يا بنات جدة الله يوفقكم دلوني على .......

[حبة شوكولاتة]

السلام عليكم الله يسعدكم يا بنات ابغى ابدا اقضي اشياء العيد ان شاء الله من الان يعني في الاجازة لاني مرررررررة ما اطيق الاسواق في رمضان وابغى اخذ لبناتي ( سنتين و اربع ونص ) من الهرم او شبرا لاني ما اقدر الف في الاسواق لصعوبة الموااااااصلات وقالو اسعارها مناسبة

المهم سؤالي انا ما بيوديني ابوهم غير واحد بس وقال ابدااا مش الاثنين فإلي تعرف مين فيه احلى

الهرم ولا شبرا​

الله يسعدها لا تقصر والي تعرف مكان غيرهم واسعاره بالكثير 55 ريال للطقم الله يسعدها تدلني يمكن تقولوا السعر مرة قليل بس والله هذه ميزانيتي

وتسلمو مقدما

 

[اعز انسانه]

الهرم او السعر المنافس مررررررررررره حلو فيه كل شئ 00وروحي الضهر مايكون زحمة بس باليل زحمة0000​

 

[حبة شوكولاتة]

تسلمي يا ( اعز انسانة )ما تقصري بس انا ان شاء الله بحاول اروح بعد العصر مباشرة لان الي عندي ما بيوديني الظهر لو اطق

 

[حياة الروووح]

الله يعينكعندك الهرم احلى ممكن .. بس تبع الاولاد .. ماعرف عن حق البنات وانشا ءالله تلاقي الي يعجبك ..

 

[اولادي كل حياتي]

عندك اس مارت اللي هو شبرا سابقا في شارع الامير سلطان عنده اشياء حلوة بس وبجانبه رد تاغ عنده تخفيضات
والهرم كمان يقولوا حلو لي زمان عنه عشان كده

 

[اولادي كل حياتي]

نسيت اقولك الزمي الاستغفار وتصدقي كل فترة لو بشي يسير وربي يرزقك ان شاالله وتشتري لبناتك من اغلى الملابس