يجرحني كثيرا بتهديده بتركي

[rare flower]

السلام عليكم ورحمة الله وبركاته ...



انا مخطوبه من شاب احببه ويحبني كثيرااا
ولكن مشكلته دائم التهديد بتركي خصوصا عندما نصل على طريق مسدود ..
بالبداية .. عندما تحصل مشكله بيننا كان يفضل نبتعد عن بعض لفتره .. انا لم اكن اتحمل بعده عني وابادر فورا بالاتصال او السوال عنه وحتى احيانا اعتذر له ... بالرغم اني لم اخطئ ولا يهدا لي بال اذا كنت انا المخطيه بحقه .. واسعى دائما لرضاه .. ويعتذر هو ايضا اذا أخطا بحقي .. وكان يبرر غضبه على انه غيره او خوف علي ..

مثال : عندما اخرج لوحدي بدون رفقة اهلي ..
بمجال عملي واحتكاكي برجال
ذهابي للمستشفى وانا بحاجه له لوحدي ..
قوله بحق اهلي : ( ماعندهم حياء !وانا راح امشيها هالمره بس المره الثانيه اعتبرينا انتهينااا حتى لو كنا مملكين وخالصين - انا لدي خطوط حمراء لا احب تجاوزهاااا ) ..
وغيييرهااااا
اهلي لا يمانعون ذالك لثقتهم الكبيره بي ونحن عائلة محافظة ايضااا !
احاول ان اتفهمه ولكن اعتبر ذاك قلة ثقة بي .. وعدم احترام

وانا لا افكر ابداا بتركه ومتعلقه به لدرجه كبيره بل احاول دايما ايجاد حلول واتفائل كثيرا بعلاقتنا
قال لي مره : ( وصلنا لمرحلة لم يعد فيها ما نتكلم فيه واتوقع بعد سنه من زواجنا راح ينام كل واحد بغرفه لحاله ) ..
وتكلمت معه بأن كلامه ضايقني ولازم نكون سواء بالحلوة والمره ودامك لقيت هالشيء متغير فيني راح اعدله

انا احاول اعدل اشياء كثير بنفسي لترضيه بينما هو لا يتنازل ابد فمثلا .. مشكله غضبه السريع - غيرته !؟؟ وقطع كل الحبال بلحظه غضب
.. يجرحني كثييييرا عندما يفكر بتركي يشعرني بأني رخيصه عنده لآنه ينطق بها بسهوله بينما انا افكر بحلول يفكر بالانفصال

هل تهديده بتركي قلة احترام لي؟

كل ما اخشاه بعد الزوواج ممن احببت ان اصبح مطلقه بلحظه غضب !
عندما افكر بالنهايه اشعر بالكأبه وحزن شديد ولا اطيق التفكير بأي شيء اخر ...
مشوشه لآبعد درجه واشعر اني تحت ضغط كبيرر .. انااا اشعر بالامان معه ولكن احس بقيود كثيرة
انا اؤمن بان الزواج الناجح احترام وثقه وتفاهم قبل ان تكون مودة وحب ..
ولكن لا اعلم ماذا افعل الان؟؟

نمطه ....... شمالي غربي


ارجوو النصيحة منكم

 

[elly]

باقي مخطوبه وجالس يهدد ...؟!!!!!!
والله مدري اخيتي بس يمكن انتي محسستو انك ماااااره تبيه ولازقه فيه .....

خلي مشااعرك متوازيه ....

ان شاء الله يفيدونك البنات .

 

[لروووو]

حبيبتي لاتزعلي احس ان خطيبك ماعندة سالفة واناني واهم شي هو مايزعل وانتي با الطقاق
اولا لاتكثري اتصالات اذا حسيتي انة مو مهتم باتصالاتك حتى انتي طنشي وصدقيني راح يفقدك واذا سال لة مادقيتي قولي مشغولة باي شي يعني تحججي بادب
وحكايت اهلك لازم يحترمهم ولا يقلل من رجولة ابوك واخوانك خير انت رجال تغار والي عندي مورجال
وعودية حتى انتي انسانة لازم يتحمل اغلاطك زي ماتتحملية ولا يغير من نفسة
ولاتكثري اتصالات وهذاعن تجربة
واسفة غلط علية بس هو شايف نفسة

 

[خاله سوسو]

أنا شماليه غربيه ,,

أصحاب النمط الشمالي الغربي يكرهون أي شخص يتلزق فيهم مررره بمعنى أصح الي يحسون انه ما يستغني عنهم , يكرهون ويحتقروون ضعيف الشخصيه , دائما يتخذون قرارات بدون استشارة الطرف الآخر وبتسرررع حتى لو ادى قرارة للفراااق بينكم لا تستغربين كما قلت لك احنا اصحاب النمط هذا نكره ضعيف الشخصيه , لااازم توقفينه عند حده صدقيني بتكبرين في عينه , واذا تبغين مساعدتي ماا عندي ماانع أبدا​

 

[مارون جلاسي]

شوفي حبيبتي الشمالي الغربي يبغى وحده تعرف ايش تبغى لا تصيرين مثلي وبعدين تصحين..
صدقيني لما تغيرت على زوجي هوه اللي رجع لي ولما هددني بالطلاق ووقفت له وحطيت له حد هوه اللي رجع يدور رضاي..
اذا هددك قولي له مو انا اللي اتهدد ومثل ما ترخصني ارخصك وانا بستخير بامر زواجنا مره ثانيه واهلي وهمه اهلي اللي ربوني واثقين فيني ولا تحاول تجي مره ثانيه تقلل من احترام اهلي او تخدش في تربيتهم لي..
وبالاخير قولي له اذا انت شاكك فيني من اللحين فكل واحد بطريق.. لا تبكين ولا تضعفين وبيني له اللي انتي تبغينه ووضحي له انه اللي يبيعك تبيعينه..
حبوبه لما يكون هوه غلط عليك اسحبي عليه ولا تكلمينه ولا حتى ترسلين مسج.. واذا انتي اللي غلطي عليه اعتذري بدوووووووووووووووووون دموع..
وخلي له مساحه من الحريه خليه يحس انه حر مو مخنوق الشمالي الغربي كل ما عطيته مساحه حريه يرجع لك بشوق..
اهتمي بنفسك بانوثتك بشكلك وخلي حياتك طبيعيه ولا تتغيرين هوه ما حبك الا بشخصيتك اللي انتي عليها..

الله يوفقك يارب ويرشدك للخير..

 

[المقتولة]

باختصار اذا قالج لج بتركج قولي اوكي نحن فيها ويلا باااااي ... ولا تدقين عليه ... وهو ماراح يدق على طول بيقول انج بتدقين انتي صدقيني مافي الا ساعات قلقلة وبيدق يقول لج انتي من صدقج انا كنت اقص عليج ... لا تلزقين فيه وايد ولا تتصلين فيه وايد تغلي...

 

[emy 2m]

حبيبتي لازم تضعين انتي الحدود فلا يجب ان تتنازلي لترضيه
فانتي لاتفعلين شيئا محظورا
اعلمي ان خطوط حياتك مع زوجك في المستقبل تبدا مرحله الخطوبه
فلا بد ان تخطيهابما يتناسب معكما وبالتفاهم من غير تنازل
اسئل الله لكي التوفيق

 

[انثى خلوقه]

الرجال بجميع انماطهم لايحبون ضعيفة الشخصيه, ولا يحبون اللي تركض وراهم,(قوة الشخصيه مب بصراخ ولا هواش ),ولكن مطالبتك باحترامه لك مثل ماتحترمينه ,وهدي ابسط حقوقك,حطي له حدود من الان والا ماراح تقدرين عليه بعد الزواج,موفقه حبيبتي

 

[كرز توت]

طمنينا ايش صار معاك

 

[rare flower]

شكــــــراااااااا لكم بنااات مرررررره ...
امس طول الليل سهرانه اقرى بالمنتدى وفهمت شخصيته الان ..
وانا فعلا ألين بسرعه وارضى بسرعه ..

هو مشكلته ما راح يتنازل يتكلم معاي لأن انا المخطيه الحين ... انا تنازلت وتكلمت معه عشان نتفاهم ونحط حدود اذا انت ما ترضى زوجتك كذا انا ما ارضى زوجي كذا ..

اووووووول مررره اكون قويه وانا ارد علييييه ومن داخلي خايفه من ردة فعله ينفرررر او يعصب زيادة ...
بس الحمد اللله تجاوب معاي وتفاهمناااا ..

قال : (( انا ما هددتك بس اوضح لك واحط النقط على الحروف وانتي تفهمين ذا تهديد دايم ..
كيف اهددك واعيش معك ؟؟
واصعب خلاافات هو خلاف العادات باقي الخلافات سهله ... ))

قلت له انا برضه اهلي محافظين .. وعندهم اروح واطلع لآي مكان بحريه بشرطين
يكون عندهم خبررر
وما يكون شيء حرام ..
انا ابغاك توثق فيني .. وما ارضى لك او لاحد غيييرك يتكلم لا على اهلي ولا على اهلك بأي سوء ..

ورجع اعتذر مني وقال انتي واهلك فوق راسي ..


بناااااااااااااات انا اشكركم جميعااااااا من كل قلبي بذا المنتدى لقيت طريقه تساعدني ...

 

[توتونجد]

الله يوفقك يارب ​

 

[دمعي على خدي]

ياقلبي خيييير هذا وانتو باقي مملكين اجل لو تجزجتو وش بيصير حشا من اول حوار بينكم بيعصب وبيتركك لا قلبي
كلميه بصراحه وانتي غلطانه لو انتي ماغلطتي ليش تروحي له لو زعلك لاتتنازلي تروحي له لو غلط هو
حتى لو تحبيه خلي يحس بيقيمتك
كلميه بجديه الان او لما تتكلمو اي وقت قوليله شوف يا ابن الناس انا احبك وشاريتك بس اذا انت بتكون تهددني كل شوي بالانفصال مابي نرتبط ببعض واتعلق فيك بزياده وانجرح اذا مابتترك هاذي الكلمه خلاص ننفصل وخلاص
واتكلمي معاه بجديه
هذا الي اشوفه وانتي براحتك
بس اذا عودتيه من الان تراضيه وهو الي مزعلك صدقيني بتنقهري اذا مو الحين بعد الزواج
لكي الخيار..؟؟

 

[rare flower]

اللله يوفقكم كلكم ياااااارب ويسسخر لكم الخير من حيث لا تحتسبون ...


دمعي على خدي .. كلامك صح معاك حق ...

انا بعد فيني مشكلة .. ما احب المشاكل واتنازل بسرعة في سبيل نعيش بسلام ويبطل عصببببيه .. واقول بنفسي احبه ياربي وش اسوي طيب ....
وذي كانت طريقتي معه ومن جد على الطالع والنازل يكرر كلمة نترك بعض فتره , ننفصل ...
:8:

هالمره جربت زي ما قلتوا تكلمت بطريقه واضحه معه وتكلمت عن الحدود عشان محد يجرح الثاني .. وانا ما قد جبت طاري عن اهله او قلت كلمه سيئه بحقهم .. بس هو كان يضايقني بكلامه عن اهلي وما احس فينا شيء غلط احنا طبعنا كذا ...
وهو طبعه غير عناااا ..

 

[قمر بلامنازع]

ااه من الحب الي بيودينا ورى الشمس

قوي قلبك يالغاليه قويه​

 

[اتعبني هواك]

والله ياقلبي إذا كل مره يهدد بسلامته
كيف بضمن حياتي مع شخص كل ماشاف علي زله يهدد ويتوعد انه يتركني
طيب جبتي منه عيال وصارت مشكله ونفذتهديده وش تسوين تبلشين بعياله
حبيبتي لاتسكتين سكوتك لتهديده اهو اللي خلاه يتمادى وراح يتمادى اكثر إذا ماوقفتيه عند حده ماأعتقد ان اهلك لو سمعوه بيسكتون انتي مومرميه بالشارع
او مبتلشه بعمرك لاعيوني ألف واحد يتمناك واهو اللي خسران والدليل كلامه لمن شافك طالعه وش قال راح اتغاضى يعني لو انه صادق بتهديده كان تركك من زمان بس اهو استحلى لهالشي وهذا أكبر غلط لمن كل مره تسكتين ولاتردين عليه
قولي له لو عادها لك اسمع ياولد الناس صح اني احبك وشاريتك بس ترى مومبتلشه بعمري ولاني مرميه بالشارع وإذا انت بتهديدك تشوف اني مومناسبه لك الله يستر علي وعليك ماأعتقد ترضى على اختك لو خطيبها كل مره والثانيه يهددها ويقول إذا ماصار هالشي بتركك انا بنت حمايل ويكفي اني من عائله محافظه وفيه من يتمنى قربي
انا ماأبي مشاكل بس شفت هالشي تمادى وحبيت ابين لك وجهة نظري وبس..

 

[مصدومه من الناس]

الله يقويك وتاخذين حقك وحق اهلك مع اني ماني فاهمه السالفه ملقوفههههههههههههههه

 

[الجده الصغيره]

بدايتك رااااااااائعه واستجابتك سريعه وتطبيقك عملي.........اهنيك يالغلا واستمري بالقراءة عن مطه تى تمتلكيه.........خاااالص دعواتي لك بحياة سعيده......