ياكم تمنيت السعاده بدنيآآي ~ بس السعاده تبتعد ماتبيني / قصتي

[~ آنثى]

~

السلآم عليكم ..


بنآت آنـآ مالي بالمقدمـآت ولآ المؤخرآآت ..


وبقول لكم موضوعي على طول مـآبي منكم شي إبي بس آحد يسمعني ..



بنـآت بدآيتن آنـآ يتيمه وربتني جدتي آم أبوي عشت مع جدتي في بيت عمي الكبير ..


تعرفون شلون تعيشين في بيت اربع وعشرين ساعه عباتك على رآسك ونقابك ماتطلعين إلآ لا طلعوآ العيـآل ~

ولله انهم ماقصروا علي وكانوا قدر الأمكان يحاولون يقللون دخله عشآن مايضـآيقوني عيال عمي رآيتهم بيضه واني اعزهم معزه مايعلم فيها إلآ ربي ~

حتى جدتي كانت ماتقصر بشي اي شي تشوفه على البنات تجيبه لي يعني كنت ولله معززه ..


المهم تقدم لخطبتي وآحد من عيال عمي ~ مو عيال عمي الكبير لا عمي الثاني ~

طبعـآ انا لما قالو لي ولله علبالي نكتة ان فلان خطبني انطر عمي يقول : عليج وآحد :24:

الصرآحه ماصدقت انه يخطبني يعني مو نقص فيني


لا بس ان هو حيل فري ومتحضر ودآيم سفرآت وبرى وانا بنت على قدي تربيه عجوز :23:

توقعته يخطب وحده من بنات عمي جامعيه واحلى مني بمرآآآآآآآحلللل

موموضوعنا


المهم انه خطبني وانا ماصدقت وافقت ~


ماقول لكم عن العدآئيه المفـآجئه اللي جت من بنات عمي ولله حتى مارفعوا السماعه قالو لي مبروك لا يدقون ولا يسلمون ولا إي شي


وكانت صدمه لي ليششش ياربي فجآه كرهوني وانا ولله اني احبهم حييل ربي مارزقني خوات بس هم خوآتي ~


المهم كنت احاول اتواصل معاهم بس هم ولا رد


وقلت ماعليه بيجي اللي بسعدني وينسيني اياهم


الموهم تزوجت وجاء يوم عرسسي


يابنات عمركم شفتم معرس مايستقبل ولا حتى يقول لزوجته مبروك

تخيلو زوجي اول ماطلعوا اهله على طول قام وراح غرفه النوم


وانا قاعده بمكاني من الساعه 11 ونص لين 3 الفجر وانا دمعي على عيني مصدووووووووومه

المهم بعدهـآ طلع وقال لي من غير لا يطالعني : روحي دآخل


بعد ما طلع رحت دخلت بدلت ملابسي وانا ولله عيوني مافرقتها الدمعه لين اللحين مو مستوعبه اللي صار


بعدهـآ بيومين سافرنا مكه



تخيلو عطاني كتيب وقال لي اعتمري ولا خلصتي اوقفي مني لين اجيج


حتى العمره حتى العمره ماودك تكون جنبي فيهـآ ؟؟؟؟؟؟


انا ولله طول هالأيـآم ماطلعت مني اي كلمه مصدوووووومه



أي نسيت اقول لكم الصدمه اللي اكبر صباحيه عرسي قال لي بعد مادخل الشقه : عليج الطاعه وعلي الصبرر ؟؟؟؟


صبر شنو من غاصبك انت رجال شورك بيدكككك ..


المهم قعدنا بمكه 4 ايام باليوم الاخير قعدت من بعد صلاة الفجر لين الساعه 8 الصبح بالحرم على انه اخر يوم وانا ماشبعت من مكه وكان طيراتنا الساعه 11

تخيلو يوم رجعت الفندق قام يسفل فيني ويصارخ ويصآيح ويلعني ومد ايده وعطاني كف ...


انا طبعا هني انهرت ماقدرت استحمل اكثر ليش كل هذآ انا شمسويه غلط ذنبي اني ضنيت ان حيـآتي معاك بتكون ولا بالخيـآل


المهم رجعنا لهلنا ومصخرني عندهم وصرت نكتت المجلس يقول لهم سالفتي يوم طولت طبعا ثلاث ارباع السالفه زياااادات انا قمت وتضايقت ..


تخيلو يوم صعد لي فوق يقول لي : لا يكون زعلتي


انا مارديت عليه حتى تخيلو صار لي اسبوع متزوجه ولا سمع صوووتي لاني كنت بمرحله صدمممه واقول بنفسي حلم حلم


المهم قال لي : فوق مافيك طرمه بعد



شنو فوق مافيك ليش شنو فيني نقصص انا الحمدلله وحده ماني من البنات الهايفه ولا اللي اسمع اغاني ولا اللي حتى اطالع مسلسلات وافلام ملتزمه واخاف ربي ولا حتى احف حواجبي ولا اشقرهم ولا عمري جبت بسيرت فلان وعلالالان ان قعدت بالمجللس عمره ماطلع صوتي ولبسي دايم محتشم

اقسم بالله عمر القصير ماطب جسمي ولا حتى البنطلون ~ كل هذآ اني اخاف اعصي ربي


لهدرجه تشوف هذآ عيب ؟؟؟؟؟؟؟؟؟؟


سكت ورحت غرفتي ~


كآن ودي اشكي لحد بس خايفه اتكلم وتصير مشاكل وجدتي تتعب

بروحها مريضه وفيها القلب

ومرات اقول خليني اصبر واسكت يمكن يتغير ~


قمت اقرى سورة البقرة في البيت 3 مرات والرقيه الشرعيه
حتى الماي اقرى عليه وصلت حتى الاكل لا بغيت اوديه ودي اقرى عليه


قلت يمكن عين ولا سحر


طلع لا عين ولا سحر الرجال نفسه كاااااااااااااااااارهنييييييي مايبيني من اول ما خذآني



المهم


مره عمتي ام زوجي قالت امشي معاي لبيت جارتنا قلت طيب / كنت بدق عليه واقوله


بس انشغلت ارتب البيت والبس ونسيت اكلمه


رحت مع عمتي يوم رجعت ودخلت الشقه

ولا اشوفه واقف ينطرني وعيونه تعرفون شنو حممممممممممممممممر


قلت انا ميته مييييييييييييته


قام مسكني وطقني وقال لي كلام ماينقال وتسفيل وسب وحتى يلعن امي وهي ميته < حسبي الله ونعم الوكيل



ولله ماهدني لين دخلت اخته تصيييح : خلهـآ خلهــآآ


المهم


دخلت غرفتي ابجي جان يجي عمي واخذني وداني المستشفى وجاني كسر بيدي

وداني عند بيت عمي الكبير


وهالموقف صار لي بعد زوآجي بشهر واسبوع


قعدت عند جدتي ولله انهـآ تعبت وكل تبجي وانا قلبي متقطع عليها كنت برجع بس عشـآنهــآآ ~



ماقول لكم عن الكلآم اللي كان يجيني من مرت عمي الكبير / مع ذلك سكت


قلت عماني يدورون السالفه بينهم واكيد بياخذون بحقي


بعد السالفه ب 3 اسابيع جاء عمي ابو زوجي ورجعني


حتى هو ماكلف نفسه يجي


قلت ماعليه يابنت شتسون زوجج ومالج غيره الناس ماصدقت تجزوجج تجينها مطلقه بعد


انا بعد عين جدتي وين اروح ~ ان خذوني عماني شيفكني من لسان حريمهم ~


المهم رجعت وقعت في بيتي تصدقون يومين مادخل الشقه وبعدهـآ جآء ولا حتى يكلمني ولا حتى قال شخبآرج ..


المهم


مره جاء وقعد عندي بالصاله وجتني الجرآه اني اكلمه ~


. قلت : فلان تكرهني

قعد يطالع فيني حييل قال : ماسويتي لي شي

قلت : طيب ليه هالمعامله منك ان كان ماتبيني محد جآبرك طلقني خلني اروح اترزق الله وانت تشوف لك وحده على كيفك ~ آمآ انآ عايشين ومو عايششين


المهم قعدت أبجي وانهرت




هو طلع من البيت وخلاني قاعده



انا تعبت من هالعيشه تخيلو عروس ماصار لي شهرين اتلقى طق واهانه ماعمره قال لي حتى شلونك مابيه يقول لي احبك ومن هالخرابيط ابيه بسس يكلمني يححسسني اني زوجته يحترمني على الاقل وانا ابد على طقه واهانته لي الا اني صابره وساكته واقول بكرى يتعود علي ويحبني واصبر نفسي ~



تخيلو طول هالايام كان يقط علي كلالام حتى ناسيه بعضه

منهم مره كنت قاعده على الكمبيوتر حقه اقزر وقت جان يدخل ويقول ولله وتطورت البدويه ؟؟؟؟



حتى تصدقون انه مادخل علي غير مرتين مو مريييض ولا حتى فيه عجز ابد انسان سليم ..



بنات شوروا علي شسوي انا تعبت من حالي ومن هالعيشه كرهت نفسي

هل اصبر واتلقى كل يوم اهانه

ولا ارجع بيت عمي واتعذب اكثر ؟؟

 

[سماره الحلوه]

ما اقول ليكى غير الله يكون فى عونك ... حالك مره صعب .... الجأى للرحمن الرحيم واساليه انو يقسم لك الخير حيث كان ..

 

[~ آنثى]

مشكوره اختي على ردك


ونعم بالله مالي غيره اطلبه وآرجيه

 

[جسدبلاروح]

والله حبيبتي ماادادري وش اقول بس والله على هذه العيشه ما ينصبر عليها انت استخيري واطلبي من الله الخيره وشوفي لكن طق واهانه لا والله ارجع للبيت اللي رباني والله بيعوضوك خير منه
انت ألزمي الاستغفار الف مره في اليوم وادعي اخر الليل واصبري هذا الشهر وربي والله ما يرضى بالظلم بينصرك قريب ويسعدقلبك ويفرحك ياقلبي والله
والله اني ادعي لك
الهم اني اسالك ياحي ياقيوم ان تفرح قلب اختي وتسعدها وتجعلها اجمل النساء في عين زوجها يارب
اللهم اجعلها قرة عينه يارب واجعله قرة عينها انت القادر على ذلك
اللهم سخر لها زوجها بعزتك وجلالك يااكرم الاكرمين اللهم اجعل زوجها يعشقها بكل خلية فيه يارب انك جواد كريم
اصبري ورب البيت كريم

 

[غرام البحرين]

واااي اشهالظلم الي فيه البشر
مااا ادري احس انهم مو بشر ولا عندهم احساس

الله يعينج حبيبتي
بس تصدقين احس ان تكونين عند عمومج ولا عند واحد كل يوم اهاانه وضيقه وحاله

 

[سماره الحلوه]

اللهم اني اسالك ياحي ياقيوم ان تفرح قلب اختي وتسعدها وتجعلها اجمل النساء في عين زوجها يارب
اللهم اجعلها قرة عينه يارب واجعله قرة عينها انت القادر على ذلك
اللهم سخر لها زوجها بعزتك وجلالك يااكرم الاكرمين اللهم اجعل زوجها يعشقها بكل خلية فيه يارب انك جواد كريم

امييييييييييييييييييييييييييييييييييين

 

[~ آنثى]

ولله آني أقرى ردج ودموعي تنززززل


حسبي الله ونعم الوكيل


جزآك الله خير


عسى يارب ماتذوقين حزن ولا هم يـآرب



يعني شورتج أصبر عليه بعد /يارب ألهمني الصبر يارب

 

[~ آنثى]

شكرآ كل من رد مشكورآت

 

[روقية]

حبيبتي اذا ودك ارسلتلك عالخاص ,موضوعك شدني ودي افيدك .

 

[~ آنثى]

روقيه أرسلي أبي الحل بكل الطرق اللله يوفققج دنيآ وآخره

 

[جرح الشوق]

صبرا جميل وبلله المستعان
بصراحه انتي صبرتي بما فيه الكفايه لازم تكلمي احد ف موضوعك وبعد لازم تقوي شخصيتك لا تكوني ضعيفه ترا راح يتمرد و يطاول عليك اكثر
يصراحه العيشه معه اشوفها مستحيله لكن ف النهايه يبقى الراي الاول والاخير الك
اتمنى تنحل مشكلتك قريب وتقبلي مروري

 

[وهج1]

الله يصبرك ويلين قلب زوجك ويجملك في عينه و عليك بالدعاء
بس الاهانه لاتسمحين له يهينك ابدا ​

 

[~ آنثى]

~ مشكورآت على الردود


شلون ما اخليه يهينني وهو يطق ويطلع ولا يهمه رضاي يعني ازعل اطنقر مايهمه أبد


وشخصيتي شلون اقويهـآ انا تربيت ان مارفع حسي بحس الرجال ولا عندي اخوان يعني تلاقيني كل شوي اتهاوش معاهم اعرف ارد انا ان احد غلط علي ماعرف ارد ما اقدر اتكلم بوجهه شسوي هذآ طبع

 

[~ آنثى]

ارام آختي / ارسل لك بالخاص مايوصل مدري ليه ...؟؟؟؟

 

[شامخه غصب عليك]

ياقلبي الله يعينك
بس نصيحه لاتخلينه يذلك اكثر من كذا
وليش ماحد وقفه عند حده
معليش بس هاذى مايستحي على وجهه
انصحك تستخيرين
واذا ارتحتي لطلاق
تطلبينه وترى عادي ترى ماهو عيب ولا حرام بلعكس
واهم شي راحتك والناس مو نافعينك
وانا لي تجربه شبيه بتجربتك
وتركته وطنشت الناس والحمدلله ارتحت
واذا عندك استفسار او اي شي راسليني على الخاص

 

[واثقة]

ربي يفرج لك همك..

كتبت لك رد طويل وطااار..

مختصره: قوي علاقتك بالخالق أولا..

أكثري من دعائه أن ييسر لك أمرك ويسخر لك زوجك ويصب محبتك في قلبه

أكثري من الذكر والإستغفار وستفرج عليك..

غيري شخصيتك وطوريها وحبي نفسك أكثر من أي شي ثاني..

لا تسمحين له نهاااائيا بإهانتك وخصوصا الضرب.. لأنه اذا شاف ضعفك وسكوتك بيتمادى


في كل تصرف تتصرفينه معه احتسبي الأجر من الله.. واعملي العمل لله..


ربي يعينك

 

[ام عيلها]

الله يوفقك وينور دربك ويسخرلك عباده وملائكته

 

[الراايقه]

الله يفرجه لك ياااااارب
وعليك بسلاح المؤمن الدعاااااااااااااااااااااااااااااء

 

[سوما الحلوة]

فرج الله همك واعانك اختي ..
عليك بالقرب من الله اكثر من كان مع الله.. كان الله معه ...

 

[الدنيا عكسي]

حبيبتـــــي وصـــــــابره على هالاهااااااانات ليش اهم مااااعلى الانساااااان كراااااامته

واذا ماعندك اطفاااااال لاتقعدين معه مهوووووب مغصوووووب عليك احسن لايجيك اطفااااال وتبتلشين بعمرك

والله يكتب لك اللي فيه خيــــــر وعليك بالاستغفااااار