يا حريم القصيم أبغى منكم خدمة ؟

[لغتي هي عيوني]

السلام عليكم ....

كيفكم إن شاء الله بخير كلكم :32:...

ماراح أطول عليكم .. لكن حبيت أستفسر عن مستشفى الــــــــوفــــاء

اللي في محافظة عنيزة ...

1/هل هو مستشفى نظيف ومعاملتهم كويسة :22:.
2/هل خياطتهم زيييييييييييينه ولا يعني :23:.
3/هل عندهم الأبره اللي تاخذها الحامل عند العامود الفقري
علشان ما تحس في أي أوجاع الولادة (أبغى وحده مجربته عندهم).
4/هل تنصحيني اني اروح له وأولد عندهم بما أنك مجربتة .
وبسسسس .... شكلي طولت عليكم بس مالي غيركم والله:20:.

يا حبيلكم يا حريم القصيم:9:

 

[دمعه بلمعه]

ليش ماتروحين الي الحبيب افضل
الله يرزقني الحمل عشان اقولك ايهم افضل

 

[الاميرة الناعسة]

السلام
كثير من زميلاتي بالعمل يولدون عنده
ويمدحونه بس انا ماجربته

 

[لغتي هي عيوني]

ليش ماتروحين الي الحبيب افضل
الله يرزقني الحمل عشان اقولك ايهم افضل

مشكوورة يا قلبي على الرد ...:32:

والله ودي اولد في مستشفى الحبيب حتى قريب لم بيتي ... لكن فيه وحده أعرفها من قريباتي ما تمدح معاملتهم مع المرضى ... واهم شيء انا عندي المعامله ,, تدرين كيف النفسيه تكون في وقت الطلق مو فاظيفة تجي وحده تصرخ في وجهي وتكمل الناقص:30:

 

[لغتي هي عيوني]

السلام
كثير من زميلاتي بالعمل يولدون عنده
ويمدحونه بس انا ماجربته

هلا يا قلبي مشكورة على الرد .. :32:

لكن كيف يمدحونه من أي ناحيه ؟؟ ودي اعرف عن الخياطه التجميليه ومعاملتهم **

 

[كنوزالارض]

حتى انا ابي اعرف

 

[مخفيه غلاه]

هلا خيتو ......بنت أختي ولدة فيه ...والمره الثانيه بالحبيب
تقوووووول الوفاء أحلى ولا الفرق......
الحبيب بس سمعه...يعني قولة ولدت بالحبيب...
أنا حامل وكنت مخططه عليه...بس كثير سبوه ومدحوا لي الفريح 2من خواتي يولدن فيه...و3من قريباتي..
وحتى الوفاء بس بالنسبه لي.....بعيد..وإلا كان ولدت فيه....
الله يعيننا وياك وييسر أمورك وأمور جميع الكرووووش...ويرزقنا الذريه المعافيه الصالحه....
((كثرت قرق...أتمنى أفدتك))

 

[لغتي هي عيوني]

هلا خيتو ......بنت أختي ولدة فيه ...والمره الثانيه بالحبيب
تقوووووول الوفاء أحلى ولا الفرق......
الحبيب بس سمعه...يعني قولة ولدت بالحبيب...
أنا حامل وكنت مخططه عليه...بس كثير سبوه ومدحوا لي الفريح 2من خواتي يولدن فيه...و3من قريباتي..
وحتى الوفاء بس بالنسبه لي.....بعيد..وإلا كان ولدت فيه....
الله يعيننا وياك وييسر أمورك وأمور جميع الكرووووش...ويرزقنا الذريه المعافيه الصالحه....
((كثرت قرق...أتمنى أفدتك))

مشكوورة يا عمري على الرد اللي يبرد القلب :32:...

لا والله ما كثرتي قرق ولا حاجة كل كلامك عسل بصراحه افدتينا ...

صح انه بعيد عنا لكن ايش نسوي نبي شي ندخله ونكون واثقين بأذن الله من كل النواحي :22:.

لكن ما وضحتي يا قلبي الفريح أحسن من الوفاء ؟؟؟؟

 

[لغتي هي عيوني]

لا إله إلا الله ....

 

[انسانه بسيطه]

السلام عليكم ....
وعليكم السلام والرحمه ,,,,,
كيفكم إن شاء الله بخير كلكم :32:...

ماراح أطول عليكم .. لكن حبيت أستفسر عن مستشفى الــــــــوفــــاء

اللي في محافظة عنيزة ...

1/هل هو مستشفى نظيف ومعاملتهم كويسة :22:.روووعه على كلام اختي له .
2/هل خياطتهم زيييييييييييينه ولا يعني :23:. اختي وخالاتي يمدوحونها ,,,,,,
3/هل عندهم الأبره اللي تاخذها الحامل عند العامود الفقري
علشان ما تحس في أي أوجاع الولادة (أبغى وحده مجربته عندهم).والله ختي ما اخذتها والسبب خوافه بس اكيد عندهم ,,
4/هل تنصحيني اني اروح له وأولد عندهم بما أنك مجربتة . روحي وانتي مغمضه اختي تقول جربت ولادتها الاولى بحكومي بمستشفى سعود وحرمت تدخله مره ثانيه
وبسسسس .... شكلي طولت عليكم بس مالي غيركم والله:20:.

يا حبيلكم يا حريم القصيم:9:

ياريحة خوالي كل خوالي هناك وقرايبنا :31:

 

[لغتي هي عيوني]

هلا انسانه بسيطة ...

الله يقطع إبليسك حسبتك جاوبتي على موضوعي أثريك حنيتي لأهل القصيم ...

ههههههههههههههههههههههههه

 

[لغتي هي عيوني]

الله يخليكم اللي تعرف عن المستشفى لا تبخل علي ؟؟؟

والله خاااااااااااااااااااااايفه من الولادة وخايفه بعد من المستشفى ما أعرف عنه شيء ...

الله يوفقكم طمنوني اي مستشفى أروح له .

 

[ضبيى]

الوفاء نصابييين يقولون عمليه وانت تقدرين طبيعي الحبيب دائما اذ عجزو عنك ودوك للولاده المستشفي الحكومي الفريح وسخ وسخ وسخ مالك الا الحكومي

 

[فلتبدأ الحياة]

أهلآ بأهل القصيم كلهم..:32::32:

شوفي حبيبتي أنا مثلك محتاره لكن مو بالوفاء لأني أساسآ مافكرت فيه الإسبوع اللي فات وحده تقولي معاناتها معهم:30:

بدي بالحبيب لأنه مستشفى راقي وخدمات متكامله لكن الأساس الولاده والخياطه وهو الأهم.. عندهم دمار..

وحده ولدت فيه طبيعي بعد أسبوع إنتفخ بطنها وحست بآلام يوم راحت مسشفى ثاني وأخذت إشاعه قالت لها مخيطه بدون مانظفو رحمك..راحت فيها..وغير كذا إذاجتك الولاده ماتطلبين الدكتوره اللي ببالك..كذا سمعت

والفريح فيه دكتوره نوال مررررررررررره ممتازه وخيوطها وشغلها عدل عن تجربة الكثير من قريباتي..لكن العيب فيه مثل ماقالت الأخت وبنايته قديمه يعني مايواجه..ساعات أقول أهم شي الدكتوره مضمونه وساعات أقول أبي شي يبيض الوجه عند الناس :31:..محتاااااااااااااره..

شكلي أباخذ الدكتوره حنان من الفريح وأحطها بالحبيب’’ أميره على قولة زوجي:10:

لي قريبه إحتمال تولد بمستشفى القصيم الوطني لنفس أسبابي تقول لعله يجمع بين الإثنين..قلت ماعليه أخلي التجربه فيك..لأنها مو بكريه:31:
إذا تبين أقولك عن تجربتها بعد ماتولد..
شكلي طولتها جبت السيره كلها ..تحيــــــــــــــــاتي