يحرمني اشياء تسعدني!!!!!!

[**أسرار**]

صباح الورد لاغلى منتدى:cupidarrow:
بصراحه هذا اول موضوع انزله في المنتدى...واتمنى القى الاهتمااام والدعم
والردود طبعا...
انا قرات في منتدانا الغالي الكثير وبحكم دوامي لاني معلمة اجد صعوبه في المشاركة لكن حاليا اخذة اجازه ووجدت نفسي اغرق وارجو من الله والاستشاريات مساعدتي
اكتشفت اني اسواء شخصيه في نظر الناس لاني تبعيه متخيله شكلي بنظر زوجي (عنز)وامشي وراه وانا مغمضه وحتى لو كان لي وجهة نظر في اي امر الاقيه لايكل ولا يمل حتى يقنعني بما يراه مناسبا صار لي متزوجه اربع سنوات لدي طفل عمره سبعة اشهر تسبب في انفجاري:icon28: ليلة البارحة واكتشاف شخصيتي السيئه:icon1366:......
طبعا منذ اخذت الاجازه صار لي تقريبا شهرين وكل يوم على نفس النظام اهتم بطفلي بتغذيته بلبسه بنومه وكذلك والده والمنزل وغيره دائما نشيطة حتى لو كنت متعبه تتردد في راسي جملة الا تقع عينه(الزوج) على قبيح في المنزل في نفسي في ابني واحاول جاهده للاهتمام بنفسي ليس من اجلي بل من اجل زوجي؟؟؟هذا مجهود ليس بسيط لان طفلي الغالي مزاجي في النوم يسهر يرهقني ولما انام متاخر يجي الزوج من الدوام مبكرا واضل في هذي الدوامه وبما اني اسكن فوق اهله غالبا ماتتواجد العائله الكريمة عندي من اجل اللعب مع ابني لانه الحفيد الاول للابن الاكبر ويتطلب هذا مني مجهود اكبر في الضيافه والمجامله:dunno: وغيره والسهر مجامله في احيان اخرى وتخيلي حالتي طبعا الدوام قبل بالنسبة للوضع الحالي ارحم بكثير رغم اني ادرس في منطقة اخرى واعيش بصفه مؤقته في بيت جداني اهل امي...:icon1366:
دائما اتمنى اهتم بنفسي لاني انثى تحب ان تتجمل مثلا اطلب اذهب للصالون يثنيني عما اريد بقوله انت كذا عاجبتني ارتاحي خساير على الفاضي مع اني قادره ماديا لكن الكرت معاه صحيح انه لايصرف منه شيء الاباذني وفي الحالات الملحه وكثيرا مااصرف راتبي على اخواتي والاخرين انا اجي بالاخر ماعندي اي مشكله ؟؟
اطلب السوق في المناسبات فقط وانزل بسرعه لانه مايحب السوق وينكد علي الطلعه لكنه يقدر الطلعه للمطاعم ..
تخيلي حتى الصدقه اذا باتصدق يقرر عني من المستحق من غيره
طبعا كثيرا ماالحيت عليه بالسكن بعيدا عن اهله كي اتصرف بحريتي في منزلي الخاص من ناحية اللبس طبعا لانه يطلع من الباب من هنا وامه وخواته على طول جايين عندي
تخيلو مرة قررت اعمل امسية عشاءخاصة ماقدرت اقدم العشا :essen:الا الساعه 1:30 كان نايم تعبان وقلت له باخر العشا لين يرتاح بمعنى لولم يكن موجود في البيت لما استطعت ان افعل شيء لانه تقريبا يااما يكون زوجي في البيت معي او اهله والله صرت في بعض الاحيان ادخلهم من الباب اوصلهم غرفة الضيافه اروح اكمل غسيل والااتسبح فيه احد يتسبح وعنده ناس ....:tears:
اتمنى اغير اثاث بيتي لاني اريد ان اشعر بالسعادة في بعض التغييرات..يرفض متحججا بان هذا سكن مؤقت وقد يدوم لعشر سنوات
يبي يقعد في البيت واقعد قدامه لاطلعه ولا تغيير فقط تخطيط لامور كثيرة يكمل دراسته الجامعية,..يشتري ارض,...يعمل في دوام اخر,...ووووو............ ولاينفذ منها شيئا:crazy:
البارح بغيت انزل محل كماليات رفض وبصوت مرتفع ومتحججا بالوقت متاخر وثانيا ليس لديه القدره الماليه ثم بعد ذلك يقول سانتظر في السيارة وانتي انزلي قلت له خلاص انتهى مابي انزل؟؟؟وقفلت الموضوع مشيت الزعله ولا نمت معه زعلانه وشكيت لله ثم لكم حالي ووضعي؟؟
:e136:​

طولت عليكم بس ابي نصيحه صادقه كيف اقدر اخليه يحترم حاجاتي ويقدر الامور التي تسعدني​

 

[غنوجة بابا]

هلا حبيبتي...الله يكون في عونك
بالنسبه لزوجك المفروض تاخذين بطاقتك من عنده...بالله ليه ماسكها؟؟!!!!!!!!!!انتي تقولين يعطيكي اللي تبغين وماياخذ منها...ليش في جيبه اجل؟؟؟؟!
قوليله تسويلي اللي ابغى والا هاتي فلوسي انا بسوي لنفسي(مع انه المفروض هو اللي يصرف عليك لو ان شاء الله عندك عشر بطايق)بس عالاقل حل مؤقت الين يبدى يتحلحل شوي
بالنسبه لاهل زوجك الله يحييهم في اي وقت بس بعقــــــــــــــــــــــــــــــل!!!
يعني مثلا كنتي تتحممين ماله داعي تفتحين الباب اليييييييين تخلصين واذا خلصتي يصير خير...ارجعي كلميهم وقولي معليش كنت اتحمم..تعالوا حياكم(مو صعبه بالمررره)
ومتى ماكنت مرهقه وتعبانه قفلي باب بيتك ونااااامي والا نزلي ولدك عندهم وماعليك من اللي بيدق والا بيجي...ومتى ماصحيتي يصير خير............وهكذا مافيها شي والله
ان شاء الله اكون افدتك

 

[أم الأقمـــــار]

ليش بطاقتك معه ؟؟

انتبهي واخذيها منه والله راح تندمييييييييين

خلي بطاقتك معك وفلوسك لك وان بغيتي تساعدين ساعدي ب
أشياء بسيطه . . طاوله او كرسي او الف او الفين بس

وبعدين احس امورك تمام

واذا ماتبينهم يجونك خلي زوجك وهو طالع لهم يوصل ولدك لامه وخواته علشان مايرقووووون

او يقول لهم فلانه تتسبح او تغسل ومن هالكلام




.
.

اهم شي اخذي بطاقتك <<<<< مقهوره منك خخخخخخخخخخخخ​

 

[بيناكولادا]

عزيزتي انا ما افهم ليه البطاقة تكون معاه؟؟!
الله ييسر امورك

 

[نهر سكر]

مرحبااااااااااااااااااااااااااااااااااااااااا
اختي صراحه حالتك تقطع القلب والله يعينك انشاءالله ع اجر

بالنسبه لي البطاقه المفروض معك لازم الواحد ما يظمن احد في الايام هذي

صراحه غريب زوجك لا راضي انك تروحين تعدلين من نفسك وهو مو دافع شي اجل لوانك طالبتي شي وش بيسوي


اللهم ارزقك الصبرعليه​

 

[تفاؤل أنثى]

فين شخحصيتك كوني قوية
​

 

[&الماس&]

لالالالا كذا مايصير لازم تقوين شخصيتك وتتركين مجاملة الناس على حساب نفسك , بطاقتك استرديها بأي شكل ولا تصرفين على البيت منها هو المسؤول عن بيته وعنك وعن ابنه في النفقه مو من صالحك تأخذين دوره , واهله لاتستقبلينهم اذا كنت مشغوله اعتذري بكل صراحه انك مشغوله اذا فضيت انزل لكم بنفسي او بنزل لكم الولد لاني مشغوله لين يتعودون ولاتستحين لانك راح تضغطين على نفسك والله الناس مايستاهلون , اعزميهم اذا حسيتي انك فاضيه عشان يعرفون ان الزياره موكل وقت .....حاولي تصارحينه بحاجاتك وتتحاورين معه بوقت رايق غيري اسلوبك مع زوجك وتدلعي عليه تزيني له طالبي باللي تبينه بدلع وانوثه واذا رفض سوي نفسك حزينه وانك تتمنين هالشي جربي معه هالاسلوب يمكن ينفع معه عموما لوتعرفين شخصية زوجك عن طريق البوصله الشخصيه راح تعرفين تتعاملين معه......عسى ربي يسخره لك ويألف بين قلوبكم وجميع المسلمين.

 

[قوت القلوب25]

الله يكون في عونك قوي شخصيتك ولا تخافي مثلا اهل زوجك لو دقو عليك لا تفتحي قولي كنت نايمه تعبانه استحم ومره ثانيه انت على طول روحيلهم اسبقيهم هههه ام بطاقتك ما في داعي تكون عنده وانصحك تحضري دوره للدكتوره ناعمه

 

[احلى غرام]

:c014:انا من راي الاخوات
:cupidarrow:البطاقة بايدي حبيبي ,لا ليه ؟
تحججي ابغى افرح فيها نفسي بطاقة في البوك انا واثقة فيك وعيوني لك بس احب اتدلع بالبطاقة وغيره لين يلين راسه.:c016:
مسالة دق الباب آه ياراسي معاناة وبتزيد اذا كبر ولدك مجرررربة مع عيالي ضربني:a049: ولد عمتي قالوا قيل تعببببببببببب وانا لاحول ولا قوة
من الحين ولدك صغير :a122:ولا يعرف يفتح باب ولا شي حددي وقت تودينه عند اهله في اليوم وتسلمين على ام زوجك وتحبين راسها بعدوخذي لها قهوة او شاي
وردي شقتك
لان كثر الدخلة والنزلة عندك عن تجربة ماجاني الا سوت كلت نامت قامت مانظفت تعبانة تتوحم مايهم احد الكل يبغاك حديد
ولكبر ولدك مراح تقدرين تمسكينه ولا يذاكر ولا يسمع كلامك وكل شي في حياتك راح يسالونه عنه وبتتعب نفسيتك:tears: وبتكرهين بيتك وحياتك :icon28:
مجرررررررررررررررررررربة



الان بديت اقدر شوي امسك عيالي وادرسهم ولا احب احد يمر باللي مريت به.

 

[معلومة مفيدة]

أنا مع أختي أحلى غرام، ما لقيت من الدخلة و الطلعة إلا وجع الراس، تعبت و توحمت وحام الله يعلم فيه، بس لين جاني أحد من أهله أستقوي، و بالآخر شو قالو... وحامها خفيف ما شافت وحام فلانة كيف، تخيلوا و أنا مرهقة و يغمى علي من شدة الصداع و لا حد حاس... لين ما فكيت لساني بأدب طبعا و صارت لي خصوصيتي

 

[عطر الليل2000]

حبيبتي فوقي .....اصحي ....وين حقوقك وين شخصيتك ؟؟؟ انتي امعه ؟؟؟؟ ازعلي منه وانتي في بيتك افرضي شروطك واطلبي اللي تبغين بجلسه هادئه وتفا همي معاه . اذا حسيتي انو بيركبك الغلط وبيزعل على طول بيت اهللك وخليهم يتفا همون معاه .... بطا قتك ترجع لك بالطيب بالزعل ترجع ... يعني لو طلبتي بطا قة الصراف حقته بيرضا يعطيك وانتي تعطيه مصروفه ؟؟؟؟ وين قوتك لا صدقيني ما راح تقدري تتعا ملي معاه بكره فكري ....بكره حتكبر العيله وتلقي اولا دك يبغو حا جات وطلبات وحتضحي زيا ده ....خذي حقك ما حد يلومك حتى الشرع معاك .... طمنيني الله يخليك اش راح يصير معاك

 

[محرومه من زوجي]

حبيبتي اول غلط غلطتيه ان البطاقه بيده
عالجي هالغلط قبل كل شي

 

[وردة الحنون]

الله يعينك بس البطاقه لازم اليوم قبل باكر تكون معك :dunno:
وانت اللي تصرفين منها :sly:
وتتحكمين فيها
اعرف وحده
اخذ فلوسها وتزوج عليها فجأه وهي مسكينه مثلك معلمة تفاجأة حيل
وجتها مثل الحاله النفسيه لانها كانت واثقه منه :no:

 

[كيوت مامي]

هلا حبيبتي...الله يكون في عونك
بالنسبه لزوجك المفروض تاخذين بطاقتك من عنده...بالله ليه ماسكها؟؟!!!!!!!!!!انتي تقولين يعطيكي اللي تبغين وماياخذ منها...ليش في جيبه اجل؟؟؟؟!
قوليله تسويلي اللي ابغى والا هاتي فلوسي انا بسوي لنفسي(مع انه المفروض هو اللي يصرف عليك لو ان شاء الله عندك عشر بطايق)بس عالاقل حل مؤقت الين يبدى يتحلحل شوي
بالنسبه لاهل زوجك الله يحييهم في اي وقت بس بعقــــــــــــــــــــــــــــــل!!!
يعني مثلا كنتي تتحممين ماله داعي تفتحين الباب اليييييييين تخلصين واذا خلصتي يصير خير...ارجعي كلميهم وقولي معليش كنت اتحمم..تعالوا حياكم(مو صعبه بالمررره)
ومتى ماكنت مرهقه وتعبانه قفلي باب بيتك ونااااامي والا نزلي ولدك عندهم وماعليك من اللي بيدق والا بيجي...ومتى ماصحيتي يصير خير............وهكذا مافيها شي والله
ان شاء الله اكون افدتك

والله كلامها صح...اذا يبون يشوفون الولد نزلب لهم وقولي لهم اذا صاح يبولي اياه...

 

[الهاموره]

الله يعينك حاسه فيك والله ينصرنا على الرجال الظالمين

 

[باسنت]

البطاقه خذيها منه باي عذر........ولا ترجعينها............انا كنت مثلك لكن صلحت غلطتي بالتدريج.........اللهم انصرني على من ظلمني..........

 

[ميمو قطر]

انا معكم كلكم أرفض ان تكون البطاقة معاه لأنمن حق كل وحده تستمتع ببطاقتها ولها الحريه أن ترفض أو ترضى تساعد زوجها وكل وحده اتعرف زوجها يستحق أساعده ولالأ وأهل زوجج حولي بطريقة لبغه وبأحترام وبدون ماينعكس عليج الأمر ويصير ضدج أن تحسسينهم بالتعب ألي أتحسين فيه وأتكونين واضحه وصريحه معاهم عشان ترتحين وأتمنى من الله ساعتج والله المستعان

 

[مرور]

حبيبتي الله يفرج كربك 000بطاقتك ياختي ورواتبك ماله دخل فيها لانها حاجه ملكك انتي وماله حق يطالب بها وانتي المفروض ماتصرفين على البيت مهما كان وخصوصا انك ساكنه عند اهله 0وبعدين هذا تعبك وشقاك تتعبين وتداومين وتكرفين وفي النهايه يجي ياخذ بطاقتك مالك حق تعطينه وخذيها منه حتى لو زعل منك بالنسبه لاهله لاتجاملينهم على حساب حياتك والله مايشكرونك وانا اتكلم من تجربه بس انتي انزلبيلهم دائما عشان يتعودون ولايضايقونك 000ولما يدقون مو لازم تفتحين لهم اهم شيئ زوجك اهتمي فيه وخذي حقوقك منه

 

[*الصمت*]

]حبيبتي فوقي .....اصحي ....وين حقوقك وين شخصيتك ؟؟؟[/size] انتي امعه ؟؟؟؟ ازعلي منه وانتي في بيتك افرضي شروطك واطلبي اللي تبغين بجلسه هادئه وتفا همي معاه . اذا حسيتي انو بيركبك الغلط وبيزعل على طول بيت اهللك وخليهم يتفا همون معاه .... بطا قتك ترجع لك بالطيب بالزعل ترجع ... يعني لو طلبتي بطا قة الصراف حقته بيرضا يعطيك وانتي تعطيه مصروفه ؟؟؟؟ وين قوتك لا صدقيني ما راح تقدري تتعا ملي معاه بكره فكري ....بكره حتكبر العيله وتلقي اولا دك يبغو حا جات وطلبات وحتضحي زيا ده ....خذي حقك ما حد يلومك حتى الشرع معاك .... طمنيني الله يخليك اش راح يصير معاك

كلام منطقي وعين العقل لاتقولين زوجي طيب ويستاهل حتى انتي طيبه وتستاهلين تاخذين بطاقتك وبطاقته بعد وتتسوقين على راحتك وتطلعين ببيت لحالك والا ليش متوظفه عنا وتعب ووجع راس واخر شئ ولاشئ تاخذينه انبسطي وتصدقي وعيشي حياتك ترا ماناخذ معنا للقبر الااعمالنا تهني بفلوووسك وبيتك وبالصدقه....
اما انه حتى بالصدقه يتامر ويتشرط؟؟؟؟؟؟؟؟

 

[الـ غ ـلا كلـه]

ليش بطاقتك معه ؟؟​

انتبهي واخذيها منه والله راح تندمييييييييين​

خلي بطاقتك معك وفلوسك لك وان بغيتي تساعدين ساعدي ب
أشياء بسيطه . . طاوله او كرسي او الف او الفين بس​

وبعدين احس امورك تمام​

واذا ماتبينهم يجونك خلي زوجك وهو طالع لهم يوصل ولدك لامه وخواته علشان مايرقووووون​

او يقول لهم فلانه تتسبح او تغسل ومن هالكلام​

.
.​

اهم شي اخذي بطاقتك <<<<< مقهوره منك خخخخخخخخخخخخ​

وانا بعد مقهورررررررة