يا حبيباتي أبغى رسالة مدح و عتاب لزوجي بدون كبرياء

[أرجوانة الزهر]

يا حبيباتي أبغى رسالة مدح و عتاب لزوجي بدون كبرياء بأكتبه له و أحطها في المحفظه , لأنه زعلان وهو اللي مزعل نفسه أنا ما زعلته ما يكلمني :: شخصيته جنوبي كيف أراضيه و أعاتبه إدا زعل : و أنا شرقية : مع إنه يزعل على أشياء تافهه ما أقول إلا الله يعينني عليه ,, السبب هده المره :: إننا نبي نركب دولاب المطبخ و الحال شوي تعبان لأننا ناقلين بيت جديد لي ست شهور بدون دولاب مطبخ و الحمد لله ,, المهم قال لي كم في حسابك قلت أربعين ريال ,, وفيه ألف حق أخواتي محولينه لي قالوا لا تصرفينه إدا بغيناه حوليه لنا , وأنا ما قلت لزوجي عنه , المهم حول فلوس من حسابه لحسابي لأن بطاقته منتهيه ,,ويوم راح يصرف من بطاقتي لقى الألف و قال بأصرفها و أرجعها السبت قلت هده لأخواتي ما أقدر أصرفها و قال لين يوم السبت قلت ما أقدر المهم بعد حوار بسيط قلت أكيد تبي ترجعها السبت ,قام زعل طبعا هو كان برا البيت يكلمني من الجوال قفل في وجهي و جاء للبيت هو زعلان مو راضي يكلمني ,,,و بصراحه مشكلته مشكله إدا زعل يجلس كدا يوم ما يكلمني و لا كلمه و لا يبغاني أكلمه و الله مشكله و أنا أعاني من هالشيء لأنه تكرر كدا مره نفسي يزعل شوي و بعدها يرضى لا هدا يزعل على شيء تافه و يجلس زعلان كدا يوم مره زعل على شيئ تافه و جلس 5 أيام ما يكلمني و كنت حامل لكني أجهضت بعدين و الحمد لله الله يعوضني و المشكله أنا وهو في مدينه ما نعرف فيها أحد و لا عندنا أطفال ساعدوني أيش أسوي الله المستعان