يقول أني أحبه حب سطحي .. =( .. أفيدوني

[السجآيا]

السلام عليكم و رحمة الله و بركاته

أحترت وااايد قبل لا أكتب ، بس هالمرة قلت بكتب و بشوف اللي يصير ..
أنا ماجلة و بعد 10 أيام زواجي ان شاء الله .. و اليوم صار موقف
أن أمي ردت البيت ، و لما كلمت ريلي قلت له ياااي أمي ردت البيت و الله وايد اشتقت لها
المهم أن ريلي زعل مني ، و قالي هذا كلام وحدة تقوله لريلها و باقي عـ زواجهم أيام ..
انزين أنا والله مش قصدي أبين لك أن مثلاً في حد أكثر عن غلاتك أو من هالرمسة
أنا بس كنت مشتاقة لأمي .. :sad_1: ، يعني شو ما نشتآآآق !!
و قالي اللي يحب يبين حق اللي يحبه أن محد يهمني في هالدنيا و أني مب ممكن أفكر فحد ثاني و أنا معاك
و هذا معناته أني ما قدرت لما الحينه أملك قلبج بالكامل و انتي ما تعرفين الزوجات شو يسوون حق رياييلهم ..
و قعد يضرب لي أمثلة ( و هذا الشي يذبحني لأني ماحب حد يقارني فأي حد كان لأنه يحسسني بالنقص)
و تم يصفني بأني ياهل و قالي آخر شي أنا بسكر عنج و قرري
إذا بتمين على مثل ما أنتي خبريني عسب أأجل العرس ، أو بتتغيرين ..!
و عقب طرشلي أنه يعرف أني أحبه ، بس لازم أثبت له أن نحن غير ..
و قالي أنتي سويتيلي أشياء بس لما أفكر فيها أحس أن أي انسان يقدر يسويها
ما سويتيلي شي مميز ..؟؟!!!

أنزين الحينه أنا أبا أعرف أنا فـ شو مقصره أفيدوني يا أخواتي .. يعني وايد يصير من بينا سوء تفاهم
و أنا و الله أحبه ، و حابة الحياة معاه ، و تخطيطي للمستقبل جدًا رااائع ..
راسمة لي و له حياة مليئة بالألوان و الفرح و السعادة ..

و اسمحولي عالإطالة ..

أتمنى الرد الصحيح و الذكي ..

بارك الله فيكم

 

[السجآيا]

ولا رد ؟؟
8 شواهد و لا رد .. =(
يمكن مشكلتي بسيطة ، بس أنا أبا أتدارك الموضوع قبل لا يكبر
أبا أعرف الغلط مني و لا لاء .. و شو التصرف الأحسن مني .. أو اللي لازم أتخذه
نحن الحينه أوكيه مع بعض ، بس لازم أعرف شو اللي لازم أسويه عسب أخلي علاقتي معاه طيبه
و ما ندخل في موضوع ثآآني .. ؟؟!!!

 

[وردة الحنون]

يتدلع عليج تراه
بس لانج قلتي اشتق لامي يزعل
اممم متأكده انه غاير من أمج
ربي يسخركم لبعض
ابد ماغلطت يعني مو غلط تقولين اشتقت لامي
بس انتي قبل اي شي اغرقيه من الكلام الحلو
واشبعيه هذا اللي يبي هو​

 

[هالةالقمر]

حبيبتى
شكل زوجك جنوبي
لا انا زوجى جنوبي واول ايام زواجنا
كان يزعل لما اتذكر امى واخواتى وانا في غربه
وهى اللى ربتنى وضحت كتير علشانى
بس في مره جلست معاه وفهمته ان اذا انا قدرت انسى حب وغلاه ناس عشت معاهم 20 سنه هى اللى ربتنى
ممكن انساك بسهوله وانت ما كملت معى سنه
بس شوفى اذا هو جنوبي لازم تكسفي جرعه الكلام الحلو والحب وادرسي نمطه كويس
علشان تعرفي تتعاملى معاه صح
والف مبروك مقدما

 

[إرتـــدآد]

الله يتمم عليكم على خير يـــآرب
آنتي ماغلطتي بشئ
بس شكل زوجك من النوع اللي يغار
فلاتذكرين قدآمه آنك تحبين آحد آكثر منه....

والله يوفقك ويسعدكم آمين آمين آمين

سبحان الله وبحمده سبحان الله العظيم عدد كل شئ

 

[نور الدنياء]

عادي ياعسل زوجك رومنسي ويحب كلمات الحب
يعني يحب تقولين له احبك واذا تستحين افضل ترسلينها برساله بجوال وتقولين له عن حبك وشوقك وانه اغلى غالى عندك
وانك ماتقدرين تستغنين عنه
وهذا الا راح يرضيه لانه حس بحبك لامك وماحس بحبك له بينيله وريحيه وطمني قلبه

 

[مسس سويت]

قلبي حاولي تبيني لزوجك غلاااااته اكثر حتى لو انك ما انتي مقصره بس هو باين انو يبغى الدلع والحب اللي مرررا وانتي اديه وارجعي قوليله انك انت اغلى شي عندي ويوم كذا سويله سمول حفله واهديه هديه ورااااااااح ينبسط كثير لانك سويتي له شي مميز وهذا اللي هو يبغاااااااه

تحياتي /مسس سويت

 

[عسل الورود]

دائما يقال ان فترة الملكة او قبل الزواج فترة كذب ( بس بدون مبالغة )
انا لو مكان زوجك راح ازعل
تصرفك طبيعي
بس هو كان يتمني انه يكون محور اهتمامك
انه يكون كل تفكيرك
يتمني انك ما تفكري في شيء غيرة ابد
علي الاقل في هذة الفترة
ترا رجالنا الان يحبو انك تقولي لهم كل كلام الحب الي في التلفزيون
عمرك سمعتي وحدة في التلفزيون تقول اشتقت لامي
في الحقيقة والواقع هذا لا يدل الا علي ان زوجك يحبك وهو رمنسي
بس انت يظهر الرمنسيه الزايدة ليست من طبعك
حاولي تمثلي معه عالم الحب والرمنسيه المبالغ فيها مو كثير بس لمدة شهر بعدها ما حيكون هناك مشاكل
الله يوفقك ياعروسة
ولكن ممكن ت

 

[امل الصالح]

احس انه يتدلع عليك ويقيس مدى غلاه عندك

ياختي الغيرة دليل حب في كثير من الاحيان

صح خربها شوي يوم قال هالجملة ..

قالي أنتي سويتيلي أشياء بس لما أفكر فيها أحس أن أي انسان يقدر يسويها
ما سويتيلي شي مميز ..؟؟!!!

بس يمكن نار الغيرة خلته ماينتبه

عموماً انا مقدره وضعه لاني غيورة و كل ما زادت قيمة الشخص في حياتي

وكلما زاد غلاه في قلبي كلما كنت دقيقة ومركزة في كل كلمة يقولها

عشان كذا اقدر الاشخاص الغيورين واحب ان اللي يغار يقعد لي على كل كلمة ويقعد لي على الحبه !!!

<<لاني مااسوي هالحركة الا مع اللي امووووووووت فيهم

فهمتي هالحين ؟؟ :msn-wink:

 

[ام ندى]

كيف ما قالو الاخوات دلع ويشوف اهميته عندك شويه كلام دلع من القلب هيسعده وكثري منه لانه شكله من هذا النوع وبعد الزواج حسسيه انه الدنيا وما فيها وربنا يسعد ايامك ويسخره لكي انشاء الله

 

[السجآيا]

أشكركم حبيباتي .. عالرد الطيب ..
بس أنا جدًا حساسه ، و سريعه الثوران في بعض الأحيان،
و أتمالك نفسي معآآآه جدًا ، لأنه زوج و لازم تصرفي معاه يختلف مع غيره ..
فـ في بعض الأحيان أرد ردود تطيحني في مشكلة أو زعل كبير ..

أنا أعرف أنه رومنسي ، بس بعد أحسه شديد معاااي و يباني أمشي سيدهـ
يعني أنا أبا ابين له تقبلني و حبني مثل ما أنا ، لا تخلق مني شخص ثاني ما أقدر على أداء دوره ..

فهمتوا قصدي .. أنا مستعدة أبذل المستحيل له ، لكن مستحيل أبدل نفسي لأن هاي خلقتي
ممكن أغير شي من صفاااتي ، بس اللي أقصده ما أقدر أتقمص شخصية مب شخصيتي ..

 

[الوووفاء]

اضهري اهتمامك به كثيرا وانه املك وحبك الحيد

 

[زركشة]

حبيبتي كلام ريلج صح ،، لما تكونين معاه حسسيه إنه هو ولاحد قبله ولابعده ،،،،،،،،

وريلج الظاهر يحب الدلع ،،، دلعيه وقولي له حبيبي تراك بعيد بس إصبر لما تكون قريب

كيف بكون الحب ،، بس أخاف إنت اللي تمل وتهرب !!!!!!!!!!!!

ومن اليوم تعلمي من دورات ناعمة الهاشمي وإحضريها عشان تكونين فعلا مميزة مع نفسج ومعاه

ومبروك مقدما حبيبتي

 

[بقعة ضوء]

زوجك يغار

فا إنتي عرفتي اسلوبه يعني حاولي ماتذكري له اي أحد ثاني قدامه وإنك مشتاقة له حتى لو الوالدة ربي يحفظها لك

وإذا كرر معك سالفة المقارنات كمان لا تسكتي له وقارني بينه وبين شخص ثاني عشان يترك هالطبع بعد مايحس بحرارة هالاسلوب وبذائته <<<< أنا جربت هالحركة مع زوجي كان يقارني بزوجة صديقه وهي خالتي وخالته بنفس الوقت وقمت أقارن بينه وبين أزواج أخواتي أو أي قريب لنا وبطل هالإسلوب

وكل شي بالمعاشرة راح يبان ويوضح المهم حاولي تاخذي بخاطره هالفترة لأنها فترة رائعة يمر بها كل المخطوبين وموحلو فيها الزعل إلا الزعل اللطيف لإضفاء النكهة للخطوبة مو أكثر من كذا

وبخصوص الحساسية الزايدة لازم تتعودي تتركي هالصفة فيك شوي شوي وإلا راح تدخلك بمشاكل إنتي بغنى عنها

 

[abeer abdulmohs]

الشيخ يتدلع عليك:msn-wink: شكله غيور:smoke1: "ابو عنتر" . لا تشيلين هم كلميه وقولي له كلام حلو "انت الغالي:icon31: , تركت الدنيا كلها وجيت معاك:icon26:, انت المستقبل والانسان اللي عطيته نفسي وحياتي:sly:,الخ... المرة الثانيه لا تجيبين سيرة اهلك عنده ابد ,ولا تسمحين له يجيب طاريهم بشئ شين:shutup:​

اله يوفقك ولا توترين العلاقه الحين الوقت مهب مناسب ابداااا. الله يساعدك

 

[مشاعر جنوني]

اكيييد زي ماقالوا البنات يحب تبيني له غلاااته عندك
ولاتعتبري هذه مشكله بالعكس هذه نقطه حلواا انه يبغى دلع منك وحب اكثر
وألف مبروووووووووووك مقدما

 

[السجآيا]

و الله كلامكم روووووووووووووووعه..
و الحمدلله من أمس و أنا بادية بمسجات حلوهـ و يالسة أحاول أغير أسلوبي أميله أكثر عالدلع و الكلام { العثل }
الله يعطيكم العااافيه حبيباااااااااااااااااتي ، و الله وضحتوا لي نقطة كنت فاهمتها غلط ..
الله يحفظكم يارب ، صدق ما اخطيت لما استشرتكم

 

[نعومه كول]

هههههههه
الله يهنيك اختي معاه ويوفقكم يارب هذا مو بس يحبك هذا يموووووووت عليك
ويتغلا انا كان زوجي كذا بس طبيعي يتغير بعد الزواج
طفش من خشتي ههههه

 

[lyale]

ولا رد ؟؟
8 شواهد و لا رد .. =(
يمكن مشكلتي بسيطة ، بس أنا أبا أتدارك الموضوع قبل لا يكبر
أبا أعرف الغلط مني و لا لاء .. و شو التصرف الأحسن مني .. أو اللي لازم أتخذه
نحن الحينه أوكيه مع بعض ، بس لازم أعرف شو اللي لازم أسويه عسب أخلي علاقتي معاه طيبه
و ما ندخل في موضوع ثآآني .. ؟؟!!!

أفا عليج حبيبتي , من ناحية انتي غلطانة انا أقولج لا ما غلطتي و خليج زي ما انتي ارجوج لا تتغيرين حتى بعد الزواج حبي اهلج اكثر و أكثر و الله هذي نصيحة بناطحة سحاب مش بجمل تعرفين ليش لانه يوم يشوفج متعلقة في اهلج و امج و مقدرتهم و تخافين عليهم بيقدرج و بيخاف عليج و لا تخلينه هو كل اهماماتج زي ما قالت نعومتنا خليه اضافة لحياتج يا عمري و ليس كل حياتج بعدين تندمين الحياة حلوة بس نعرف كيف نديرها و نسيرها ما اقول لا تحبينه لا حبيه و حبي كل ذرة فيه بس ها خلي حبج لعمرج اكبر و اقوى لانج إذا ما حبيتي نفسج ما احد بيحبج حتى ريلج حبيبج ما بيحبج اوكيك يا حلوة و خليج دلوعة و لا تسمحين لحد يغير طبعج الحلو ابدا ابدا و هو يوم يزعل من نفسة خليه شوية يهدي هو روحة بيرد و يتأسف و الله يوفقج و يهنيج يا رب و اللي قهرني انه قال انج ما سويتي شي مميز حلوة هاي كان قلتيله بعد العرس بتشوف المميز يا عمري مش الحين و كل انوثة و مكر و خليه يلف حول نفسه شو تقصد و هني بيعرف انه غلط و تعدى حدوده و بيرد يلين الكلام معاج عشان يعرف شو اللي بتسوينه بعد العرس و خليج لغز له لا تكشفين كل اوراقج قدامة و هذه نصيح بجزيرة مش بجمل ( مشاالله علي اهتم في العقارات وايد ههههه) الله يسعدج يا رب و يهنيج:clap:

 

[مرتاحة أحبك]

كثيري له من جرعات الكلام المعسول

والله يتمم لكم على خير