? عقيدتي ?

[Lena Dareen]

?السلام عليكم و رحمة الله و بركاته?

اخواتي تتبعن معي حلقات عن العقيدة الصحيحة
عقيدة اهل السنة و الجماعمة
الموضوع منقول



الحكايه ابتدت من ظهر ابونا ادم عليه السلام
"وَإِذْ أَخَذَ رَبُّكَ مِن بَنِي آدَمَ مِن ظُهُورِهِمْ ذُرِّيَّتَهُمْ "

ربنا أخرجنا جميعاً وأشهدنا على أنفسنا
وعرض علينا الأمانه
"إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ ۖ إِنَّهُ كَانَ ظَلُومًا جَهُولًا"

الأمانه دى كانت عباره عن الفرائض والإلتزامات المطلوب تنفيذها
وساعتها عرض علينا الجنه وورانا جمالها
وبردوا عرض النار عشان نعرف عقاب اللى مش هيلتزم
طبعاً كل المخلوقات خافت من الأمانه دى
رغم جمال الجنه الإ إن حمل الأمانه تقيل
وعقاب اللى مش هيلتزم جهنم وبئس المصير

الإ الإنسان قال أنا قدها أنا لها أنا عايز الجنه دى وحملها الإنسان
ومن اللحظه دى تم عقد الإتفاق بين الإله وبين الإنسان إنه هيكون عابد لله


ولأن كل المخلوقات اللى ربنا خلقها بتعبد اللَّه وهى ماتعرفش تعمل أى حاجه تانيه غير إنها تعبد اللّه وتطيعه يعنى ماعندهومش إختيار تانى غير الطاعه
فتم خلق الإنسان ومعاه خاصيه الإختيار

يعنى يقدر يكون طائع ويقدر يكون عاصى
عكس الملائكه مثلاً معندهومش خاصيه إختيار انهم يعصوا أو يغفلوا?

وبالتالى كانت مهمه الإنسان أصعب
ولأنها أصعب فالعاقبه هتكون مرضيه ومرضيه جداً كمان دى هتكون الجنه?

المهم بعد ماربنا أخذنا من ظهر آدم وأشهدنا على أنفسنا وحملنا الأمانه
ربنا أكد علينا خطوره الوضع
وقال هتيجوا يوم القيامه وتقولوا إنكم مش فاكرين حاجه عن الإتفاق دا

"أَن تَقُولُوا يَوْمَ الْقِيَامَةِ إِنَّا كُنَّا عَنْ هَٰذَا غَافِلِينَ"

فعشان تبقوا عارفين هيتم سحب الإتفاق دا من الذاكره

طب إيه السبب ؟ ?

السبب انه هيتم الإختبار يعنى قبل ماتروحوا الجنه الجميله دى هنعملكم امتحان صغير كده فى مرحله هتمروا بيها إسمها الحياه الدنيا
فهل ينفع نعمل لحد إمتحان ونديله الإجابات معاه وهو بيمتحن

لا خالص ماينفعش وبالتالى تم سحب احداث اللقاء دا من الذاكره تماماً
ماحنا لو فاكرينها كان كله هيبأ فاكر شكل النار ويخاف يعصى ويفتكر جمال الجنه وهيضطر يطيع
ومن هنا بتبان خطوره حمل الأمانه

المهم إحنا خلاص حملنا الأمانه وأقرينا العبوديه
" أَلَسْتُ بِرَبِّكُمْ ۖ قَالُوا بَلَىٰ ۛ"

وابتدينا المشوار
وتم تأهيل آدم عليه السلام للمهمه
يعنى عمل فتره تدريب
ازاى ?

فتره تأهيل آدم للمهمه
إبتدت وهو فى الجنه وكان الأمر الإلهى بلا تفعل
كل ياآدم من الجنه زى مانت عايز بس بلاش الشجره دى

وهنا كان اول عقد اتفاق
وكل اللى آدم مر بيه كان درس ليه ولذريته من بعده

وانتهت فتره التدريب
ونزل آدم على الأرض وابتدى الإختبار

يعنى نزول آدم مش عقوبه لاااااا ادم كان نازل نازل بس التجربه اللى مر بيها كان لابد منها
عشان هى مثال مصغر لكل اللى ذريته هتمر بيه فى فتره امتحانهم يمكن يفهموا الدرس​

يتبع ....

​

 

[النسيم المسافر]

وعليكي السلام والرحمة والبركة جزاكي الله خير لينا في ميزان حسناتك حبيبتي?

 

[Lena Dareen]

وانت بتعلم أولادك عقيدتهم إعرف انك بتعقد على عقولهم بأفكار هى اللى على اساسها هيمشوا عليه وهتكون من خلاله نظرتهم للعالم

فمش هينساقوا وراء افكار واحد ملحد
ولا يتجاوبوا مع نظره واحد نصرانى
ولا هيتعايشوا مع واحد غافل عن دوره الحقيقى ف الحياه اللى هو العباده

وانت بتعرف عقيدتك مش هتنخدع وراء اى حد مدعى الدين وبيستفيد منك بدعوه الدين
زى مابقينا بنشوف الصوفيين وانحرافاتهم الرهيبه
ومين بينساق وراهم
مابينساقش وراهم غير واحد مش متأسس صح فى دينه.
مش عارف عقيدته فالبتالى بينساق ورا أى حد يتكلم ف الدين ولو على جهل

كان فى سؤال زمان كنا بنسأله واحنا صغيرين
أين اللَّه وكانت الإجابه
اللَّه فى كل مكان
تعرفوا إن الإجابه دى تنافى عقيدتنا الصحيحه
لأنه ببساطه
"الرحمن على العرش استوى"

وبالتالى احنا ممكن ننحرف عن ما جاء به الرسول صلى اللَّه عليه وسلم لمجرد جهلنا بما جاء به وابسط ماجاء به هو عقيدتنا

الرسول صلى اللَّه عليه وسلم قال
افترقت اليهود على إحدى وسبعين فرقة، وافترقت النصارى على اثنتين وسبعين فرقة، وستفترق هذه الأمة على ثلاث وسبعين فرقة كلها في النار إلا واحدة، قيل: من هي يا رسول الله؟ قال: من كان على مثل ما أنا عليه وأصحابي

الخلاصه
إن طول مانت سائر على خطى الرسول صلى اللَّه عليه وسلم
انت ف أمان
مجرد ماتسيب الطريق او تكمل وانت بتزود حاجات هو معملهاش تبقى ف خطر

أى امر ف الدين رجعه للرسول لوكان بيعمله اعمله
ماكانش بيعمله يبأ ماتعملهوش لأن دا يعتبر بدعه

"من أحدث في أمرنا هذا ما ليس منه فهو رد "

دا للى بيزود او بيقلل حاجات ف الدين فمابالنا باللى غافل أصلاً عن الدين
وبالتالى معرفه عقيدتنا مش رفاهيه
مش فرض كفايه
دا فرض عين و لازم والإ فلا تلومن الإ نفسك


يتبع ..​

 

[Lena Dareen]

من الأحاديث العظيمة التي بين النبي صلى الله عليه وسلم فيها أصول الدين , حديث جبريل المشهور , عندما جاء إلى النبي صلى الله عليه وسلم , على هيئة رجل يسأله ويستفتيه عن بعض المسائل الهامة , والحديث رواه الإمام مسلم عن عمر بن الخطاب رضي الله عنه قال : بينما نحن عند رسول الله صلى الله عليه وسلم ذات يوم , إذ طلع علينا رجل شديد بياض الثياب , شديد سواد الشعر , لا يُرى عليه أثر السفر , ولا يعرفه منا أحد , حتى جلس إلى النبي صلى الله عليه وسلم , فأسند ركبتيه إلى ركبتيه , ووضع كفيه على فخذيه.

وقال: يا محمد , أخبرني عن الإسلام ؟ فقال رسول الله صلى الله عليه وسلم : الإسلام أن تشهد أن لا إله إلا الله وأن محمدا رسول الله , وتقيم الصلاة , وتؤتي الزكاة , وتصوم رمضان , وتحج البيت إن استطعت إليه سبيلا . قال : صدقتَ , قال : فعجبنا له يسأله ويصدقه . قال : فأخبرني عن الإيمان ؟ قال : أن تؤمن بالله وملائكته وكتبه ورسله واليوم الآخر , وتؤمن بالقدر خيره وشره . قال : صدقت . قال فأخبرني عن الإحسان ؟ قال : أن تعبد الله كأنك تراه , فإن لم تكن تراه فإنه يراك . قال : فأخبرني عن الساعة ؟ قال : ما المسئول عنها بأعلم من السائل . قال : فأخبرني عن أمارتها ؟ قال : أن تلد الأمة ربَّتها , وأن ترى الحفاة العراة العالة رعاءَ الشاء يتطاولون في البنيان . قال : ثم انطلق , فلبثتُ ملِيَّا , ثم قال لي : يا عمر , أتدري من السائل ؟ . قلت : الله ورسوله أعلم . قال : فإنه جبريل أتاكم يعلمكم دينكم " .

فهذا الحديث قد اشتمل على بيان أصول الدين وقواعده , ولهذا قال صلى الله عليه وسلم في آخره " هذا جبريل أتاكم يعلمكم دينكم " , فجعل ما في هذا الحديث بمنزلة الدين كله


دا كان حديث جبريل واللى من خلاله هنبتدى مع بعض دراسه عقيدتنا
عقيده أهل السنه والجماعه


يتبع ...​

 

[أنثى بعطر الورد]

متابعه اكملي رجاءً ​