ينشر صورته بموقع للتعارف

[صبري بالله قوي]

السلام عليكم ورحمة الله وبركاته

الاخوات الكريمات اتمنى تفيدوني بنصائحكم او ارائكم انا تفاجأت بوجود صورة زوجي في موقع الفيس بوك :dunno:
للأسف لأني كنت اسمع انه موقع منحط كل من يضع صورته للتعارف مع البنات او شباب من كل انحاء العالم
هل يعني انه مستعد للعلاقات الغير مشروعه او مجرد تجربه غبيه منه وماعنده فكره عن سمعة هالموقع...
ولو تعرفون كيف انكشف لاستغربتم وعرفتم ان الله مايترك ظالم او مخطئ : ( من اغرب المواقف ان هذا الموقع انتشر عنه ايميلات ترسل عن طريق المجموعات -ياهو- صارو الشباب ياخذون الصور المنشوره ويكتبون تحتها تعليقات فيها ضحك وسخريه على اصحاب هذي الصور ) ومره وصلني احد هذي الايميلات من المجموعات فيه صور لاشخاص وتحتها تعليقات مضحكه المهم ضحكت مع اني في داخل نفسي قلت الله يصلحهم هالاشكال اش اللي دفعهم بنشر صورهم لتعارف و انقلب الموضوع استهزاء فيهم وفضايح لأنفسهم واهاليهم..عموما رحت وفتحت الموقع قلت بدال ماتجيني ايميلات للمجموعات ونضحك معاهم خليني ادخل الموقع واشوف هالصور بنفسييمكن اجد قريب لي او قريبه :shutup::shutup: وتفاجأت بأن الموقع يطلب تسجيلي اولا وتسجيل عنوان ايميلي لديهم حتى يسمحو لي بالدخول المهم دفعني حب التطلع للتسجيل وبعدها لم يسمحوا لي بالدخول تركت الموقع وطلعت ونسيت وصرت استفسر واسمع انه موقع للتعارف الغبي ؟؟؟ رجل او بنت تحط الصوره وعنوان الايميل واي معلومه هي تسمح بها........... بعدها تفاجأت بإيميل اليوم وصلني وأجد فيه تبليغ من الموقع بأن فلان(زوجي مسجل اسمه الحقيقي) الموجود بين اصدقائك والمقصود عناوين الايميلات المضافه عندي قد تم تسجيله عندهم في الفيس بوك(وهذي تقنية الموقع يبلغك عن كل من يسجل فيه لأني مسجله ايميلي عندهم بدون ماعرف ملابسات الموضوع) .. المهم ضغطت رابط ودخلوني للموقع المليان صور واشكال اللهم لاشماته واتفاجأ باسم زوجي وصورته ؟؟؟؟؟؟؟؟؟؟؟؟ حسبي الله ونعم الوكيل رجل متزوج ولديه بنت عمرها 4 سنوات ويشغل منصب كبير يتطرق للتعارف وهالاشياء؟؟؟؟؟؟انا مصدومه ولكن اقول صبري بالله قوي ..........
انصحوني انا تفاجأت بهذا في وقت انا اعيش قمة اقترابي وحرصي واحاطتي العاطفيه بزوجي ؟؟وش الدافع هل يمزح ام يبغى يتعرف أم الشيطان لعب في راسه ...................................... انصحوني ولاتقولون مواجهه لأنه شخص عنيد لايعترف بأخطائه بل يقلبها على الطرف الاخر:icon1366:​

 

[صبري بالله قوي]

مع العلم انه يسمح لي بدخول الانترنت ويعرف ايميلي و هو اضافني عنده لأنه يسافر للخارج للعمل احيانا ويحادثني وهذا اعطاني ثقه كبيره فيه بأنه ينظر للنت نظره محترمه لأنه يحترم دخولي له لانه ماخاف من دخولي المستمر ولايدقق الا احيانا يسألني عن اهتماماتي والمواقع اللي ادخلها ويحذرني من الاطاله بالوقت ........... والان صار يدخل مواقع للتعارف كيف ..................... ارجوكم افيدوني بارائكم واسألو هل لهذا الموقع فايده محترمه وانا ما اعرفها:icon1366:​

 

[تايهة]

الله يعينك .. بصرحة شي غريب.... أحسن حل أنه تدخلين بإيميل ثاني و تتعرفين على زوجك و كأنك وحدة تبي تتعرف عليه و شوفي وش يقصد من و ضع صورته عندهم ... وبعدين قرري وش تسوين معه ... حتى ما تظلمينه إذا أختي موقف الآن .... وحتى ما تتألمين إذا سكتي و ما سويتي شي ....

الله معك قلبي والله معك و الله يعينك وإن شاء الله يعدي الموضوع على خير ...

 

[لمـى عمري]

الله يكون فى عونك ياقلبي
بصراحه ما اعراف شي عنه

 

[نبع الحنين]

الله يكون في عونك​

 

[لذة غرام***]

ياعمري منا عارفه وش اقول حسبنا الله ونعم الوكيل بس نصيحه مني لالالا تدققي بها الامور لانك صدقيني راح تدوري على تعاستكي معها شوفي اول شي ادعي له با الهدايه ثاني شي اسئلي مختص ثالث شي حاولي انك تحسسيه بحبه وانك تكرهين الخيانه عن طريق رسايل من الايميل واتوقع نص الرجال او كلهم يدخلون هاا المواقع اماا للفضول او التسليه او كل واحد يكون له سبب خاص فيه ولك رساله في الخااص مني

 

[لآلىء]

الله يعينج ياختي

بس اللي اعرفه عن الموقع ان سبب انشائه هو للطلاب اللي يبغون يتعلمون ويكملون دراستهم يعني اغلب اللي يدخلونها طلاب والسبب الثاني للمغتربين في الخارج من خلال هالموقع يمكن يكونون على اتصال مع اهلهم او اصدقائهم ..
يعني ممكن زوجج حاب يكمل دراسته ويبي يستفسر عن الجامعات الخارجيه ..

بس قبل لا تتخذين اي قرار فكريه الف مره عشان ماينقلب ضدج الموضوع .

 

[متابعه]

لا معليش اختي ..لاتشكين..وتطمني..
الفيس بوك شي عادي وكثير ناس عندهم حسابات فيه..
وزوجك رجل عاقل وماراح يحط صورته واسمه في موقع شبهه..

واستغرب الناس اللي اخذوا فكره سيئه عن الفيس بوك لمجرد ان قله قليلة من الناس استخدموه استخدام سيء,,

طيب المنتديات فيها من يغازل.. ويرقم.. ويتعرف..و و
هل معناته كل من استخدم المنتديات يعمم عليه هالشي؟

صدقيني الغرض من فيس بوك غير الفكره الدارجه ياقلبي..
ولو زوجك فيه ريح... ماحط صورته وخاطر ان ربعه واهله وانتي تشوفونه ..

شيلي من مخك هالشك اللي بيدمر حياتكم


للمعلوميه عيالي اللي بالمتوسط عندهم حسابات هناك..
وحاطين صورهم وشي عادي جدا.. مكونين شبكه مع عيال عمهم وربعهم ويلعبون سوا.. ويعلقون على صور سوا..
والصراحه انه شي مسلي.. وماهو القصد منه اللي على بالك..



لو يبي راح لشات.. وبدقيقتين بيتعرف على 10




ارجو اني افدتك

 

[الخيال البعيد]

انا كلامي من كلام متابعه ماراح اضيف شي عين العقل يامتابعه

ولك دعوه في ظهر الغيب ياقلبي

تقبلي مروري

 

[عزيز الروح]

غاليتي .. انكِ بحد ذاتكِ تقولين ...بأن هذاالموقع منحط وفاسق ..
وهذا كلام صحيح لا شك فيه ..

اما عند صورة زوجكِ ربما ليس هو الذي وضعها في هذا الموقع المتدني ..
ربما يوجد عصابة خطيرة في هذا الموقع تسحب المعلومات و الصور الموجودة في الجهاز لغرض التشهير
نصيحتي لكِ بما أن زوجكِ اعطاكِ الثقة الكاملة فلابد ان تعطيه انتِ الثقة المطلقة ..
اتعرفين لماذا ؟؟ ابسط امور الواقع تتشكل امام ناظريكِ بأن زوجكِ كثير السفر .. الى الخارج .. لو كان في دمة
يجري شيطان الخيانة لخانك وانت لاتعلمين .. وانتِ ياعزيزتي .. تعرفين المصائب التي تأتي من بلاد الخارج ..
ولكان لم يحدثك ِ فترة سفرة على الانترنت .. ومكالمات تلفونية .. هذا دليل كبير بأنك غالية لدية ولا يستطيع التخلي عنك ..

غاليتي .. الانترنت عالم واسع منه ماهو مفيد ومنه ماهو ضار على حسب استخدام الشخص له ..
قلت لك عزيزتي واعيدها واكررها .. لا تجعلي الشيطان يهدم لذت حياتكِ .. لسبب ربما زوجكِ لا يعرفة ..

تقبلي مروووووري
ولايات

 

[المميزة]

الله يكون بعونك ويهدي زوجك

 

[أم فهد 123]

والله اختي الرجال جنوا من النت وخرابه يعني ما ياخذون الا الشين منه وهذا شغل مراهقه خلج معاه في كل مكان حتى لما يكون على النت وادعي له الله يهداه

 

[بسمة تحدي]

حبيبتي ..

انتي لازم تعرفين نظرة زوجك اول لهالموقع ..

يعني اذا كنتي جالسه معاه جيبي موضوع قولي وصلني ع الايميل تعليق ظريف من هالموقع مع صور

وخليك ظد الموقع يعني قولي مستغربه انك سمعتي ان الموقع يستفاد منه خصوصا للي لهم دراسات بالخارج

بس اللي وصلني ع الايميل واضح ان الموقع منحط للتعارف لااكثر


...

يعني افتحي معه موضوع نقاش بس اعطيه ثقه تااامه انه هو مايسويها ولاتبينين ابدا انك عرفتي شيئ وانك بس وصلتك كم صوره وتعليق واستغربتي منهم لااكثر

...

بعد ماتعرفين وجهة نظر زوجك بتعرفين شنو الاسلوب اللي ممكن تتخذينه

...

موووفقه

 

[!* أمــار *!]

الله يفرج كربج ويزيل همج
ويصلح زوجج ويهديه ويرده للحق ...​

 

[صبري بالله قوي]

تايهه .. شاكره دعواتك الصادقه ولكي دعوات مثلها
وفكرتك كانت اول حل بالنسبه لي قبل اتعمق في الموضوع

روعة الامل
نبع الحنين
المميزه ........ اشكر مروركم جوزيتم كل خير

لذة غرام .. ولك دعوة في ظهر الغيب خاصه مني اللهم اقبلها ..آمين ..



لآلئ

متابعه ....... ارتحت كثير بعد قراءة ارائكم المنطقيه خاصه وان زوجي الان مسافر للخارج لينهي اوراق خاصه ب بعثه للدراسات العليا وهذا مادعاني للاستغراب والصدمه كيف يسافر يخلص اوراقه بجامعه كبيره ويفتح الانترنت عشان يرز صورته بالفيس بوك ولكن لما عرف السبب بطل العجب ...
انشاء الله رايك يا لآلئ هو الأرجح والله توجهت للقبله ودعيت لك انتي ومتابعه دعوة مخلصه عسى الله يوفقكم ويسخر لكم كل عزيز وغالي ويريح بالكم ........


لآلئ كيف عرفتي هالخدمه اللي يقدمها الموقع مع ان الكل يعرف ان هدفه تعارف سخيف وبس...... أفيديني اكثر مشكوره ..

أبوي عزوتي .. ولك ايضا مثل دعوتك لي وأعجبني لقبك الله يخلي لك والدك عز و عزوه يارب..(كان والدي رحمة الله عليه أعز وأحب انسان لي بعد الله ورسوله اللهم اغفر له)

ولايات....... تحليلك منطقي و كان يدور براسي بس هو كان داخل الانترنت في نفس الوقت اللي وصلتني فيه رسالة التبليغ من الفيس بوك....

أم فهد ...... أشكر مرورك و ردك متوقع ولكن النظر للأمور من بعد والتمعن هو الأرشد(ضد الحكم من اول وهله )


حظريه تحب بدوي..اشكر تعليقك وتفسيرك الذكي وانشاء الله راح اعمل ب اقتراحك اول ماتسمح لي الفرصه فلابد من التذكير والتلميح له من بعيد بما يدور عن هالموقع من سمعه وافكار ..وفقك ربي

 

[أسألك الجنة]

أولاً قولي " حسبي الله ونعم الوكيل ودائماً قولي لاحول ولا قوة إلا بالله" والله يكون في عونك ادعي له بالهداية وأنا أقول لو تصارحينه إما تقولين له إن إنت شفتِ الصورة أو أحد شافها . وأسألي أهل الاختصاص .

 

[محبوبه الكل]

لا تتجسسي وراه هذا في قمة الغلط .راح تعبين نفسك وراح يشك فيج زوجج نصيحة واجهيه واسأليه فقط شنو يعني

 

[بياض القلب]

يا اختي وهل تتوقعين انه لو اراد علاقات مشبوهة ممكن يفضح نفسه ويضع صورته على الملأ ؟؟؟

انا لا اقول ان ما فعله صحيح ولكن ايضا لا اراه دليلا على انه يريد علاقات مشبوهة .

ارى ان تصارحيه بهدوء ودون توجيه اي اتهامات، بل انك ترغبي بمعرفة سبب وضع صورته ، وان قاللك انه للتعارف قولي له: ( وما موقفك لو راسلتك نساء ؟ هل تتعارف معهن ايضا ؟ ) شوفي جوابه وان قال نعم ما فيها شيء قولي له انك لست راضية عن تصرفه هذا .

 

[مهاوي990]

"ان بعض الظن اثم"
انت دخلتي الموقع من باب الفضول >>>>>>كل ممنوع مرغوب
ووضعتي ايميلج؟؟؟؟؟؟؟؟؟
تخيلي انك لم تجدي صورة زوجكي
وعرف زوجكي انك دخلتي هذا الموقع المشبوه على حد علمك
كيف تبررين لزوجك موقفك ؟؟؟؟؟؟؟؟؟
وانك دخلتيه من باب الفضول لااكثر
فزوجكي ايضا دخله من باب الفضول ومن باب لفضول وضع صورته:surrender:

 

[candle2]

الله يفرج كربتك و يريح بالك ولكن احسني الظن لأن زي ماقالوا الأخوات الموقع غير سري و عام للجميع وهو مش غبي عشان يحط صورته في موقع الكل يزوره