❌❌محذورات مع شريك حياتك ❌❌

[راضية بالمولى]

اوعي تحكيلو عن ماضيكى و تجاربك السوده حتى لو سأل اكدبى و قولى ماليش تجارب ، لكذا سبب :-
- اولا مش من حقه يسال عن ماضى هو ماكنش موجود فيه
- ربنا سترك ماينفعش تفضحى نفسك
- لو اعترفتى وارد يعايرك طول العمر
- لو اعترفتى هايحس انه مش اول راجل فى حياتك و يفقد اللذه ديه
- لو اعترفتى هايشك انك ماقولتيش كل الحقيقه و لسه فيه فضايح تانيه
2 – أوعى تحكيلو عن دفوهات جسمك او ملامحك ( مناخيرك كبيره - وزنك زياده –
شعرك بيقع ) او حتى عيوب شخصيتك ( انا عصبيه ) من باب الاستعطاف او المصارحه
و الصدق ، ده غلط جدا لانه غالبا بيقى مش شايف الديفوهات دى او شايفها و حاسس انها
جميله او متعايش مهاها بس مصارحتك بتحسسه انها عيوب فيكى و نقط ضعف و وارد لو
مش محترم تضيف لرصيد غروره ، بالعكس تماما ، المفروض تفخرى بملامحك و
العكس يعنى تبدى اعجابك بعيوبك يعنى مثلا ( مناخيرى كبيره بس جذابه ) ساعتها
برضو بتلفتى نظره ليها ..اما عن عيوب شخصيتك فانصحك تسعى لتغيرها بنفسك طالما
عرفتيها . و لو اكتشفها بنفسه اطلبى منه يساعدك فى تغيرها .
3 – اوعى تحكيلوا عن فولان جوز صديقتك اللى بيضربها لانه ساعتها هايفتخر بنفسه و
لو جت فرصه هايشتمك و لو اتكلمتى هايقولك مش احسن من جوز صاحبتك اللى بيضربها
4 – اوعى تحكيلوا عن مشاكل اهلك و فضايحهم ( بابا بيخون ماما – اخويا بخيل – اختى
حقوده ) لانه وارد فى لحظه خلاف يعايرك بيهم ده غير انه مش هايحس ان ليكى ضهر او
سند بقى جنبك فى خلافك معاه .. بالعكس تماما انتى لازم تفخرى دايما باهلك و تقولى محاسنهم و مميزاتهم و تتكلمى عن نجاحتهم بس من غير غرور او استعراض .
5 – اوعى تحكيلوا عن صاحبتك فولانه الجميله الاموره المبهره المثيره اللى عايشه حياتها
و بتلبس عريان و بتسهر و اللى الرجاله و اقفين طوابير علشان يكلموها لانه ساعتها
هايعمل مش فارق معاه كلامك بس هايبقى جواه بيحلم بيها و هيقارن بينك و بينها و مش
بعيد تلاقيه تانى يوم واقف فى الطابور معاهم .
منقول

​