يتيم الأب هل يتحمل المسؤولية...إستشارة

[غزالة_ماتصاد]

كيف الطريقة المناسبة للتعامل مع الزوج يتيم الأب..؟؟؟؟؟؟؟

أب زوجي توفي وعمر زوجي 1 سنة واحدة ..
وبعد وفاته الله يرحمه لم تتزوج والدته.. وكانت له الأم والأب.. ودلعته آآآآآآخر دلع
حتى إذا صارت مشكلة فالمدرسة هي إللي تروح و دافع عنه
كانت تروح للخياط الرجالي ..عشان تفصل لولدها الحبيب ثياااب كشخة
............والكثير والمزيد من العطاء الخ..
النتيجة للأسف زوجي ماعنده أي احساس بالمسؤولية رغم طيبته وحنيته وأسلوبه الراقي وكذلك احترامه وتقديره للمرأة..
لكنه يبغي كل شي جاهز.. وأنا (الزوجه المسكينة) المسؤولة عن كل شي
تخييلي حتى وقت ولادتي خاف يوديني عشان السالفة فيها توقيع هههه يقول حياة و موت ..ودتني أمه الله يخليها له
..
واذا فتحت موضوع للنقاش يتمصخر وأبداً أبداً ماياخذ الكلام جد!!! مايتقبل مني غير الحب والتدليع والاهتمام..
لكني أريد رجل أعتمد عليه.. أرجوج.. كيف أغير هالشي فيه؟؟؟

 

[الجنة اغلى]

الله يعينك هذا يبغاله اعادة تاهيل وتدريب على تحمل المسؤليه
بس المفروض اصريتي على انه هو يوديك المستشفى
وانشاءالله مع الوقت يتغير

 

[نايس هواوي]

يتيم الاب مايتحمل مسؤله ابدا ابدا (اخوي وزوجي نفس الطبع)
زوجك جنوبي شوفي طريقة التعامل معه

 

[غزالة_ماتصاد]

يعني ماكو حل؟؟

 

[وله المحاكي]

والله يابنات مو كا يتيم كذا 00 شوفو كثره الدلع وادلال الزايد تخرب سواء البنت او الولد

انا اعرف قرايب لنا ماشاء الله 00 ابوهم توفى وهم صغار

واللحين ائمه مساجد 00 ومتزوجين وماشاء الله عليهم 00 انا اللحين احاول اني ماللبي كل شي لولدي ولااقصر عليه

الحمدلله بس مابي ادلعه واحسسه دايم انه كبير ويفهم 0000 حتى ان الوالده الله يحفظها يارب لاعقبته تقولي لالاحرام عليك هذا يتيم ؟؟ قلت يمه مابي كثره الدلع

راح تعطيني نتئج سلبيه 00

والمعذره ع الاطاله عزيزتي

وانتي الله يوفقك ويعينك يارب 00