دمعة مشاعر
New member
- إنضم
- 2008/04/02
- المشاركات
- 2,078
الصمت يكفي ويشفي صدر راعيه
لا صار كل الحكي مالـه معـــانـي
والقلب ما عاد تعنـــيه المـشاريـه
والعين ماعاد تغريهـــا الامانـــي
والخاطر العمس من يقدر يســـليه
الناس والا الــشعـر والا الاغانـي
يا كاتب الحزن في قلــبي وقاريـه
في نظرتي في انفعالي في حنــاني
ياليت حزني مــجرد دمـع وابكيـه
ماهوب عايـش معي بين المحانـي
ماهوب يظهر علي واحاول اخفيه
و تصير نظرات حزني هي لساني
لو للسحايب سجن يا عــبرة التايه
والله ما احبــــسك بخفاقـي ثوانـي
مدري ذكرني زمان كنت ناســيـه
مدري ذكرت الزمان اللي نسانـي
كنت اكره البحر واخاف الغرق فيه
و اليوم احبه واخاف من الـــمواني
كنت اعشق الجاي باحلامه وامانيه
يا ما بـــــــنيت بخيالـي لـه مبانـي
ياما رجيت العطا من مــــدة يديـه
حتى خذا كل شي ومـا عـــطانـي
