يريدني اساااافر

[full moon]

السلام عليكم ورحمة الله وبركاته
انا عندي مشكله في تصديق زوجي احين ام زوجي وعمي بيسافرون قريب ويباني اسافر معاهم واخلي عيالي عنده بس اشل اصغر واحد لأني ارظعه....... بس تم في خاطريه هل بيخوني نفس قبل ؟؟ هوه قالي يريدني ارتاح شوي من العيال والتعب وانا اقوله ماريد ابتعد وتم يلح عليه كمن مره بس اليوم انا قلتله خلاص كنسلت من الروحه رد سكت وقالي يللي اشوفينه يريحج سويه......
شوه ظنكم؟؟ هل هذا انسان ناوي نيه سووووووداء:smoke1:

 

[me~4~you]

مممممم والله محير في طلبه واصراره لاتروحين من عندي لاتروحين انتي حددي وقت سفرياتج ولا سافروا ويا بعض بس هو يحدد لج بصراحه اي وحده بتخاف لو ريلها مصر انها تسافر اوكيه يحبونا مختلفنا بس ترى اوقات تييهم شياطينهم اذا بغيتي تسافرين قوليله بسافر ولاتقولين متى بتردين..ابدا
ولو اولادج كبار مافيها شي لان هم بتمون في البيت وهو مابرووم يسوي شي اما اذا صغاريه لا قعدي في بيتج اريح لج لانج دووم بتمين تحاتين ولا بتهنين السفره .

 

[المنقبة]

ما دام مصر فيه شئ ناوي يسويه و الله اعلم ثاني ممكن صج يبي يريحج لانو ادا يبي يسوي شئ ما يخلي الاطفال وياه والله ما ادري شئ امر محير انتي شوفي اادرى بريلج

 

[أجمل أحساس 22]

غريبة صراحة اول مرة اشوف زوج يقول لزوجته كذا سافري وخلي الأولاد عندي

في راسه شي ء والله اعلم

 

[faty]

السلام .... شوي شوي عالرجال, ممكن نيته حسنة وفعلا حابب يريح امراته, واللي يريد ان يخون امراته لا ينتظر حتى تبتعد امراته واختى توكلي على الله وكوني واثقة من الله انه سيعطك الافضل.
ممكن تسافري لكن ارجعي قبل الموعد ( مشتاقة له وحبيتي تعملي مفاجاة) واختي انت ادرى بزوجك وعلاقتكم مع بعض (تفألوا بالخير تجيده) اتمنالك كل الخير وسفر موفق ودوام الحب بينك وبين زوجك, واخبرينا جديدك

 

[أم فهد 123]

اذا في راسه شي بيسويه سواء انتي موجودة والا غير موجودة سافري وغيري جو من البيت والعيال والا سافروا كلكم مع بو العيال

 

[منتو ويغموش]

لو يبي يخونك مافي شي يرده حتى لو كنتي عنده
ولا تسيئن الظن
تفاءلي بالخير تجديه
بس من جد غريبه يقولك سافري
يمكن يبي يشتاق لك
ترى الرجال لما يحس بروتين بحياته يحب يغير لمصلحتك ولمصلحته بعد

 

[بنتي هي دنيتي]

لاتخلين ‘بليس يلعب فيك تعوذي من الشيطان بس إللي عليك وتسوينه إنك ماتروحين او إيش ماكان قوليله إني ماأستغني عنك إنت والعيال وأنا لو أفارقكم ماراح أنبسط من هالكلام ولاتحاولين بعد إنه يكووون فيه إشكال بالموضوع قوليله كلام حلو مثلا انا يابو فلان وناستي من وناستك وانا مستحيل اقدر افارقك ومن هالكلام عشااااااان مايعصب عليك والله يهدي سركم جميع اللهم آميييييييييييييييييييين

 

[full moon]

مشكورات خواتي على نصايحكن بصراحه قررت اني ماروح وتسلمن على اهتمامكن