***********

[ذهب ماسي]

اتخاصمت مع زوجي الشمالي الشرقي بسبب انه ماوداني لأهلي ياناس لي شهر ونص ماشفتهم كل مانويت أروح لهم يكون عند أمي مشوار يالسوق أو زواج أو مستشفى يا يكون ولدي تعبان يأنا امرض المهم كنت ناويه أروح لهم الخميس اللي فات ويوم كلمت زوجي رفض قلت يمكن يدلع ورحت ولبست ولبست ولدي وبنتي ويوم دخلت عليه وحاولت فيه قال مااااااافي اخر كلام هو كان شوي مزكم وحسيتة يتمارض بزيادة تعرفون دلع الرجال بس عصبت علية لانه له فتره لاوي بوزه يقوم من النوم يحصل بدلتة جاهزة قدامه مكوية ومعلقة يلبس ويروح الدوام ويرجع يلاقي البيت نظيف ومرتب وانا في كامل أناقتي واكلهة جاهز ياكل بدون ان ينطق ولا حرف ويتفرج في التلفزيون شوي وينام اللين العصر ولمن يصحى لازم يخرج يتمشى وحدة ويرجع بعد ساعة او ساعتين ويتعشى ويتفرج في التلفزيون وينام وهو شغال ولا يناديني الا اذا بغى موية او عصير وبس كل يوم على هذا الحال والروتين المملل اليوم جيت اتناقش معاه وسلمت علية وهب في اني انا مقصرة وماهتميت فية وهو مريض مع اني سويت له زنجبيل قبل لا نتخاصم وسويت له كبسة اليوم الثاني وأنكر كل هذا وقفل جواله برقم سري لانة شافني قبل لانتخاصم أفتش فية
اللحين عندي موعد عملية في الرحم يوم السبت لازم اتنوم وفاجأني انة ماراح يوديني ويقولي خلي أحد من أهلك يوديك أهلي ماهم مقصرين بس يابنات والله مقهوره منه

 

[مكنسه كهربائيه]

الله يعينك تعالي له بالسياسه

ويمكن متضايق منك في شي بسبب الجوال

 

[(( فوفو ))]

الله يفرجها لي ولك ولكل مسلم

 

[مآمه آحلى قمرين]

الله يعينك ويفرج همك يا رب انتي عامليه مثل الطفل وتدلعي عليه اذا بغيتي شي منه واذا قال لا لا تقولين الا وما الا خليه هو من نفسه يرجع صدقيني بس سوي نفسك زعلانه ومتضايقه واذا ناداك عاتي لبي له واخدميه بس حسسيه انك زعلانه ومشتاقه لاهلك وع العمليه خليه هو يوديك موب اهلك هو مسؤوول عليك والله يقومك بالسلامه يا قلبي
موفقه يا رب

 

[وهم79]

زوجك شمالي شرقي
يعني يهمه نظرت الناس له ويهمه بيته
قولي له بروح عند اهلي واخليهم هم الي يودوني لكن موب داخلى بيتك نهائي بعد كذا وقومي وسوي نفسك جالسه ترتبي اغراضك

 

[الــغــيره]

يااااا هذا الشمالي اللي معذب قلوب الصبايا خخخخ

حبيبتي انتي اخترتي الوقت الخطا انج تناقشينه

يعني ع قولتج انه مريض شلون تناقشيينه ؟؟؟؟؟

المفروض تاجلين كل شي لحد مايطييب

وبعدين دلعيه اذا هو في خاطره الدلع

شو ورانا غير ندلع هالشمالي

ربي يعينج
بس اختاري الاوقات الصح للنقاش خصوصا للشمالي

 

[حنونة و مزيونة]

ياقلبي والله زوجي مثل زوجك كل شي جاهز لهم وعلى اخر فلة بس ليش يعاملونا كدا مدري ,,بس انا صرت امشي على طبعه شوي وما اكثر اسئلة عليوه وين وكيف وليش ,,لا لا هذا زمان الحين صرت ما اسئله ولا اروح عنده واجلس واسولف معه صرت ثقيلة شوي واهتم بنفسي واجهزله كل شي من طلبات اساسية واشوفهالحين متغير شوي صار هو يجي عندي الصالة ويسال ,, وبس اطلب منه شي مثل اروح لاهلي اطلبه وانا حازمة مو واثقة بنفسي لانه اذا قلت له توديني لاهلي او لاختي يتردد , ولما اقول ابغاك توديني لاهلي اليوم يوديني , كدا الشمالي الظاهر مايمشي الا كدا,,جربي وشوفي الله يسخره لك

 

[كاتياباسل]

أول شي ربي يكون في عونك


وبعدين يالغلا أستنتجت من مشكلتك عدة نقاط
أول شي صحيح الاهل بالنسبة لنا كل شي ونحب نشوفهم كلللل يوم بس برضوا شهر ونص مدة معقوله أذا كان الاهل موش قريب منك
بعدين زوجك مريض كان المفروض تهتمي فيه ع الآآآآآآآخر وتتدليه ولما يتعافى أتوقع ماراح يرفض طلبك خاااااصة لو جيتيه بشوية دلع وحبة خشم الرجال بهالحركات ينكسرون شوي
و دامه مايبيك تروحين ليش ماتعزمين أهلك عندك يوم كامل يجونك من الظهر مثلا ويسهرون عندك،،،،وتنبسطي معاهم وتريحي مخك من الزن
أو أمك مثلا تكلم عليه أذا يحترمها وتعزمه وتطلب منه يجيبكم بس لاااايحس أنك قايله لها أبـــــــــد
زوجك صحيح شمالي ومحتاج صبر وأسلوب خاص(ياليت لوتشوفي المواضيع المتعلقه بالشمالي)
بس فيه صفات حلوة وهو تواجده بينكم،،،يعني مو راعي خرابيط وأستراحات وسهرات
لكن محتاج تفهمين كيف تتعاملي معاه
ربي يخليكم حق بعض،،،ويديم بينكم كل ود ومحبة

ودمتـــــــــــــــــــــي

 

[التوبة عنواني]

نفس مشكلتي الله يعينك معاه والله والله يهديه لكن ضلك مصرة على حضوره للعملية وهو يوصلك
احكيه انك اهم من كل شي

 

[^أختهم^]

هذا حالهم يقلبون فجأة خليه وخلي اهلك يودونك النقص بوجهه لاتضيعين موعدك وخلي صحتك اهم منه مو نافعك
خليه هامش بس كملي حقوقه بدون ماتكلمينه

الله يهديه ويسخره لك

 

[الـخزآمى]

تصدقون ...فعلا ..الرجال يبون المرأة الحازمه الناعمه ...
يعني اذا بتطلبين منه طلب لا تقولين طلبك (بضعف وميخالف كذا)لا خليك واثقه ..قولي اليو بتودين للمكان الفلاني..يعني عطيه امر..وراح ينفذ طلبك

 

[نجدالعذية]

كانك مكبرة الموضوع زيادة يمكن فعلا تعبان ومالة خلق عادي
وليششششششششششششششششششششششششش تزعلين
مرة مالة داعي زعلك حتي لو انتي مشتاقتلهم ماوداكي اليوم بيوديك بكرة
او زوجك يبغي اهتمام منك
اعتذريلة حتي لو منتي غلطانة
احنا يالحريم الله يعينا علي دلع الشيبان
والله يسهلك عمليتك ويقومك بالسلامة

 

[لصبري حدود]

الله يسخره لك ويعينك ياقلبي
والله الريجيل عذبونا الله يعينا عليهم

 

[bees]

الله يقومك بالسلامه ويهدي زوجك

 

[ذهب ماسي]

شكرا لردودكم جميعا والله انا ناوية أخلي ولدي وبنتي عند ابوهم واروح لاهلي ماراح يقصرون بسوي عمليتي وأرتاح عندهم بس أحس بجرح في قلبي واهانة لو ما جا معي المستشفى ووقف معي في مرضي وباحس بمذلة لو رجعت له بعد عمليتي والله أنا أحبه وأعزة وأغلية على الرغم من انه دايما يجرحني بالكلام ويحتقرني ويسبني ويلعني بس خلاص هو نصيبي من الدنيا وأبو أولادي وأنا ماستغني عنة والله لو اشوفة زعلان أتنكد واجلس الوم نفسي وأحن عليه مرررررررررررررررررررررة لأنه يتيم وهو رجل عصامي كافح وأعتمد على نفسة الين كون نفسة يعني رجال ينشد الظهر فية بس في عز حاجتي له ينسحب وهو احيانا يقول لي لو طحت انتي اول من يتركني ويستغني عني مع اني والله عمري ماتركتة اذا كان مريض ومابينا خلاف بالعكس انا اللي اجية من غير مايطلب وادهن جسمة بالفكس وأسوي له مرقة وزنجبيل دافي واخلية يرتاح على الرغم اني لمن جبت ولدي وأنا بالمستشفى طلبت منة بس يسندني ودي اجلس نفخ على ان الجرس عندك وكلمي السستر تساعدك ولا عمرة دورني وانا مريضة واتمنى بس لو يسأل علي من عند الباب لو أطيح مايسعفني بكاسة موية
مادري وش اسوي خايفة أروح لاهلي واترك أولادي واخاف هو لي يستغني

 

[مزايا انسانه]

ياعممممممري
ايش هذا الرجال
منت ملاحظه انك تمدحيييييييييييييي فيه وانه صاحب محاسن
وانتي مالك نصيب من محااسنه
اعوذ بالله قلتيله يسندك وانتي ولاده ورفض يالطيف ويالطيف
لو تطيحي مايسعفك ليه ليه
انتي عدوته ولا ام عياله

وفوقها المستشفى للعمليه رافض يوديك ويحكم خلي اهلك
عجيب والله يامعلم انت

حبيبتي فوقي لنفسك ترى الشمالي الشرقي شخص اناني يحب مصلحته فوق كل شئ
لاتعلميه على شئ فيه ظلم لك
الرجال على ماعودتيه وابنك على ماربيتيه

الصراحه زوجك انسان قاسي وشكله شكاك يشك في نفسه وفي الي حوليه
وخايف يضحي من اجلك وتنكريه
بمعنى ماعنده ثقه في نفسه والي ماعنده ثقه في نفسه
كيف يكون عنده ثقه في الناس

ياعمممري خليك قويه وفطينه لشخصك

وقوليله ليه ماتوديني المستشفى انا متزوجتك ولا متزوجه اهلي
انت ولي امري وانت المسئول عني في كل شئ

واذا رحت مع اهلي يكون في معلومك ان هذا تقليل من شانك
لام تغيري اسلوب حياتك معاه

انا زوجي زيك شمالي شرقي
لكن عودته على اشياء كثيره

ووعيت لنفسي والحمد لله
ابدا مايتعامل معاي كذا بلعكس
لما اروح اولد يجلس يستنى في الممرات الين اولد ويكلمني ويطمن علي
بالرغم ان مايدخلوه علي
ومسئولياته معلقه في حلقه مااخليه يرمي ولاشئ على اهلي
لانه زوجي ولي امري ومسئول عني

انتبهي على نفسك​

 

[ذهب ماسي]

شاكرة لك مزايا انسانة على ردك هو فعلا قاسي معي وصارم بس قلبة أبيض وهذي عشرة 10 سنوات وله فضل علي ماراح انساه ماحييت ويكفيني اني بسببة ادخل الجنة مع اني اذا تخاصمت معة اطلع اللي بقلبي كله وانفجر فية بس يسكت ويعاقبني بالحرمان من كل شي

 

[مزايا انسانه]

طيب الله يهنيك فيه
تمنياتي لك بسعاده ابديه

 

[دمعه بلمعه]

الله يكون بعونك

 

[%جورية القمر%]

الله يكون بعونك حبيبتي واصبري واحتسبي واكثري من الاستغفاااار ........