عيون بو سلطان
New member
- إنضم
- 2007/04/22
- المشاركات
- 226
أدري إن أصعب شي على الزوجه خيانة زوجها
وكلنا نحتاج للاستشارة وتفريغ همومنا
وكلنا نحتاج للاستشارة وتفريغ همومنا
بس في باب مستحيل ينصك....... باب دايما مفتوح........ بدون مواعيد....... بدون اشتراكات........ بدون رسميات........ بدون تكاليف!!!!!!!!! باب الدعاء..............
صدقوني اللي تلجأ لله بكل صدق وانكسار راح تلقى كل مشاكلها انحلت وكل أمورها تيسرت
جربتوا قيام الليل؟؟ كم ليله؟؟ ليله؟؟ ليلتين؟؟ ولا مداومين عليها كل ليله؟؟
سهام الليل لا تخطئ والدعاء في هالوقت مستجاب مستجاب مستجاب ولو بعد حين
سهام الليل لا تخطئ والدعاء في هالوقت مستجاب مستجاب مستجاب ولو بعد حين
جربتوا قرآءة سورة البقرة؟؟ يوميا؟؟ ولا يوم هيه ويوم لا؟؟ ولا حسب المزاج؟؟
يا ناااااااااااااس هالسورة عجيييييييييييبه وفيها حل لكل شي....... كل شي بدون أي استثناء
يا ناااااااااااااس هالسورة عجيييييييييييبه وفيها حل لكل شي....... كل شي بدون أي استثناء
جربتوا الصدقه بنية إن الله يهدي أزواجكم......... أكيد ماتخفى عليكم أهمية الصدقة وفوايدها
تصدقوا لو بدرهم يوميا.........
تصدقوا لو بدرهم يوميا.........
تذكروا دايما وخلوا هالشي في بالكم............ بدون رب العالمين مستحيييييييييل مستحيل مستحيل ومن سابع المستحيلات تنحل مشاكلكم........... "إنما أمره إذا أراد شيئا أن يقول له كن فيكون"
الله سبحانه وتعالى اللي خلق ريلج وجعلج من نصيبه بقدرته وحده،، قادر إنه يهديه ويرده لج........ كيف ماتلجائين له؟؟؟؟؟؟
اللجوء لله مايكون يوم هيه ويوم لا......... ولا وقت ماحسيتي بضيق بس.......... اللجوء لله يكون في كل وقت....... "اذكر الله يذكرك"
أنا عانيت مثلكم ومجربه إحساسكم........... بس والله إن حالتي تغيرت واااااااااااااااااااايد للأحسن بعد لجوئي لله وماتتخيلون الراحه النفسيه اللي أحسها وأعيشها كل يوم وهذا طبعا كله بفضل من الله
ماقول إن مشكلتي انحلت 100%......... كل شي يباله وقت ومع المثابره والصبر كل شي بينحل بإذن الله
وغير جيه........ يلست وايد افكر بيني وبين نفسي........ ليش ريلي سوا جيه؟؟؟؟؟؟ هل العيب فيني؟؟؟ هل هو متعود على هالشي؟؟؟؟؟؟ ولا شو السالفه؟؟؟؟؟
يوم يلست افكر في حياتي ويا ريلي من أول ماخطبني لين الحين........ اكتشفت إني مقصره وياه في أشياء وايد....... يمكن تكون أشياء بسيطه وماتعطيه مبرر إنه يخوني ويحل ماحرم الله......... بس أنا بدون ما أحس كنت السبب
عمري ماقصرت في لبسي وكشختي وشكلي وأحاول اريحه جنسيا بكل الطرق....... بس هالشي عمره ماكان كفايه........ كان لازم من البدايه افهم ريلي عدل وأحس بعيوبي ومب بس اطالع عيوبه........ مستحيل أكون خاليه من السلبيات......... وهو مب ملزوم يتحمل مزاجيتي ولا عصبيتي ولا غيره من عيوبي
مثل ما أنا اباه يتغير عشان أكون راضيه عنه لازم اغير نفسي عشان هو بعد يكون راضي عني ومايفكر في غيري.......... الرياييل ماينلامون في كل شي........ كل وحده لازم تراجع نفسها قبل فوات الأوان
الحمد لله بالنسبه لي مافات الأوان وعندي ثقه كبيره بالله ثم بنفسي إن ريلي بيردلي شرات قبل وأحسن....... الحمد لله حياتي وياه مستقره بنسبة 95% وأنا وايد سعيده وياه
أهم شي نعمر حياتنا بالطاعات عشان الشيطان يبتعد عنها وعنا........ يا ناس الوساوس والشكوك تخلي الوحده ماتقدر تفكر بالحل حتى لو كان جدامها
قريتوا قصص الأستاذة ناعمه ويا الحريم اللي ساعدتهم ومشاكلهم ماكانت بسيطه ولا هينه بس قدروا آخر شي يردون أزواجهم لهم......... وفي أغلب القصص كان العيب والغلط من الزوجه
لازم الوحده منا تفكر في حياتها من كل الجوانب وتاخذ بالأسباب....... أنا هنيه مب يالسه اعطيكم استشارة لأني مب أهل لهالشي........ بس متأكدة إن اللجوء لله وحده قبل أي شي حل لكل المشاكل اللي تواجهنا في الحياة........ عشان جيه انصحكم بالهشي....... بعدين الأخذ بالأسباب....... وتذكروا "إن الله لا يغير ما بقوم حتى يغيروا ما بأنفسهم"......... لازم الوحده تغير من نفسها عشان حياتها تتغير وتغير ريلها بعد
وايد قريت عن حريم بعد ماغيروا من نفسهم تغيروا أزواجهم بدون مايحاولون تغييرهم
بعد اللجوء لله........ اشكر الأستاذة ناعمة على الدورات اللي تقدمها........ الله يجزاها كل خير........ بصراحه استفدت منها وااااااااايد وبشكل ماكنت اتوقعه........ فتحت عيوني على أشياء وايد........ اشكرها من صميم قلبي......... من لا يشكر الناس لا يشكر الله
رغم التحسن اللي صار في حياتي ولله الحمد بعدني محتاجه اتعلم زياده ولين الحين مصره إني اشوف الأستاذه أول مايفتحون المركز........ بس كل هذا مابيخليني انسى أهم شي........ اللجوء لله قبل أي شي
واسمحولي إذا طولت عليكم بس "إن الذكرى تنفع المؤمنين"
دمتم في حفظ الله
