يالي تبين زوجك يحبك ويموت فيكي تعالي وشوفي

[ام زياد الحربي]

أكيد كل المتزوجات ذالحين (متوجدات) هنا؟؟

طبيعي.. كلنا نبي أزوجنا يموتون فينا .. وأنا أول وحده أتمنى هالشئ ؟؟

قرأت هذا العنوان بأحدى المواقع النسائيه.. ولمن دخلت لقيت المسألة خلطه يدهن بها الجسم.. تبيض مدري تعطر؟؟

فحمدت الله على العافيه...وأسيت حقيقه لعقولنا التافهه.. وكأن الحب والعشق مايركب إلا على الجلد الأبيض والناعم ..؟؟؟


خلوني بنات قبل كل شئ أقول لكم هالتناقض...؟
وربي أعرف رجال.. زوجته أقل من العاديه.. وسمراء.. وشعرها (عراده).. ومافيها أي مسحة جمال.. حتى أخلاقها ودينها عاديه مره.. وربي سبحانه عطاها على قد نيتها زوج.. زوج.. والله لو تطلب القمر مايقصر يحطه قدام عيونها؟؟
والعجيب ان زوجها عكسها تماماً.. والكل يشهد بأخلاقه وجماله الباهر (سبحان الله)..
ووحده.. عكس هالوحده.. جمال.. وماشاء الله جسم وصفاء.. الصراحه.. استحي أجلس بجنبها ماشاء الله.. والله إذا شفت يدي جنب يدها تقل يدي يد شغاله (حبشيه) .. وكمان أخلاق ودين.. ياعمري.. ربي مرزقها زوج.. موريها نجوم الظهر..؟
طيب الحين ياعمري.. وش استفادت من هالبياض وهالجمال؟؟؟
وش نفعتها هالخلطات وهاللدنيا...؟؟

(معليش بنات أبي ابرد حرتي فيكم.. وفي اي وحده تقيس الحب على الجمال فقط)؟؟

صدقوني.. الزواج توفيق من رب العالمين.. مشكلتنا لمن نشوف وحده تهبل.. على طول تلاقوننا نقول (يا سعد اللي بياخذها)....!! ياعمري عليها صكيناها بعين من ذالحين وهي توها ماتهنت الله يخلف عليها؟؟
عشان كذا الله العالم أغلب الحلوات حضهن ردي من عيون ذالناس؟؟؟


خلوني أعلمك في سر خطيييييييييير يخلي الزوج يموت في زوجته.. إلا ينهبل بأمر الله..؟
وكل وحده منكم تعاني من توتر العلاقه بينها وبين زوجها (تسوي هالطريقه) وترى تنفع ايضاً مع اي شخص (لغير المتزوجات

)؟؟

هذي وحده من الداعيات تروي هالقصة تقول:
أتصلت فيني حرمه عمرها تقريباً في بداية الأربعين منهاره تماماً .. تبكي..وتشتكي.. تقول زوجي له سنتين متغير علي.. مايواطني في عيشة ربي.. يدخل البيت وينافخ
ويطلع معصب.. مانشوفه إلا وهو ينافخ ويصارخ تعبت معاه.. ماخليت طريقه إلا سويتها.. ولا حل إلا وقمت فيه.. تزينت.. غيرت شكلي.. وطريقة أسلوبي
عطيته هدايا.. صرت مثل الأمة عنده.. مانفع.. احس اني باختنق شسوي تكفين مع هالزوج ساعديني أطلب الطلاق؟؟.. زوجي مسحور ولا منظول.. ولا بوه جنيه.. ما ادري شفيه
وهي ياعمري تصيح ماعاد تعرف وش تسوي...!

تقول الداعيه الله يجزاها خير:
بعد ما خلصت.. قلت لها.. انتِ متأكده أن كل شئ سويتيه...؟؟؟
قالت أيه وربي ماخليت شئ إلا سويته؟؟

قالت كل شئ؟؟
قالت إييييييييييييه؟؟


قالت زين... انا ماراح اوصفلك طريقه للتجميل ولا اي شئ..
أنا راح اطلب منك شئ واحد تسوينه وماراح تخسرين.. واعتبريه نهاية كل الحلول وبعدها سوي اللي تبين؟؟
بس اوعديني انك راح تطبقينه؟؟

قالت أوعدك.. حتى لو كلفني الملاااايين؟؟


قالت: قالت لا لاتتعبين روحك .. فقط عليك بالدعاء.. في ثلث الليل الأخير؟؟؟
أن ربي يسخره لك.. ويرده لك.. ويسعدك به ويسعده بك ...و...و..الخ...
كل شئ ادعي به.. أي شئ تبينه اطلبيه من المولى سبحانه وتعالى..
صدقيني.. قسم.. مايخيب رجاك...

واستمري.. والحي.. اطلبيه وانتي تبكين زي البزر اللي يتوسل لأمه عشان تعطيه
شئ في النهايه تضعف وتعطيه.. انتي صيري زي هالبزر.. وابكي .. وحاولي ليمن يعطيك ربي اللي تبين ولا تيأسي...!
واهم شئ.. ادعي وأنتي موقنه ومتأكده أن الله راح يجيب دعوتك.. لانه سبحانه يقول (أنا عند حسن ظن عبدي بي))!!

واصلي شهر كامل أو اكثر أن بغيتي.. والله يفرج كربتك يارب..؟

تقول شكرتني ودعت لي وقالت بأذن الله راح اسوي اللي طلبتيه؟؟


يا أخوات .. تقول وبعد 6 شهور بالضبط...؟؟
أتصلت علي أختكم في الله.. بتطير من الفرح وتدعي لي..

تتوقعون بنات وش قالت؟؟؟

تقول.. سويت اللي قلتيلي عليه وأستمريت عليه.. وياحلم ربي وياكثر فضله.. تقول قسم بالله أن زوجي الحين تغير..
صار يحبني زي أول وأكثر.. صار يموت فيني ولا يحب يتعداني أبد أبد..
والله ان يقول.. انا مجنون يوم كنت اخلي هالملاك بالبيت.. انا مجنون يوم كنت ارفع صوتي على هالجمال وهالرقه..
تقول والله انه يدق علي من شغله باليوم مرتين ولا ثلاث مرات عشان يقول لي (اشتقت لك)؟؟
صرت وياه بعد هالعمر كننا معاريس..؟؟
اموت فيه ويموت فيني..الله يجزاك خير .. وقامت تدعي لي ..
فقلت لها.. لا تنسين.. ترى اللي غير زوجك يشفي طفلك ويسد حاجتك.. متى مابغيتيه تلاقينه في الثلث الأخير...أة





شوفو بنات ياحلم ربي ويا عظم قدرته على كل شئ؟؟؟

وأنا الله لا يوريكم مانصدق يصير بيننا وبين رجاجيلنا شئ إلا ومقببين الدنيا ومشعلينه حرب داحس والغبراء وجالسين نبكي عن أهلينا (مانبيه طلقونا منه)؟؟خخخخ
وإذا عاد كنتم بدو(مثلي الله يستر علي) تعالو شوفو هدتنا بس تاصل لأخر الحاره وااااخزياه..وعيالكم مراجم بالحصي في كل زاويه (ههه امزح لا تصدقون عاد )

وإنختبط وننجن إذا جانا جرح في ركبنا ولا فخوذنا ونخاف ازواجنا يعافونا بعده؟؟
متى نكبر عقولنا ونفهم إنا مخلوقين لأمر اهم من كذا وأعظم (وماخلقت الجن والأنس إلا ليعبدون)
ماقال لينبسطون ويتزينون وتتفن في زينتها أنا ازين ولا فلانه؟؟

ياليتنا نكبر عقولنا.. ونكون قريبين من ربنا سبحانه في كل شئ...!

أتمنى رسالتي (الغير منمقه) وصلت لكم...

وأقول في نهاية رسالتي..

أختي ياللي متخانقه ويا زوجك.. عليك بالثلث الأخير..
أختي ياللي متخانقه ويا ام زوجك.. أو اهلك.. او رفيقتك... عليك بالثلث الأخير..
أختي ياللي ولدك تعبان ولا امك ولا جدتك... عليك بالثلث الأخير..
واختي ياللي خربان جهازها ومقطن مثلي.. علينا وياك بالثلث الأخير..

وتكفون يابنات لا تنسون في الثلث الخير وانتي رافعه يدك لربك انك تدعين لي
ان ربي يثبتني ويعوضني.. ويهدي عيلاني الله يصلحهم


وجزاكم ربي خير ياللي دخلتو موضوعي ثم طبقتوه ودعيتولي...​

 

[فديت البسمة]

الله يجزاك خير وماقصرتي جعله الله في موازين حسناتك، وفعلا والله يااختي من تجربة الدعاء في ثلث الليل الاخير له فوائد كثييييرة وكل ماتطلبين من ربي يعطيك
بس لازم ماننسى الالحااااح بالدعاء وحسن الظن بالله، والاكثار من الاستغفار.
والله يسخر لنا ولكم ويرزقنا مانتمنى يااااااارب.**

 

[اعشقك موووت]

مااااااااااااااااااااااااااشاء الله
كلام في قمة الرووووووووووووووووووووووووووووووووووعة
الله يحقق لك امانيك

 

[nona sweet]

تسلمين نبهتينا عن شئ غفلنا عنه ربي يكتب لك اجر كل وحده تقوم الليل يارب

 

[صمت الاماكن]

الله يجزاك خير ويوفقك لمايحبه ويرضاه
وفعلان هذا الكلام اللي انا اصدقه
مو الخلطات والحركات ورمنسيات اللي تجملنا في عيون ازواجنا
بل القرب من الله ورضى ارب عنا هواللي يجملنا في عيون خلقه ويحببهم فينا
اخواتي كرري هذا الدعاء وبأذن الله يتحقق لك كل الي نفسك فيه(اللهم اني اسألك رضاك )

 

[قلب النرجس]

مشكورة اختي الف شكر

 

[نجوى العلي]

السلام عليكم ...طرح اكثر من رائع بارك اللله فيك وصلح من حالنا وحالك و يهدي اولادنا واولادك

 

[جروح&]

مشكووووووره وربي اسعدتيني بكلامك

 

[جنات النعيم]

كلام عين العقل روووووعه



يسلمووووووووووووووووووووو


جزاكي الله خيرا

فعلا ( الدعاء مخ العباده )

 

[أنفاس هواك]

جزاك الله خيرااا

 

[كتم المشاعر]

يسلمووو

الله يجزاك خير

 

[السيدة جكليته]

كلام صحيح 100%

 

[نبراس الهداية]

جزاءك الله خير أختي الكريمة كلامك صحيح 100% والأصح القيام بالأمرين بما يرضي الله "ولا تنسى نصيبك من الدنيا" والتوفيق على الله

 

[فرزانة]

جزاك الله كل خير اخيتى .... كلامك عين الصواب ...........

 

[عزتي فيه]

صح كلام والله الدعااااااااااء عجيييييب

الله يعطيك العافيه

 

[ربيعه]

توقيع عضوه من النتدى عجبني

ربي استودعتكـ قلبه فلا تجعل به بعدكـ سواي ربي سخره لي وصب حبي بقلبه صبا ربي اررربط
على قلبي ولين قلبه كما لينت الحديد لداؤود ربي استودعتكـ حبي بقلبه فلاتخرجه منه بقدرتكـ
بقوتكـ بعزتكـ ... ربي اجعلني بعدكـ اقرب اليه من حبل الوريد يااااااااااااااااامجيب المضطر اذا دعاكـ .



:31:

 

[سكن قلبي واتربع]

الله يوفقك ويسعدك دنيا واخره

 

[om aziz]

تسلمين يا غالية و كلامك صح 100%

 

[ام ريمار]

جزاك الله بكل كلمه قلتيها الفحسنه تقبلي شكري

 

[ريــم الدلوعة]

الله يجعله في موازين حسناتك