يفكر بالمسيار ويبغى يعف نفسه

[يارب فرج الهم]

السلام عليكم ورحمة الله وبركاته!!
كيفكم يابلقيسات
قبل فترة كتبت موضوع عن أخوي وهذا الرابط
http://www.niswh.com/vb/showthread.php?t=227154
مشكورات على الردود انا شرحتله الوضع وقلتله بإذن الله ابترجعلك بعد الولادة
وقلتله اتركهم على كلام الأخوات وتركهم،
الحين يقول لي أنا رجال أخاف الله وأخاف أن أقع بالحرام وما أدري عن الحرمه تبي ترجع ولا لا وودي أعف نفسي بالحلال ، قلتله وش الحل؟ ، قال ودي أتزوج مسيار وأعف نفسي واترك الهواجيس وربك يحله ، قلتله انتظر افكر لك ، ودي أساعده لأني أخاف على أخوي من وقوعه بالحرام وبنات الشوارع كثر التراب ، والمشكلة إنه عنده بيت ساكن فيه لوحده أنا ما أدري وش يسوي فيه لأن زوجته أكثر من أشهر مهب عنده وتوه ما كمل سنه زواج (يحول ذاق الطعم ولا تهنى) الله يسعده يارب ويرزقه اللي تعفه، لكن أظن بأخوي ظن حسن ولله الحمد
وش تنصحوني الله يخليكم لأزواجكم يارب
؟؟؟؟​

 

[نغمات النجاح]

هل ولدت زوجته
اذا حاول يرجعها ورفضة الرجعه
يخبرها بنيته بالزواج
ويتزوج زواج رسمي ليه مسيار
المهم يحاول حل الوضع مع الاولى ويخبرها بعزيمته عساها
ترجع لزوجها وبيتها ويصلح ربك الحال
تحياتي

 

[شئ اخر]

انا اقول يتزوج زواج عادي بلا مسيااار بلا وجع راس
اصلا هو مسكين محسوبه عليه زوااج000
وهي اللي رفست النعمه باين عليها ماتبغااة
والله يسهل طريقه يارب00

 

[هند بنت عتبة]

انا مع الاخوات ليش يتزوج مسياااار

خل يقولها اذا مارجعتي بتزوج وبعطيها مهله اذا رفضت الرجعه يتزوج زواج عادي

 

[مازال عندي امل*]

ما ادري ليه مسيار (بيفتح على نفسه باب مشاكل)

واذا بالسعوديه اعرف انه حرمووووووووووه للمصايب اللي لقوها من وراه


غاليتي ليش في الظلام يتزوج في النور>>>>>>> اكيد الف وحده تتمناه

بس يخلي ذمته ويقولها انك ترجعي وانتي متعدله ويرسل وحده تاثر فيها يعني من ناحية انها تطلعها على هذا الموقع

لتستفيد تخلي لها موعد مع مستشاره زوجيه تفهمها ان وضعها كذا مايسير وانها بتخسر زواجها واذا ما فاد (فيغني الله كل من سعته)

وامكن نفسيا مو تمام زوجته


الله يسهله

 

[غلاهم انا]

يبي يعف نفسه يتزوج مسيار
يتزوج زواج عادي المسيار وجع راس
الله يكتب لك الخير

 

[ماري مون]

المفروض يصبرالله يعينه الى ماتولد واذا لسى معنده خلاص يتزوج زواج علني بس بعد مايفهما الوضع عشان بكره مايصير ندم والله يفرج عليه

 

[يارب فرج الهم]

مشكورين على ردودكم

 

[رحـى]

مساء الحلا و الغلا ,,
الله يعطيكي العافية لأنك ماشاءالله بتدوري على مصلحة أخوك و زوجته بالمستطاع ,,و الله يجزاكي بالخير ,,
و الله يوفق ما بينه و بينها بالطيب و الخير و المودة و السعادة و الراحة الوجدانية ,,
المرأة الحامل بفتراتها ,,تحتاج إلى صبر و طولة بال في التعامل معها ,,و إن شا ءالله بعد الولادة تكون نفسيتها للأفضل ,,و بإمكانهم يقرروا إذا بيكملوا في زواجهم او لا ,,مسألة وقت و حكمة ,,
و بالنسبة لأخوك,,فقد طلب ما يحل له ,,خصوصاً أنه رجل و له متطلباته الجسدية ,,مهما كان حبه لزوجته و مدى إخلاصه لها ,,الرجل رجل من هذه الناحية ,,ولله الحمد ,,أخبركم بنفسه و بطريقة غير مباشرة ,,
تناقشوا معه ,و لكن لا تحاولوا منعه من حقه الذي أراده له الله سبحانه ,,و خذوا ما يناسب الطرفين ,,خصوصاً إذا كانت الزوجة ليست قادرة على إعطائه ما يريد و يتمنى من الأنثى ,,
الله يصلح و يسخر ما بينهم بالخير ,,اللهم آمين ,,

 

[ام فيصل و دانه]

اش اعراب كلمه انتظر بفكر لك ليش هو ماله راي

عندي مبدا في حياتي ما اتدخل في حياه اخوي الخاصه حتى لو طلب مني اقول له ما ابي اسمع شي ولا اسال عن شي

هو اخوي مب صديقتي تتشكى و احل لها مشاكلها وعلى فكره اغلب مشاكل المتزوجين هو تدخل اهل الزوج حتى لو بالخير

خليهم هم يحلون مشاكلهم بنفسهم ناضجين وفي سن زواج اذا ماعرفو يحلون مشاكلهم راح ينفصلون من نفسهم ماراح ينفعهم احد لا بعدين تدخلين بداومه بين البصله وقشرتها

تقبلي مروري

 

[أنا والزمن]

انا من رايي تروحين لمرت اخوك وتتفاهمين معها وان كانها ارفضت ترجع
تقوليلها ان اخوي يبي يزوج وهو يدور على وحده الحين
على شان يتزوجها او :7::33:
انشروا خبر عن طريق احد يعرفهم عشان يوصلها الخبر حتى لو كان موب صحيح وان شالله بتجيه طايره:33:
والله يوفقه ويبعده عن الحرام

 

[فلسفة أنثى]

السلام عليكم ..
الله يهون على مرت اخوك
والله يصبره ان شاء الله
وانا صراااااااحه رأيي ضد الاخوات الي قالوا يتزوج ثااانيه
ليه وش ذنب المسكينه يتزوج عليها ..
مب هو الي يبي عيااال
يصبر لحد ماتولد وتخلص نفاس بعد
لانه يمكن يجيها إكتئاب مابعد الولاده
المفرووووض تهونين عليه وانه عادي
يمكن تقولين انه كل الحريم يحملون ويولدون
بس كل وحده لها قدره وتحمل
فيه حريم من تحمل وهي في المستشفى مرقده
فلازم يتحملها شووووووي
شكلها متوحمه فيه
ولو انها تبي الطلاق كان قالت وش يردها
وتقولين انه مسكين ماتهناء
حتى هي مسكينه ماتهنة ولاحست انها عرووووس
على طول حملت وتعب وهم
اتوقع انه نفسيتها تعبانه من الي هي فيه
اذا كان وده ينبسط كان خلها تأخذ مانع علشاااان يعيشووون فتره مبسوطين ..
واخوك انصحيه يمسك نفسه ويصوووووم
علشااان يعف نفسه
والمفروض يكلم اخوها والا ابوها ويشوووف وش ردة فعلهم
واذا على انه يروح معها المستشفى يبلغهم بهذا الشيء
واذا جتها الولاده يدقوووون عليه ويروح
ويشوووف ولده ويصوره ويوسع صدره
حتى اذا هي ماتبيه يشوفها كيفها ..
بس يصبر شووووووي
حرام تظلمون بنت الناس من اللحين
مب ذنبها انها حملت بعد ثلاث شهور ..

آسفه ع الاطاله ..
وبالتوفيق للجميع
والله يوفقك يالغلا على حرصك ..

 

[خيالة العلياء]

خله يتزوج زواج رسمي ويطلق الاولى لأن مافيها خير

 

[يارب فرج الهم]

خله يتزوج زواج رسمي ويطلق الاولى لأن مافيها خير

هذا الرأي السديد الممتاز مافيها خير ساحبه على زوجها

 

[فلسفة أنثى]

هذا الرأي السديد الممتاز مافيها خير ساحبه على زوجها

معليش اختي ..
يمكن اكون تحمست بزيادة
بس وش مافيها خير
حرام عليكم الحرمه حامل لازم تراعونها شوي
ويعني اذا تزوج ثاني ماراح تحمل وتتعب

الله يوفقه ويسخر له زوجته ان اشاء الله ..