ينفع اربط ولا راحت علي؟؟

[عيون بو سلطان]

مرحبا الغاليات

بدش في الموضوع على طول........... أنا جريب بكمل 8 شهور من ربيت ولين الحين فيني كرشه..... اللي يشوفني يقول حامل في الخامس :icon1366:

السبب اللي ماخلاني اربط وأنا في الأربعين إني كنت ماخذه ابرة الظهر وقت الولادة وسببتلي آلام في الظهر مدة شهر وكنت كل ما احاول اربط بطني يزيد الألم وأحس إن ظهري متيبس علي وإن جسمي بينقسم نصين....... الحمد لله على كل حال يوم اشوف ولدي احس إن كل شي في هالدنيا يهون..........

المهم........ أنا وايد مضايجه من شكلي ووزني........ اشتركت من أسبوعين في نادي وإن شاء الله بواضب..... وأحاول أخفف من أكلي لأن الرجيم صعب وأنا أرضع

وتوني شفت موضوع وحده من الخوات عن الشاي الأخضر الصيني وإن شاء الله من باجر ببدا فيه..... الحين أنا ابا اربط لأني وايد قريت عن مواضيع يقولون فيها البنات إن شد البطن على داخل يخفف الكرشه......... ولأني ابا كرشتي دوم تكون مشدوده على دخل فكرت اربط بس مادري ينفع ولا لا؟؟

أتمنى تفيدوني وماتبخلون علي بالرد...... ولكم مني كل الشكر والتقدير​

 

[***فوفة***]

أول حاجة الحمدلله على سلامتك ولو انها جاية متأخرة بس العذر والسموحة والله يبارك لكم بمولودكم ويتربى بعزك انت وأبو سلطان

ثـانيا/ ماني فاهمة انت تبين تربطين بعملية يعني(تحزيم معده)أو ربط طبيعي بشرشف يعني أو قطعة قماش ماني فاهمة!!!!

أختي الكريمة أنا كان طالعتلي كرش لأني أولد قيصري بس الان لي شهر ماشية على هذا الشراب والحمدلله النتايج جدا مشجعة

شوفي ياستي: تشربين على الريق وقبل ماتنامين(كوب فيه زنجبيل+نعناع+عصير ليمونة صغيرة)تصبين عليه ماء مغلي

وتتركينه يبرد وتشربيه ترى لذيذ وممكن تحليه بسكر تروبيكانا**على فكرة كل ما كثرتي من هذا المشروب كل ماانسدت
نفسك عن الأكل

بالإضافة لهذا المشروب دايما حاولي تشفطين بطنك للداخل دايما دايما وبتتعودين باذن الله

كمان دايما مارسي طريقة التنفس الصحيح(اللي هو تاخذين نفس عميق عن طريق الأنف ثم تخرجيه من الفم) مارسي هذا ا


التمرين عشرات المرات وفي كل الأوقات مع شفط بطنك للداخل بنفس الوقت وأنا واثقة تماما بتلاحظين الفرق في خلال أسبوع وهذه عن تجربة شخصية مني

أتمنى توافينا بأخبارك وتطمنينا عنك

إن كنت أفدتك أو لم أفيدك أرجو أن تدعيلي بأن ييسر الله أموري كلها

 

[عيون بو سلطان]

مشكورة حبيبتي
انتي الوحيدة اللي عبرتيني........... الله يوفقج ويسر كل أمرج
أنا كنت اقصد ربط البطن بمشد أو خلقه أو أي شي هذا كان قصدي
جربت اشفط بطني على داخل بس مشكلتي إني انسى
إن شاء الله بحاول........ عرس أخوي بعد اسبوعين وأنا لازم اغير من نفسي إن شاء الله

 

[reemas99]

حبيبتي اذا كان وزنك زايد مرره حاولي التخفيف واذا كان عادي فاشربي منقوع الليمون مع الكمون او خلطة الاخت الي كاتبتها زنجبيل ونعناع وليمون وامشي نصف ساعه يوميا وصدقيني بتكونين مرتاحه

بالنسبه للتغير قصي شعرك او اصبغي او استخدمي خلطات تفتيح او اي شي يغير من ستايلك وبالنسبه لزواج اخوك خلي الفستان يكون ستيان ومن تحت واسع ومع موديل للاكمام حلو واكسسوار ناعم وتسريحه ومكياج واووووووو
وبتشوفين واختاري الالوان الغامقه البنفسج او الاحمر الغامق او البرونز الغامق او الاسود او العنابي وان شاء الله تسيرين ملكه

والف مبروك ويتربى بعزك واهم شي سلامة ولدك وانت والله يسعدك بالدارين

 

[ثقتي عاليه]

حياتي .. اذا كانت مشكلتج الوحيده كرشتج .. ممكن تستخديمن جهاز تكسير الدهون او LPG + رياضه وقللي اكل