يكرهني ومايباني

[segar_uae]

بنات ساعدوني ريلي على كل شي يظارب واحس انه يتريا زله مني عشان يزعل وصدقوني انا مش غلظانه واراضيه بكل الاساليب وهو عادي يطنشني ايام واخر شي انا الي اراضيه واقبح الكلام اسمعه منه واتحمل عشان بنتي وهو ولا هامنه والبارحه اتخيلو يقولي انا ماباج واكرهج وغيره ونا ساكته واحاول اراضيه وكل عنده الحل الطلاق او يطرشني عند اهليه انا بلقاها منه ولا من امه ولا ربعه وطبعا اهم شي عنده هم الله يخليكم انصحوني شو اسوي اتخيلو كل حقوقي مايعطيني اياها وابسط شي يوم اتصلبه ولا يرد ولا يقول يمكن فيه شي او بنته والله تعبت اباه يتغير اباه يكون لي ويكون للاحسن والله ماعرف انصحوني بليززز وسوري على الكتابه لان والله اكتب وانا من هاره

 

[ahzan gulb]

قريت العنوان ودخلت على طول
لان نفس الكلام سمعته من زوجي بس انا متزوجة من 8 شهور ولا عندي ياهل ولا حامل ولله الحمد على كل شي


زين اختي استهدي بالله وتعلقي بربج وبعدين زوجج
ثاني شي ياليت توضحين المشكلة عدل وتوصفينه وانتي كيف معاه
يعني شو السالفة بالضبط؟

 

[segar_uae]

يعني من يومين كان طالع من الساعه 10 الصبح مارجع البيت الا المغرب وطبعا كان رايح مع ربعه السوق وانا اتصلتبه العصر اساله اذا يبا غدى المهم يلس يصارخ عليه عند ربعه ويقولي انتي ماتفهمين انا مشغول وانتي تتصلين الي يقول مش من حقي اتصلبه واسال عنه وياليت كنت ابا اسولف والله كنت بساله عن الغدى المهم انا سكرت فويه لان ماتحملت والمغرب اتصلتبه مرتين ابا اقوله انه بنته طلعت فالشارع وماعرف شو اسوي لان كانو رياييل برع المهم يوم رجع البيت يلس يصارخ عليه ويقولي انتي ليش تتصلين وزعل ومايكلمني ولنا لحقته لين الغرفه طردني وسحبني من ثيابي وبعدين طلع وانا بعدين طرشتله مسج انه اذا مايباني مش مجبور عليه ويرجعني من وين يابني لان اعرف انه مابيتغير والله من قهريه كتبت جي والله لو تشوفون كيف يعاملني ولا جنه انا زوجته وام بنته وسويت كل شي شي عشان ارضيه والحينه هو مايكلمني من يومين ولا جني موجوده ويوم اكلمه يقولي انا اكرهج وماباج اتخيلو كل هذا منه

 

[ورده ممزقه]

الله يكون بعونك نفس الحاله الله يصبرك ويصبرني.

 

[شتات انسانه]

يالله على الرجال قلوبهم مثل الحجر اذا كره واذا حب ماتفرق عندهم واحنا المساكين نتعذب ونضحي عشان بيوتنا لاتخرب وعيالنا مايضيعون بس المفروض من الرجل اللي مايحب زوجته على الاقل يحترمها ويخليها معززه مكرمه في بيتها وعلى عيالها وهو بالطقاق يروح وين مايبي بليز لاتزعلين بس حاسه اني بنفجر من هذول الرجاجيل الله يعينك ويحنن قلبه عليك

 

[لغيرك لاتخليني]

ياحبيبتي طنشييييييييييييه ليش تركضي وراه وتراضيه وانتي منتي غلطانه حاولي انك لاتراضيه اذا ماغلطتي وولا تتصلي عليه كثير خليه يلاحظ انك طنشتيه وشوفي هو راح يركض ورااااااااااااك

 

[اجمل انسانة@]

عن أبي هريرة أن رسول الله صلى الله عليه وسلم قال: " ينزل ربنا تبارك وتعالى كل ليلة إلى السماء الدنيا حين يبقى ثلث الليل الآخر فيقول من يدعوني فأستجيب له ومن يسألني فأعطيه ومن يستغفرني فأغفر له"


عن عبدالله بن عباس رضي الله عنهما قال: قال رسول الله صلى الله عليه وسلم "من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب"

وقال تعالى (وما كان الله ليعذبهم وأنت فيهم وما كان الله معذبهم وهم يستغفرون)

غاليتي ذكرت لك كل الحلول المضمونه بإذن الله
الله يوفقك ويفرج همك

 

[meme99]

لا تتصلين ولا تكلميه ولا تعبريه ولا تسويله غداء
خليه يشتاق يسمع صوتك ويدوق طباخك ويشوف رقمك
يااااااارب اسعدك دنيا واخره​

 

[دبدوبه شيك]

طنشيه فعلا لاتدقين عليه ابدا
لاتكلمينه
اذا تبينه يتعدل طنشيه
ولاتقصرين في بيتك بس هو لاتدقين عليه ولاتكلمينه ولاتسالين عنه
طبعا بيتساءل عنك
مثل قصه ام بسمه او بسمه مو متذكره
وغالبا اختي يكون في وحده بالموضوع يعني علاقه ماتدرين عنها

 

[نور كندا]

عندما تتزوج الفتاة تحسب انها امتلكت هزا الانسان وامتلكت عقله وجسده وروحه وتبدا بتضييق الخناق عليه وكتم انفاسه وسلبه حريته الغاليه حتى تطفشه وتنكد عليه حياته يااختى لو كنتى تركتيه قليلا يشم انفاسه ومالاحقتيه وكتمتى حياته وجعلتى حياته كلها فرح وبسط وسعادة لم يكن ليتركك ويستغنى عنك ابدا لكن الان بعد فوات الاوان لم يعد الحل موجود لانكى كرهتيه بنفسك وبحياتك ولن يعود كما كان ابدا فالرجل كالطير يحب الحريه والانطلاق والحياة ونحن معشر النساء نحب الاستقرار والهدوء والعائلة فيجب علينا استيعاب الرجل واحتضان مشاعره وكيانه وهو مع الزمن سيكون كما نريد لكن خطوة خطوة

 

[segar_uae]

صدقيني عاطتنع الحريه الكامله اصلا والله والله مافي وحده تتحمله شراتي اصلا ماييلس فالبيت الا وقت الغدى ويرجع اخر اليل ييلس معانا ربع ساعه ويرقد واتخيلي مره وحده فالاسبوع وعادي بالاسبوعين مانطلع كل ربعه وناسته والله انه مب عاطني حقوقي وانا كم بتحمل وغي نفس الوقت مابااطلق

 

[امك الحنون]

غاليتي الحل بيدك اول شي زيدي اهتمامك بفسك نفسك فااااهمه البسي واكشخي واهتمي بالجسم والغذاء وثاني شي بنتك لا تهمليها اهتمي بها وبعدين اشغلي وقتك بالقراءه او وظيفه او اي شي علشان زوجك يحس انك متغيره هذا مو بس عشانه عشان نفسك وراحت بالك سوي غداء كلي بالعافيه انتي وبنتك سوى جاء والا لا يعني حسسيه انو الشي الي تسويه علشان نفسك و بنتك بس مو عشانه ولا تجلسي تراضي فيه مرره يدلع ويفكر نفسه شي اذا غلطتي اعتذري بس اذا مو غلطانه ليش تعتذري بالنسبه للا تصال ياقلبي والله اغلب الرجال اذا مو كلهم مايبون المرأه تتصل عليهم وانا مثلك وكثير غيييري بعد. بس اذا مره مشتاقه له وتبين تلفتي نظره ارسلي له رساله صغيره جدا" بس تحمل معاني حلوه مثل وحشتني_احبك_الدنيا بدونك مالها طعم يعني شي بسيط ولا تتصلي عليه ابدا" واذا جاء البيت تكلمي معه بهدوء ولا تكثري من الطلبات شوي شوي بين فترات والي تقدري تستغني عنه طنشيه واهم شي زي ماقالوا اخواتنا الغاليات الدعاااااااااااااااااااااااااااااااااااااااااء اكثري من الدعاء وخاصة في السجود والله يهدي زوجك وزوجي ورجال المسلمين ويحنن قلوبهم علينا يااااااااااارب

 

[خفايا العمر]

أختي الغاليه

عن تجربه سابقه إن الزوج ما إيحب المراءه الضعيفه الي مالها كيان ولا شخصية وخاصتا اذا حس الضعف فيها الأن الرجل بطبيعه حياته يطلع ويشوف برع انواع واشكال وشخصيات مختلفه ويوم يرجع البيت ايشوف وحده ضعيفه تشتكي من الوقت وليش ما رجع والعيال لالالالالالا هذا خطأ

الأسلوب الصح عزيزتي لازم اتكونين قويه مب بالكلام الجارح او الأسلوب لا بأخلاقج وعاداتج وتصرفج في البيت مثلا يوم ما يا على الغداء لا تعاتبينه كان ممكن فقط ترسلين مسج اتقول افتغدناك على الغداء والله يجمعنا معاك قريب يارب والله ايحفظك وين ما كنت خليج دائما ايجابيه معاه في كل شئ ولا تفكرين دوووم فيه هذا الشعور راح يتعبج اهتمي بأمور اخرى

ويوم بيقولج انا ما احبج او اكرهج لا تردين عليه ابدا ابدا ولا اتعاتبينه في بنتج وتستخدمينها عسب تلفتين انتباهه الرجل اذكى بكثير من هذا الأسلوب لكن الحرمه عبقريه في افكارها خليه هو الي يسأل ويركض وراج اتعرفين كيف

أهتمي بنفسج وبيتج وخلي دائما بيتج عامر بالكلام الحلو والطيب مب له لبنتج مثل انتي اغلى شئ عندي بالدنيا يا حبي يا عمري يا بنتي الغاليه وخليه يسمع هذا الكلام منج من دون ما اتحسسينه خلى الإبتسامه طابعه على ويهج دوم ولا تحرصين على انج تلبين كل طلباته وتركضين وراه في البيت الريال ما ايحب هذا النوع خاصتا اذا كان مثل طبع زوجج

واخيرا الدعاااااء وحصني نفسج وبيتج وززوجج من الحسد والصبر الصبر العشره الطيبه ما اتي الا بالصبر

 

[2010 lulu]

الله يصبرك ويهديه لك

 

[segar_uae]

والله انه كلامكم يصبرني عليه وصدقوني كثر مااسويله من كل النواحي واالله اني عذمته وناس ايون يخطبوني ويوم يعرفون اني متزوجه يستغرربون الحمدالله البيت نظيف وشكلي ولبسي كل يوم غير ولا ارد اكرر البس مرتين والمكياج انواع مره فول ميكب ومره لا ومره خفيف وثيابه دايما نظيفه وبنته باحلى لبس يعني ماقصرت فيه من كل النواحي اتعرفون اباه اعلقه فيه اباه يحبني واكون فباله