يا متزوجات من المريض انا الا وزجي

أ

أزهار الياسمين

New member
إنضم
2009/07/21
المشاركات
31
المشكلة باختصار متزوجه من ثلاث سنوات ولدي طفلة احب زوجي كثيرا مع عناده وحساسيته وزعله بس اللي كرهني فيه وشوه صورته انه كثير الخيانة ( زير نساء) يتحليل موضوع للاستاذة موزة خلفان يحب العلاقات مع النساء ويسعى للخروج معهن وعلى تواصل معهن بالمكالمات والرسائل والمسنجر كشفت علاقاته مره مع مطلقة مره مع بنت بالثانوي ومره مع شغالة تعبت من خيانته وكذبه اللي ما ينتهي وينكر في البداية وبعدين يعترف ازعل منه ووما ارضى الا بوعده بالتوبة وشروطي بتغير رقمه وترك وسيلة الاتصال بهن بس ما يتركهن يوهمني بأنه تاب وهو بعده على حاله ومستمر في علاقاته....
والله لو احكي لكم قصة كل وحده معاه وكيف عرفت خيانته يبيلها مجلد لحاله وبتعب قلوبكم معاي
واذا سألته أنا مقصره معاك في شئ يقول لا ..ويش تفسير اللي تسويه احيانا يقول انا مريض نفسيا واحيانا ابي من البنات فلوس واحيانا يقول هي اللي تبيني...
من تزوجت ما ارتحت من خيانته اشعر ما في امان معاه وما في وفاء واخلاص وحب والله صرت عصبية من الموضوع حتى على طفلتي وحتى القولون العصبي صار ما يقارقني ...
مؤخرا اشوف حالته زايده في البحث عن البنات عن طريق النت بكل الوسائل مواقع الشات ومواقع الزواج وما خلى وسيله الا سواها علشان يكلم ويواعد واكتشفت انه على علاقه مع بنات في المسنجر من انام يسهر ويكلمهم الى الصبح ولما واجهته نكر وبعدين اعترف وقال عادي ما فيها شئ كل الرجال يغازلون ويكلمون بنات وما رضى يتخلى عنهم ويتركهم قلت له احذفهم وخلنا نعيش بسلام ما رضى ويريد ان يقنعني بأنه شئ عادي واني انسانه معقدة ومتخلفه ومنغلقه وقلت اشوفكم يامتزوجات ترضوها والا...
هل توافقين ان يكون زوجك على علاقة ببنات في المسنجر ؟
وكيف اتعامل مع شخصية زوجي الصعبة والمعقدة ؟
ساعدوني ولكم الاجر.....

 
والله حبيبتي ما عندي شي اقوله لك
بس راح ادعيلك وانتي كمان ادعي عسا ربي يفرج همك
وعلى فكره الرجال كلهم كذا
كلهم يدورون ورا الحريم
حتى ولو كنتي منتي مقصره معاهم لازم الطمع
ومايحسبون اي حساب لأحساسنا ولا مشاعرنا
حسبالهم اننا جليد وقلوبنا حجر زيهم
 
لاحول ولا قوة الا بالله!!!


الله يسخر لك زوجك
 
قولي له إذا عادي أنابعد أبي أتعرف وشوفي شنو يرد
 
الله يعينك يارب ويهدي زوجك . وابي اقولك يا انعم احساس مو كل الرجال زي بعض ....!
 
حاولي تضغطين على اعصابك وتطنشينه مع الدعاء لان بعض الرجال اذا حس انفيه احد يراقبه زاد
 
يا غالية عليك بالدعاء له في قيام الليل وادعيله بالهداية قدامه يمكن يستحي على نفسه ويبطل

وقولي له ترضى بنتك لما تكبر لاسمح الله تعاكس او تكلم شباب على الماسنجر؟؟؟؟

طبعا ما حيرضيه الكلام
 
لاحول ولا قوة الا بالله ...
اكيد غلط بل حراااام الي يسويه زوجك !!! هذا من الرجال الي في قلبهم مر ض والعياذ بالله ....
استمري بنصحه وتخويفه بالله , واضغطي عليه واذا كانت مكانتك قويه عنده اتركيه ولاترجعين له الااذا وعدك واقسم ايمان مغلظه ان يترك هالحركات !.....
 
شوفي اختي راح تصبري عليه لين يجيبلك الامراض المفروض تصيرين حازمه معه وبالتدرج

خليه يبطل مقابله الصايعات بتهديد منك بفضحه ولا تنامي الا لما ينام يعني الزقي بوه عند الماسنجر

لايجلس لحاله اشغليه دايم لايصير عنده وقت فراغ

والله يهدي لك ويصلحه
 
اعوذ بالله وش هالرجال قوليييييله بعد انا ابي يكون عندي علاقات بالتليفون والماسنجر لما احتاج فلوس ولما ابي اسمع كلام حلو ينسيني القرف الي انا عايشته معك ترظى؟؟؟؟؟؟؟؟؟؟
 
ادعيله بالهدايه والصلاح بقيام الليل وكثري من الاستغفار
كان من البداية خيانته اخذتي موقف منه عشان يبطل ولايلعب بذيله
وعضية بالقصص قوليله كل دائن مدان انت تسوي كذا مع الناس فيوم من الايام الله يسوي كذا بخواتك وبناتك
اذا هن صايعات تصير مثلهن!!!
والحين يطلعن معك يعني مايقدرن يطلعن مع غيرك !!
وهل ترضى اني اكلم رجل بالمسن؟؟؟
وعضية وخليلك موقف منه اذا كان الله يستر يمارس الجنس مع الطملات بكرى يجيب لك الامراض
 
اشكر كل من ردت علي والله يوفقها ويسخر لها وزجها ويسعدها معاه....
بالنسبه لزوجي اناني وغيور وعنيد لدرجة شديدة ويسمح لنفسه بالتصرف بحرية كونه رجل اما انا فلا قلت له هل تسمح ان اكلم شباب بالمسنجر يقول انتي مرأه غير أنا اذا اكلم اختي او اخوي يموت قهر كيف شباب ؟

قبل كانت خيانته مخفيه اما الان يريد ان اعلم بها واسكت لانه لايستطيع مقاومة الخيانة هي بدمه ما يستغني عنها والنقاش والحوار وياه عذاب يريدني ان اكون معاه كالعسل ولكن مالي دخل من يكلم وويش الحديث اللي يدور بينهم وقلت له خلاص ما عليش اشوف سوالفك مع البنات ليش من جيت لك سكرت المسنجر ما دام السوالف عادية والمشكلة ان زوجي يموت في الجنس لكن بخيانته ينفرني من الجنس معاه لانه يتعامل معاي كجسد ولا يهتم بعواطفي واحاسيسي........
سؤال لمن عانت من مشكلة مثلي الله لا يبليكم كيف تتصرف معاه يقولوا طنشي بس يوم طنشت تمادى وقال ماحست وزاد وان راقبت وسألت تضايق مني.....
حيرة وعذاب .....
 
لاحول ولا قوة الا بالله العلي العظيم
استغفر الله العظيم الذي لا الاه الا هو الحي القيوم و اتوب اليه
اكثري من الدعاء و الاستغفار و الصدقة
و كان الله في عونك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل