يا وليلي شغالتي فيها قمل وسوت لولدي..............!!!!!

سندريلا زوجي

سندريلا زوجي

New member
إنضم
2008/12/14
المشاركات
536
صارلها عندي قريب...........والاحظ انها تتحكك..............(ياااااااااااااااك)...........لقيت في ولدي قمل .وسيده رحنا انا وزوجي الحلاق وقصينا شعره...............وكل يوم والثاني أغسله ...في البداية افتكرت انه من الحضانة بس قلت هو من يوم ثمان شهور عندهم ولا مرة صارله ايش معنى الحين وانا الغبية كله جالسة ادافع ................

المهم الحين متأكدة انها هي................(قرف)....................ومفكرة اول ما ارد البيت اشيل شعرها كامل طبعا بعد ما اخيرها اما احلقه او اسفرها لان ما فيني عاللوعة والوسخ والامراض.....................قولولي حلي صحيح؟
 
خليها تغسل شعرها زين ما زين ولا تدهنه واشتري لها شامبوا قمل ومشط للقمل لا تخليها تمسك ولدك خلي ادواتها بروحها بعيدة عن ادواتكم بذات الفوطة وملابسها
اتذكر مرة جارتنا شغالتها فيها قمل رشه شعرها بفليت وبعدها خلتها تمشطه وتغسلة
 
ما اعرف.......وع وع ووووووووووووووووع...لله يعينج...رشيها بفليت
 
فليت؟!!!!! لا تموت علي؟!!!!!!

المشكلة شقتي صغيرة يعني غرفتين وصالة وين اشرد عنها؟!!!! يا ربي شو هالورطة؟!!!

يعني ما تنصحوني اقص شعرها كامل وافتك خير شر؟
 
عزيزتي سندريلا تجدين في الصيدليات ماده على شكل بخاخ للشعر خاص للقمل
أطلبي من الصيدلي يعلمك على طريقة الاستخدام ـ ـ تبخين لها لمدة ثلاث أيام
مع الاستحمام يوميا والتمشيط في الحمام بمشط له أسنان صغيره ــ مع غسل الفراش ووضع جميع ملابسه وأغراضها في الشمش (مجرب) الله يعينك على القرف​
 
لاحول ولا قوة الا بالله
لاتحلقين شعرها في وحده شغاله حلقوا شعرها وسارت اشتكت عليهم وعوضوها ب8000 درهم
عالجيها بهاي الاشياء من الصيدليات
والله يساعدج
 
تعرفوا شو سويت خذيت دواء من الصيدلية ومشط خاص للقمل...........وأدخل وياها الحمام ..والله يا بنات جلست اغسل شعرها وامشطه..................(يااااك)...بس ايش اسوي .....ما اوثق احطها بروحها تهتم........وقبل اتصل بمكتب الشغالات وخليت المترجمة تفهمها ان عندها اسبوع لو ما اهتمت انا ما اريدها,...عشان تخاف وتهتم.....وما بخليها الا وشعرها يلمع من النظافة....هي زينة وبنت حلال وتحب ابني وهو يحبها ...غير انها هادية وفي حالها....عشان كذا ما اريد افرط فيها وبالعكس اساعدها تفتك من هالبلية......ادعولي بس افتك من هالبلا..........
بخليها تغسل شعرها يوميا يوم بالدواء ويوم بالشامبو العادي وتمشطه لين ما اشوف ولا شيء في راسها
 
أحسن دواء للقمل ومجرب ومضمون بودرة بف باف اللي مخصصة للحشرات الزاحفة تحطينها في زيت شعر بدون ريحة وتخلينها ساعتين على شعرها ثلاثة أيام ورا بعض وينغسل الشعر بشامبو القمل اللي في الصيدليات تراها مجربة .
 
سالفة البيف باف تخوف بصراحة لا تسمم والا شيء!!!!

حتى امس لما حطيت لها الدوا جلس يحرقها لان الظاهر متجرحه من الحكة...فما بالك بيف باف..................
 
ضحكتيني انتي جايبه شغالة تشتغل ليش او انت تشتغل لي لها في راسها الله يعينك اختي
 
لا اختي لاتشيلين شعرها بعدين تحقد عليك والضحيه ولدك

اشتري لها شامبو القمل وخليها تهتم في نظافتها

واذا ماهتمت سفريها قبل ينتشر القمل في البيت كله

والله يعينك
 
والله الشغالات بلوة..........ولو ما مضطرة كان فكيت من بلاها............بس الوضع صعب الحين بدون شغالة.وقاومت ما جبتلي اي وحدة وانا اشتغل وادرس وام وحامل بعد...........

لكن يا الله بتصبر لين ما افتك ترى يا اني ارجعها واجيب وحدة ما ينعلم كيف بتكون او اني اعلمها النظافة واصبر لين ما تعتدل..............
 
الله يكون في عونك..
لكن أنصحك ما تفرطين فيها دامها زينة..
لكن نظفيها زين.. واستخدمي لها دواء القمل من الصيدلية..تبخينه على الشعر وتمشط شعرها بمشط له أسنان دقيقة.. لمدة أسبوع.. لكن هذا كله في الحمام.. لأن القمل ممكن ينتقل من خلال الفرش...
احتسبي الأجر أختي.. على أن تنالي ثوابا من مساعدتك لها.. وتنفيسك لكربتها.. لأن القمل بجد بلوى..
الحمد لله الذي عافانا..​
 
لايأختي مايسير تحلقين شعرها عالجيها وان شاء الله ربي يكتبلك الاجر
مهما كان هاذي انسانه وراعي مشاعرها لوجه الله والله محى يخيبك
 
حرام عليج اتحلقينها هاي حرمه واكيد تبت شعرها
اشتري لها شامبو مال القمل و المشط و خليها تمشطه في الحمام
 
اسبوع كامل وهي تستخدم الدواء وتمشط في الحمام على اشرافي والحمد لله في تحسن كبيرررر حتى حطيت شغالات الاهل يشوفوها وقالولي ان ما باقي شيء :)

الحمد لله فكة........بس ما اتطمن لين ما اشوف راسها يلمع من النظافة
 
الله يعينك استمري على البخاااااخ
والشامبوووو
حق القمل
وخليها يومياا تغسل ملابسها
وفراشها وكل اغراضهااااااااا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل