clubpenguin

[نفوووله]

السلام عليكم ​

يبت لكم لعبة عجييبة ​

اهيه عبارة عن منتدى بطاريق ​

ان عليكم تسجلون وانتوا على شكل بطريق تقدرون تتحركون وتشترون لكم ثياب وتسولفون مع البطاريق الثانيه ​

وتشتروون لكم يهال تأكلونهم وتلعبون وياهم ​

وعندكم بيت تزينونه وجي ​

ان شاء الله تعجبكم اللعبة ​

http://www.clubpenguin.com​

انا نكي في اللعبة Friendo0o

الي يسجل يقولنه نكه

​

وبس ​

نفوووله ​

 

[ملوووك]

وااااااااااااو حلوة ....بس دخت فيها مو عارفة كيف اسجل .......؟؟؟؟؟

 

[mo00on14]

فعلا حلو انا ابني مسجل فيه

وهو عضو الحين باشتراك سنوي

وكل يوم لازم يدخل عشان يطعم البت حقه

مربيهم في بيته

حلوه اللعبه تسلمين

 

[ملوووك]

اها يعني الاشتراك والتسجيل بفلووس مشان هيك ما عم يظبط التسجيل تبعي ...............؟؟؟؟؟؟؟

 

[نفوووله]

اها يعني الاشتراك والتسجيل بفلووس مشان هيك ما عم يظبط التسجيل تبعي ...............؟؟؟؟؟؟؟

التسجيل مجانا!!
وتقدرين تلعبين اي وقت..

 

[ملوووك]

اهااااا طيب ....يا ريت تشرحين لي كيف اسجل عجبتني اللعبة بس مو ظابطة معي ....؟؟؟

انتي قوليلي على شو اضغط وشو اعمل وكيفية الطريقة ......؟؟؟؟

 

[نفوووله]

ان شاء الله
راح اشرح التسجيل في اللعبة بالتفصيل في اقرب وقت...

 

[ملوووك]

يسلموووووووووووووووو نفولة عذبتك معي ......

 

[قارورة امورة]

وانا كمان ابغى اعرف الطريقة
وهل اللعبة تحتاج منا معرفة اللغة الانجليزية؟؟؟

 

[نفوووله]

اللعبة باللغة الانجليزية...

 

[نفوووله]

شرح التسجيييل!!

بسم الله الرحمن الرحيم​

خطوات التسجيل سهلة واايد بس يبيلها تركيز منج شوية...​

الخطوات:-​

1. قومي بفتح اللنك وانقري على كلمة (play now) على يمين الشاشة...​
2. بعد ما تقوم الصفحة بالتحميل راح تظهرلك الصفحة الرئيسية, فإذا كنتي مشتركة معاهم من قبل راح تنقرين على (start) وتضعين نكج وباسووردج وبتلعبين.. اما اذا كنتي راح تسجيل احين راح تنقرين على (don’t have a penguin … Create a free account now)...​
3. بتضهرلج صفحة باللون الاصفر قومي بوضع صح على (I agree to the Club Penguin Rules) وبعدها نقري على (continue)..​
4. بعدها راح تظهرلك مجموعه من البطاريق بألوان مختلفة.. اختاري اللون اللي يعجبك وانقري على (continue).. ملحوظة: بإمكانج تغيير اللون بعد ما يتم تفعيل حسابج في اي وقت..​
5. راح تظهر صورة البطريق باللون اللي انتي اخترتيه في الخطوة السابقة وتحته راح تكتبين نكج (اسمج المستعار) في اللعبة باللغة الانجليزية فقط ولا تقل عن 4 حروف وبعدها نقري على (continue)...​
6. في الخطوة هذي راح تكتبين كلمة السر الخاصة فيج باللعبة واللي موجود على يسار الشاشة وراح تقومين بتأكيده في القيد الموجود تحته مباشرة, أما في القيد اللي على يمين الشاشة راح تكتبين ايميلج, وبعد هالخطوتين قومي بوضع صح على (I agree to the Terms of Use) وبعدها انتقلي للخطوة اللي تليها بالنقر على (continue)..​
7. هذي الخطوة اهم خطوة في طريقة التسجيل كلها لانها تحدد اذا كنتي تقدرين تدردشين مع باقي الاعضاء او لاء... قومي بالنقر على (Standard Safe Chat) الموجود على يسار الشاشة وثم انقري على (continue)..​
8. خلصنا من التسجيل والحمد لله والان قومي بفتح ايميلج وابدأي اللعب من هناك...​

اتمنى شرحي ساعدكم في التسجيل وانا مستعده على الرد على كل استفساراتكم واتمنى انكم تستانسون في اللعبة...
:bye1:​

 

[دمعه حزن]

عزالله فلحنا في هاللعبه
عاد انا ما افلح في الانجليزي

 

[نفوووله]

بالعكس شدعوه لغتي انا يعني
راح تفهمين كل شي
والله اللعبه حلوة حسافة ما تسجلين فيها عشان اللغة!!

 

[ملوووك]

اوكي انا راح اسجل بس مو هلا المسااء ان شاء الله يسلمووووووووووووووو نفولة

والله وانا لغتي الانجليزية مش ولا بد هع هع هع بس احصل نفسي في بعض الكلماات خخخخخخخخخخخخخخخخخخخخخخخخخخخخخخخخخخخ

 

[نفوووله]

ترى اللعبة مو صعبه وتنفهم
جربوا وشوفوا!

 

[دوومي عالية]

يا سلااام يا نفوووله

ادمااااااااااااان هاللعبه هاااااااااااااااااا .....

 

[نفوووله]

شنسوي بعد ياعالية!!
لاشغلة ولا مشغلة

 

[ملوووك]

نفووووووووووولة سجلت باسم mlaakoo لانو كتبت mlookوماصارت فغيرته الى ملاكوو خخخخخخخخخخخخخخخ

بس طلعلي اعلام واللي عرفته علم امريكا بعدين طلع كانه اختياار السيرفر ...؟؟؟

شو اختاار ...؟؟ليش ماقلتي شو لازم نختاار والله تحيرت .......؟؟؟؟؟

طيب راح اختاار عشوااائياا اوكي .......

 

[نفوووله]

ملووك
اختاري المكان اللي تبينه
كلهم نفس الشي!!
بس مقسميله لتخفيف الضغط علي الموقع...

 

[ملوووك]

يسلموووووووووووووووووو نفووووووووووووووولة

بس كيف العب مشان اجيب فلووس ماعرفت ....

ووين بيت بطريقي مو شايفته ..........؟؟؟؟؟؟