يــادكتـــورة ألحقيني أبني بخطر00

[زوجة راضيه]

السلام عليكم ورحمة الله وبركاته

كيفكم أخوااتي

عندي مشكلة وياليت تساعدوني في حلها وياليت دكتورة مختصة تعطيني حل مناسب

مشكلتي ولدي عمرة 10 شهور يسنن ومو راضي يشرب رضعاته الصناعية علما" أنه ترك الرضاعه الطبيعيه من الشهر الخامس

وحرارته ترتفع وتنخفض وصاير أكله مو لهناك قليل جدا" وربي صاير وجهه صوغنن وضعفان وهو دووم حركته نشيطة بسم الله عليه

طلبتكم ابي شي يسمنه ويخفف عليه تسنينه لاتهملوني بالرد

 

[&لحظه صمت&]

اذا كان ولدك يسنن انتبي من العطورات تبعديه عنها بقدر ما تقدرين
اذا انتي من السعوديه اسئالي اي امراه كبيره عندكم
عن طريقه عمل ادويه تفرك فيها الثه لتساعد على ظهور الاسنان
واذا ماتقتنعين بالاشياء الشعبيه
في مرهم بالصيدليات للثه
او اطلبي من الدكتور يصرفلك مرهم لللثه لتخفيف الاالام
واذا كان الفتحه الي تكون برلس الطفل من فووق نازله
فهاذا الشي هو الي يمنعه من الرضاعه
والافضل تسئالين امك او اي ا امراه كبيره تعرفينها

 

[قصيميه كيوت]

اختي انشاءالله مايشوف شر

بس وديه للدكتور لانه احتمال كبير يكون عنده التهاب بالحلق عشان كذا مايشرب ولاياكل ... وعشان كذا الحراره تروح وترجع لان التهاب مايروح الا بمضاد وديه ولاتخلينه ...

 

[لمسة حرير]

فعلا أختي مثل ما قالوا الأخوات إذا كان يسنن ممكن تصير معه هذي الأعراض
أعراض التسنين كثيرة وتختلف من طفل وطفل آخر في مرحلة تسنين تمر بسهولة نوعاً ما وآخر لا تكون صعبة
فالأفضل إستشارة الطبيب والله يعينك .

 

[أم ايلانه]

اذا عشان الحراره امسحي راسه بمحلب معجون بماء باذن الله راح تخف الحراره وتهدي عليه من وجع الاسنان والرضاعه بيرجع يشربه بعد ما تطلع أسنانه

 

[RedRose]

ادهني اللثة بزيت زيتون

او اشتري مرهم تلاقينه في الصيدليات خاص بالتسنين

وبالنسبة للسمنه ,, ما انصحك تعطين ولدك شي يسمن

اكليه اكل طبيعي وطالما انه ياكل وياخذ الفيتامينات اللي يحتاجها جسمه مو لازم يكون سمين

بالعكس السمنه ممرضة وليست دليل على صحة الطفل

بعض الاطفال سمنتهم تكون بسبب كثرة اكل الحلويات والسكريات والزيوت في الاكل ,, واللي يشوفه يقول ماشاء الله الولد مصطح!! مع انه مسكين سمنته ممكن تبهذله صحيا

اكلي ولدك عادي ,, والتسنين فترة ان شاء الله وتعدي

ممكن تحطين له سيرلاك مع الحليب في الرضاعة يعني ,, طبعا شوي بس تثقلين الحليب شوي

واعطيه شوربة خضار دافية ,, وسليق .. يعني اشياء سهل بلعها عشان ما يتعب

والله يحفظلك ولدك يارب