يايمه

[دمعة بلا دمعة]

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟
يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..
يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريلولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا
يــمــه
يالله خلاص لاتمزحي
يالله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...
يمـــــــه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..
أو اقولك ..
خلاص خلاص ..
انا بجيك بكرى ..
اذا راحوا من هنا الناس ..

تكفين يمه بكرى اصحي ..
تكفين يمه بكرى ارجعي ..



...

​

 

[عبيرالشوق]

الله يرحم اموات المسلمين ويرحمنا

 

[ليلكيه]

يااااااااااااااااه

كلمااااات راااائعة....حد الوجع

مااقسى اليتم...لا ولن يعرف معناه الا من عااااشه

شكرا للصدق الذي يتوهج بين حروفك

 

[قهوة بالبندق]

كلام يوجع القلب وبقوة

شوية وببكي مع كلامك الرقيق

تسلمي عالكلام الحلو

 

[دمعة بلا دمعة]

يازين الزين ع اللي يمر ويرد ربي يخليكم

 

[دمعة بلا دمعة]

أشكر الجميييييييييييييييييييييييييييييييييييع ع المرور

 

[ليلكيه]

ينقل الى قسم الشعر

 

[بلوط]

كلمات جدا رائعه ومؤثره
الله يجبر على قلوب المسلمين ويصبرهم على فقدان الأ عزاء على قلوبهم
سلمت يمناك اختي

 

[دمعة بلا دمعة]

كلمات جدا رائعه ومؤثره
الله يجبر على قلوب المسلمين ويصبرهم على فقدان الأ عزاء على قلوبهم
سلمت يمناك اختي

أشكرك ع المرور يالغالية

 

[روق]

الله يرحم امي

والله انزلت دمعتي

 

[الكادي الرويلي]

صح لسااااااااااااااااااااانك كلمات تعور القلب

 

[دمعة بلا دمعة]

شكر لك عالمرور