3 موضوع اكتبه عن معاناتي مع زوجي و لا لقيت الحل

إ

إأإلصـمـ صدى ـت

New member
إنضم
2008/09/25
المشاركات
598
السلام عليكم و رحمة الله و بركاته ..

شو رايكم ادخل في صلب الموضوع ..

احس حياتي خلااااص مالها معنى احس العيشه اللي عايشتنها مب عيشة اي انسان في هالكون .. و الله المتشدد و المطوع ما يعامل حرمته نفس ريلي .. احس انه ما يحبني و كله يعاندني .. تخيلوا اذا بطلب اي يطلب شو ما كان لااااااااازم يرفض و مستحيل يوافق .. مش لآن الطلب غير معقول بس مجرد انا ابا اسوي هالشي يقولي لاء انتي مالج حايه في هالشي .. غير ان مافي اي احترام لي .. و لااازم كلمته هي اللي تمشي و مافي اي نقاش .. انا من النوع اللي يصحى متأخر يعني يمكن على الساعه 10 او 11 .. لأني ما انام الليل ما اقدر انام و بعض الاحيان اصيح ابا انام و ما اقدر ما اعرف ليش .. المهم و هو يعصب على هالشي اونه يريدني اصحى بدري عشان نفطر مع بعض .. و على فكره اكثر من مره اغصب نفسي و اصحى بدري و ما ايي يفكر معايه يفطر مع اهله علما بأننا في بيت لحالنا .. يعني اصحى بدري شو اسوي لا اشتغل و لا ادرس .. والحين من يومين باديه احفظ قرآن يطنز عليه و يقول المطوعه .. ماعرف هالانسااان شوفيه .. والله صرت اكره اسمع صووته .. و على فكره من عرسنا ما سرنا اي مكان .. و طلعنا نتعشى في مطعم .. و سوينا شي .. و انا بنت صغيره عمري 20 و هو 32 احس اكبر غلطه اني خذت واحد اكبر عني بــ 12 سنه .. يبا اعيز قبل وقتي .. تخيلووو من كثر الهم و هالعيشه اللي محد يطيقها شعري بدا يبيض من التفكييييير .. و على اتفه شي يصارخ عليه انشاءلله لو هو الغلطان ..ابا حل حاولت اعدل كل شي هو يشوفه غلط فيني بس بعد مافي فايده اكررررررررررررررررررررررررررررررررررررررررررررررررررررررررررررررررهه و الله يساامح من كان السبب في زواجي منه​
 
كويس انك ما حملتي منه
امسكيه يوم في جلسة مصارحة وقوليله يا ابن الناس انت مغصوب علي ولا ايش حكايتك انا زوجتك عاملني بما يرضي الله ولا يا ابن الحلال كل واحد يروح في حاله من اولها واذا الحياة راح تستمر على كده ما راح تصير حياة ربنا قال وجعلنا بينهم مودة ورحمة مو مثل معاملتك لي
وهكذا طلعي اللي في قلبك وان شاالله ربي يكتبلك اللي فيه الخير
 
عندي بنت منه .. و هذي المشكله .. اصلا انا احس انه يحب وحده ثانيه لأني كل ما اييب طاريه او اسبها يسبني و يصارخ و يقولي لا تغلطين على بنت الناس مع انها مش بنت عجووز و مطلقه
 
حبيبتي الطلاق مو حل ...اجلسي مع زوجك وقولي له ليش تعاملني كذا انا وش مقصره فيه معك والله يسخرهم لنا يااارب
 
تعبت من هالحل .. و لا مليون مره قلت جيه \ و يقول مايعيبني جيه و جيه وجيه .. اوكي اسمع و اغير مع انه مافيني شي بس تعرفين يوم ما يعرفون شو يقولون .. تخيلي من اول شهر و هو يقولي اهلكي غربيكي .. يعني انا مابغاكي ..و اليوم قال نفس الشي آآآآآآآآآآآآآآآآه ابا حل
 
اعتقد ان العلة منك انتى لان الرجل يحب ان تستيقظ زوجته معه وتغنجه وتدلله ويكون صباحها حلو وشكلها وابتسامتها حلوة بس على مايبدو انك مو عرفانه تظبطى امورك مع زوجك وبعدين عندك اليوم بطوله لما بيروح على شغله نامى لتشبعى بس اهم شى الرجل يطلع من بيتو مبسوط حتى يرجع متلهف ومتشوق وبعدين موضوع انه يرفض كل شىء تطلبيه اكيد عم تطلبيه باسلوب ممل وناشف والله الرجل بيعطى عيونو لمرتو بس هى تعرف كيف تطلب راجعى اسلوبك معه وشوفى وين الغلط
 
كيف الغلط مني .. انتي لو مكاني بتعرفين شو هو يسوي .. تتصورين اليوم دعى عليه بمرض اعاني من طول حياتي و اتنوم في المستشفى عشان وحده خاايسه .. دلعته وااااااااااااااااايد لكن مافي اي تبادل صحيت بدري جلست معاه جهزت فطوره و لما يطلع ارجع انام بس هو مثل ماهو ما يتغير
 
الا فيه حل

صدقيني عنده عله مشكله نفسيه يحتاج علاج اكتئاب اسمه لوسترال لانه يحب يعاند وتكرهينه بتصرفاته لانها هي الي خلتك ماتطيقينه ويحب يثبت شخصيته كثير وصارخ عند طلب اي امر له نفس الحاله اعرف كثير لاكن لابد للمراه بطريقتها تعرضه لطبيب مخ واعصاب على انها هي الي بتتعالج ويدخل بعد كذ اهو زوجك على الطبيبه وتعرف تتعامل معه على شرط تكلمين الطبيبه قبل كذا ووبتعرف شخصيته من خلال كلامها معه كيف انفعالي يحب المشاكل يستمتع فيها فيه عله صدقيني لابد تعرفيها قبل الطلاق انصحك بماقلت وادعي اني اتوظف
 
الاسلوب يااختى الاسلوب الرجل بدو اسلوب خاص بالتعامل وما بيتعامل متل اى بنى ادم بحياتك
 
لعلمك السن ماهو السبب

هو طبعه هكذا والطباع ممكن تتغير للاحسن

احلى حل هو التطنيش

افصلي عالمك عن عالمه، لا تعمليه هو محور اهتمامك لانه محور مدمر لنفسيتك

ارجعي لفطرتك الانسانية وعيشي كانك في بيت جميل مع بنتك

تذكري ان في ناس ماعندهم اطفال وحسي بنعمة انه معك بنت

العبي معها واقرئي عن اساليب التربية السليمة، صوريها، لبسيها دلعيها

ثم

اهتمي بنفسك

ليه تصيحي؟ طز في اي شي يخليك تبكي

واذا كان هو عاجباه وحدة ثانية ... اش يعني؟ هل هي احسن منك؟ لا طبعا لكن هو لي نظره ناقص وانتي باكتئابك اعطيتيه انطباع انك ما بتوفريله شي ناقصه

وبالحقيقة انتي مساعداه بهذا، مكسورة ومستسلمة ونظام حياتك ملخبط

اذا سخر منك لانك تقرئي قران لازم تشفقي عليه ولا تعملي اي ردة فعل حتى نظرة لا تنظري له كانك ما سمعتي شي وادعيله بالهداية لانه بيسخر من حفظك لكتاب الله وهذا مو سهل ويدل انه بكل صراحة انسان مريض وبيغضه انك بتعملي شي صح

استمري في الطريق الصحيح وبيني لنفسك انك انسانة ناجحة، المراة لما تكون قوية وعندها اهتمامات وماهي مهتم بالعالم الناس كلها تدور رضاها ورفقتها

وانصحك بالابتسامة لا تغيب عن محياك مع اهل زوجك

واحنا في الربيع البسي لبس منعش وكوني مثل الفراشة، تجاوبي مع الايجابيين والسلبيين لا تعطيهم وجه

وبعدين يا اختي ليه النوم المتاخر هذا والله هو سبب الكسل كله، مافي احلى من النوم المبكر والاستيقاظ المبكر مش لك ولكن لاجل صحتك وعشان يمر باقي النهار حلو وطبيعي وانتي لسا بنت شابة

لما تصحي حضري فطار حلو والبسي فستان ربيعي حلو جا جنبك يفطر اهلا وسهلا ما اجا مع السلامة هو حر

خلي روحك عالية ديما وهااااااااااااي

العمر قصير وفترة الشباب ما بتتعوض
 
مشكوورات حبيباتي ..
أمل رحيل رجعتيلي الحباه شكرا حبيبتي .. تعرفين انا أصلا من النوع اللي اذا حط راسه على المخده ناام و لا حس في الدنيا و الكل يعرف هذا و لما اكون في بيت اهلي او بيت اختي انام بدري .. بس لما ارجع لبيتي ما اقدر انام .. احس احد مسوي لنا سحر .. لني احس بحرقه في صدري و احس ان زوجي مو طبيعي ابدا
 
امل رحيل قال:
لعلمك السن ماهو السبب

هو طبعه هكذا والطباع ممكن تتغير للاحسن

احلى حل هو التطنيش

افصلي عالمك عن عالمه، لا تعمليه هو محور اهتمامك لانه محور مدمر لنفسيتك

ارجعي لفطرتك الانسانية وعيشي كانك في بيت جميل مع بنتك

تذكري ان في ناس ماعندهم اطفال وحسي بنعمة انه معك بنت

العبي معها واقرئي عن اساليب التربية السليمة، صوريها، لبسيها دلعيها

ثم

اهتمي بنفسك

ليه تصيحي؟ طز في اي شي يخليك تبكي

واذا كان هو عاجباه وحدة ثانية ... اش يعني؟ هل هي احسن منك؟ لا طبعا لكن هو لي نظره ناقص وانتي باكتئابك اعطيتيه انطباع انك ما بتوفريله شي ناقصه

وبالحقيقة انتي مساعداه بهذا، مكسورة ومستسلمة ونظام حياتك ملخبط

اذا سخر منك لانك تقرئي قران لازم تشفقي عليه ولا تعملي اي ردة فعل حتى نظرة لا تنظري له كانك ما سمعتي شي وادعيله بالهداية لانه بيسخر من حفظك لكتاب الله وهذا مو سهل ويدل انه بكل صراحة انسان مريض وبيغضه انك بتعملي شي صح

استمري في الطريق الصحيح وبيني لنفسك انك انسانة ناجحة، المراة لما تكون قوية وعندها اهتمامات وماهي مهتم بالعالم الناس كلها تدور رضاها ورفقتها

وانصحك بالابتسامة لا تغيب عن محياك مع اهل زوجك

واحنا في الربيع البسي لبس منعش وكوني مثل الفراشة، تجاوبي مع الايجابيين والسلبيين لا تعطيهم وجه

وبعدين يا اختي ليه النوم المتاخر هذا والله هو سبب الكسل كله، مافي احلى من النوم المبكر والاستيقاظ المبكر مش لك ولكن لاجل صحتك وعشان يمر باقي النهار حلو وطبيعي وانتي لسا بنت شابة

لما تصحي حضري فطار حلو والبسي فستان ربيعي حلو جا جنبك يفطر اهلا وسهلا ما اجا مع السلامة هو حر

خلي روحك عالية ديما وهااااااااااااي

العمر قصير وفترة الشباب ما بتتعوض
أنقر للتوسيع...
انا مع الاخت حبيبتي
زي ماقالت الاخت انتي خليتي شغلك الشاغل هوه وبسبب خوفك من انه يحب غيرك قاعده تهتمي بية باسلوب خطا اتركيه وفري له امورة وانتي اهتمي بنفسك اكثر وببنتك اشغلى نفسك عنه وهو اذا بالبيت بس سمعية من الكلام الحلو من غير كتر كلام ياقلبي اعتقد ان فية بينكم مشاكل عشان بنت الحرام هذي عشان كذا هو ضايق منك حاولي تعتبريها مو فية وغيري اسلوبك معه وهو واللة بيتغير مع الايام اللة يهدية لك
 
كلام الاخت رحيل امل صحيح وعين العقل
اهتمي بزوجك صحيح بس بنفسك اكثر
واذا حاسة ان بيتك موطبيعي شغلي شرط طول اليوم للرقية الشرعية
والتزمي بالاذكار وسورة البقرة
 
والله حبيبتي ما الوووووومك فيه نوعية من الرجال نكدي وعله وزوجك مثل زوجي يعل القلب مع انه ما يدعي.. بس عليه تفكير واسلوب يرفع الضغط حاسة انه بيكون سبب موتي في يوم من الأيام
تصدقين والله احيان لما يسافر او يتاخر في عمله اشعر براحه نفسيه غير طبيعيه
العلاج ........ اهتمي بنفسك واشغلي عمرك عنه واسالي الله الصبر والأجر
 
عنده مشكله

وممكن ادا يحب البنت اللي تقولي عنها

بيتعبك
فيك حيل
وتبيه يرد لج واني بحالج

افهمي شخصيته
وخوضي حربك
والا


فاستخيري
 
السهر عزيزتي يجيب الاكتئاب حاولي تنظمي النوم عندك والله النفسيه تصير حلوه ، انتي شكلك نكديه وكله تبكين قدامه وهالشي ما يعجب حتى اللي في العشرين فلا تحطين فارق السن اهو السبب مستحيييييل واحمدي ربك انك اخذتي في الثلاثين لانه يكون جدي أكثر وراشد احسن من البزر ، خليك فرفوشه وحبي حياتك واقتنعي فيها لاني ما شفت فيها عيب غير الحرمه اللي يقارنك فيها وهالشي تقدرين تتغلبين عليه ، أتمنى لك التوفيق وشكلك اليوم زعلانه هذا اللي يخليك مو عاجبتك هالحياه
 
مشكوورااات حبيبااتي .. انا مب نكديه و مستحيل ابكي جدامه من سابع المستحيل لي عزتي و كرامتي .. بس انا الحين اهتم في بنتي و بيتي و نفسي اكثر ^^ وهو و لا كأنه موجود بس عليه اسويه اللي الله فارضنه عليه فقط لا غير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل