الله يصبرج ويفرج همج ...اختي استخدمي كفة الميزان وحده حطي فيها سلبيات هذا الزواج والثانيه حطي فيها الايجابيات ...وقارني بينهم وشوفي من اكثر اذا كانت الايجابيات اكثر وعندج استعداد تصبرين وتتحملين زوجج وتوقفين معاه لين يتعالج كان بها اما اذا كانت سلبياته اكثر وكذبه مستمر ورافض يعالج او يتناقش بمشكلته وعجزه عن اداء دوره كزوج فتضحيتج مالها داعي شوفي نفسج احسن لان الزواج هو مصيرج بالحياة ومستقبلج اللي ممكن يسعدج او يشقيج ..واعتقد ان حلم كل فتاه في العالم انها تكون ام يمكن انتي ما تهتمين اذا عاشرج او لا لكن اهتمامج نابع عن رغبتج الشديده في انج تكونين ام وتحققين هذه الرغبه الفطريه......يعني لو تتذكرين نفسك لما كنتي صغيره اكيد كنتي تلعبين دور الام بالعرايس مع البنات والله هذه الرغبه تبدا معانا من ولادتنا ونحس فيها ونمارسها مع غير عيالنا عكس الرغبه الجنسيه اللي ما نعرفها الا مع الزواج والممارسه وممكن نصبر عنها..اما دور الام فحتى لو ما عندنا عيال نمارسه مع عيال غيرنا من شدة رغبتنا فيه...
نصيحتي لج قعدي جلسة مصارحه جديه مع زوجج شوفي مدى رغبته فيج واستعداده لاصلاح احوالكم واذا شفتي منه تهاون او لا مبالاه فوالله طلاقج ابرك منه والحمدلله انج للحين بكر يعني رايتج بيضه وفرص الزواج متاحه لج مثل اول ويمكن اكثر......لا تضيعين عمرج دام انج صغيره ومرغوبه تداركي الوقت وارحمي نفسج
نصيحتي لج قعدي جلسة مصارحه جديه مع زوجج شوفي مدى رغبته فيج واستعداده لاصلاح احوالكم واذا شفتي منه تهاون او لا مبالاه فوالله طلاقج ابرك منه والحمدلله انج للحين بكر يعني رايتج بيضه وفرص الزواج متاحه لج مثل اول ويمكن اكثر......لا تضيعين عمرج دام انج صغيره ومرغوبه تداركي الوقت وارحمي نفسج