يحاول يقنعني بالزواج الثاني.. واحنا لسه ما تزوجنا!!!!

[*حنين*]

السلام عليكم والرحمة
بنات انا اليوم قررت اكتب لكم مشكلتي لأني خلاص شوي وانجن
مو قادرة احصل حل لمشكلتي تعبت والله تعبت
انا انسانة مطلقة واحب شخص ما سبق له الزواج وهو يموت فيني
وهذا الانسان مو من ديرتي يعني من دولة ثانية بس خليجي
هو من عاداتهم انهم ما ياخذون الا من الاهل أو نفس القبيلة
فما بالكم بوحدة مو من نفس جنسيته ؟؟؟؟؟
المهم حاول بأهله ورضوا لكن بشرط ان يتزوج علي وحدة من اهله
طبعا انا منهارة لاني وربي احبه وما اقدر استغني عنه
وهو يحبني ولا يبي يخسرني ولا يخسرهم
هو يحاول يقنعني بفكرة الزواج الثاني .. تخيلو واحنا لسه ما تزوجنا !!!!!!!
علاقتنا صارت متوترة عالآخر وكل ما نفتح الموضوع نسكره بهواش وصراخ ونكد
انا غيورة يا بنات لابعد الحدود ما اقدر اتحمل ان يكون له زوجة ثانية وحياة ثانية
وربي انا مو معارضة فكرة زواجه الثاني كبرياء أو تعالي لا والله بس انا ما اتحمل ما اتحمل
مجرد التفكير انه يعيش مع وحدة ثانية بكل تفاصيلها تذبحني هالفكرة تموتني
هو خايف يخسرني:tears: بس احس انه يأس مني والحين حط الكرة بملعبي
يعني يبغى قرار مني بالموافقة أو الرفض
اخاف اوافق لاني ماني قادرة اتركه وبعد ما يتزوج علي تبدا الغيرة والمشاكل
وانا عصبية حيل يا بنات وما اتفاهم واذا صار شي قهرني ما امسك اعصابي
وهالشي هو ما يحبه فيني
تعبت والله تعبت

شسوي شورو علي نوروني الله ينور عليكم

 

[ساميه]

والله ماعرف شاقولج الله يكون بعونج وان شاءالله البنات بيفيدونج

 

[النآعسـه]

والله مادري لو اقولك تقولين يمكن اخرب عليك .. بس انا من النوع

الباب اللي يجي منه ريح سده وستريح

يعني هم اهله حاطين فكرة الزواج الثاني ‘ ونتي غيوره ماتبي احد

يشاركك معاه في الحياه الزوجيه ومن ديره مادري جنسيه ثانيه

وعادات وتقاليد .. واهم شي يزوجونه وحده ثانيه ..

اتركه احسن لي يمكن احصل احسن منه واللي فيه الخير والصلآح ..

والله يوفقك ونتي ورايك الصراحه لاتقولين اني اخرب ولا شي من هالنوع

بس ماحب المشاكل والازعاج ..

اهم شي بالذات الحياه الزوجيه والمستقبليه والاستقرار تكون فيها راحه

يمكن تتعبين نفسيا اول البدايه بس بعدين عادي ربي يرزقك باللي احسن منه


ونتي شوفي البنات وخذي برايهم ..

والله يفرج عنك .. ويسهل عليك الامور .. ويوفقك ..​

 

[دلوعة عبدالرحمن]

حبيبتي الرجل الي انتي تحبينه الحين بعد مايتزوج عليك راح تكرهيييييييييييييييييييييييينه صدقيني
ليش تدخلي نفسك في متاهات وحياة غير مستقره حتى قبل لا تبتدي !!!!
فكري بعقلك قبل قلبك واستخيري ربك

 

[نمله فوشيه]

وانا ررايي من راي الاخت انتي ياما ترفضين هالزواج كله ولك اسيبابكوالاتوافقين وتحملين وتضغطين على نفسك

وانتي فكري فيها الحين كلام بكرى بينفذ وبيصيرمعرس جدسد وبيدخل على وحده ثانيه وبيقعدعندها فترة

شهرالعسل وبعدها بفتره وانتي غيوره راسك من راسها وماتدرين يمكن يحب ذيك بعدزي ماحبك

وشوفي الغيره على اصوله بذاك الوقت

 

[~أغلى الغاليات~]

شوفي يا قلبي فكري بعقلج قبل قلبج..اذا هو يحبج صج بيخطبج وبيتزوجج بدون شروط هو رجال واللي يبيه بيصير..المفروض انتي اللي تحطين شروط مو اهله ..اختي ما راح ينفعج الحب اذا ضاع واختفى من كثره المشاكل ..انا في رايي حطي الكوره في ملعبه وقولي له انا ابي اتزوجك واحبك بس بدون شروط واذا انت تبيني تزوجني بدون هالشرط انا اسفه ما اقدر اعيش مع ضره ..والله يعوضني..حسسيه انه بيخسرج عشان يتحرك..وصدقيني الله بيكتب لج الخير ..وانتي بعد استخيري

 

[جنسية المعاقين]

حنين
بغض النظر عن تفاصيل قصة حبكم
الا ان التكات الخفيفة هي اللي تظهر الشخص على حقيقته وتبين معدنة
هو يفكر بالزواج الثاني لاسباب
انك مو بنت بمعنى سبق وخضتي تجربة الزواج
وهو شاب لم يتزوج
واتوقع ان لدية شعور داخلي بعقدة من هالجانب
وزواجة منك مجرد فزعة
ولو كان يحبك اتوقع ما يردد هالموضوع حتى لو انه يبغاه فعلا
او يحاول يتلذذ بنرفزتك باشياء ثانيه
الله يخير لك الخيرة المباركة​

 

[جريئه]

والله رايي من راي البنات ماقصروا معك...
حسسيه انه بيخسرك ....ويتزوجك من دون شروط ولا لا...انتي ماترضين بشريكه ووجع قلب وشوفي شو ردة فعله؟....

 

[غلا روحي99]

والله انا رايي من راي لخوات خليه يولي الحين احسن مايخليج بعدين بحسرتج ويجعد يعايرج ان زين تزوجج

 

[كاتياباسل]

في البداية ياقلبي انتي معذورة بغيرتك وكلنا نغاااااااااار وامنا عائشة رضي الله عنها كانت تغار حتى قال عنها عليه الصلاة والسلام \\غارة امكم غارة امكم\\
الشي الثاني انتي لسى عالبر فكري واستخييييري ---- وبعدين اذاتقاليد عندهم فاالله المستعان اكيد بيمشي نفس الدرب وهو قالك وصارواضح معاك بعدين لما تتزوجيه وتعارضي زواجه بيقولك انتي كنتي عارفة وكد قلت لك ايش الجديد
فيه نقطة كمان الاهل لما يكونوا مو موافقين على زواجه منك واقنعهم يعني وافقوا مكرهين ماراح ترتاحي معاهم واتوقع والله اعلم بيسببوا لك مشاكل كثيييييرة ------فكري كمان وكمان واستشيري من تثقين فيهم واكثري من الدعاء وحكمي عقلك قبل قلبك وعاطفتك
اسال الله ان يختار لك مافيه الخير
\\ وحيااااااااااااة زوجية سعيدة خالية من المشاكل\\

 

[عشيبه]

السلام عليكم ورحمه الله وبركاته ---حبيبتي وشلك بعوار الراس صدقيني تتركينه الحين على برا الامان احسن من تتركينه بعدين اوترجعين مطلقه مره اخرى اختي نصيحه ان كان احد متقدم لك غيره اومناسب وافقي عليه شكل الرجل هذا ضعيف شخصيه اورايه من راي اهله والي رايه من راي اهله رايح تكون حياتك تعيسه اسالي مجرب حنا ماخرب بيوتنا الا ضعف شخصيه ازواجنا اما م اهلهم --بالنهايه الراي لك حنا مجرد راي لاتقولي احبه حنا كنا نحب ازواجنا اولما شفنا عدم الراحه قررنا الفراق وحنا نحبهم صقيني حره شوي ولا حره دايم بعدين الرجل الي يحب بصدق مايناظر لهله صحيح يمكن مغلوب على امره بس حتى لوكان الي يحب وحده مايفكر بغيره لانه عارف انه رايح يظلمها والله يوفقك (حسبي الله على من ظلمني الله ياخذ بحقي منه )

 

[مملكة الأحزان]

لاياختي تكفين

لاترخصي نفسك من اولها

بالله قوليلي كيف بتعيشين معه على هالوضع

طيب ماحاولتي تبنين علاقة حلوة مع اهله قبل الزواج

الوحده ياختي تمنع نفسها من الزواج من رجل معه امراه عشان ماتكون ضره وعشان متجيب لنفسها الهم

بالله عليك كيف ترضينها اذا هو يحبك بيتزوجك وبدون هالشرط بس لاتقبلين بهالشرط ابدا

هو الله يجزاه خير صارحك من البداية يعني ممكن لو انه اناني كان قال اتزوجها وبعدين احطها تحت الامر الواقع مثل الرجال اللي مايخافون الله

لكن هو ابن حلال وادمي وصارحك بس انتي ماحتقدري تعيشي على هم الزوجه الثانية صح؟

الله يفرج همك يااخوات تكفون خلو المتزوج في حاله وابعدوا عن الزواج من رجل متزوج الشباب مافي اكثر منهم ارجوووووووكم خلوها رسالة لكل من يقرا

 

[مملكة الأحزان]

انا كتبت ردي الاول قبل مااقرا ردود الاخوات

وانتي شفتي اغلبنا راينا متشابه

في اخوات قالوا هو مايحبك لانه قاعد يردد وتصحيح لهم اخواتي الحبيبات

هو ممكن يكون اناني معها ومايقولها شي لحد مايتزوجها وبعدين يحطها تحت الامر الواقع

لكن الاكبر انه اهله له كلمه عليه مثل ماقالت وحده من الاخوات سابقا وترى يااختي اللي اهله له كلمه عليه اعرفي انو حياتك بتدمر مثلي زوجي ماله كلمه من ورى كلمة امه وابوه

لكن الله ياخذهم وارتاح منهم

 

[*حنين*]

جزاكم الله خير يا بنات وما قصرتو
كلكم تقريبا اجمعتو على اني اتركه
لكن كيف اقنع قلبي المتعلق فيه كيف؟؟؟؟
مافي حل ثاني يا بنات؟؟

 

[تفاؤل أنثى]

انا من راي الناعسة
​

 

[*حنين*]

مملكة الاحزان
كلامك صحيح وهو قاله بعد
يقول مابي اكذب عليك واطيح من عينك
مابي اقول لك ما بتزوج عليك وبعدين اذا تزوجت تنصدمين فيني
هو يداري خاطري وفاهمني وفاهم شعوري بس على قولته مايبي يخسر اهله

 

[مملكة الأحزان]

حبيبتي حنين انا متابعه قصتك على طول ويمكن شفتي ان لي اكثر من رد لانه والله امر مهم ولساتك عالبر ياقلبي

انتي ماعليك كلنا قلبونا تعلقنا في رجالنا وحبيناهم وتغيرنا عشانهم ونجري ورى اللي يرضيهم لكن انا اقولها لك

لو من البداية خضعتي له ولاموره والله راح يجرحك كثير اساليني واسالي الاخوات

انتي اذا تحبيه اقنعيه انه مايتزوج بعدك وخليه يضمنلك هالشي

هذا اللي عندي بس والله لاتتبعين قلبك لانه لما ينجرح قلبك مايحس بتعبك الا انتي ياحبيبتي

 

[*حنين*]

مملكة الاحزان
يا بعد قلبي مقدرة وقفتك معاي واهتمامك
بس مافي طريقة ممكن اقنعه فيها انه ما يتزوج؟؟؟؟ويرضي فيها اهله بنفس الوقت؟؟

 

[مملكة الأحزان]

اختي حنين انا معك في كل كلمة قلتيها لكن انتي ماحتقدري تتحملي انو زوجك وحبيبك يكون مع وحده ثانية

كيف بتستلذي بيوم زفافك منه بتنزفين وانتي حزينه خايفه ان الايام تمر بسرعه ويجي اليوم اللي ماتتمنينه

كيف بيكون لقاءكم الحميمي وانتي بتتخيلين كل شي يسويه معك بيسويه مع زوجته الثانية اللي بتكوني انتي السبب فيها

حبيبتي انا مابي اقهرك

كلنا عندنا مشاكل مايعلم بها الا الله وتمنينا اليوم اللي ماتزوجنا فيه

بكره ياحنين مع اي غيره او نظرة بتبدر منك لها او اي كلمة تقولينها له راح يكون رده الاول لك انتي رضيتي انك تتزوجيني معها

والاكيد ماحيكون لك رد خصوصا انك تحبيه يعني لو انه زوج والسلام كان ما بتهتمي بزواجه الثاني والا الثالث

انا من رايي الشخصي انك تقوليله التالي:

انك تحبيه وماتقبلي يكون لك شريك فيه وانه هذا رايك الاخير وبينيله هالشي بدون صراخ ونرفزه وقوليله انو لولا حبك له مامنعتي نفسك منه لاجل انه هو يرتاح وانتي ترتاحي

وشوفي ايش بيكون رده الله يوفقك ياحبيبتي وسامحيني عالقصور

نسيت اقولك ابعيد الشر عنك ترى الطلاق الثاني اصعب من الطلاق الاول ياقلبي وحبي نفسك حبي نفسك حبي نفسك

 

[*حنين*]

مملكة الاحزان
ربي يبعد عنك الحزن ان شاء الله
وربي هالكلام اللي كتبتيه افكر فيه باليوم مليون مرة
كيف اقدر اكون سعيدة معاه وانا خايفة انه بأي لحظة يجي ويقول لي انا بخطب
آآآآآآآآآآآآه صعب صعب صعب هالموقف
بس حبي له كثر خوفي وترددي الا اكبر بكثير
راح اقول له الكلام اللي كتبتيه والله المستعان