يريد يطلقني شو الحل ارجوكم

[مزون85]

السلام عليكم
خاواتي زوجي يريد يطلقني لاسباب ماقدر افصح عنها عالعام
ارجو من الاستاذه ناعمة الهاشمي انها تسمعني وتتواصل معاي

 

[ميتوم]

مافيها شي لو تصارحينا بالمشكله عشان البنات يساعدونك
ولاراح يقصرون وياك

 

[دونيا123]

اختي احنا داخلين هنا نفضفض لبعض لانعرفك ولاتعرفينا ولكن هذه حريه شخصيه لكن صدقيني هذالمنتدي
يخرج الكثير من ازماتهم
والله يفرج همك

 

[m2008]

اختي العزيزة انتي اعرضي مشكلتج والمشرفات والبنات ما يقصرون وانتي الله يستر عليج لا نعرفج ولا تعرفينا

 

[الوسمى]

اختي الغالية الله يكون في عونك
مشكلتك مهمة لا تحتمل الانتظار طلاق مهب لعبة
فضفضي عله وعسى ربي يوجد لك الحل بين اخواتك
الله معاك وان شاء الله يفرج همك​

 

[مزون85]

انا متزوجه من خمس سنوات
خذت الانسان اللي احبه
رغم معارضة اهلي لزواجي وعشت في بداية زواجي مع اهله بس كان يروح لشغله بعيد عني
ويجيني اخر الاسبوع....كنت في هذي الفتره اروح عند اهلي وهم يسكنون بعد ساعه من بيت زوجي
وكنت مرتاحه بس لما يبت طفلي الثاني...قلت لازم استقر عند زوجي
كان دايما مشغول..يروح دوامه واخر الاسبوع ايي ويطلع عند ربعه...
وان كنت من اخر اهتماماته..ويوم كنت اشكيله شوقي له واحساسي بالوحده يصدني ..ويقول الحريم مايعجبهن شي
ويقولي انتي تاكلين وتشربين وماشي ناقصنج..كنت ابغي كلمه حنونه وصدر حنون يحسسني بالامان
مافهمني ولا فهم احتياجي له هو
انا ماتحملت الوحدة بديت انتبه وتعجبني نظرات الاعجاب اللي اشوفها هذا بعد اربع سنوات تقريبا وكنا انتقلنا
وعشنا بروحنا في بيتنا الخاص..انا عمري مافكرت اكلم اي رجل ثاني من يوم كنت بنت عند اهلي..لاني كنت مكتفيه من حنانهم
بس الوحده اللي صرت فيها ماحد يزورني ماشوف احد طول اليوم اغلب ايام الاسبوع اقضيها لوحدي
كلمت واحد ومانكر اني حبيته في البدايه بس بعدينحسيت بتانيب الضمير
المهم كانت فتره بسيطة يمكن ثلاث اسابيع
اكتشف زوجي الموضوع واللي صدمني ردة فعله
خبر اخواني الحمدلله اخواني متفاهمين ولانهم يعرفوني زين.. قالولي انتي الوحيده اللي مانتوقع انج اتسوين جذيه
انا من داخلي ماحب الحب اللي بها الطريقة خاصة وانا متزوجه
المهم ان وزوجي اتصالحنا بس دايما كان يشك فيه...لان الي صار مو شويه زوجته كلمت واحد غيره...
بس بعد فتره صارت بيني وبينه مشكله ومد يده علي.. مع ان السبب مايستاهل.. لاني رحت بيت جارتي من دون تصريح على قولته..هو بند موبايله انا دقيت عشان اقوله..ولما لقيته مبند رحت
المهم وصلت للطلاق بس هو ما رضى يطلقني وذل نفسه لين رجعتله وكان يبكي عشان ارد
في الفتره هذي انا كرهته ورجعت بس عشان عيالي...وحسيت انه مايستاهل حبي واخلاصي ورجعت اكلم غيره
كنت اكلم اكثر من واحد لاني احس انهم يفهموني اكثر من النساء
كانو اصدقاء اسال عنهم ويحاتوني...والله احسبهم اصدقاء..بس في واحد كنت احس باحساس اكبر من الصداقه
ولما بديت اتعلق فيه..قلت لازم اقطع علاقتي فيه. وفعلا حاولت لكن هو رفض وزعل وضل يتصل ويحاول ..
وضعفت جدام اصراره..كنت احس بشوقه ولهفته لي ...
ورغم كل الحب اللي صار بينا خليته.. هو لما حس ان مافي ..فايده من حبه لي وشاف نفسه بدا يتعلق فيه ويغار علي من زوجي .. ويقولي لا تنامين عنده..حسيت بدا يبتعد..وخلاني وخليته..
وبديت افكر كيف ارد علاقتي بزوجي وكيف ارد احبه مثل قبل..
انا مشكلتي لما اكره انسان صعب ارد احبه..صعب
وانصدمت بزوجي من يومين جيب فاتورة التلفون ومطلع مكالمات دولية
لما كنت اكلم الريال يوم كان مسافر..بس والله انا ابغي ارد مثل اول
وقالي بيطلقني ..اعتذرت وحاولت افهمه اني ماريد اهدم حياة اولادي
مارضى.. بكيت وذليت نفسي..مفي اي فايده
مايريدني ..الحين قالي بكره بنروح المحكمه وبيطلقني بيوديني بيت اهلي انا وعيالي
ياما بغيته يفهمني ..كنت اريد نظرة حب وحنان كان دايما مشغول ان صغيرة وملي خبرات في الحياة
معندي حد يوعيني
لاهوه ولا اهلي.. قاعدة لوحدي الشيطان لعبي ..وغلطت داما احس بالوحه
لدرجة اني اقعد اكلم نفسي..مالقى حد اكلمه

 

[مزون85]

شكرا على مروركم اخواتي

 

[نفيلة]

اه يا قلبي
انا اغتربت
زوجي يدرس و يرجع المساء و ما عندي حد في البيت الا ابني الصغير
و ما دورت على رجال اتكلم معاه كل الي سويته رجعت لنفسي هواياتي و عشت حياتي و ما صرت احس بالوحدة الا في ما ندر هذا حل
ليش نبرر الخيانة باسباب واهية
شو يعني جالسة وحدك يعني ربي ما بيحاسبك
بكرة لما بيسالك ليش خنتي بتقولي كنت وحيدة اكلم الجدران ؟
وين القران عنك ليش ما استغليتي وحدتك في حفضه ؟
وين العلم عنك ليش ما استغليتي وحدتك في علم نافع ؟
وين هواياتك و الي تحبي تسويه ليش ما استغليتيهم في وحدتك ؟
مرتين توقعين في نفس الخطا مرتين و تريدينه يتفهم انه بسبب بعده عنك
طيب ليش ما حاولتي تقربيه منك
ليش ما قلتي له فلان انا انسانة حساسة ما اقوى بعدك خاف الله فيني
ليش ما حاولتي تشوفي شو يحب و تجذبيه بالي يحبه
ليش الخيانة سهلة عليكم لهل الدرجة

لا حول ولا قوة الا بالله

كلمي زوجك يعطيك اخر فرصة و ان شاف فيك زلة يطلقك بعدها على طول
و استغلي الفرصة زين
خليه يموت فيك مو بس يحبك
ما اقولك بينس بكرة بياخذ فترة و ممكن ما ينسى بس الزمن بيهديه
حاولي اخر محاولة و قبلها لا تنسى التوبة من الذنب
لانك خنتي ربك قبل
الله يهديك

 

[um hazzaa]

الحل موجود اذكري ربك واستغفريه ليل ونهار
وخليكي على صلاتك دايما وحاولي تكلمي زوجك
الطلاق ما هو الحل؟؟
والله يسخر لك زوجك ان شاء الله
بس لا تهدمي بيتك بايدك
واللي راح ان شاء الله راح يتصلح

 

[موزة خلفان]

اختي الكريمة
ما حدث وبدر منك قد بدر على مرتين متتاليتين
فعد ان اعلنتي التوبة وعزمتي الرجوع لزوجك خنتيه
لقد قدم لك فرصة ثانية و توسل رجوعك رغم الشكوك التي لم تفارقه من ناحيتك ابدا
فهو لو كان يثق في سلوكك لما احضر فاتورة التلفون .............ولما ضربك بعد ذهابك لمنزل جارتك
شكه في سلوكك دمر العلاقة والمشاعر التي بينكم
وهو معذور في ذلك فالرجل ليس كالمراة يستطيع ان يسامح وقت الخيانة
كل الاعذار التي قلتها لن اقول عنها واهية وضعيفة فالنفس البشرية تختلف باختلاف الاشخاص
و باختلاف قوى التحمل والتفكير
لكن ما اريد ان تجيبي عنه بكل صدق و صراحة
هل انتي على استعداد للاستقامة
فالظروف التي دفعتك للخيانة هي نفسها ما ستجدينها معه وربما تكون اكبر واكثر برودا وعنفا
فهل انتي قادرة على الصبر والتحمل
ام فكرة الانتقام هذه المرة من ستدفعك للخيانة
بالنسبة لمشكلتك الحالية
ظلي في بيتك ولا تخرجي
اخبريه بانك لا ترغبين في الطلاق وبانك نادمه على ما فعلتي
وتخلص من كل ما يدفعك للخيانة كالهاتف والانترنت
واطلبي منه ان يرميها خارجا
اعطيه الامان ............ليستطيع ان يرده لك

 

[حبيبت رشيد1]

استغفر الله اختي الواحد اذا حس الشيطان انه بيوسوسله تعوذ من ابليس انا جالسه لوحدي ولا عندي احد يعني مافي طفل يونسني وزجي يروح الصباح ولا يرجع الافي اليل اقوم اقري القران واقول ادعيه واكلم صديقاتي واروح لهم بس باذن زوجي واذا كان جواله مقفل خلاص مااروح الا اذا كلمته

 

[أنيقة]

اختي الكريمة
ما حدث وبدر منك قد بدر على مرتين متتاليتين
فعد ان اعلنتي التوبة وعزمتي الرجوع لزوجك خنتيه
لقد قدم لك فرصة ثانية و توسل رجوعك رغم الشكوك التي لم تفارقه من ناحيتك ابدا
فهو لو كان يثق في سلوكك لما احضر فاتورة التلفون .............ولما ضربك بعد ذهابك لمنزل جارتك
شكه في سلوكك دمر العلاقة والمشاعر التي بينكم
وهو معذور في ذلك فالرجل ليس كالمراة يستطيع ان يسامح وقت الخيانة
كل الاعذار التي قلتها لن اقول عنها واهية وضعيفة فالنفس البشرية تختلف باختلاف الاشخاص
و باختلاف قوى التحمل والتفكير
لكن ما اريد ان تجيبي عنه بكل صدق و صراحة
هل انتي على استعداد للاستقامة
فالظروف التي دفعتك للخيانة هي نفسها ما ستجدينها معه وربما تكون اكبر واكثر برودا وعنفا
فهل انتي قادرة على الصبر والتحمل
ام فكرة الانتقام هذه المرة من ستدفعك للخيانة
بالنسبة لمشكلتك الحالية
ظلي في بيتك ولا تخرجي
اخبريه بانك لا ترغبين في الطلاق وبانك نادمه على ما فعلتي
وتخلص من كل ما يدفعك للخيانة كالهاتف والانترنت
واطلبي منه ان يرميها خارجا
اعطيه الامان ............ليستطيع ان يرده لك

أختي العزيزة.. اللي صار صار خلاص.. وأنا رايي من راي أ.موزة..
قولي له انج ماتبين الطلاق.. وانج ندمانه.. وكوني قد كلمتج هالمرة..
صح كلام أ.موزه.. عطيه تلفونج والانترنت.. قوليله بنفسك فرهم ماريدهم.. أنا احبك انت وبس.. لكن بليس لعب براسي.. ببدى صفحة يديدة فحياتي.. صفحة بيضه واوعدك اللي استوى مايتكرر.. ولو اتكرر انا راضيه باي شي بتسويه..

الله يعينج.. ودعواتنا لج..

 

[nonoura]

تستاهلى الطلاق لانك لم تصونى زوجك فى غيابه وانا لو كنت مكان زوجك لطلقتك بالثلاثة بدون رجعة

 

[ام يوسف16]

حبيبتى اذا عرف اصل المشكلة عرف الحل

 

[مزون85]

اخواتي زوجي حارمني من الدراسه
لانه مايخليني اروح مع السايق وكل شي عنده لا لا لا
ابغي اروح عزومه عند بنات خالتي او عماتي
لا لا..ابغي الشي الفلاني لا.لا
انا ما انكر انه يحبني..
وماريد اقدم اعذار..ومبررات لاني عارفه ان اللي سويته غلط انا غلطت في حق نفسي..
انا مانسيت الاهانه لحد الحين لما ضربني..
انا طبعي حاد وماتحمل المعامله السيئه
شكرا استاذه موزه خلفان على نصيحتج
شكرا اخواتي على مروركم

 

[مزون85]

تستاهلى الطلاق لانك لم تصونى زوجك فى غيابه وانا لو كنت مكان زوجك لطلقتك بالثلاثة بدون رجعة

الغاليه قلب زوجي ابيض من قلبج واذا ماعندج حل لاتردين
الحمدالله ان ريلي مايشبهج انتي انسانه مافي قلبج تسامح و الانسان مش معصوم من الغلط

 

[nonoura]

اختى الخيانة صعبة لااقبلها على زوجى ولاعلى نفسى على كل حال يجب ان تتقبلى الراى الاخر ولو كان لم يعجبك

 

[محمد انتة عمري]

اخواتي زوجي حارمني من الدراسه
لانه مايخليني اروح مع السايق وكل شي عنده لا لا لا
ابغي اروح عزومه عند بنات خالتي او عماتي
لا لا..ابغي الشي الفلاني لا.لا
انا ما انكر انه يحبني..
وماريد اقدم اعذار..ومبررات لاني عارفه ان اللي سويته غلط انا غلطت في حق نفسي..
انا مانسيت الاهانه لحد الحين لما ضربني..
انا طبعي حاد وماتحمل المعامله السيئه
شكرا استاذه موزه خلفان على نصيحتج
شكرا اخواتي على مروركم

اختي هذة مو اعذار لا تحاولين تبررين موقفج انتي قبل كل شي خنتي رب العالمين
اشلون تبين زوجج يسامحج و انتي خطئتي كم مرة
اشلون تبين نقولج انتي علئ حق و اعذارج ابدا ما لها معنئ
انتي وحيدة شوفي اغلب الحريم وحيدات
بس هذا مو مبرر
انا مقيمة بلد غربي بعيد عن اهلي حوالي 22 ساعة بطيارة
ما اشوفهم الا كل 5 او 6 سنين
عايشة لوحدي يعلم الله بي
ما عندي لا رفيجة و لا اخت و لا اخو
وحيدة مقطوعة من شجرة
لا دراسة و لا شغل جالسة بلبيت مع اطفالي
زوجي يطلع من فجر ما يرجع الا بليل و انا كل هذا لوحدي
صدقين انو صارت فيني حالة نفسية و انهيار عصبي من الوحدة
دمار .............
ليش لاني وحيدة
وسائل الخيانة موجودة و سهلة اكدر اخون زوجي من غير ما يحس و لا يعلم
لان مثل ما قلت لج هو من صبح لليل برئ
يعني سهل اسوي كل شي من غير ما يعلم
بس هذة اهم نقطة
اني ما اكدر اخطي خطوة وحدة يكون فيها غضب ربي
والله لو كان علئ موتي ما غضب ربي
يعني هذا عذر لاني وحيدة اغضب ربي
يعني هذا عذر لان زوجي ما يهتم بي اخون ربي و اغضبة
ما في عذر يا اختي يبرر موقفج
اغلب الاخوات بغربة و وحيدات بس ما توصل انة تخون زوجها
انتي عندج جوهرة بس مع الاسف ضيعتيها ما صنتيها
وين في ريال بدنيا يشوف زوجتة تخونة و يسامحها
وين في زوجة تطلع من البيت من دون اذن زوجها و تلعنها الملائكة و فوق كل هذا تقولين امر تافة و ضربني
وطلبتي طلاق لانة مد يدة عليج
اختي انتي تنظرين لنفسج انج مظلومة و معصومة من الخطاء الا انج الخطاء كلة
اجلسي فكري مع نفسج قولي لو هو يخوني و يسوي مثل ما انا سويت شنو راح يكون موقفي
لا تقولين راح اسامحة هذا الكلام اضحكي علئ نفسج فية
لو كان هو مكانج كنتي سودتي عيشتة مثل ما يقولون المصرين
انتي انانية ما فكرتي بس بنفسج
ما فكرتي بربج و لا بزوجج و لا باطفالج
الحين خلي الي خنتي ربج و نفسج معاهم ينعفونج
انما استغرب علئ غباء بعض الحريم الي تقول انة يحبني ريال الي عندي علاقة معا
اختي اشلون يحبج علئ شنو يحبج
علئ خيانتج ربج يحبج و الا علئ خيانتج لزوجج
و الا لنفسج
عمر ذيب ما كان وديع و امين
كل الي يبونة منج هو بس جنس و بس
انتي مجرد سلعة رخيصة الهم
انتي الماسة كنتي عند زوجج
بس انتي الي خسرتية
ما في شي يقدر يقنع زوجج و يغير راية غير الرحمن
روحي اختي روحي تةضي و طلبي مغفرة من ربج
زوجج مو مهم لانة انتهتي من حياتة
المهم الحين ربج
باي لحظة يجي الموت علئ الاقل روحي الاخرتج و انتي تائبة
اهم شي توبة توبي توبي توبي
زوجج الحين شيلية من بالج قلتلج و اقولج انتي انتهتي انمسحتي من حياتة
ريال سامج مرة مرتين بس ثالثة مستحيل
انتي يبتي الخطاء لنفسج اتحملي
روحي توبي و اسغفري ربج احسن من ندب الحظ علئ ما سويتية بيديج
روحي طلبي مغفرة من الرحمن قبل الموت
تعرفين شنو موت
الموت لا يعطيج موعد و مجال و لا رحمة يجي بلحظة وحدة ياخذ روحج
و تنتهين
روحي توبي علشان تواجهين رب العالمين و انتي خالية من ذنوب
روحي للرحمن الي ما تنام عينة و هو الي يسامحج و يساعدج و يعينج
لا حول و لا قوة الا بالله
نسوي الخطاء و بعدين نضل نبجي علئ حالنا و الله عجيب

 

[nonoura]

الى الاخت محمد انت عمرى والله كفيتى ووفيتى وانشالله ماتهاجمك الاخت صاحبة الشكوى بعد كلامك لانها لم تتحمل راى بها وكلامك لاغبار عليه لان الرجل المسلم العربى لايتحمل ان تخونه زوجته ابدا مهما كانت مبررات الخيانة

 

[مزون85]

الى الاخت محمد انت عمرى والله كفيتى ووفيتى وانشالله ماتهاجمك الاخت صاحبة الشكوى بعد كلامك لانها لم تتحمل راى بها وكلامك لاغبار عليه لان الرجل المسلم العربى لايتحمل ان تخونه زوجته ابدا مهما كانت مبررات الخيانة

عالاقل نصحتني اما انتي عقيتي كلام وبس
ماعندج نصيحه تقولينها
والله غريبه
وانتي تتصورين اني خنته خيانه جسديه اقري صح وبعدين اتكلمي
الله يكون في عونج