( يتبع ) لي شهرين متزوجه يوم رجعت بيتي

ق

قلـ وترحساس ـبي

New member
إنضم
2008/06/23
المشاركات
161
انا كاتبة هالمشكله



قلـ وترحساس ـبي قال:
اهلين
الله يخليكم ساعدوني ماني عارفه وش اسوي ووش اقول ووش اكتب
اليوم قلت لزوجي اني باروح مع اهلي لقريتنا وقلت له اننا بننام
يوم رحت فجاه غيروا اهلي رايهم ورجعنا
قبل مانرجع دقيت على زوجي مارد علي قلت يمكن نايم
رجعوني اهلي بيتي وراحوا المهم رنيت الجرس وفتح لي وتفاجأ
قال لي وش جابك :30:
عيونه حمممرا
اول مادخلت كان فيه جيك ابيض في الصاله علطول اخذ الجيك وحطه بالمخزن وكمان فيه على الطاوله كاس ريحته غريبه:33:
رحت اشوف وشو الجيك كمان ريحته مقققرفه
وش تتوقعون
ممكن يكون خمر :30: !!
والا وش يكون؟!
وربي محتاره ماادري اواجهه اقول له والا وش اسوي
اخبي الجيك عندي
هو من قبل مااتزوج قال لي انه مايدخن وصار يدخن ومايحافظ على الصلاة
وزياده على كذا خمر !!!!!
وربي ضاااايعه ماادري وش اسوي
لاتحرموني خبراتكم وش اسووووووووووووووووووي
أنقر للتوسيع...





راح يومين وانا ماسويت ولا شي
كنت شاكه اني حامل وابي اروح احلل قبل
مسكت نفسي يومين وحللت وطلعت فعلا حامل !!!
اليوم خلاص ماصرت اتحمل قلت لازم اساله
رحت ابي ابدل ملابسي علشان انام واخذت الجيك وسالته وشو هذا



تدرون شنو قاال
قال هذا يستخدمونه في الحمام
قلت له ريحته غريبه ومقززه
قال اكيد لانه حق حمام
يستغفلني ياناس
يستغبيني ياعااااااااااالم
مااقدر اقول له شي لساني مربوط
قفلت غرفة النوم علي وبكيييت
يوم جاء يدخل الغرفه تفاجأ اني مقفلتها وظل يطق الباب لين فتحته
يقول ليه مقفلته
غلطان !!
ويكابر
يدري اني عارفه كل شي ويستغبيني
حامل بولده ولا حاول يراعي نفسيتي
مكشووف ويستغفلني
نام وعطاني ظهره وانا طلعت استشيركم
ماادري وش اسوي
محتاره
وش اقول له
ودي ابين انه غلطان بس ماابي اجرحه ولا ابي اهينه
ماني عارفه وش اسووووووووووووي !!!!!
 
اجلسي طبطبي عليه !!>>قهرتيني احسك سلبيه ايش مستنيه؟
حبيبتي خشي في عينه وقولوا انا شاكه انواللي في الجيك هوه خمر !! قال للحمام قال ّّ
انتي حامل الان ومافيه داعي تراعي شعوره اكتر من كذا ّّ
 
الله يفرج همك

خوذي الجيك ونظفي به الحمام وشوفي وش يقول
واذا خايفه منه بس حطي الجيك بالحمام وبكرا قولي كيف استخدمه بالحمام

ادعي ربك
القلوب بين اصبعين من اصابع الرحمن
الله يهديه ويبعده عن الحرام
والله الدعاء سلاح غافلين عنه
وهو اقوى سلاح بيدينا
لا راي فلان ولا علان
 
آلله يفرج لك همك
روحي لاهلك و لا ترجعين لما يسوي تحليل دم
نصيحه إنتي في بطنك نفس حرام تنظلم
 
أختي أسأل المولى مع هذه الساعة المباركة أن يفرج همك ويشرح صدرك الليلة جمعة والدعوة مستجابة التجئي لله انكسري بين يديه وادعي الله أن يهديه واضح هذا خمر يمكن أراد الله أن يكشفه قبل فوات الأوان حتى تنتبهي لنفسك فالخمر أم الكبائر والعياذ بالله
 
ياأختي كيف ماتبغين تروحين لأهلك نصيحة لوجه الله مادامك على البر حاولي تتصرفين بكره تكثرالمسؤوليات عليك في ذاك الوقت راح يدري الجميع مو بس أهلك
 
عاااادي خيتي واجهية وقوليلة وش ذا وخلك قووووووية مو بس علشاااانك على شاااااان اللي ببطنك الله يحفظك تفاهمي معة حبيبتي وبغيت اسالك انت يعني ملاحظة علية تغيرر سوا بتصرفاااااااتة او بكلامة او انة مثل قبل تاكدي بالاول من هذا الشي وبعدهااااا صارحية وقوليلة اللي بخااااطرك وربي يهدي خااااطرك ويفرجهااااا عليك يااااارب ويهديلك زوجك
 
مااقدر اروح لاهلي
ماابي اضايق امي واقلق ابوي علي
مااقدر
أنقر للتوسيع...

خلاص اجل تحملي اللي يجيك يعرفون الحين احسن من يعرفون بعدين وانتي مطقوقه ولا معك ثلاثه
حبيبتي زوجك خمار واللي معه هذ اسمه عرق اصحي لنفسك ولا تظلمينها وتظلمين اللي ببطنك واجهيه ولاتقبلين توسلاته االاا بعلاج وتحليل وروحي لاهلك صدقيني بتندمين اذا تهاونتي ارجو ماتزعلين بس انتي توك متزوجه وحنا نشوف شي انتي لسى ماشفتيه والله يكون بعونك .
 
لا لا تخشي في عينه
حلوة منك انك خايفة على شعورك
باين منك ما شضاء الله انسانة متفهمة وتبغي تحافظي على بيتك
ما دام انه انكر خلاص طنشيه
ما دامك في بداية حياتك الزوجية
خليك انتي الام
الاخت
الصديق
الابنة
خليكي اميرة امامه
راح يخجل من نفسه ويتركه
 
بيني له انك ماتبينه يكررها باللين مو بالهواش ( ماكان اللطف في شيئ الا زانه ومانزع من شيئ الا شانه) والا قولي اني بقول لاهلي وافضحك واطلب الطلاق وتخرب بيتك ( خوفيه) والله يهديه لك
 
حاولي تسألينه مره ثانيه اذا جاوب عليك بنفس الطريقه واجهيه بانو خمره واطلبي تروحي لاهلك صدقيني مارح تقدري تعيشي على هالحال وحتى اهلك وضحيلهم الموضوع واكيد بيوقفون معاك والله يصبر قلبك ويعينك .. وأهم شي انتــــــــي هذا الأهم والمهم.
 
حبيبتي قلنالك لاتسكتين يعني ماعرفتي تقولين له شايفني غبيه تقول ينضفون به للحمام ادري انه خمر,, بعدين وش هالعاطفه عندك ماابي اهينه حبيبتي انتي كذا تحددين مصيرك معه يعني يايعقل ويصير رجال ويترك هالبلاوي ولاالله يرحم حالك شوفي البهذله مع واحد سكران وانتي توك بعز شبابك حبيبتي اصحي انتي حامل الحين يعني اللي شفتيه بالجيك بتتعودين عليه وبكره لاجاك الطفل بيوعى على ابو سكران واخرتها بتقولين ياليت وياليت ماتعمربيت ادري قسيت عليك بكلامي لكن هذا لصالحك لاتقولين بصبر وبتحمل اللي انتي بتتحملينه تراك بتعيشين معه عمريعني موشهرين ولاعشر واذاهذا اوله شلون تاليه وقفيه عند حده واذا موعارفه تفتحين الموضوع معه خذي الجيك واهو يشوف ومري عنده قولي تبي شي قبل لااغسل الحمام لاقالك شي ردي عليه وقولي ادري انه خمر وتكلمي معه باسلوب تخلينه يستحي على دمه ولاسكت وحسيتي انه وده يتكلم برضو قولي له
واذاعلى قولت تخافين انك تجرحينه ولاتهينيه خلك على حالك وعضي اصابعك ندم بعدين كان الله فعونك
ردي عليه واقولي ادري
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل