stylist/ لك سيدتي ..

[shooda]

​

بإمكانك سيدتي أن ترتدي أفضل الثياب و أجود الخامات من أرقى بيوتات الموضة ​

و أن تنالي ثقتك بإطلالة ملكية راقيه​

حان لك أن تظهري بإطلالة مميزة تبهرك و من حولك .. وتزيد جاذبيتك ​

وثقتك بنفسك .. بأفخم الثياب و أجود الخامات .. والقصات الجديدة ..​

لكِ سيدتي ..

stylist مع الخبيرة و الـ/ـ

Miss /Shooda

لمساعدتكِ سيدتي بإمكانك إرسال رسالة
private
..​

 

[نفس ابية]

هلا بالخبيرة مس شودا

فكرة جدا نيو ومبتكرة

وخطيرة



بالمناسبة ياليت تشوفي هالطلب لمشرفتنا ضوء

لبنات جدة

 

[shooda]

أهلين أخت نفس أبية ..
شفت الموضوع وماعرف ماتوقع إن الاخت متواجدة ..
بسس إن شاء الله أقدر اساعدها ..
مشكورة على مرورك الصفحه ..

 

[مرسـى]

فعلاً..مس شودا أنتي جيتي بوقتك..
شوفي الموضوع المثبت بخصوص الإشراف..وعسى خير ..
كل التوفيق ..

 

[مرسـى]

شو نوعية الخدمة يلي بتقدمينها لنا..
هل هي عرض منتجاتك . . أم خدماتك .. أم اجابات لأستفسارات الجماهير ؟
و مشكوووووووووووورة جدا على حبك الخير للغير ..
في ميزان حسناتك .

 

[shooda]

أهلين مرسي على المرور وطلتك ع صفحتي ..
أنا خدمتي ياقمر اللي بتسئل راح أقدر اساعدها إن شاء الله بأي إجابه في الجمال ..
و إذا تبغا تقابلني انا ماعندي أي مشكله وراح اساعدها بالطريقه اللي تبغاها وتكون حتما تناسبها ..
بسس من الصعب أساعد أو أقدم أي خدمه إلا بعد مااتجاوبني اللي تبغا استايل جديد عن كم سؤال عندي ..
عشان انا منها اقدر اغير مظهرها واخليها تطل بإطلاله تناسبها وتناسب عمرها ..
و طبعا حيكون نيو لوك بعييد عن القديم تماما ..
و فيه خدمه تانيه أقدر اقدمها للي تحتااج رأيي في الملابس وتحتاجني أختار لها ملابسها بنفسي
هذي حتكون بعمولة نتفق عليها ( وطبعا محاتكون عمولة كبيرة شي بسيط .. )
لان العمولة هذي حتكون على خرجتي للسوق بسيارتي الخاصه وسواقي وتفريغ جزء كبير من وقتي عشان
أخدمها و اساعدها و تكون في أتم الرضا عن استايلها ..
ممكن طبعا ملابس - ميك أب - شعر ..
إن شاء الله حأكون جاهزة لأي إستفسار ..
واللي حابه تستفسر أكتر انا موجودة وتكلمني برايفت الله يحييها ..
او على نفس الموضوع إذا ماكان عندها مشكله تسئل ع العام ..
وبالتوفيق ..

 

[***حلولو***]

 

[يكفيني إحساسي]

وواو موضوووعج رووووووووووووعه

يعطيج العاافيه

 

[shooda]

الله يعافيك يا اخت ملكه بإحساسي نورتي الصفحه بتواجدك ..

 

[shooda]

You'r welcome حلولو

 

[مرسـى]

طيب أنا عندي سؤال !!

الوجة البيضاوي .. شو القصة المناسبة له ؟؟!!

وكذلك الوجة الدائري ؟

وهل يليق للـ الوجة البيضاوي قص الشعر من جدام لحد الحواجب..( غرة )

أرجو الرد

 

[shooda]

أهلين أخت مرسى ..
بالنسبه للوجه البيضاوي ..
فهو الوجه الـperfect لكل القصات وكل التسريحات ..
تقدري تخليه طويل ومتوسط او قصير ..
لانو وجهك البيضاوي حيخليكي تكوني بأي قصة شكلك حلووو ..
بس الافضل إنك تحاولي ترفعي وجهك عن شعرك زي ذيل الحصان او شنيون بسيط ..
والمهم حاولي انك تتجنبي تحطي خصل عريضه على وجهك يعني لاتقصيلك غرة من قدام
لحد الحواجب ولا تحطي شعرك على قدام لانو حيضيع جمال وجهك وحيخلي مظهرك باين تخينه ..
لان انا كمان وجهي بيضاوي وماينفعلي اعمل كدا ابدا ..

الوجه الدائري ..
حاولي تعملي شعرك بطريقة كدا تبين انو كتير زي مثلا الجل او تعملي زي القبة او النفخه من منطقه الغرة وتاني شي افضل القصات عليكي اللي تكون مدرجه على الوجه لانو حتمنح وجهك
منظر إنو طويل و مش دائري ..
واهم شي إنك تبتعدي تمااااااااااااااااااااما عن القصات اللي تجي موازية للذقن زي الكاريه
او تكون قصة دائرية ترى حيزيد وجهك منظر دائري وحيخلي وجهك منظرو سميييين ..

أختك Miss / Shooda :cupidarrow:

 

[مرسـى]

مشكوووورة عيوني انا وجهي بيضاوي أمس طلعت الصالون..وقصيته مدرجات
ونزلت خصل..ما تغير شكلي .. كنت خايفة أقص غرة ..

 

[shooda]

قلتلك الوجه البيضاوي هوا الوجه المثالي لكل القصات ..
لكن هل قصيتي غرة لحد الحواجب .؟

ويللا نعيما ع القصة الحلوة و عيدك مبارك ياقمر ..