يوم زفافنا (جيت ابا اكحلها عميتها)

روحي فهد

روحي فهد

New member
إنضم
2008/12/30
المشاركات
139
مساء الانوار​

بلقيسيات ابي مساعدتكن العاجلة​

اليوم يوم زواجنا وصار بينا هالمشادة​

طبعا مامتذكر هالمناسبة باركت له وتفاجا جال نسيت ​

وبعدها كنت ابا اروح معه لانه رايح للعاصمة يومين ويرجع وانا هالفترة فبيت اهلي ورفض ومن كثر ما شايله عليه من قبل رسلت هالرسالة​

(ماانكر انك حبوب وضحوك وتحب بيتك وأسرتك وتخطط لمستقبلك والتزامك بدينك وأحسن عن اخوانك فاشيا كثيرة بس الفرق بينك وبين اخوك انك انت ماتمتعنا الطلعة لين اطلعنا اياها بتطلع روحي واطلبها منك الف مرة
اما اخوك المتعه عندهم فالمقدمه يمتعوا نفسهم ومستمتعين بمعاشاتهم يمشي زوجته واي مكان يخطر فبالها يشلها من كلامها يسافروا ويستمتعوا بصراحه محظوظه زوجته مب حن مقيدين نفسنا بجمعيات لنا 3سنوات متزوجين ماسافرنا برع الدولة
وانت دوم تلمح لي انك ماتحب التسوق ع الأقل احترم رغبتي انا احب اتمشي واتسوق مثل ماأنا مريحتنك ومحترمتنك أتمنى فيوم تفأجأني بسفرة او بتمشاية أو بهدية بدون ما المح لك حتى لو قلم حتى هاليوم مافكرت تسوى لنا شي بسيط لدرجة احس انك ماترغب فيني إلا فالفراش)​

ورد عليه بهالرسالة وافحمني وماعارفة شو ارد​

دبرني​

(شكرك على ملاحظتك
للعلم فقط لا أكثر
كنت ناوي أهديك لاب توب لما تولدي
لكن حصل اللي حصل
وبعدين جلت مادام إني نويت فبهديك إياه لما يطلعوك من المستشفى وبعدين جلت لا
بعمله مفاجأة لما ننتقل لبيتنا الجديد
لكن الظاهر إنك تبي تسافري فأحسن اخش فلوسي)​
 
قوليله كل شي يجي منك حلووووووووو ^_^

صج قهر بس لاتعمينها زياده واتوقع زوجك شرقي

وبعدين اكره شي عند الرجال تقارنينه باحد كل رجال ضروفه تحتلف واحنا

لاوم نتحمل الحياه مو كلها سفره وروحه وجيه قولي الحمدالله على الي

عندك غيرك محروم منها ​
 
((((يعني صدقني))))​

زوجك هذا داهية وعرف يحسرك على كلامك
لكن خليكي أذكى منه وأرسلي له
(( أجل وعد الحر دين عليه))​

عشان اللاب توب والبيت الجديد
اما يفاجئك بها أو يعمل زي ماقال
يخش الفلوس للسفر واعملي نفسك
تحمستي للسفر وناقشيه بطريقة هادئة
وانك فرحانة
وين بنسافر ومتى عشان ارتب وضعنا​

وقتها يعرف مين الاذكى من الثاني
الله ينولك اللي في بالك​


​
 
بنات احنا وضعنا المادي حلو وتعمدت اقارنة باخوه عشان اقهره وتو حارق جوالي رناااااات

وهو جنوبي شرقي مش شمالي
 
هههههههههههه
الله يسعدكم

انتي قوليله انت كريم وحنا نستاهل
مادام حرقت المفاجاءه

ابي الاثنين الاب توب والسفر:22:
 
ههههههههههه ​


عجيب ... أول شي خلاص لاتعيد سالفة المقارنة ...​


قارني بينه وبين أخوانه بس مو هالشكل ....

تلمحين من بعيد وهو ذكي بيفهمها ..​


أو أقل شي حسسيه أنك نآقصة من بين سلفاتك بس نفس الشي ..بطريقة لآ مباشرة ...

أحذري تكرري غلطك ​




أنتي أخطيتي .. وحسستيه بأحاسيس مو حلوة حتى لو ماتكلم .. ​


ردي عليه ترى بيزعل لو طنشتيه ... وقولي أنا عارفة أنك مو مقصر ياأبو فلآن ..
وتدور وناستي أنا أبي أختصر عليك الطريق ومآبيك تتخسر على شي يمكن مايعجبني مثلآ ..



وحاولي ترقعين السالفه ..والله بتبقى بخاطره وماراح ينساها وبتتذكرين ..​



ودمتي بخير​
 
لا ثم لا ثم لا
لاتقارنين زوجك باي احد
اخوه عمه خاله صديقه
غلط واكبر غلط اللي تسويه كذا راح تجرحينه

تخيلي ان زوجك يقولك انتي زوجتي وحبيبتي بس ليش ماتصيرين حلوه زي اختك
او سنعه زي زوجة جارنا او طباخه زي اختي او تحب اهلي زي فلانه

راح تنقهرين صح بتقولين هو تزوجني انا بشخصيتي ماتزوجهم لازم يتقبلني زي ما انا
وراح تنجرح مشاعرك وتقولين مايشوف الا محاسن الناس وانا مايشوف الا عيوبي

ياختي نصيحه تقبلي زوجك زي ماهو زي ماتقبلك زي مانتي ومافي احد خالي من العيوب

انا في رايي انك ترسلين له اعتذار وتقولين ما قصدي اقارنك انت بعيوني ملاك بس انا تعبانه نفسيا وودي اغير جو
وانت كريم وانا استاهل شكرا على الرساله حبيبي فرحتني كثيييييييييييير
الله لايحرمني منك
 
انا مع الاخت همس لاتقارنينه
باي احد اعتذري منه وماراح يصير الا
اللي بخاطرك
 
اسوأ شي المقارنه خطأ خطأ خطأ
واكبر خطأ بعد؟؟

اختي تخيل لو انه هو جا وقالك :انتي ما تعرفين تطبخين انتي اسوء حرمه شفتها انتي ما فيك خير
شوفي فلانه اختك شلون طبخها شوفي شكلها ويبدأ يقارن ويجيب مميزات اختك
صدقيني بتموتين من الحره والقهر وبتتحطمين والله قويه حركتك خصوصا مع الجنوبي الكتوم وما ينسى بسرعه بيبتل يهزأك فيها ويذكرك لين تقولين بس
لا زم تتأسفين شوفي اسلوبه شلون عاقل ولا كن الاسلوب هذا ما يجي كذا هو يرد بعقل اذا كان مقهور ومجروح مستحيل يكلمك بنفس اسلوبك وانتي معصبه وهو الجنوبي كذا كلش مفاجآت
انتي شكلك شماليه عشان كذا انطلقتي
انتبهي اتركي اسلوب الانطلاقيه والهواش والعصبيه اتركي هالاسلوب ما ينفع معه ابدا امسكي اعصابك خليك اعقل من كذا اختي والله احس زوجك شكثر مجرووووح من الكلام والله موسهل تقارنينه كذا بلحضة غضب كفرتي بالعشير وكبيتي كل مميزاته تدرين وش بنفسه الان
بيدا يتذكر وش سوى لك وش احسن لك ويقول كل الي اسوي وما بان بعينها والله ان يبدا يتركك وماعاد يجيبلك اي شي حلو
وهو قالها بنفسه اخلي فلوسي لنفسي ....

الان انتي اذا جا روحي وبوسي راسه وقولي انا اسفه يوم ارسل لك كنت بلحضه غضب وما حسيت بعمري الشيطان اعماني ووو من هالكلام
انتي ابخص بزوجك عاد
طبعا ممكن يجرحك ويحاول يرد لك الكلام الي قلتي وبيقول اصلا ما جيتي الا عشان الهديه ولا انا ما هميتك
لا تردين عليه بس قولي براحتك هذا شي راجعلك بتعطيني ولا ما بتعطيني مو موضعنا هذا
انا ما احب اغلط واقول كلام على احد وخصوصا اذا كان عزيز علي ولا اعتذر انا اسفه

واطلعي اتركي المكان بكبره اشغلي نفسك ممكن يطول بزعله بس عادي لا تهتمين اتركيه براحته يعالج نفسه من هالجرح القوي لانك جرحتي كبريائه كرجل وقارنتيه بناس افضل منه؟؟
........
وبعدين اختي والله شكل زوجك ما يتعوض الله يخليه لك ولا تحاولين تفكرين بزوج فلانه وعلانه لانك ما عشتي معهم وجربتي ازواجهم ممكن انه يطلعها لاكن منكد عليها بشي ثاني الله ياخذ ويعطي انتبهي زوجك نعمه لا تنكرينها تندمين بيوم ما ينفعك الندم
 
ليش تعتذرين ماسويتي شيء غلط يعني عشانك قارنتيه بأخوه أتوقع من قهرك عليه وعلى فكره شخصيه زوجك مثل زوجي بالضبط انا مأحب المقارنه وادري انها تنرفز بس شسوي احاول معه بكل الأساليب والجىء للمقارنه يمكن يحس على دمه واخر شيء يقلب السالفه علي مثل زوجك يقول أصلآ انا ناوي أطلعك وانا ناوي اجيب لك هديه بس انتي سبقتي الأحداث مسوي ذكي وهي كلها تصريفه بس معليك منه قولي هاه وين راحت الهديه احرجيه ....
 
اسفه اذا كان اسلوبي قوي بس والله لمصلحتك واضح انك حامل ومع الحمل ما تدرين وش تسوين من الطفش الله يعينك
 
اسفة مارديت عليك
اقصد هوه عرف يرد عليك بحيث
يخليكي رده تندمي انك عملتي مقارنة وانتقدتيه
بإنه كان مجهز لك مفاجئة اللاب توب والبيت الجديد

لكن كوني ذكيه وقولي له طيب وعد الحر
دين عليه ومتى راح نسافر؟عشان ارتب اغراضنا
يكون كذا التزم بإنه بيسفرك
وحتى لو رفض قولي له عادي اي شي منك حلو
عشان مايشيل في خاطره موضوع المقاارنة


الله يسعدكم


​
 
لا حبيبتي لاتعتذري لكن مره اخرى لاتقارنيه باحد وبعدين واضح زوجك عرف يلعب عليك قوليله ابغى الاب توب والسفر ولكل مناسبه هديه للبيت للولاده 00000000 وانا مااسامحك باي وحده منهم:31::31:
 
صح المقارنه غلط لكن اخر دواء .. الكي !!

و انتي شكلك صابره و فاض بك !!

ما دام انك قارنتي و خلصتي خلاص لا تتندمين .. بلعكس رد زوجك مبين انه صحى فعلا لنفسه و عرف انه زودها حبتين ..

و الدليل انه قام يبرر و حس انه انحرج منك و يبغى يبين انه حاس فيك
بس صدق هو حاس فيك ( شراء لاب توب ) لكن بأخر لحظه أجل الفكره و شوي شوي قام يأجل و يأجل ..

لكن النيه موجوده .. بس وين التنفيذ ؟؟

ما دام انك فجرتي القنبله خلاص قولي له بأسلوب لبق ..
انت ما تقصر و لكن ابغى احس ان راحتي و سعادتي دوم على بالك ..
قولي انا ما اقرا افكارك و لا داخله في نيتك ,,
انت كريم و احنا نستاهل .. خاطري اسافر للبلد الفلاني .. و صحيح انا هالفتره كثير محتاجه اللاب توب جاء في وقته ..
كذا حصلتي على السفره و الاب توب ..
حتى لو قال اختاري واحد بينهم .. قولي سعر اللاب توب موب غالي عشان يهز ميزانيه السفره ؟؟!!
 
مجرد المقاارنــــــــه مصيبة !!!
تدري علشــــــــــان تبطلي عالعادة اللي تطعن في الزوج ...

اتخيلي انه هو يقارن بينج وبين اختج او اخته او اي حرمة ويقول هاذي مريحه ريلها وما تنكد عليه و ... غيره


طبعا بتحترقـــــــي من القهر !!!!! >>>>>>>> ف حطي نفسج مكااانـــــــــــه ..


ولا تزعلين من اللي بقولـــــــــه >>> جد احنا خوات

يعنــــــــي الريــــــال على ظهره جمعيات ولا بعد يبني لج بيت يديد >>> ماشاء الله لا قوة الا بالله تسكنوه بالعافيه

قدري ظروفه .. الريال يا حبيبتي يوم يكون داخل جمعيات يحاتي المعاش ونفسيته مو متحمله ..

خلــج عسولــــــه و بيقدر تحملج هالحاله و بتنالــــي بعد صبرج خير ان شاء اللـــــــه​
 
هلا حبيباتي غبت عنكن لاني غرقانة فالعسل (خخخخخخخخخخخخخخخ

عموما حبيباتي انا رسلت له هالرسالة

(وعد الحر دين عليه وانت كريم وانا العسولة استاهل اللاب توب والسفر)

ورد علي
(بطلب منج طلب لما بكون مشغول عند العمال او اراكض فالدوام لاترسلين كلام رومانسي وتنتظري رد بس ادعيلي بالتيسير لان احيانا اوصل لحد الانفجار فلا تلوميني)

هو تحسس من سالفة انه مايرد ع رسايلي

جلته له تمام

رد علي برسالة اخرى
(بالله عليج هذا كلام تجوليه لزوجك اللي يرخصلك الغالي والنفيس
الناس يفنوا اعمارهم علشان يستقروا ويبنوا العش الهادي وانتي تفاجئيني انيي ضابنك بجمعيات 3سنوات
واللي زاد الطين بله تجوليي ( احس ان زوجة اخوك محظوظة؟)
ياحسرة ع شو محظوظة شوفي انتي كيف عايشة وهم كيف عايشين
اخاف باجر لا سكنتي البيت الجديد تجولي ماعاجبنك)

صراحة فعلا كنت غلطانة بردة فعلي واستعجالي

حبيت اوضح لكن ان هو اجل الهدية لان انا لما ولدت طلعت بنتي متوفية
فماحلوة تكون في هدية

بعدها رسل لي
(باجر جهزي بتروحي العاصمة معي نتمشى نغير جو)

طبعا جلت له خلاص ماافكر اروح (حركاااااااااااااااات دلع وتغلي)

اصر علي وصراحة حييييل
ورسل لي تذكري هالوقت سنة2007 كنا نتعشا مع بعض فيوم العرس
وبدا يرسل يذكرني بيوم العرس وليلة العرس
صراحة كسر خااااطري

عموما رحنا العاصمة واستمتعنا

ورجعنا اقرب لبعض اكثر من قبل واحسه حيل متلهف علي

الحمدلله ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل