يحرمني اشياء تسعدني!!!!!!

[دوشه بلقيس]

يا اختي اول شئ لاتطلبين البطاقه الا لما تغيرين من شخصيتك لانه عارف شخصيتك المطيعه والخوافه فأذا طلبتيها راح يقلب البيت عليك ,,,فأول شئ غيري من شخصيتك اقرأي كتب لفي هنا بالمنتدى وبعد شهر ولما تكوني واثقه من نفسك اطلبيه البطاقه وانتي رايحه شغلك لأي سبب بعدين لاترجعيها واذا طلبها قولي ليه وش تبي بطاقتي بجيبي وبطاقتك معك وغيري الساااالفه وقومي عشان ماتصير مشاكل لانك من البدايه تنازلتي فلازم تغييييرك يكون مدروس عشان المشاكل انا خايفه عليك

 

[عالم خاص]

سلام..اولا :بطااقتكاليومقبل بكررةتاخذينها
طيب غصب تاخذينها..قولي ابي اخذ غرض ولا تردينها اذاجاء طلبك اياهاقوليلة بدلع الموضوع ..
بالنسبة لاهلة لو بكرة يصير ادنى تقصير راح زوجك ينطق ويتفلسف..ولا راح يتذكر انك ضحيتي وجاملتي اهلة طول السنين الماضية ..خلي شخصيتك اقوى من كذاا انتي اللي تحددين اوقات دخلتهم وخرجتهم عندك مو هم ..صرفيهم مرة وجيبيها باسلوب وقصص مررة ثانية وبالنسبة لزوجك اذا اتكلم وبدأ يحلم بسيارة وبيت و... سايرية ماراح ينقص منك شيء..خلية يحلم .بعدين بيحلم في نفسة وتنقهرين انة ما يحكي معك .. الله يفرجها مين فينا مرتااح من الرجاال الله يهديم وبس..

 

[**أسرار**]

صباحكم ورد وفل

طبعا انا شاكره للجميع المشاركة والرد بصراحه الكل كنت احسكم صديقاتي فعلا لما كنت اقراء ردودكم حسيت بالسعاده

حسيت انه فيه احد يدعمني يساعدني بصراحه انا احاول جاهده ما اشكي لاهلي لان كل يكفيه همه واهلي مو بنفس

المنطقه اللي اسكن فيها وما احب اشغلهم بمشاكلي
ومن اليوم خلاص انتو استشارياتي

غنوجة بابا..................الف الف شكر

ام الاقمار ايضا الشكر موصول لك والصديقة بيناكولادا
,,,,,,,نهر سكر..........الماس وقوت القلوب واحلى غرام
معلومه مفيدة...الف الف شكر للجميع
ايضا كيوت مامي .الهاموره...باسنت..ميمو قطر.مرور....
الصمت...
شكر خاص ***ايضا انا نظرتي للفلوس ان اسعد بها فلن ناخذ معنا الى القبر شيء ...لـــــــــــــــــكن!!!كيف اقنعه بذلك
شكرا ...الغلا كله
دوشة بلقيس شكر خاااااص كانك تقرأين افكاري.......جاري التنفيذ

عاااالم خااااص ....صادقه والله ماحد يذكر التضحية والمعروف...مشكورة

للجميع الله يجزاكم الجنه

طيب
اولا :انا راح استرجع بطاقتي وباشتري بوك جديد ارزها فيه
مو صعبه المهمه لاني سبق وذكرت لكم انه مايتصرف فيها ابد من وراي لكن مع الاياام مايندرا
ثانيا :هو عليه ديون ومايقصر لو طلبت شي لكن انا العيب مني انا عوده ارحمه من المصاريف اقول ماعنده خليني اكتفي ذاتيا الى ان اصبحت اكتفاء منزلي بمعنى احب اجيب اثاث احب اجيب اغراض للبيت احب اصرف لاني من زمان وانا عند اهلي كنت اصرف على نفسي وما اقول لاحد يعطيني؟مااااالـــــــــــــــــــــــــــحل؟؟
ثالثا:اهله بالمره طيبين بس ماقدر انزل لأن اخوانه اولاد دايما بالبيت وما اخذ راحتي عندهم..وبعد انا بيتوتيه ما اختلط بالجيران ودي اروح لهم لكن اغلبهم كبار بالسن هذا سبب والسبب الاخر اني مااعرف ابداء حوار مع احد اول مره اشوفه اخاف اجيهم واقعد ساكته يعني بيقعدون يستجوبوني عشان اتكلم!!مشـــــــــــــكله ايضااا
رابعا :لو قدالله فعلا صرت بطله وطلعت وين اصرف زوجي........ولو مثلا صار عندي علاقات وصارو جاراتي يجوني كيف اطلعه من البيت لانه خلاص اذا احد بيجيني يلزق في البيت وكل شوي تعالي يابنت .....
يالله عقدت الامور عليكم !!! اكيد مايصعب عليكم حل
الحقوني بالمشوره الطيبه​

 

[katkootah]

الله يكون في عونك

 

[عطر الليل2000]

ها طمنينا اش صار معاك؟؟؟؟؟؟؟؟؟؟؟؟؟؟

 

[s7o0ora]

من جد مو قاهرني الا موضوع البطاقه ليش تخليه ياخدها!!!!!!!!!!!!!
هدي بطاقتك حبيبتي ماله اي حق بانه ياخدها لازم ترجع تاخديها منه واليوم قبل بكره .. وعن موضوع اهله من جد الله يعينك ياربي ويصبرك لو انا منك كنت كرهتهم خلاص وحطيت عليهم علامة اكس محترمه من اللصقه اللي يلصقوها بس انتي ادرى بيهم .. والعضوات قبلي ماقصرو وقالولك هيا قبل مايطلعولك ارسلي الولد عندهم كل يوم وان جا موعد نومه انزلي خديه من عندهم وقوليلهم انه خلاص وقت نومو وانتي كمان تبغي تنامي وان جا احد يدق الباب لاتفتحي او ردي عليهم من عند الباب انك بتنضفي البيت او انك تعبانه شويه مثلا او شي عشان مايشبروه للبيت عسا وعلى يفهمو ويستحو على دمهم .. -->> مقهوره

 

[ليلى القلب]

حبيبتي الله يعينك انا من راي الاخوات مابزيد عليهم لكن انا استغرب من الموظفات اللي بطايقهم مع رجاجيلهم ليش انت اللي تتعبي والا هو وبعدين هو يرضى يعطيك بطاقتة ليش الضعف ذا وبالنسبة لاهل زوجك انا اول زواجي وبعد ولادتي ببنتي الاولى لااعرف خصوصية ولا راحة حتى وقت نومي دق عالباب والاالتلفون يعني سماجة عاالاخر لحد ماتعبت وفكرت بعقل انه محد درا عني لو تعبت او جوني ضيوف فجأة وبيتي مو نظيف والا والا..وانا كتير احب الخصوصية مااحب احد يعرف ايش صاير في بيتياو فين رحت والا منين جيت فكلمت زوجي وبالحرف انه ينبهم على ذا الشي والحمدلله تعدلت لحد مانقلنا مدينة ثانية فانتي قوي شخصيتك خلي وقت شغلك وراحتك محد يزعجك فيها واللي تبينه بطريقة حلوة وناعمة اصري لية لحد مايصير واذا مايبيك تنزلك السوق خذي عمتك والا حمواتك والاحتى روحي مع اخواتك واغلب الرجال كذا عقدتهم السوق ..والله يوفقك