويمل منها بسرررررررررررعه ( خليه متحركص )
اسمحولي واتمنى ان شاركت في جزء من المشكله
الله يكون في العون ان شاءالله ويوفقها

 

[احلام المستحيل]

ماادرى بس المفروض اخوها يتدخل ويطلب هذا الطلب ومافيها شىء والله يسهل امرها

 

[وردة الحنون]

الموضوع بسيط
تقول له اني ودي يكون كل شي رسمي حتى اكلمك على راحتي مو بالدس وو
الاهم المصارح ومابي افتي ترا مايجوز تكلمه الحين نبهيها
واذا قطعته راح يتشجع ويملك عليها حتى تكلمه وو

 

[ورقة وحبر]

مافي حل سوى انها تقطع المكالمات نهائيا لانه حرام وما يحلها

وثانيا لما ماتكلمه راح يشتاقلها واكيد بسرررررعه راح يكلم اهلها

ويستعجل بالموضوع ايش تسوي ترسله رساله تقول له انا فكرت في حالنا وشفت انه غلط انكلم بعض ومانحل لبعض لازم نتقي الله في بداية
حياتنا علشان ربي يكتبلنا السعادة والتوفيق وبذلك راح تكبر بعينه ويستعجل بالملكه هذا رائي وما حبيت اطلع بدون ما ارد