يقولون اني بين اهلي وماادل شي بحارتي

[بـكـرا أحلــى]

السلام بنات
اخباركم كيفكم ؟
عساكم بخير وصحه؟
بنات
الطفش بيذبحني ويجنني
من رجعت لزوجي لين اليوم ماشفت باب الشارع
هو سافر وتركني عند اهله
ومثل ماقلت لكم انا مااعرف احد هناك بديرته
ويرفض اني اطلع واروح واجي
لما كان موجود يقول ماله داعي اجلسي ببيتك
ولما يكون مسافر يقول بس اجي اوديك
زوجة اخوي موجوده الحين بنفس الديره
ولاشفتها من رجعت
صديقتي نقلت كمان لهون ورفض اني ازورها مع اني من تخرجت ماشفتها

بنات جيراننا يعزموني لبيتهم اللي جدارهم واحد ويرفض اني اروح
وخواته عادي
والله والله يابنات اني مااكذب ان اخته المطلقه ماترجع من بيت جيرانهم من العصر للساعه 4 الفجر
وولدها عند خالته وعندي
بي بي ستر لولدها
كانوا عازميني على حمل بنتهم اللي توها تزوجت وزوجها عقيم وحملت بقدرة الله
ورفض روحتي
وماقلت شي
ثاني يوم قالوا بنروح للمنتزه روحي معنا عطيته خبر ورفض
وجلست وماقلت شي
وبعدها باسبوع عزموني لمطعم نسائي توه فتح
ورفض اروح ويدري انه خواته بيروحن
كمان ماقلت شي
قلت حقه يرفض

قلت لاختي قالت خايف تصرفين مصروفك على خرابيط مطاعم وطلعات
ماتدري انه سافر ومامد ليا ريال احمر

اللي قاهرني ان كل خواته يطلعون ويسهرون لانصاف الليالي
واظل لحالي بالبيت
حتى برامج التلفزيون حفظتها

اقوله بس ترجع ابيك تمشيني توريني ديرتكم وربي انه قام يتمسخر علي
انا ماادل حتى بقاله الحاره
ماادل الا المجد لانه كبير وباين انه مسجد
اقوله طفشت لحالي
يقول تأقلمي
اقول انت ماتأقلمت بدوامك وصار لك 7سنوات به تتوقع اني انا اللي ماجلست 3شهور كامله بتاقلم على وضع وديره اول مره بحياتي اجيها؟
وكل شي بها ممنوع؟



اتصل به مايرد علي
ماادري وش اسوي ووين اروح
النت عندي بس يفصل بالايام ويعلق
والا كنت ضيعت وقتي به


يفاجاني انه متصل على اهلي وطالب منهم اوراقي الرسميه كلها
عشان مايقدرون يقدمون لي على وظيفه عندهم
يبي اتوظف عند اهله بس
بتقولون حقه؟
طيب حقه يوظفني بس انا ماابغى اتوظف
لاني عارفه انه بيترك وظيفته بس اتوظف انا
هو بنفسه يقول كذا
بوظفك وافصل

طيب بيوظفني بس عنده بالشرقيه مو عند اهله
اختصاصي مرغوب ومطلوب
بكل مكان
هو رافض ياخذني معه ورافض يتركني عند اهلي
يبي بس اقابل اهله
اقول لو امه لحالها اوك
بس عندها سبع بنات
كلهن حريم ومتزوجات قبل ومجربات الحياة



طفشتكم ومشاكلي سخيفه بس
وربي من القهر

 

[لااارا]

من جد وضع صعب الله يعينك صراحه ...ليش رافض تروحين معه ؟؟؟ مته يجيك اذا كنتي عند اهله ؟؟

 

[بـكـرا أحلــى]

دوامه 40 يوم
واجازته 15 يوم بس
يقضيها من العصر لين الفجر او الصباح بالاستراحه مع اصحابه وباقي اليوم عندي اذا ظل باليوم بقيه

رافض يقول مافي سكن
وقال لو خيروني بين راحة بالي بطلاقك
وبين اني اخذك معي وينشغل بالي
بطلقك
والكل عارف جملته هذي

 

[لااارا]

وسعي صدرك كلنا نفس وضعك انا عند اهله وهو رايح منطقه ثانيه بس الحمدالله عندي طفل مشغلني واهلي في نفس منطقتي ووجودي عند اهله مريح صراحه يعني معطيني جزاء من البيت مو دايم معهم ...الله يصلح حالك انا قلت لك عن نفسي عشان تدرين انو فيه احد نفس وضعك

 

[بـكـرا أحلــى]

ادري انه شي مريح من ناحية شغل البيت
اشتغل ان كان موجود
اما من يسافر ارفع ايدي
لاني اخدم زوجي بس

بس خلهم يحسون اني موجوده بينهم
اذا بتقولي اشغل نفسي
حتى تلفزيون ماعندي بشقتي

من اختفي واجلس يتصلوا نايمه؟والا عالنت؟
اخرتها قلت ماعندي نت مفصول
بس يبون وجودي تحت


شي يطفش رافض اتعرف واروح واجي مراقبيني حيييل

 

[رندا كووول]

هو بطريقته هذه يجرب يفرض شخصيته عليك ويشوف تتجاوبي معه او لا.
مالك الا الصبر ..ومع مرور الوقت راح يتغير لاتستعجلي.
امّا بالنسبه لاهله خايفين عليك من الوحده عشان كذا يتصلوا فيك تنزلي عندهم تتسلي
وربما يمنعك من الخروج لانه خايف ع صحتك مع الحمل.
اشغلي نفسك بحفظ القرآن لو صفحه ف اليوم وراح ترتاحي نفسيا..
ارسلي رسائل شوق وهو بعيد عنك حتى يحس فيك ..وجربي كيد النساء حتى تملكي قلبه.
الله يسخره لك ويحنن قلبه عليك.

 

[لين0]

لا مو حقه طبعا !! ..

لاحول ولاقوة الا بالله .. اش الاستبداد والقمع دا وحب السيطره؟؟!! .. قوليله ياحبيبي زمن الجبابره والمستبدين ولى .. القذافي خلاص مات!!

 

[سرااااااااااب]

انا اقول لا تستسلمين ..

كل يوم اتصلي عليه وقولي مليت .. متى تجي ..
حسسيه بالذنب .. قولي ما احس اني متزوجة .. كل يوم لوحدي .. عطيه توقعاتك قبل الزواج .. انه الزواج استقرار وتفاهم بين الزوجين وقولي والله انت صدمتني ..
اسأليه كل يوم .. انت ما تحتاجني ما تبيني .. انا ابيك واحتاجك ...
اما تعامل اهله معاك فهم حابين يغطوا تقصير ولدهم بانهم ينادونك وتجلسين معاهم لان هذا اللي يقدرون يسوونه ..
بس وش ظيفة زوجك .. وهل ال 45 يوم تكون دوام كامل يعني هو في العسكرية مثلا مرابط طول الوقت .. يمكن عشان كذا يخاف عليك وما يبي ياخذك
اما اذا وظيفته عاديه وقت محدد من اليوم وبعدين يطلع لا والف لا .. لازم تعيشين معاه .. قوي شخصيتك واستعيني بالله والحق معاك ..

 

[بـكـرا أحلــى]

دوامه عسكري بحري عند الحدود القطريه والاماراتيه

بس لو كنت هناك لي صديقات كثير وبنفس الحي

بس هذا ولاشي الحين خلاص ماعاد يهمني شي
انا احس لو بكتب قصتي تنفع مسلسل تركي او مكسيكي من كثر احداثها

 

[حلااميرة الزوق]

حبيبتى ماعليك الاالصبروالدعاء

 

[لين0]

افتحي هنا .. حيفيدك كثير ان شاء الله ..

http://alfrasha.maktoob.com/alfrasha12/thread566327/

 

[لوحدي وفيت]

الله يعينك انا مع لييييييييييين بردودها الحلووووووووووووووووووووووووووو مشكوره انا عن نفسي تثقفت