!!!

[توتة عبودها]

السلام عليكم جميعا

عزيزاتي


انا متزوجه شهر سته لسه مالي 3 شهور طبعا الحين جاء العيد وزوجي اعطاني 500 ريال بس اقضي منها ملابس العيد ولبس للبيت لان ملابس البيت مره صارت ضيقه عليه لاني حملت واسلبت الله يبعد عنكم
وفستان وتسريحه وهديه لزواج بنت خالتي اللي في العيد

المبلغ مايجي شي مع غلاء الاسعار وانا مره ماني متعوده اني اقضي الا من ماراكات وهو ماشاءالله راتبه مره حلو الحمدلله بس لان عليه ديون وسدد كم فاتوره مابقالي الا ه1ا المبلغ
الحين العيد قرب وانا رفضت المبلغ لانه مره مايكفيني ولا يجيب حاجه ماني عارفه ايش اسوي

وهو يقول ماعندي غيره بالله ساعدوني ايش الحل وصعبه اعيد بدون ملابس لان كلها ضيقه وكمان ماعندي فستان للعرس

الله يجزاكم خير ساعدوووووووووووووووووووووووووووووني

والحين انا وياه مانتكلم لنا يوم على هذا الحال؟؟؟:sad_1:

 

[العجيبه]

الله يكون بعونش بس هذ1 العيد وعندش مناسبة زواج صعبه 500 ريال المفروض يعطيش اكثر ..
شوفي اخذي زوجش وياش للسوق خليه يشوف الاسعار ..

 

[توتة عبودها]

زوجي يعرف ان الماركات غاليه وهو كان يشتري منها بس يقول الحين ماعنجي فلوس حتى اانا ماراح اشتري

بالله ايش اسوي؟؟

 

[الورده الشرقيه]

على قوله الاخت اللي قبلي روحي انتي وهو للسوق وخليه يشوف الاسعار
وقولي له انا بروح اشتري وانت معي
عشان تصدقني
وياقلبي الرجال على ماتعودينه
موفقه

 

[حنيني إليهم]

هنويها وتهون يالغالية ..
لكل مشكلة حل بإذن الله ..

 

[توتة عبودها]

تكفون وش اسوي كم مره تناقشنا في الموضوع واخرتها يقولي خلاص ماله داعي مقاضي العيد نسافر قلت ماراح اسافر كل عيد او مناسبه تسفرني عشان مانقضي

 

[مدري شسوي]

الله يكون في عونك روحي معاه السوق وخليه هو اللي يحاسب لا تروحين مع احد ثاني معاه بس

 

[جود الحلاوه]

حبيبتي قدري ظروفه تره كل انسان يمر بظروف صعبه وارضي زوجج تره رضا الزوج من رضا الله وحرام هو بعد اكيد متضايق عشانك ويمكن كل كلمه منك عشان الموضوع هذا تموته الف مره في اليوم لان مو هينه عليه لمه تطلبين منه شي وهو ما يقدر يلبيه بس ظروفه اقوه منه انتي لما تشوفي انه ظروفه اتحسنت خذي منه الي تحبين :icon26:

 

[انونه]

اختي مشي امورك اذا فعلا صح ماعنده فلوس موبخل مثلا رتبيها كالاتي
هديه لقريبتك خذي لها شيء بسيط طبعا على حسب اللي قدمولك بعرسك اذا والله كان ذهب استغني عن قطعه من ذهبك واعطيها ومشي نفسك بالفلوس اللي اعطاك اياها اهم شيء السعاده ياختي مو الفلوس

 

[رجاي الله]

لالالا تنازلين ترا وا لله كل عيد بيسوي لك كذا ولا يبي يعطيك مثلا الف ويقول خلالاص تعوديين عليها ولاعاد تطلبينه اكثر انتي شوفي كم تحتاجين وقولي وخليك مصررة لاللتنازل عن الحقووق الماديه

 

[جمال باتي]

الله يساعدك

 

[توتة عبودها]

المشكله ان هو مره كريم ودايم بيتنا مليان عزايم ومره يحب يخدم الناس ماديا

وبالفعل ماعنده فلوس صرف الراتب قدامي وقال انتي قسميه بس والله احتاج فلوس مره احتاااااج

 

[نصيبي بحلمي]

صباح الخير يا عسل....
لا تزعلين ولا تشيلين هم ابدا لكل مشكله حل ..با النسبه لملابس العيد ال500 بتجيب لك اطلق لبس يعني" احلى" والهديه مثل ما قالت "انونه"قطعه حلوه نعومه من ذهبك تمشي الحال...لا تضيقين صدرك افرحي با العيد وفرحي زوجك..ودمتي بود غلاتي

 

[يارب افرج همي]

سهاالات ان شاااء الله
مابعد العسر الا اليسرر

 

[هواجسهـ]

حبيبتي قدري ظروفه تره كل انسان يمر بظروف صعبه وارضي زوجج تره رضا الزوج من رضا الله وحرام هو بعد اكيد متضايق عشانك ويمكن كل كلمه منك عشان الموضوع هذا تموته الف مره في اليوم لان مو هينه عليه لمه تطلبين منه شي وهو ما يقدر يلبيه بس ظروفه اقوه منه انتي لما تشوفي انه ظروفه اتحسنت خذي منه الي تحبين :icon26:

انا مع كلام الاخت الله ويوفقها


واسمعي يابنت الناااس


لا تخربين حياتك علشان خرابيييط عذرها واضضح

دامك مصدقته انه فعلا مامعه الا هالمبلغ

مفروض يكبر بعينك


اشري للعيد اول شيء

والعرس وهديته

اما دبري نفسسك بفستان ووسعيه

لانه ماااامدى سمنتي وطلع بطنك

بيني له انك محتآآجه مررره


ومن ناحية الهديه


فيه حلين

1- اذا عندك من هدايا النااس زياده بايام عرسك عطيها او تكون هديتك مع خواتك وامك

2- قولي له انك فششله مااعطيتها هديه وهي جاايبه لك هديه

وبيني له انك مااعطيتيها لانه مامعه ومتى مااصار معكم بتعطينها اذا رجعت من شهر العسل

يعني بعد الراتب الجاي




ياختي لسا عروس انتي مالك الا 3 شهور اشري لبس واحد بس

وشوفي لبسسك وغيري فيه والبسيه


كلنا نشري ماركااات بس نعرف وين نحط فلوسنا

وبيني وبينك هالايام السووق ولا بريال شوفي انا والبنااات متنا فراراه واخر شيءرجعنا للتفصيل





الله يوفقك يااارب


ولا تزعلين زوجك

خصوصا هالامور الزوج مااينساها لانها تبين ان الزوجه تقدر زوجها او لا توقف معه او لا





موفقه

 

[اغتراب26]

المفروض توقفين معاه في مثل هالمواقف مب تزعلييين عليه
وبعدين في شي اسمه اولويات حاولي انك تاخذينها اما الاشياء الثانيه آجليها لين ما تتحسن حالت زوجك الماديه..

وبعدين انتي عروس يديده يعني عندك ذهب ويمكن عندك اشياء ما تبينها او لبستيها ففهمي انك بتبيعين شي من ذهبك عشان تساعدينه ولا يبين انه مقصر معاك من البدايه قدام الناس.. وانه يعوضك ويشتري لك غيرهم اذا تحسن وضعه المادي

 

[غروب انسان]

لا حرررررررررام عليك انتي لسى متزوجة يعني باقي اكيد ملابس مالبستيها
يابنت الحلال مشي امورك ولاتصيرين ماديه مره .....هو اكيد خاطره مكسور لانه مايقدر يلبي لك اشياءك
بس انتي ابدئي بالاشياء المهمة مثل الهديه وخليها بسيطه مرة ,,,,,
بعدين مولازم تشتري هالمرة ماركة خليها من محل عادي
هونيها وتهون ........
بعدين ارحمي زوجك اكييد عنده ديون ...قدري الظروف
وزوجك اكيد بيعوضك

 

[انوثة مفقودة]

انا مع كلام الاخت الله ويوفقها


واسمعي يابنت الناااس


لا تخربين حياتك علشان خرابيييط عذرها واضضح

دامك مصدقته انه فعلا مامعه الا هالمبلغ

مفروض يكبر بعينك


اشري للعيد اول شيء

والعرس وهديته

اما دبري نفسسك بفستان ووسعيه

لانه ماااامدى سمنتي وطلع بطنك

بيني له انك محتآآجه مررره


ومن ناحية الهديه


فيه حلين

1- اذا عندك من هدايا النااس زياده بايام عرسك عطيها او تكون هديتك مع خواتك وامك

2- قولي له انك فششله مااعطيتها هديه وهي جاايبه لك هديه

وبيني له انك مااعطيتيها لانه مامعه ومتى مااصار معكم بتعطينها اذا رجعت من شهر العسل

يعني بعد الراتب الجاي




ياختي لسا عروس انتي مالك الا 3 شهور اشري لبس واحد بس

وشوفي لبسسك وغيري فيه والبسيه


كلنا نشري ماركااات بس نعرف وين نحط فلوسنا

وبيني وبينك هالايام السووق ولا بريال شوفي انا والبنااات متنا فراراه واخر شيءرجعنا للتفصيل





الله يوفقك يااارب


ولا تزعلين زوجك

خصوصا هالامور الزوج مااينساها لانها تبين ان الزوجه تقدر زوجها او لا توقف معه او لا





موفقه

مع اخواتي بهالرأي00


هو كرييم بطبعه وهذ ظرف طارئ عليه وانتي لاازم تراعينه لسسه الحياااة قدامكم لاتوقفين عند كل شئ00

وهدية قريبتك نفس ماقالوا الاخواات00

سهليها ربي يسهلها علييك00


الله يوفقك يارب ويسهل امرك00


لك تحياتي00

 

[حب عذري]

الله يعينك
والبنات اعطوك اراء جميله ومناسبه
لكن انت تقولين لكم 3 شهور متزوجه
وفى نفس الوقت تقولين كل عيد او مناسبه يسفرنى عشان مااقضي
فهمينا كيف تجي .؟؟؟؟

 

[سر قلبه]

قدري ظروف الريال عشان تكبيرين بعينه

ما فيها شي لو تسافرين و بعدين انتي قلتي انه هو كريم

و توكم صار لكم 3 شهوور لا تعيدين و تزيدين ع موضوع الفلوس بيحس انج تحبين الفلوس أكثر منه

و الله اختي لما عرست ظروف ريلها أسوأ من ظروف ريلج و حملت و حتى حق العيد ما كان عندها شي تلبسه

و صبرت سنه كامله و الحين الله عوضها ع صبرها ،، حتى ريلها ما قام ياخذلها الا ماركات ما شالله